јаболко – Вистина.мк

Не ја фрлајте лушпата од јаболкото, искористете ја на овие 4 начини

Слободанка Илиева — Wed, 22 Mar 2023 13:10:30 +0000

Ако навистина не сакате да јадете кора од јаболко или ви останала лушпа од јаболко по правењето колач, еве како можете да ја искористите. Направете желе Јаболката се богати со антиоксиданси, особено во лушпата. Всушност, речиси половина од витаминот Ц на јаболкото се наоѓа во неговата лушпа. Можете да ја добиете вашата доза на антиоксиданси за појадок со желе направен од кора или дури и чипс од кора. Исчистете ги садовите Кората од јаболкото одлично ги чисти алуминиумските садови, бидејќи содржат киселини кои ги раствораат нечистотиите. Сварете една рака лушпи од јаболка и оставете ги да се динстаат во садот што сакате да го исчистите 20-30 минути. Нечистотијата треба да исчезне. Направете чај На тој начин се добива најдоброто количество на антиоксиданси од кората на јаболкото, без шеќер. Потребни ви се грст лушпи од јаболка, три до четири чаши вода, цимет, една лажица мед и една лажица сок од лимон. Во сад ставете ги сите состојки освен медот и варете ги околу 15 минути. Процедете, додадете мед и ќе добиете совршено здрав напиток. Освежете го воздухот Јаболката и циметот се омилените мириси за домаќинство на многу луѓе. Варете ја кората од јаболкото, циметот, ѓумбирот и лимонот. Оставете го да испари додека мирисот се шири низ домот. извор:курир.мк

Пет причини зошто навистина треба да јадете по едно јаболко на ден

Слаѓана Атанасова — Mon, 09 Jan 2023 11:29:08 +0000

Веројатно го знаете познатиот израз „едно јаболко на ден го држи докторот подалеку“. Она што е сигурно е дека јаболкото е богато со витамини, антиоксиданси и влакна, кои се неопходни за доброто здравје на организмот. Јаболката се една од најздравите намирници, без разлика на видот. Со оглед на тоа дека кај нас се доста достапни, вкусни и популарни, време е да дознаеме зошто е добро да ги јадете секој ден. 1. Холестерол Јаболката содржат пектин, природно влакно кое се наоѓа во растенијата. Една неодамнешна студија откри дека ако јадете јаболка, имате поголеми шанси да го намалите холестеролот. 2. Дијабетес Јаболката имаат низок гликемиски индекс благодарение на нивната висока содржина на влакна. Ова, заедно со неговата висока содржина на флавоноиди, може да помогне да се подобри чувствителноста на инсулин, што е важно и за управување со тежината и за превенција од дијабетес. 3. Слабеење Студиите на животни покажаа дека пектинот од јаболко може да помогне во регулирањето на цревниот микробиом, што пак може да помогне да се спречи дебелината. Човечките студии исто така покажуваат ветувачки резултати, но потребни се повеќе истражувања. 4. Срцеви заболувања Јаболката се богати со полифеноли, заштитни растителни соединенија, од кои едното е флавоноид наречен кверцетин. Истражувањето во Американскиот весник за клиничка исхрана покажа дека оние со повисоки нивоа на кверцетин имаат помал ризик од неколку хронични болести, вклучувајќи срцеви заболувања, па дури и астма. 5. Здравје на коските Се смета дека внесот на овошје и зеленчук е поврзан со поголема густина на коските и подобрување на здравјето на коските. Наодите од студијата на здрави жени сугерираат дека јаболката може да го намали количеството на калциум што се губи од телото и со тоа да ја подобри јачината на коските. Дали е безбедно сите да јадат јаболка? Јаболката, заедно со овошјето вклучувајќи праски, авокадо и боровинки, содржат природни хемикалии наречени салицилати. Некои луѓе се чувствителни на овие соединенија и може да доживеат алергиска реакција, вклучувајќи осип на кожата и оток, пишува BBCgoodfood. Извор: Курир.мк

Најсочниот колач со јаболко, потсетува на кох, а има и чоколадо: Нема да му одолеете

Слободанка Илиева — Mon, 01 Feb 2021 14:20:27 +0000

Сите сакаме колачи, затоа денеска ви носиме уште еден рецепт за домашен, вкусен колач, на кој сигурно нема да му одолеете. Направете колач со јаболки, чоколадо и суво грозје. Потребни состојки: - 50гр. субо грзоје - кора од лимон - 3 јајца - 3 лажици брашно - 1 лажица гриз - 2 лажички мед - 3 лажици масло - 3 лажици шеќер Подготовка: Јаболките излупете ги и пресечете ги на парчиња. Тавата премачкајте ја со маслото и малку со мед. Парчињата распоредете ги во кружната тава со големина од 22 сантиметри. Јајцата изматете ги со шеќер и додадете брашно и гриз, суво грозје, кора од лимон и масло. Сето тоа изедначете го и истурете го врз јаболките. Печете на 200 степени околу 50мин. извор:точка.ком.мк

Овие овошја и зеленчуци содржат штетни материи — некои нивни делови не смеете да ги јадете

Слободанка Илиева — Thu, 23 Jul 2020 12:45:53 +0000

Сите знаеме колку е здраво да јадеме зеленчук и овошје затоа што изобилуваат со витамини, минерали и хранливи материи. Но, постојат некои од нив во чии делови ''се кријат'' штетни и опасни материи. Никулци на компирите Компирот потекнува од семејството Solanaceae исто како и некои отровни растенија. Токму тоа е причината поради која што некои делови од компирот не треба да ги јадете. Имено, никулците кои што се појавуваат на одредени делови од компирот содржат токсични материи - соланин. Затоа треба да бидете внимателни и задолжително да ги отстраните тие делови од компирот пред истиот да го подготвите за јадење. Исто така соланин има и во зелениот компир, па избегнувајте да јадете плодови кои што под кората имаат зеленкаста нијанса боја. Лисја од домат Европејците во текот на минатото не консумирале домат, а тој зеленчук почнале да го користат во текот на 18-ти век. Една од причините е тоа што листот на доматот содржи токсични материи како соланин и томатин. Овие опасни материи можат да предизвикаат желудочни тегоби. Семките од јаболкото Јаболкото спаѓа меѓу најдрагите овошја кои што изобилуваат со витамини и минерали, но во себе содржат и еден отровен дел - семките кои што се составен дел од јаболкото содржат амигдалин. извор:точка.ком.мк

Еве за што се корисни јаболките

Михаела Христова — Fri, 15 Nov 2019 13:00:04 +0000

Јаболкото има до 40 проценти витамин Ц и ги содржи витамините А, Е, Б1, Б2, Б6 и Бета каротен. Тоа содржи и минерали калиум, калциум, фосфор и железо. Богато е со полифеноли – растителни соединенија кои имаат силна антиоксидантна активност. Општо е познато дека барем едно јаболко дневно придонесува за општото здравје. Јаболкото обично се јаде сурово, но, исто така, и печено, варено, сушено, преработено во сок, мармалад, џем, желе и јаболков оцет. Во просек, водата сочинува 82 проценти од тежината на плодот, јаглехидратите имаат околу 12 проценти, масти и протеини заедно околу еден процент, а целулозата се наоѓа во плодот околу еден процент. Јаболкото, исто така, содржи шеќер, органски киселини, во многу мали количини сите есенцијални и неесенцијални аминокиселини, арома и бои. Јаболкото е богато со влакна и има корисен ефект врз метаболизмот, особено кога ги јадете со житни култури. Јаболките се корисни: - Против тромавост, надуеност и расипан желудник – неколку недели јадете кисело јаболко три пати на ден, јадете кисело час до два пред или по оброкот. - Против дијареа – да се јаде рендано или компот од јаболко. Особено се препорачува употребата на кисело јаболко. Ренданите јаболки не се засладуваат, и пред да ги јадете, оставете ги малку во воздухот за да се потемнат. - За подобро варење – редовно јадете печено или варено јаболко или компир од јаболка, особено во зима. Препорачливо е да се јадат две свежи јаболка по појадок и вечера. Терапијата трае пет дена. Бидејќи е сиромашно со калории (100 гр јаболко имаат околу 40 калории), тоа е исто така добар избор и за диета.

Есенско смути со тиква и јаболко

Елена Трајчева — Thu, 14 Nov 2019 13:15:02 +0000

Доколку сакате да уживате во здрава и вкусна есенска ужинка, топло ви го препорачуваме ова смути кое веруваме дека многу ќе ви се допадне. Во продолжение прочитајте го рецептот:

¼ шолја овесни снегулки ½ шолја испасирана тиква 1 средно јаболко 1 банана 1 лажиче мед ¾ шолја јогурт ½ шолја млеко ½ лажиче цимет

Доколку сакате дополнително: -екстракт од ванила -неколку коцки мраз