изум – Вистина.мк

Снеже Велков со предлог изум до Фондот за иновации: Ако може за тренирање магариња, може и за „дождлива ѓубретарина“? (ФОТО)

Антонио Димитриевски — Wed, 10 May 2023 08:10:47 +0000

Фондот за иновации и технолошки развој е државна институција која последниве години со власта на СДСМ/ДУИ емедиумите ја опишуваа како постојан извор на финансиски скандали и во јавноста перцепирана како извор за нелегално финансисрање на партиска пропаганда и партиски активисти. Македонската пилатес инструкторка и ТВ водителка Снеже Велков, пак јавноста ја доживува како „жена за сто работи“, која покрај здравата физичка активност и едукацијата на таа тема, со своето последно ТВ шоу „Нешто конкретно“ ги помеси границите на телевизиската перцепција за тоа како треба да изгледа една ТВ емисија. Своевидно ток шоу со неколку гости, сите познати и признати личности од различни бранши, а сите ставени во разни приватни и професионални животни ситуации, за кои секој од нив има свои размислувања и одговори. Она што споменатата институција и ТВ водителката ги спои е нејзиниот последен пост на Инстаграм приказните, каде русокосата ги потсетува оние од фондот дека на овој народ или неа лично, сеедно не и недостасуваат „луди“ идеи. До душа ниту на фондот не му фалеа „генијалци“ кои „лудите идеи“ умеат „да ги препознаат“ и дебело да ги платат, па ако до сега може да плаќаат за рецепти за пица, фризерски салони кои вршат стручна едукација, тренинзи на магариња… може и за „дождлива ѓубретарина“?! Идејата што Снеже Велков ја предлага одлично би легнала во пролетно-есенските дождливи денови, а може и на зима, кога паѓа снег, па дури и за на лето идејата „држи вода“, зашто може да држи и сенка... Имено, поклопецот на секој контејнер потпрен со чадор за да не ти накисне главата и расипе фризурата додека ја фрлаш ќесата со ѓубре! Се разбира чадорот не се отвора, туку само главата се поднаведнува под капакот кој служи како стреа... Е, сеа, за „колатералната штетата“ од вдишената смрдеа и реа... Препорака на Фондот и изумителот е од дома да си понесете штипка за носот или евентуално заштитна маска од оние што ви останале од ковид пандемијата за да ја ставите на лице, при обавувањето на „церемонијата“! Ало, Фонд за иновации, дали се слушаме? Фото: Инстаграм принтскрин/velkovsneze

Изум за време на пандемија: Заштитна маска која преведува осум јазици

Христина Ѓоргиевска — Wed, 05 Aug 2020 12:45:54 +0000

Јапонската стартап „Донат Роботикс“ измисли паметна маска за време на пандемијата на коронавирус, која помага во комуникација и при физичко дистанцирање. Паметната маска Ц-Фејс може во комбинација со апликација да препише диктат, да го зголеми волуменот на гласот на корисникот и да преведе говор на осум различни јазици. Маската има отвори на предната страна, па затоа не штити од Ковид-19, и треба да се носи преку стандардна заштитна маска. Таа е направена од пластика и силикон и има вграден микрофон, кој преку блутут може да се поврзе со смартфон. Ц-Фејс нуди можност за превод на осум јазици: кинески, корејски, виетнамски, индонезиски, англиски, шпански, француски, и обратно. извор: Курир.мк

Првиот ваков изум: Кабина за пушење која чадот го претвора во чист воздух (видео)

Слободанка Илиева — Mon, 17 Jun 2019 11:45:54 +0000

Станува збор за кабина за пушење која содржи филтери кои го претвораат чадот од цигарите во чист воздух. Ова е првиот изум кој е развиен за да го реши проблемот на пасивните пушачи кои се загрозени од чадот од цигарите. Оваа кабина е проект на компанијата Southern Globe Corporation (SGC). Се состои од трослоен систем за филтрирање кој бил развиен во Данска. Најпрво, чадот од цигарите поминува низ предфилтерот кој ги отстранува големите честички прав. Потоа HEPA филтерот ги отстранува малите честички од 0,3 микронии и третиот филтер кој функционира како маска N95 и филтер со активиран јаглен и ги отстранува миризбата и хемикалиите. Откако ќе помине чадот низ овие три филтри, ослободува 99,95 % чист воздух во околината. Во оваа кабина можат да се сместат 10 пушачи. Прототипот кој го објавија претходно беше тестиран на околу 100 пушачи дневно. https://www.youtube.com/watch?v=x0bBzRTiIPI извор:среќа.мк