јаболков оцет – Вистина.мк

Јаболковиот оцет е исклучително здрав за организмот, но со овие работи мора да внимавате

Слаѓана Атанасова — Wed, 28 Dec 2022 10:55:44 +0000

Јаболковиот оцет многумина го сметаат за „лек за се“, но експертите предупредуваат дека треба да се користи со претпазливост. Некој веројатно ви предложил да се обидете да изгубите тежина со помош на јаболков оцет. Го забрзува варењето, согорува калории, а бета каротенот кој се наоѓа во јаболковиот оцет помага во разградување на масните наслаги. Бидејќи содржи калиум, се препорачува за исфрлање на водата од телото и за борба против целулитот. Исто така, јаболковиот оцет се предлага бидејќи може да помогне при покачен холестерол, покачено ниво на шеќер во крвта и како сојузник за здравјето на кардиоваскуларниот систем. Се верува дека има антибактериско и антисептично дејство, па затоа се препорачува како прва помош при грип, настинка и синузитис. Помага и при инфекции, труење со храна, изгореници… Покрај сите благодети кои се верува дека ги има врз човечкото тело, лекарите советуваат дека треба да внимавате со употребата на јаболковиот оцет. Колку јаболков оцет е дозволено на ден? Не треба да земате повеќе од три до четири лажички јаболков оцет дневно. Може да се користи во салати, јадења со зеленчук или да се пие разреден во чаша вода. Не го пијте на празен стомак Важно е да не земате јаболков оцет пред оброците бидејќи киселината може да го иритира желудникот доколку се пие на празен стомак. Пијте го во чаша вода, но само после јадење. Извор:Курир.мк

Јаболковиот оцет е мелем за убавина и здравје, еве за што можете да го користите

Слободанка Илиева — Wed, 05 Oct 2022 11:29:02 +0000

Од поздрава коса, побели заби и понежно лице ве делат само неколку капки јаболков оцет. Јаболковиот оцет со своето антисептичко дејство е одличен за миење на устата и уништување на бактериите што го предизвикуваат лош здив. Од смирување на икањето до олеснување на болката во грлото, јаболковиот оцет е вистинска алатка за олеснување на тегобите. Но, дали сте знаеле дека покрај тоа што ја забрзува циркулацијата и работи како антисептик, тој е вистински мелем за вашата убавина? Здрава коса Јаболковиот оцет е одличен за вашата коса бидејќи го спречува скалпот во прекумерно создавање на маснотии, а и одлично ги обликува вашите локни. Најдобро е малку оцет да измешате со три пати повеќе вода и да ставите неколку капки есенцијално масло од рузмарин. Нежно масирајте го коренот и потоа исплакнете. Косата ќе ви биде сјајна и ќе се ослободите од првутот. Траен маникир За манакирот да ви трае подолго прво потопете ги вашите нокти во јаболков оцет околу една минута, дозволете им да се исушат, а потоа следете ја нормалната процедура. Тој ќе ги тргне мастите од ноктите и лакот ќе може подобро да се нанесе. Тоник за лице Помешајте 2 лажици јаболков оцет со 2 чаши вода и со памукче нанесувајте на лицето. Правете го ова неколку пати во седмицата. Третман за акни Ако барате брз, евтин и ефикасен третман против акните, тогаш направете смеса од јаболков оцет, мед и пченично брашно. Нанесете на воспалената ареа и оставете да отстои во текот на ноќта. Откако ќе исплакнете утрината црвенилото ќе биде исчезнато, а отокот намален. Релаксирачка бања Додавањето на една, две капки јаболков оцет во вашата када при бањањето ќе ви помогне во отстранувањето на токсините од телото. За релаксирачкото чувство да биде уште подобро додадете неколку капки масло од лаванда. Бели заби Јаболковиот оцет со своето антисептичко дејство е одличен за миење на устата и уништување на бактериите што го предизвикуваат лош здив. Тој исто така ќе ви ги отстрани дамките од забите ако директно ги триете со него, а потоа исплакнете со вода. Побрз метаболизам Пиењето една две лажици јаболков оцет барем еднаш на ден помешан со вода ќе ви го забрза метаболизмот, ќе ги разбие маснотиите и ќе ви го намали ризикот од инфекции. извор:курир.мк

Чудесните својства на оцетот од јаболко

Горан Силјановски — Fri, 07 Dec 2018 15:00:47 +0000

Оцетот од јаболко е најпознат природен лек против одвишни килограми, го забрзува метаболизмот, а одличен е и за нега на кожата и косата. Оцетот од јаболки веќе со векови се користи во исхраната, но и во медицински цели. Го намалува покачениот крвен притисок, помага при болести на грлото, лошо варење, слаба циркулација и метаболизам, а ја чува и витата става. Неутрализира мириси Ако во вашиот дом се чувствува непријатен мирис од кој не можете да се ослободите, мало количество оцет од јаболко ставете во сад на местото каде што го чувствувате мирисот и набргу ќе уживате во пријатна арома. Убива плевел Измешајте два литри оцет од јаболко, 1/4 четвртина шоља сол и 1/2 лажичка детергент за садови. Плевелот испрскајте го со оваа мешавина која ефикасно ќе го убие. Внимавајте при тоа да не ги испрскате билките кои сакате да ги задржите. Го чисти лицето Поради своите антибактериски својства идеален е и за чистење на лицето. Може да помогне во отстранување на мозолчињата како и во рамнотежа на Пх на кожата. Во вода додајте малку оцет, натопете парче памук и избришете го лицето. Отстранува модринки На местото каде што сте се удриле или веќе се појавила модринка натапкајте со малку оцет од јаболко. Ќе делува противвоспалително и ќе ја намали дисклорацијата. Отстранува лош здив Гргорете мало количество оцет од јаболко во устата. на тој начин ќе ги убиете бактериите кои ви предизвикуваат лош здив. Косата ја прави сјајна и мека Истурете 1/3 шоља оцет од јаболко во четири шољички вода и со тоа исплакнете ја косата после шампонирањето, а потоа само со вода. Ако имате проблем со перут, два пати неделно измивајте се со оваа мешавина од оцет од јаболко и вода. Завиткајте ја косата со пешкир и оставете да стои еден час. Потоа косата измијте ја како и обично. Служи како дезодоранс Не можете да најдете поздрав дезодоранс од оцет од јаболко. Нанесете малку оцет од јаболко под пазувите и почекајте да се исуши. Отстранува непријатен мирис на нозете Избришете ги нозете со хартиено марамче натопено во оцет од јаболко. Помогнува при слабеење Оцетот од јаболко ве прави посити, а неговата киселина спречува таложење на мрсни наслаги. Помогнува при воспалување на грлото Штом ќе почувствувате болка во грлото гргорете мешавина од еднакво количество топла вода и оцет од јаболко за да на време ги запрете компликациите. Постапката повторете ја после еден час. Ги чисти синусите Отстранува и слуз која се собира во синусите и го отежнува дишењето. Неговите антибактериски својства исто така спречуваат воспалување на синусите и настинка. Испијте малку вода измешана со оцет од јаболко. Го подобрува варењето Ако ве мачи „пробавата“ истурете малку оцет од јаболко во вода или сок и испијте. Пектинот во оцетот ќе ја олесни работата на цревата.