изневерување – Вистина.мк

Допишување, бакнеж или нешто повеќе: Што всушност е изневерување?

Слаѓана Атанасова — Mon, 25 Dec 2023 14:15:30 +0000

Неверството во врска или во брак е многу честа појава, тоа го докажуваат и многу истражувања. Но, ако побарате дефиниција што точно е неверство или прељуба, ќе добиете различни начини на дефинирање од мажите и жените. Со ова прашање се позанимава и една студија, со цел да открие кои се границите помеѓу безопасната забава и изневерувањето. Интересно е што сите имаат различна перцепција за неверството. Најважно е да се сложувате со партнерот за перцепцијата за неверство. Прељубата може да се дефинира како емоционално или сексуално неверство кон партнерот со кој сте во врска. Но, студија на Универзитетот во Мичиген побара од група студенти да оценат 27 различни однесувања со оцена од 1 до 100. Оцената 1 е за однесување што не се смета за неверство, а 100 ако во целост се смета за изневерување. Резултатите покажале дека не постои јасна дефиниција за неверство. Еве неколку облици за изневерување кои не спаѓаат во физичко неверство, а кои многумина ги сметаат за прељуба: – допирање друга личност – купување подароци, плаќање сметки или одење на вечера со некој друг – допишување во доцните часови – испраќање експлицитни пораки – состанок со бившиот – размена на телефонски броеви – флерт со некој друг – одење на состанок со некој друг освен вашиот партнер. Извор: Попара

Мажите кои изневеруваат открија: Еве како жени бираат за љубовници

Слаѓана Атанасова — Tue, 05 Dec 2023 12:46:54 +0000

Неверните мажи открија како ги избираат жените со кои имаат афери. Тој процес на избор на сопруга не е случаен, размислувале и однапред го испланирале, открило истражувањето на интернет страницата за запознавање со партнерката на Ешли Медисон. Од 1.300 испитаници, 27 отсто од мажите признале дека доколку се незадоволни од врската, би се обиделе да ја заведат својата колешка. Иако „другата жена“ често ја опишуваат како некоја мистериозна заводничка, таа всушност најчесто е некој ваш близок и сигурно сте слушнале за неа од неговите приказни. Мажите обично избираат жена што ја познаваат за афера. Еден дел од нив би сакале да запознаат некој нов и да имаат кратка сексуална средба која никако не би влијаела на нивната постоечка врска. Дури 99 отсто од мажите откриле дека или имале афера или сериозно размислуваат да започнат. Повеќето од нив изјавиле дека главниот мотив за барање љубовник е сексот кој ќе ги задоволи нивните потреби, пишува Дејли Мејл. Од друга страна, 39 отсто од жените ги изневерувале своите партнери, а 35 отсто од нив сериозно размислувале за тоа. Кога бараат партнер за афера, жените најмногу го гледаат неговиот изглед, а 43 отсто од нив откриле дека аферата е целосно физичка по природа, додека мали 5 отсто изјавиле дека ги привлекува маж со кој би можеле да имаат и интелектуалниот однос. Повеќето мажи и жени велат дека аферата била обид да се зачини нивниот љубовен живот. Извор: Попара

Шест проблеми кои ќе ја нарушат врската или бракот исто колку и изневерувањето

Слаѓана Атанасова — Tue, 17 Oct 2023 11:33:26 +0000

1. Лажење и криење работи од партнерот Дури и ако го лажете партнерот за да ги заштитите неговите чувства, криењето на проблемите може да резултира со губење на довербата. Ако криете некои детали затоа што мислите дека може да го повредат, веројатно треба да престанете со тоа однесување. Експертите советуваат да градиме односи во кои можеме да и кажеме на другата страна – сè. 2. Задржување на нежност и внимание Недостатокот на нежност ќе ја натера другата страна да се посомнева дека нешто не е во ред. Со текот на времето, овој сомнеж ќе се претвори во голем проблем кој, исто како и лажењето, доведува до недостаток на доверба. 3. Тивко негодување Криењето на вашите вистински чувства од партнерот не е добро за врската. Колку подолго го чувате незадоволството во себе, толку се поголеми шансите тоа да биде причина за вашето раскинување. 4. Одбивање на компромис Силната позиција на одредена тема може да биде знак за одлучен карактер, но проблемите настануваат кога едниот партнер одбива да ги слушне аргументите и желбите на другата страна и не сака да се согласи на компромис. Поединците кои ги прават работите исклучиво „на свој начин“ и не се подготвени на компромиси, всушност се во врска со – самите себе. 5. Зборување „од високо“ Покровителскиот тон нема место во квалитетна врска, се согласуваат експертите. Гордниот однос на едната страна покажува дека целта на поединецот е да се најде во помоќна позиција, што во никој случај не е знак за здрава заедница на еднакви партнери. Не само што ваквото однесување ја уништува самодовербата на другата страна, туку го разоткрива и чувството на инфериорност кај личноста која користи покровителски тон. 6. Останување во врска од погрешни причини Сакате да раскинете, но не се осмелувате поради тоа што ќе кажат другите? Плативте заедничко патување и не сакате да го пропуштите иако партнерот повеќе не ве сака? Дали мислите дека лошата врска е подобра од никаква врска? Без оглед на тоа кое сценарио е најблиску до вас, да останете во врска која не ви одговара не е фер кон вас или кон вашиот партнер. Извор:Попара.мк

Како да откриете дали вашиот партнер ве изневерува ?

Слаѓана Атанасова — Wed, 07 Dec 2022 14:00:52 +0000

Доколку се сомневате во верноста на својот партнер, постојат знаци кои се присутни кога вашиот партнер ве изневерува, а исто така постојат и одредени фрази кои ги употребуваат мажите кога сакаат да го сокријат неверството. Прочитајте кои се… Иако понекогаш не сакаме да веруваме во тоа, факт е дека партнерите понекогаш изневеруваат и во тој случај никако не смеете да се обвинувате себе. Сите врски имаат свои добри и не толку добри моменти, но лошите моменти никако не треба да претставуваат причина да ја изневерувате личноста која ја сакате. Доколку се сомневате во верноста на својот партнер, постојат знаци кои се присутни кога вашиот партнер ве изневерува, а исто така постојат и одредени фрази кои ги употребуваат мажите кога сакаат да го сокријат неверството.

“Ние сме само пријатели”

Доколку сте откриле дека вашиот партнер разговарал со девојка за која до сега не сте слушнале, секако дека ќе почнете да се сомневате. Ако не ви ја споменал пред сами да откриете за неа тогаш сомежот секако е оправдан. Постои голема можност таа да не му е пријателка туку љубовница.

“Почитувај ја мојата приватност и не ми го допирај телефонот”

Не сака ни да му го допрете телефонот бидејќи се плаши дека би можеле да ги видите пораките кои му ги испратила љубовницата, или пак дури и нејзини фотографии. Една работа е да се почитува приватноста, а друга е непотребна тајност и прикривање. Доколку не ви дозволува ни да го допрете неговиот телефон и постојано го држи при себе за тоа сигурно има некоја причина, а на вас е да откриете која е таа. Извор: Попара.мк

“Ме изневеруваш така?”

Мажите кои изневеруваат честопати и своите партнерки ги обвинуваат за неверство. Зошто? Бидејќи почнуваат да размислуваат на следниот начин: “Ако јас можам да ја зиневерувам, сигурно и таа го прави истото”.

“Не си доволно добра”

Одеднаш кон вас започнал да се однесува поинаку и многу работи кај вас почнуваат да му сметаат, а вие немате никаква идеја во што е проблемот? Голема е веројатноста дека вашиот партнер се гледа со друга девојка. Сам себе се обидува да се убеди дека не сте доволно добри за него за да си ја смири совеста и да пронајде оправдување за својот чин. А всушност, во реалноста вие сте и повеќе од “добра”.

“И сам можам да си ја исперам облеката”

На почетокот ова ќе ви делува како да ви помага околу домашните обврски, но постои и друга страна на приказната. понекогаш мажите го прават ова за да нивната партнерка не ги препознае “трагите” од друга жена, како на пример мирис на перфем, кармин или некој друг доказ за неговата афера.

“Ќе морам да се задржам на работа”

Одеднаш тој мора да останува подолго на работа и да се враќа дома многу касно отколку порано? Доколку е така, постои можност дека вашиот партнер не е на работа туку во прегратките на друга жена. Долгиот состанок на работа е всушност еден од најчестите изговори кои ги употребуваат мажите кога изневеруваат.

Во ново истражување 71% од луѓето тврдат дека изневерувањето им го подобрува бракот

Христина Ѓоргиевска — Wed, 03 Nov 2021 13:30:44 +0000

Аферите всушност можат да го подобрат бракот, тврдат 77% од луѓето кои учествувале во новото истражување спроведено на веб страната Illicit Encounters. Помеѓу испитаниците кои сметаат дека изневерувањето влијаело кон подобрување доминираат мажите, пренесува The Sun.

Две третини од оние кои изневеруваат велат дека имаат среќна врска и покрај тоа што "си играат", а само 33% од зафатените рекле дека се во несреќна врска. Истражувањето кое опфатило 2.000 љубовници откриле дека жените често велат дека се сѐ уште во среќен брак и покрај аферите, односно 71 % од нив во споредба со 63% од мажите. Мажите доминираат во ставот дека аферата го подобрила нивниот брак, а 81% рекле дека изневерувањето е добро за нив во однос на 72% од жените. Истражувањето исто така покажало дека и покрај тоа што признаваат дека го изневеруваат партнерот, 94% би биле бесни доколку откријат дека партнерот исто така ги изневерува. Џесика Леони, која работела на ова истражување рекла: "Не сум шокирана што среќните луѓе изневеруваат. Прељубниците не сакаат да ги напуштат своите партнери, тие сакаат само дополнително да го зачинат својот живот". извор: точка.мк

Овие хороскопски знаци најмногу изневеруваат во врската

Riste Zdravkov — Tue, 10 Aug 2021 07:59:32 +0000

Иако постојат многу причини зошто луѓето изневеруваат, малкумина можат да го оправдаат чинот. Астрологијата тврди дека sвездите влијаат врз личноста и однесувањето, а според неа, постојат четири хороскопски знаци кои се повеќе склони кон изневерување на своите партнери за разлика од другите, пишува Times of India. Овен Луѓето родени под овој знак секогаш бараат авантура и ентузијазам во се што прават, а со нив владее планетата Марс која е позната по својата агресивност и голема сексуалност. Познати се дека носат импулсивни одлуки и лесно губат внимание, поради што врската брзо им здосадува и се склони кон изневерување. Близнаци Близнаците сакаат внимание и возбуда, и тешко е да ги задржите на едно место. Познато е дека се многу неодлучни и им треба постојано внимание. Поради нивната природа, тие често изневеруваат за да го покажат своето мислење. Вага Познати се како големи љубовници и знак што симболизира рамнотежа, но понекогаш се обидуваат да го најдат во задоволство надвор од врската. Меѓутоа, тогаш се чувствуваат виновни, па го кријат од сите. Еден начин да се осигурате дека ќе ви останат лојални е да ги одржувате физички, ментално и емоционално задоволни. Стрелец Познато е дека Стрелците се прилично екстровертни по природа и најверојатно ќе ја прекинат врската ако сметаат дека им е подобро сами или со некој друг. За нив, времето посветено на врска треба да биде вредно за напорот што го вложиле. Ако се чувствуваат поинаку дури и на една минута, ќе почнат да бараат интересни, возбудливи и мистериозни можности на друго место.

Ова однесување во брак е полошо од изневерување: Ако ги правите овие работи, вие сте на половина пат до развод!

Христина Ѓоргиевска — Thu, 24 Jun 2021 12:15:27 +0000

Измама на партнер е секако најбрзиот начин што води кон раскинување или брак. Но, според неодамнешните истражувања, сè уште има многу однесувања што можат сериозно да ги загрозат и најсилните врски. Овие работи полека и незабележливо се вовлекуваат меѓу партнерите и доведуваат до конечен исход, што е раскинување или развод. Лажење или криење работи од вашиот партнер Дури и ако скриете некои работи за да ги заштитите чувствата на вашиот партнер, тоа може да предизвика големи проблеми во врската на долг рок. „Треба да бидете во можност да му кажете на вашиот партнер скоро сè, бидејќи ако правите нешто што може да го повреди, тогаш прво размислете дали можете и сакате да престанете да го правите тоа, бидејќи криењето не носи ништо добро“, вели еден од испитаниците . Скратување на наклонетост Без оглед дали поставувате значајни прашања за друга личност или помагате на друго лице да надмине одредени пречки, тоа значи да покажете искрена наклонетост. Недостатокот на таква врска доведува до заладување на врската и нејзино неизбежно пропаѓање. Тивко незадоволство Додека едниот партнер ќе се нафрли на другиот со лутина, штетата во врската е веќе направена. Ова обично значи дека едниот или обајцата партнери имаат акумулирано негативност за подолг период на тишина. Недостаток на комуникација Ова се однесува на комуницирање на важни работи, неискажување едни на други што ве мачи или молчење за деталите што можат да бидат проблем. Со текот на времето, многу од нив се акумулираат и станува тешко за одврзување на топката. Тврдоглавост Кога еден од партнерите упорно инсистира на нешто, тоа значи дека не се согласува на компромис. Луѓето кои функционираат само ако работите одат на одреден начин (според нив) во основа се поврзани со нив самите. Секој ден се „надмудрувате“ за истите работи Се разбира, дискусиите за тоа кој треба да го извади ѓубрето не звучат како проблем, но со текот на времето и со зголемениот број на обврски, ваквите дискусии се претвораат во кавги и се знае како може да завршат. Попустливост Ако постои нерамнотежа на моќта во врската, тоа е голем проблем затоа што врската каде што едниот партнер е „помоќен“ е нездрава. Попустливоста на едниот партнер кон другиот е полошо од изневерувањето затоа што таа личност ја губи самодовербата, па дури и по раскинувањето претрпува штета од таквата врска. Останување во контакт заради конвенциите Ако останете во врска за да не го разочарате вашето семејство или затоа што сте планирале големо патување за половина година, тоа е погрешна одлука. Одложувањето на неизбежното само ќе ја направи горчлива вашата врска и наместо да се разделувате како пријатели, ќе учествувате во расправија и ќе бидете многу, многу повредени. Манипулации Ова може да биде измамувачки и тешко да се препознае бидејќи манипулациите во врските обично се многу суптилни. Како и со дисбалансот на моќта во врската, на лице кое е изманипулирано и по врската им останува горчлив вкус во устата и скршено срце. Љубомора Постојаното и неразумно сомневање со текот на времето станува понеподносливо отколку вистинската измама. Лажна репрезентација на почетокот на врската Тоа е исто како да кажете дека сакате хорор филмови а да ги мразите од дното на вашата душа или да тврдите дека сакате авантура додека тајно сонувате за венчавка. Секоја мала и малку поголема лага доведува до раскинување. Останувате заедно затоа што сте станале зависни едни од други Нема повеќе хемија меѓу вас, но вие останавте заедно затоа што ниту еден од вас не сака да биде сам. извор: попара.мк

Дали ја сакаме личноста, ако се осудиме да ја изневериме?

Ивана Стојанова — Fri, 04 Jan 2019 14:30:49 +0000

Љубовта не ги опфаќа само нашите желби и потреби, таа е равенка во која заеднички се среќаваат потребите и желбите на две личности. Таа не треба да значи себичност и не треба да дозволи потпаѓање на сите искушенија, по цена да се повреди другата личност. Љубовта значи ставање на потребите и чувствата на другата личност, дури и пред нашите. Таа значи штитење на другата личност, давање поддршка, но и градење доверба со таа личност. Голем дел од луѓето кои некогаш изневериле некого ќе кажат дека изневерувањето е грешка. Сите сме живи суштества и понекогаш правиме грешки со што нанесуваме штета на луѓето кои ги сакаме. Никој од нас не е совршен. Прифаќањето на грешката значи дека треба да ја научиме лекцијата од тоа што сме го направиле, но и да и надоместиме на другата личност за направената грешка. Но, изневерувањето е повеќе од грешка. За да изневериме некоја личност не правиме само една грешка, туку низа потези. Флертуваме со таа личност, стапуваме во контакт, ја продлабочуваме комуникацијата и одиме далеку во тоа, тргнуваме на патот од кој често нема назад. Без оглед на тоа дали изневерувањето ќе се случи само еднаш или стотина пати, сепак тоа е изневерување. Тоа е себичност. На тој начин, го кршиме ветувањето дадено кон другата личност и тоа не е љубов. Секако, можете да се грижите за некоја личност и да ја изневерите. Можете да се грижите за нив и нивните чувства. Но, треба да знаете дека секогаш кога ќе изневерите некого, ја погазувате љубовта која тврдите дека ја имате кон нив, но ја погазувате и нивната љубов, нивната личност и сето вложување во таквата врска. Не им велете дека ги сакате, бидејќи често тоа не е вистина. Доколку сте ги сакале и сте се грижеле за нив, не би го направиле тоа. Со изневерувањето, вие на другата личност и покажувате дека не ја цените доволно, дека таа не е доволна, дека ви треба нешто повеќе. Без оглед на тоа колку пати сте изневериле, сте паднале во искушението да уживате без да помислите на тоа што значи таквиот чин за почитта која другата личност ја има кон вас. Вие не ја почитувате личноста, единственото нешто што го почитувате се вашите потреби. Клучната порака е дека секогаш кога ќе изневерите некоја личност, не се обидувајте да се убедите себеси ниту нив дека тие ви значат и дека ги цените. Кога би ги ценеле доволно, никогаш не би го преземале ризикот да го направите тоа што сте го направиле. Вие не ги заслужувате!

7 карактеристики на луѓето кои се склони кон изневерување

Моника Манасиевска — Fri, 09 Nov 2018 13:00:29 +0000

Дали сте склони кон неверство? Стручњаците сметаат дека постојат седум типа на карактеристики на луѓето кои се склони кон прељуба. Американскиот психијатар доктор Кенет Пол Розенберг, кој повеќе од 20 години се занимава со истражувања на човековата сексуалност и проблемите во врска, во своето истражување дефинирал какви карактеристики најчесто се поврзани со прељуба. Неговото истражување покажало дека седум типови на карактери имаат поголема веројатност дека ќе бидат поневерни од другите. Психијатарот вели дека неговите пациенти се од различни возрасти и од различни верски или општествено-економски позадини – од таканаречените милениумци, кои созреале со работи какви што претходните генерации немале прилика да запознаат, на пример онлајн порнографија, секс на прв состанок и пријателство со бенефиции, па до мажи и жени во криза на средни години. Три фактори кои влијаат на прељуба Мозокот – невролошката структура и процесите во мозокот Психологијата – умот кој сме го развиле низ формативни искуства кои формираат мислења за светот, нашето место во него и како го гледаме сопствениот сексуален живот. Културата – околината во која живееме со различни перцепции за сексот, љубовта и прељубата, кои влијаат на вашите мислења и можноста за впуштање во неверство. Истражувањето покажало дека дали ќе се впуштиме во неверство зависи од околината и психата на личноста. Најзначајниот фактор е фактот дали можеме да изневеруваме: колку е полесно, толку е поверојатно дека ќе се впуштиме во неверство, по познатата „приликата го прави човекот крадец”. Изневерувањето не е ограничено само на неморални или безкарактерни личности, смета психијатарот. Седум карактеристики на личностите кои се најсклони кон неверство Кога е во прашање психолошкиот профил на луѓето кои изневеруваат, најголемиот фактор кој ги тера на љубовни авантури е чувството дека имаат право или заслужуваат да изневеруваат. Нарцисоидни – се чувствуваат самобендисано и ги ставаат личните потреби на прво место Без емпатија – не им е грижа за чувствата на партнерот Егоманијаци – ги преценуваат своите способности, вклучително и сексуалната сила и потребна им е потврда за нивните способности како љубовници Импулсивни – донесуваат одлуки не размислувајќи за последиците Авантуристи – ги возбудува кога „ловат”. Страв од врзување – влетуваат од врска во врска за да не се врзат со некого Самодеструктивци или мазохисти – уживаат да бидат во лоши врски за да не бидат сами.

На некои изневерувањето им е во гените

Моника Манасиевска — Fri, 21 Sep 2018 13:50:18 +0000

Научниците го пронашле генот и тврдат дека личноста која го поседува овој ген има поголеми шанси да биде неверна. Овој факт се смета како одличен изговор за оние кои не им се верни на партнерите/ките, но исто така е и вистина дека некои не се во состојба да извршат неверство. Научниците испитувале 180 момчиња и девојки за нивниот став кон врските и го тестирале нивниот ген, познат како DRD4, кој влијае на нивото на хемикалиите во мозокот. Тие тврдат дека мажите и жените, со одредена варијација на овој ген, доживуваат исто чувство и возбудување кога ке го изневерат партнерот/ката, како кога на коцкарите ке им се промени лошата среќа или како кога алкохоличарот ќе се напие алкохолен пијалок. Кај една четвртина од луѓето со овој ген можноста за превара е двапати поголема. Кога изневерувале. "Дознавме дека индивидуите со одредена варијанта на генот DRD4 ги изневеруваат своите партнери, а најчесто тоа е авантура која трае само една ноќ" изјавил научникот Justin Garcia. мотивацијата за таквото однесување произлегува од системот на задоволства и награди, а сето тоа предизвикува лачење на dopamin. "Да го изневериш партнерот е голем ризик со кој доаѓа мотивација и голема награда, а сето тоа го осигурува лачењето на dopamin" изјавува Garcia. Неговите резултати покажуваат дека тие луѓе можат да бидат многу поврзани со партнерот, но на крајот сепак ќе го изневерат. Тие треба да се разликуваат од луѓето кои се само радознали, себични, неодговорни и кои несакаат обврски. Минатиот месец научниците откриле дека оваа варијанта на генот DRD4 може да направи луѓето да имаат полиберален поглед на светот. Генетската варијанта прави луѓето да бараат нешто ново и да се подложни на либералните политички ставови. На нив може повеќе да се влијае бидејќи бараат и туѓи мислења.