јајца – Вистина.мк

Диета со варени јајца: Две недели може да донесат видливи промени на вашата фигура

Слаѓана Атанасова — Wed, 23 Aug 2023 12:15:11 +0000

Сигурно е дека не постои човек кој барем еднаш во животот не се обидел да ја регулира исхраната и да пробал диета. Некои луѓе се упорни, па успеваат брзо да ослабат, додека некои се мачат и полека слабеат. Во продолжение ви претставуваме диета со варени јајца која им помогнала на многу луѓе, а не бара многу храна. Сепак, пред да се одлучите за овој тип на диета, како и за секоја друга, консултирајте се со вашиот лекар. Еден од најважните делови е да пиете многу вода, особено ако сакате резултати што е можно поскоро бидејќи тоа повеќе ќе му помогне на процесот на детоксикација. Оваа диета е прилично едноставна и секој може да ја проба. Ќе мора да заборавите на нездравата храна, а исто така да го ограничите внесот на шеќер и сол, како и алкохол и газирано. Ако направите се како што треба, тврдат дека можете да изгубите и до 11 килограми за само две недели. Прва недела: Кога станува збор за појадок, секој ден е исто: две варени јајца и еден лимон. Понеделник: Ручек – 2 кришки интегрален леб и малку овошје Вечера – пилешко и голема порција салата Вторник: Ручек – салата од пилешко и зелен зеленчук Вечера – 2 варени јајца, 1 салата од портокал и зеленчук Среда: Ручек – 1 домат, 1 парче леб од цело зрно и сирење со малку маснотии Вечера – пилешко и салата Четврток: Ручек – овошје Вечера – пилешко на пареа и салата Петок: Ручек – 2 варени јајца и парен зеленчук Вечера – скара или риба и салата Сабота: Ручек – овошје Вечера – зеленчук со пилешко на пареа Недела: Ручек – пилешко, салата од домати и зеленчук на пареа Вечера – парен зеленчук Втора недела Понеделник: Ручек – пилешко и салата Вечера – 2 јајца, салата и 1 портокал Вторник: Ручек – зеленчук на пареа и 2 јајца Вечера – риба или скара или салата Среда: Ручек – пилешко и салата Вечера – 2 јајца, салата и 1 портокал Четврток: Ручек – 2 јајца, зеленчук на пареа и сирење со малку маснотии Вечера – пилешко на пареа и салата Петок: Ручек – салата од туна Вечера – 2 јајца и салата Сабота: Ручек – пилешко и салата Вечера – овошје Недела: Ручек – пилешко и зеленчук на пареа Вечера – исто како и ручекот Извор: Курир

„Гладував“: Холивудскиот легендарен актер преживувал јадејќи само јајца, а денес има важна мисија (фото)

Слаѓана Атанасова — Tue, 02 May 2023 11:36:03 +0000

Според некои проценки, познатиот холивудски актер денес има 120 милиони долари, а пред половина век скоро секој ден бил гладен. Актерот Ричард Гир зад себе има одлична холивудска кариера и со години ужива импресивно богатство, почит и светска слава. Сепак, не му било секогаш лесно. Како и многу млади актери кои се обидуваат да градат кариера во една од најтешките области на забавната индустрија, Гир имал многу тешки времиња на почетокот. - Во седумдесетите години гладував како актер кој штотуку ја започнува својата кариера, само се обидував да ја успеам. Имав среќа да работам, но во тоа време актерите не заработуваа многу - се присети Ричард на своите негламурозни почетоци. Како што истакна, за да остане сит подолго за помалку пари, изел многу, многу јајца. - Јајцата беа моја храна. Одењето во ресторани не ми беше опција. Тоа беа навистина очајни времиња - изјави Ричард Гир за „Page Six“. Според него, во тие денови „никој немал пари во Њујорк“. – За жал, гладот беше нешто нормално – со тага истакнал актерот. Повод за ова интервју било учеството на познатиот актер во подготовката на гала вечерата „City Harvest“, чија цел е да им помогне на сиромашните да добијат храна. Фото: Принтскрин/Себастијан Ногиер/ЕПА/Профимедиа

Агнеса за Велигден ја покажа мајка си и домаќинско – инфлуенсерските вештини: Убава на мама, во вапсањето јајца нема утка, а инфлуенсерското умеење го покажа на дело во Шутка (ВИДЕО)

Антонио Димитриевски — Tue, 18 Apr 2023 08:03:51 +0000

Агнеса Органџиева важи за една од најубавите жени кај нас, меѓу познатите. Особено сега, откако на вишокот килограми им кажа збогум, а претходно преку ноќ стана позната и славна по својот „неславен развод“ со кој со денови и недели беше главна тема во чаршиските кулоари, на социјалните мрежи и на насловниците на медиумите. Покрај својата примарна професија во јавниот сектор, инфлуенсерството и стана втора неформална професија, па така нејзиниоте профили на социјалните мрежи, особено оној на Инстаграм неретко го полни и со фотографии и рекламни фотосесии на кои маркетингот на разни производи и услуги им е примарна цел. Во деновите кога „се кршеа копјата“ во нејзиниот сега веќе непостоечки брачен живот, и во своите изјави и самата тврдеше дека нејзините родители и се главно прибежиште и најголема поддршка, зашто што и да се случи, секогаш има каде да се врати. За деновите во кои го правосланите христијани го славеа големиот празник - Воскресението Христово - Велигден, Агнеса покажа три нешта: Од кого ја наследила убавината, а можеби и она што ја прави вешта домаќинка и секако инфлуенсерското умеење... И тоа сите три нешта на дело. Најпрвин русокосата споделила фотографија со нејзината мајка, за која и самата во неколку наврати истакна дека убавината ја наследила од неа, од мајка, Гордaна Органџиева, која исто наликува на негувана жена која изгледа одлично за своите години. „Моја мами“ - споделила заедно со фотографијата Агнеса, па многумина искоментираа дека во главните црти личи на неа, а некои дури и тврдеа дека таа е копија на нејзината мајка!? Како и да е, евидентно е дека „прилично генетика се пресликало кај русокоста барбика“. Она пак што не го сторила генетиката, го надополнила пластиката! Како и секоја добра домаќинка и Агнеса била вредна па велигденските денови ги збогатила со она што го налага традицијта - вапсање јајца. Дека естетиката не и недостасува покажаува самата декорација на велгденските јајца во големата овална чинија кои русокосата ги изложила, па покрај фотографијата во коментарот ја споделила и велигденската честитка: „Честит Велигден! Ви го честитам најголемиот христијански празник, и ви посакувам многу, здравје, радост, успех и слога! Од срце на сите им посакувам смирение и срцата да ви бидат исполнети само со љубов, оти нашиот бог се жртвуваше за нас заради преголемата љубов кон нас, земајќи ги врз себе нашите гревови“. Но, само ден пред големиот христијански празник, Агнеса не пропушти да ги покаже и своите инфлуенсерски вештини и умеење. Во бојадиасувањето и украсувањето на велигденските јајца кај неа нема ука, а инфлуенсерските способности ги покажа на дело... во Шутка! Имено, таа заедно со нејзиниот голем пријател Зоки - Фаци со кого во последно време се неразделни, ден пред Велигден отиде да сподели реклама во еден од мноштвото улични бутици за машка гардероба на базарот во најголемата и најпозната ромска населба во Македонија. Бесплатна шопинг тура со гратис превоз до базарот во Шуто Оризари за секој што ќе посака таму да пазари... А низ видео-најавата на оваа инфлуенсерска коњуктура ве водат вашиот домаќин Зоки - Фаци и русокосата инфлуенс-хостеса, мадам Агнеса:

View this post on Instagram

A post shared by Agnesa Ordanoska (@agnesaorgandzieva)

Фото: Инстаграм принтскрин/agnesaorgandzieva

Велигденско шаренило во домот на познатите Македонки (фото)

Слободанка Илиева — Tue, 18 Apr 2023 07:29:13 +0000

Велигден, празник кој носи многу радост, среќа и топлина во нашите домови. Велигден е најрадосниот христијански празник, па затоа декорот на домот, треба да биде весел и пролетен. Познатите Македонки се потрудија да направат вистинска празнична атмосфера, внесувајќи весели бои, слатки велигденски украси и пролетна свежина во домот. Зајачиња, лалиња, пиленца, а главното место во секој дом го имаат велигденските јајца. Секоја домаќинка по свој вкус, на децата и останатите членови во семејството ги бојадисуваат јајцата и ги украсуваат со разни декорации. Велики четвток е денот кога се вапсаат првите три јајца пред изгрејонце, а потоа и останатите. Марјана Станојковска, Тамата Родевска, Андријана Јаневска, Елена Петреска, Мелита, Кристина Димитриевска, Елена Марковска, Милена Антовска... Секоја од нив преку своите „стори“ на Инстаграм им овозможи на следбениците да ѕирнат во празничната велигденска марија во нивниот дом, а притоа и да се пофалат со јајцата и декорацијата која ја направиле. Онаа што се вложи повеќе, па дури и да сними видео од домашниот празничен анбиент беше Марјана Станојковска кај која се блескаше уште од Велики четврток.

View this post on Instagram

A post shared by MARJANA STANOJKOVSKA (@marjanamay)

Се’ почна со трите црвени јајца, а продолжи со уште многу во нежни пастелни нијанси, свежи лалиња, украси од зајачиња, велигденски колачиња...

View this post on Instagram

A post shared by MARJANA STANOJKOVSKA (@marjanamay)

Пред да замине за Лондон, и пејачката Тамара Тодевска се потруди да ја испочитува традицијата и тоа да го покаже јавно. Кај Андријана Јаневска овој велигден сe’ е во знакот на диносаурусите, веројатно според желбата на нејзините синчиња. Елена Петреска се облучила за јајца без многу боја, но со акцент за украсувањето. Мелита пак, во свој стил сакаше нејзината велигденска трпеза да блеска, па своите јајца ги декорираше со разни светки и циркони. Водителките Милена Антовска Станковска и Елена Марковска се решиле за шаренило кое сигурно придонесе за дополнителна позитивна енергија од моментот за чукањето. Шаренило од велигденски јајца на трпезата имаше и кај мисицата и пејачка Кристина Димитри. Велигденските празници нека го исполнат секој дом со мир, радост, љубов, здравје и бериќет! фото:Инстаграм принтскрин

И познатите Македонки ја испочитуваа традицијата и уште рано наутро вапцаа три црвени јајца (ФОТО)

Слаѓана Атанасова — Thu, 13 Apr 2023 08:09:16 +0000

Црковното предание и нашата стара традиција уредиле три дена пред Велигден на Велики четврток пред изгрејсонце се вапцуваат првите три Велигденски јајца. На овој ден рано наутро пред изгрејсонце, домаќинките ги бојадисуваат првите велигденски јајца. Најпрво каснуваат малку леб, се вртат кон исток, се прекрстуваат и ги бојат првите три црвени јајца. Првото јајце, божјаче, откако ќе се бојадиса се остава да го „фатат“ првите зраци од сонцето, а потоа се будат децата и со него на лицето им се прави „Црвено-бело“. Божјарчето се чува цела година, до наредниот Велики четврток, и само ова јајце не скапува! Првото вапцано јајце се нарекува уште и Господово и за него се верува дека е полно со моќ со која се лекуваат разни болести. Затоа ова утро на сите верници е резервирано за обичајот каде најпрво откако ќе се свртат кон исток да се прекрстат ќе ги бојадисаат првите велигденски јајца, а останатите ги бојадисуваат на Велика Сабота. Оваа традиција ја почитуваат сите верници, а познатите Македонки и овој пат не пропуштија уште рано наутро да обелоденат на социјалните мрежи дека навистина се вредни домаќинки. ТВ водителката и инфлуенсерка Елена Стафановска е дефинитивно една од нив. Особено сега, кога за прв пат е и жена - домаќинка, која ја почитува традицијата. Македонската поп дива Калиопи Букле не пропушта исто така да ја испочитува традицијата... И да упати предвелигденска честитка. ТВ водителката Марјана Станојковска во свој стил ги споила традицијата и естетиката, традиционалното и модерното, украсувајќи ја ова утро масата со сопствена докарица покрај трите црвено вапцани јајца. ТВ водителката Снеже Велков и онака станува рано за да вежба и да подготви некој здрав оброк , па вообичаената рутина не и дозволи да отстапи од правилата, кои овој пат ги споила со традиционалните предвелигденски адети - вапцањето на трите црвени јајца. Некогашната Пулси-квиз ТВ водителка, подоцна новинар и уредник на емиси во Образовната програма на МТВ, денес Главен уредник на Првиот програмски сервис на националната ТВ куќа - Анета Андонова е меѓуостанатото и тоа како посветена на верата, религијата и традицијата. Како оддан верник, таа разбирливо не пропушти да ја испочитува традицијата и денот - Велкики четврток за да го обави ритуалот на вапцање на трите црвени јајца кои при тоа прекрасно ги декорирала во кошничка со слама и златни чоколадни зајачања. Фото: Принтскрин Инстаграм

Внимателно изберете какво велигденско јајце ќе подарите – еве што значат боите

Слободанка Илиева — Tue, 11 Apr 2023 12:00:43 +0000

Црвеното јајце е симбол на Велигден поради новиот живот, плодноста, компарацијата со Христовото воскреснување. Некои сметаат дека црвената е вистинската велигденска боја, но не случајно јајцата за Велигден се подготвуваат во повеќе бои. Освен што се вистински подарок за очи, секоја боја поединечно е извор на среќа. Ви го претставуваме значењето на боите на велигденските јајца, кои во деновите што следуваат ќе бидат најдраг гостин во Вашите семејства: Жолта боја – светлина, радост Портокалова – трпение, моќ Зелена – храброст, големина Виолетова – надеж, спокојство Сина – здравје, ведрина Се претпоставува дека и симболите кои се појавуваат при вапсањето јајца имаат значење. Кога ќе здогледате круг, направен од малку потемна нијанса од бојата со која сте го вапцале јајцето, тоа означува огромна среќа оваа година. извор:kurir.mk

Интересна техника: Со ориз до совршени велигденски јајца

Слободанка Илиева — Tue, 11 Apr 2023 11:45:06 +0000

Офарбајте велигденски јајца со помош на ориз. Потребен ви е долг ориз кој го има по маркетите, течна боја за јајца или во гел, округол пластичен сад и ракавици. За секоја боја се користи посебен сад. Се комбинираат и по две бои. Се става во две лажици долг ориз, никако не се полни садот до врв. Се ставаат неколку капки боја врз него и се меша за да се обои оризот. Се става јајцето варено внатре, се затвара садот и убаво се протресува да се обои, но немојте да биде на сила за да не пукне јајцето. По потреба промрдајте го со раце, затоа и ви требаат ракавици. Се ладат потоа јајцата и се премачкуваат со масло за сјај. извор:курир.мк

Јајца полнети со сланина: Се јадат за 15 минути, а рецептата е стара со векови

Слаѓана Атанасова — Thu, 06 Apr 2023 11:13:32 +0000

Полнетите јајца се користеле како мезе во стариот Рим, а поради зачинетиот вкус ги нарекувале и ѓаволски. Тие биле незаменливи на секоја гозба, а подоцна се правеле експерименти со храната, па се менувале и вкусовите. Се полнат со жолчки и состојки по избор, а смесата ќе биде поубава ако на неа додадете јогурт или мајонез. Наш предлог денес се и полнети јајца украсени со сланина, кои даваат посебен шмек, а се одличен предлог за појадок после Велигден кога имате многу јајца. Состојки: 8 јајца 1/4 чаша мајонез 1/2 лажичка Дижон сенф 1/4 лажичка лук во прав 1/4 лажичка слатка пиперка 1 кисела краставица 4 парчиња сланина Подготовка: Сварете ги јајцата и извадете ја лушпата, па пресечете ги на половина и извадете ја жолчката. Изгмечете ја жолчката со вилушка, па додајте мајонез, сенф, лук во прав, сол, бибер, слатката пиперка и ситно сечканата кисела краставица. Добро измешајте, па наполнете ја белката. Украсете со ситно сечкана сланина која претходно сте ја испржиле. Извор: Курир.мк

Затоа пукаат и не се обоени: 5 грешки кои ги правите додека варите и фарбате јајца за Велигден

Слаѓана Атанасова — Fri, 31 Mar 2023 10:43:04 +0000

И покрај сиот труд и љубов што ги вложуваме во готвењето и украсувањето на велигденските јајца, често се случува да завршиме разочарани. Јајцата пукаат, бојата не е еднолична по целата површина на лушпата, слабо се фатила, ништо не изгледа како што сте замислиле… Ова се работите каде што најчесто можеме да погрешиме во чекорите. Јајцата ги ставате во зовриена вода Ако ставите ладно јајце во топла вода, речиси е сигурно дека лушпата ќе пукне и ќе имате помалку јајца отколку што сте планирале! Ако е мала пукнатина, можеби ќе можете да ја маскирате со декорацијата, но во случај на поголеми, обично треба да го фрлиме јајцето. Јајцата ги ставате во преполнето тенџере Ако има премногу јајца во тенџерето, без разлика колку вода ќе истурите, тие може да се судрат за време на готвењето и затоа лушпата ќе пукне. Користите свежи јајца Бидејќи велигденските јајца обично се тврдо варени и бојадисани, најдобро е да се користат постарите. Свежите јајца тешко се лупат по бојадисувањето, што може да биде доста напорна работа. Купете јајца најмалку една недела пред фарбањето и чувајте ги во кутија во фрижидер. Не ги миете јајцата Пред да започнете со украсување на јајцата, задолжително измијте ги со разредена течност за миење садови, избришете ги со крпа натопена во оцет или со многу малку сода бикарбона. На овој начин ќе ги отстраните сите остатоци, нечистотија, маснотии, траги од пердуви, а површината на лушпата ќе биде целосно мазна и подготвена за примање боја. Користите темни јајца Посветлите јајца полесно ја прифаќаат бојата од потемните, а ако сте купиле темни, задолжително варете ги во вода со повеќе оцет (најмалку две чаши). Извор: Курир.мк

Евтино и здраво: Намаз од сардини и варени јајца

Слободанка Илиева — Thu, 02 Feb 2023 13:08:39 +0000

Ако сакате сардини и варени јајца, ова е идеалниот намаз за вас. Состојки: 1 конзерва сардини 2 јајца 1 лажица мајонез 1 лажиче сенф малку магдонос 1/2 глава црвен кромид 1/2 сок од лимон сол по вкус бибер по вкус Подготовка: Сардините исцедете ги, но оставете малку масло, па изгмечете ги со вилушка и прелијте ги со сокот од лимон. Додадете пасирани варени јајца, па сенфот, мајонезот и ситно сечканиот кромид и магдоносот. Измешајте сè, а потоа зачинете со бибер и сол по вкус. извор:курир.мк