МИЈАТА ја побара слободата за секој од нас со – „Дај ми ДА“ (ВИДЕО)

Антонио Димитриевски — Tue, 02 Oct 2018 11:39:44 +0000

Наташа Мијат Крстевска - Мијата објави видео-приказна за нејзината песна ,,Дај ми ДА”. Оваа тема е дел од кабаре концертот „Јаболки и круши за уметнички души“, кој по Берово и Кочани патува во Ресен но и во други градови низ Македонија. Турнејата ќе ја заврши во Скопје на крајот на ноември.

Видео спотот е извадок од перформансот „Јаболки и круши за уметнички души“, а и пораката е силна: „Слободата на секој од нас” - порачува Мијата. Темата „Дај ми ДА“ е резултат на една од соработките на Мијата со Кокан Пандиловски, басист на легендарните македонски рок групи „Триангл“ и „Конкорд“, кој се потпишува како автор на музиката.

Аранжманот и продукцијата се исто така на уште еден бас гитарист, Трајко Симоновски-Таци познат од придружната група на Тоше, со кого Мијата соработуваше на голем број од песните на албумот „Небеска“, додека стиховите ги напишала самат Мијата.

„Јаболки и круши за уметнички души“ е кабаре перформанс чиј автор е Мијата, режијата е на Војо Цветановски и е дел од манифестацијата Новиот културен бран 2018. Во кабаре концептот освен Мијата учествуваат и Мето Јанакиевски и Томе Станковски како пантомимичар и физички театар, Ајхан Куртов е на пијано, а Тања Рибарска е во улога на инспициент и дизајн на звук.

Зад камерата како директор на фотографија се појавува Сенад Расимов, додека монтажата ја изработиле Тања Рибарска и Глигор Кондовски. Како изгледа видеото за „Дај ми ДА“ на Мијата, погледнете во продолжение: https://www.youtube.com/watch?time_continue=132&v=kWK-pXHbOew

јаболки и круши за уметнички души – Вистина.мк

МИЈАТА ја побара слободата за секој од нас со – „Дај ми ДА“ (ВИДЕО)