јајце – Вистина.мк

Внимателно одберете ги јајцата пред Велигден- еве што значат ознаките на нив

Слаѓана Атанасова — Mon, 10 Apr 2023 10:14:25 +0000

Внимавајте при пазарењето на јајца, особено сега пред Велигден. Важно е да ги знаете ознаките на јајцата, а уште поважно е да купувате од проверени места. Јајце од типот А е свежо јајце, додека пак јајце од типот Б е наменето за индустриска преработка. S се мали јајца, помали од 53 грама, M се средни јајца од 53 до 63 грама, L се големи јајца од 63 до 73 грама, Xl се јајца кои се големи или се од 73 грама па нагоре. Извор: Курир.мк

Ова е најбрзиот начин да декорирате велигденски јајца: Потребни се само неколку секунди, а сите ќе се чудат како ви успеало!

Слаѓана Атанасова — Tue, 04 Apr 2023 10:17:54 +0000

Велигден се ближи, а домаќинките веќе на големо планираат како ќе изгледа во нивниот дом оваа година. Покрај богатата празнична трпеза, тука е и бојадисувањето со јајца, а дали веќе сте размислувале за техниките што ќе ги користите оваа година? Доколку не сте, ви носиме одличен совет како брзо и лесно да декорирате јајца без многу мака и труд. Имено, доколку сакате вашите јајца да бидат во пастелни бои, се препорачува да користите бели јајца. Ако не можете да најдете да купите, можете да ги избелите во вашиот дом. Доколку не ви е важно јајцата да бидат светли, тогаш можете да ги користите и оние со потемна жолта лушпа. Еве како брзо и лесно да обоите јајца и да изгледаат уникатни. Ви требаат јајца, проценете сами колку. Гответе ги како што обично правите, а потоа врз нив залепете ги формите што сте ги отсекле од изолир лента. Можете да исечете кругови, а потоа само да оставите ленти, да исечете зајачиња, што и да ви падне на ум. Откако ќе ги направите формите, јајцата ги спуштате во чашата во која сте ја измешале бојата, ги потопувате неколку минути, а потоа ги вадите кога јајцето ќе ја добие саканата боја. После тоа, кога јајцето ќе се исуши, само извадете ги лентите и јајцата се готови. Веруваме дека вие, како и сите што ќе ги видат, ќе бидете воодушевени. Погледнете ја постапката во следното видео: Извор: Курир.мк

Првото вапцано јајце има волшебна моќ- еве што да направите на Велики Четврток

Слободанка Илиева — Thu, 29 Apr 2021 11:45:04 +0000

Велики четврток е ден кога се фарбаат велигденските јајца. Сега се наоѓаме во средината на Страдалната седмица, седмица која е полна со важни настани за спасението на човекот. Главен обичај што се изведува на овој ден и со посебно внимание е вапцувањето на велигденските јајца. Според обичајот најпрвин се вапцувале три јајца, а потоа и другите. Се верува дека првото јајце било наменето на Господ и се викало Господово јајце, второто на домаќинот – главата на семејството, а третото на стоката и бериќетот. Особено повеќе обичаи и верувања се поврзани со јајцето првак за кое се верува дека има волшебна моќ. Тоа подоцна стои пред иконата, со него се враќа облак, се лекуваат болести кај луѓето и стоката, тоа заштитува од пожар, гром и слично. Јајцата ги вапцува домаќинката рано наутро пред да изгрее сонцето, зашто се верувало дека ако тоа се направело подоцна јајцата ќе се засмрдат. Вапцани пред да ги види сонцето, овие јајца, особено првакот, не се расипуваат и по неколку години. Кога ги вапцува јајцата домаќинката мора да има нешто јадено или да има каснато барем еден залак леб, зашто ако тоа го прави на гладно срце, јајцето може да ја разбие, да се разболи или да е несреќна, а и таа ако го разбие тоа ќе ја загуби магиската моќ. Насекаде во Македонија, на Велики четврток, рано пред изгрејсонце, првото јајце се става во сито и се обесува на дирекот од куќата или на друго место спроти сонце за да го видат првите сончеви зраци. Во некои краишта во ситото ставаат едно во други две или три јајца. Исто така, во некои краишта во ситото ставале и жито, некаде и срп за богат бериќет или сукало. Ситото било покривано со црвен машки појас или со друга ткаенина но секогаш со црвена боја. По вапсувањето на јајцата, но пак рано пред изгрејсонце, домаќинката го земала јајцето првак и на децата, уште додека биле во постела, им минувала три пати по лицето зборувајќи: „Црвено, бело, дебело“ или: „Црвено бело здраво и живо“, што значи да се дебели како јајцето, но и црвени во образите, што е ознака за здравје и напредок. извор:курир.мк

Првото велигденско јајце е најважно, ова треба да го направите со првото јајце од лани

Христина Ѓоргиевска — Wed, 15 Apr 2020 12:45:45 +0000

На Велики четврток се фарбаат велигденските јајца, а главното прашање кое се поставува е што се прави со првото јајце од минатата година кое домаќинките го чуваат. Првото јајце се чува додека не се офарба ново прво јајце, а тоа важи за чувар на куќата. Старото јајце се фрла во река за да го однесе сето зло од дома. Ако нема река во близина се фрла што подалеку од домот. Обичајот е на утрешниот ден да се офарбаат барем три црвени јајца, а првото да го оставите на некое место во домот каде ќе остане до следната година. извор: Курир.мк

Одличен рецепт за појадок: Јајце во лиснато тесто

Слободанка Илиева — Fri, 27 Mar 2020 12:30:33 +0000

Доколку сакате брз, едноставен и вкусен појадок ви предлагаме да си го подготвите овој рецепт. Сигурни сме дека ќе ви се допадне!

Потребни состојки:
Една кора готово лиснато тесто
1 изматено јајце + 1 неразматено за во тестото
сусам
сол Начин на подготовка: Земете една коричка лиснато тесто, ставете ја на работната површина, па отесечете круг со модла или чаша. Постапката повторете ја и со останатите кори доколку подготвувате појадок за повеќе личности. Премачкајте ги корите со разматено јајце и наросете ги со сусам, па наредете ги во плех обложен со хартија за печење. Круговите пред печење пресечете ги на поливинки, а подгответе ги за печење и квадратите кои ви останаа од тестото. Скршете по 1 цело јајце во секој од празните кругови. Печете го тестото 5 минути во загреана рерна на 250 ᵒС. По желба наросете со магданос и уживајте. Половинките печено лиснато тесто може да ви послужат за макање во жолчката.

извор:кафепуза.мк

Ако ви падна лушпа во белката – извадете ја без нервоза со еден трик

Слободанка Илиева — Mon, 27 May 2019 13:00:29 +0000

Сигурно многупати досега ви се случило при кршењето на јајцето да падне мало парче лушпа која не можете да ја извадите, па ви предизвикува нервоза. Но, ништо не е нерешливо, така и ова. Ако видовте непожелно парче во белката од јајцето кое треба да го извадите, има супер трик како да не се разлее и да не бега. Се што треба е да ги намокрите прстите и полесно ќе го фатите. Пробајте и олеснете си. извор:готви.мк

За сите фанови на „Игра на тронови“: Eве како оваа година да ги декорирате јајцата како змејови

Христина Ѓоргиевска — Thu, 25 Apr 2019 10:35:26 +0000

Фановите на серијата „Игра на тронови“ тешко дека ќе можат да одолеат за Велигден на својата маса да имаат и едно змеј -јајце. За тоа ќе ви биде потребно јајце од стиропор, округли метални шпенадли, картон и лак за нокти или спреј за боја. Шпенадлите забодете ги на картонот и исфарбајте ги со боја за нокти/ спреј за боја. Кога ќе се исушат една по една забодете ги во јајцето од стиропор, почнувајќи од врвот на јајцето кон средината. За повеќе детали погледнете во видеото подолу. https://youtu.be/5S-MxT2W7hw

Со овој трик при варење нема да ви пукне јајце велигденско јајце (видео)

Слободанка Илиева — Mon, 22 Apr 2019 11:15:02 +0000

На Велики Четврток се вапцаат велигденски јајца. Се вапцаат прво црвени, па потоа јајца во други бои, а најголемиот проблем е да не испукаат јајцата. Она што можеби не сте го знаеле е дека бојата за јајца која ја купувате не мора да ја растварате во вода. Во сад ставете ја бојата и со многу малку вода една лажица до две направете смеса и валкајте ги јајцата. За оваа постапка ќе ви треба повеќе време, но бојата е силна. За да не ви пукаат јајцата ставете неколку лажици оцет. Интересно: Еве како да ги бојадисате велигденските јајца со помош на алуминиумска фолија.

Алуминиумската фолија во овој случај е преносно средство за бојата – остава по јајцето мали неправилни облици во боја. Потребни ви се: јајца, алуминиумска фолија и прехрамбена боја. НАЧИН НА ПОДГОТОВКА: Јајцата прво згответе ги. Потоа, изгужвајте, па одмотајте големо четвртасто парче алуминиумска фолија, потоа фолијата прекријте ја со боја. Поставете јајце во средина на фолијата и лесно преклопете го. Нежно притиснете, а потоа тргнете го јајцето и оставете да се исуши. Така направете и со уште некоја боја на истото јајце, ако сакате шарено. Ако претходните години се плашевте да експериментирате со велигденските фарби за јајца, оваа година дефинитивно ќе посакате да пробате нова техника. А, оваа вторава вклучува само неколку капки зејтин. На прв поглед шарите на овие јајца делуваат комплицирано, но за да го постигнете ефектот, ви треба само обична фарба за јајца и лажичка-две било какво масло. Маслото не се меша со водата, па така лесно ќе се направат „дамките.“ По желба, откако бојата ќе се исуши може да нанесете сјаен финиш со стапче за уши. Трикот и постапката се детално објаснети во видеото: https://www.youtube.com/watch?v=6FBTcwA4pRk извор:skopje24.mk