Сѐ поради сиромаштијата: Зорица Брунцлик призна дека ја мразела сопствената мајка

Слаѓана Атанасова — Thu, 20 Jul 2023 06:56:40 +0000

Пејачката Зорица Брунцлик пораснала во беда и сиромаштија, а и денес се сеќава на ситуации од детството кои ја расплакуваат. „Живеевме во најголема беда бидејќи мајка ми имаше мизерна плата. Нема ништо што би сакала да се сеќавам од тој период, што не значи дека се срамам од тоа. Бев најстарата и единствената жена во семејството. Бидејќи моите родители се разделија многу рано, мајка ми живееше во Смедерево, татко ми во Белград, а јас пораснав опкружена со сиромаштија, но и со богатство. Татко ми ме земаше и ме оставаше неколку месеци кај неговото пребогато семејство, само за инает на мајка ми. Кај него живеев како бубрег во сало, носев најубава облека, ја јадев најубавата храна... По одредено време мајка ми доаѓаше да ме земе да ме врати дома, а јас тогаш најмногу ја мразев, бидејќи ме враќаше во сиромаштија“, изјави во една прилика за медиумите Зорица, која е една од пејачките со најмногу дуети зад себе. Како што истакнала, тогаш сакала мајка ѝ да ја остави кај татко и за да ужива во изобилството, а со солзи во очите се присетила кога мајка ѝ дошла да ја земе со најевтиното грозје, а Зорица, која јадела големи гроздови кај татко и, го фрлила понуденото овошје. „Не ми беше јасно зошто и требав кога имаше повеќе деца. Дури подоцна сфатив дека татко ми со тоа што ме донесе кај себе сака само да и наштети на мајка ми. Со свои очи можев да видам колку напорно се трудеше во цигланата, бидејќи и донесов појадок, кој се состоеше само од леб и шише вода. Бидејќи долго време немаше деца во семејството на татко ми, неговите родители, кои беа многу млади и инсистираа да не ги нарекувам баба и дедо, сакаа да ме посвојат, но мајка ми не им дозволи. Подоцна мајка ми се омажи по втор пат, само за да не може татко ми да дојде кога сака“, вели Зорица, која денес живее во богатство. Фото: Принтскрин/Промо/Дамир Дервишагиќ

4 бои на облека што привлекуваат изобилство во животот

Христина Ѓоргиевска — Fri, 31 Jul 2020 13:30:19 +0000

За многу растенија се верува дека привлекуваат љубов, среќа, богатство, а друг начин да привлечете богатство во вашиот живот е преку боите што ги носите. Секоја боја има своја посебна енергија и вибрации што можат да помогнат при привлекувањето разни работи, вклучително и љубов, но и пари. Какви бои треба да носите ако сакате да привлечете пари?

1. Црвена

Луѓето кои носат црвено обично го прават тоа за да се претстават како самоуверени и моќни луѓе. Оваа боја е поврзана со моќта и со привлекувањето пари во живот. Во Кина веруваат дека црвената е боја на изобилство и богатство. Тоа е причината зошто најчесто ја избираат таа боја за украсување. Ако сакате да го следите нивното верување, изберете црвена постелнина, црвени завеси или перници. Една од опциите е црвени нокти или црвен кармин.

2. Жолта

Жолтата е боја што ја буди креативноста кај луѓето. Таа носи позитивна енергија и веднаш го подобрува расположението на сите. Поради сето тоа, жолтата е боја што привлекува нови можности, а најдобриот начин да стане дел од вашиот живот е симпатичниот жолт летен фустан.

3. Портокалова

Комбинацијата на црвена и жолта боја е всушност рамнотежа помеѓу силата и добрата енергија. Оваа боја ќе ви даде самодоверба што ќе ви помогне да издржите разни предизвици, дури и оние потешките. Исто така, за портокаловата се вели дека е боја што носи просперитет во животот.

4. Златна