изненадување – Вистина.мк

„Бијело дугме“ по повод 50 годишниот јубилеј најавиja големо изненадување

Антонио Димитриевски — Tue, 02 Jan 2024 13:41:03 +0000

Бјело дугме“ за новогодишната ноќ настапиja во Херцег Нови, а Ален Исламовиќ на неговиот официјален Фејсбук профил објави дека по повод 50-годишнината на групата следува изненадување.

Луѓе, среќна Нова. Како Дугме во Херцег Нови, ја објавивме 50-годишнината на групата и тоа ќе биде големо изненадување за нашите фанови. Одиме со рок верзија и ограничен број концерти. Се гледаме – напиша Ален под неколку фотографии.

Останува да видиме дали има шанси да се собере ударната четворка на Дугме по повод златниот јубилеј, односно дали изненадувањето ќе се огледа во Горан Бреговиќ, Ален Исламовиќ, Младен Војичиќ Тифa и Жељко Бебек заедно на сцебната?

Џејла Рамовиќ ненајавено и се појави на роденденот и ја изненади, а славеничката заврши во солзи (ВИДЕО)

Антонио Димитриевски — Wed, 13 Dec 2023 13:14:14 +0000

Победничката на музичкиот натпревар „Ѕвездите на Гранд“, Џејла Рамовиќ пред неколку дена се појавила како изненадување на една роденденска забава, а славеничката завршила во солзи откако пејачката влегла во ресторанот. Имено, како што дознавме, пријателите на девојката која неодамна го прослави роденденот сакале да ја изненадат салавеничката и ја поканиле Џејла, која веднаш прифатила.Подготвиле се во најголема тајност, а кога Џејла се појавила во ресторанот, девојката која го славела роденденот бликна во солзи. Ова видео ги преплави сите социјални мрежи, а девојката која славела таа вечер се огласи и јавно и се заблагодари на Џејла за се. „Луѓе мои, оваа девојка, не можам да ви опишам со зборови, е како ангел што оди. Глас, убавина, стас, толку е мила и убава, неверојатна“ - напиша таа заедно со видеото од прославата.Како изгледаше ова изненадување погледнете во видеото подолу.

„Си знаеш што ти посакувам“: Сопругот на Сара Мејс и приреди вистинско утринско изненадување (фото)

Слаѓана Атанасова — Fri, 20 Oct 2023 10:06:38 +0000

Македонската поп пејачка и харфистка Сара Мејс денес полни 33 години. По тој повод нејзиниот сопруг стана и побрза прв да ја изненади додека спијат децата и на интересен начин и подготви специјално утринско будење со цел да и го честита роденденот на неговата сакана. Имено, Димитар утрово ја разбуди Сара со роденденски свеќички наместени на две тортички и и запеа „Happy Birthday“. Таа откако ги отвори очите, ги крена рацете за убаво да се истегне, а пред неа веќе стоеше нејзиниот сакан и тивко пееше. Потоа со насмевка до уши си замисли желба и сѐ уште нерасонета ги дувна свеќичките. „Си знаеш што ти посакувам , другото можеш со свои зборови“ - и напиша Димитар во честитката. На среќата и немаше крај, а честитките почнаа да пристигнуваат на нејзината адреса. Среќен роденден! фото:Инстаграм принтскрин

Гест за паметење: Жељко Самарџиќ доби неверојатно роденденско изненадување (фото)

Слаѓана Атанасова — Thu, 05 Oct 2023 06:58:19 +0000

Жељко е роден во Мостар, а пред да стане познат долго време пееше исклучиво во родниот град, без преголема желба да пее на друго место. Ги изведуваше главно песните на Кемал Монтен и учествуваше на разни фестивали, но без забележителен успех. По избувнувањето на војната, тој се преселил во Белград и почнал да настапува по баровите и дискотеките во главниот град на Србија, а првиот албум го снимил со Марина Туцаковиќ и Александар Фут Радуловиќ. Оттогаш неговата кариера е на нагорна линија, а многу од песните што ги сними станала хитови. Само некои од нив се „Грлица“, „Боже, спаси ја таа жена“, „Имам чувство“, „Се мое е твое“, „Да не сум“, „Добар ден, тага“, „Ме имаш до ушите“, „Окови“, „Само небото е над нас“ и други. Жељко вчера го објави роденденско изненадување на Инстаграм.

View this post on Instagram

A post shared by Željko Samardžić (@zeljko_samardzic)

Станува збор за мезе за овошје и зеленчук, шампањ и тркалезна торта на која е насликана гитара и пијано. На тортата беа испишани и имињата на некои од најголемите хитови на Самарџиќ. Фото: Принтскрин/Инстгарам/Ж.Самарџиќ

Пејачката слатко изненадена: Кога виде кого и донесоа во емисија, Тијана остана подзината! (ВИДЕО)

Антонио Димитриевски — Mon, 02 Oct 2023 07:46:21 +0000

Македонската пејачка и актерка со белградска адреса на живеење Тијана Дапчевиќ е позната како личност која нема влакна на јазикот за нешто што и пречи или едноставно не и се допаѓа. Неретко знае тоа отворено на таквите „да им го плесне в лице“, и да ги шокира со своите изјави. Арно ама, ниту таа не е имуна на шокови и изненадувања, па токму едно такво и се случи деновиве и то среде емисија. Имено, Тијана беше гостинка во една емисија за готвење, кај Тања Анѓелковиќ, автор и водител на ТВ емисијата „Нека ти е слатко“, каде беше и „слатко шокирана“ од страна на домаќинката. Откако талентираното македонско девојќе беше домаќински угостено од водителката и ТВ екипата, следуваше подготовката на специјалитетот на денот - крофни! Она што беше замислено беше и подготвено, следуваше моментот на вистината.... Дегустација на специјалитетот, за која домаќинката и подготви специјално изненадување на гостинката од кое Тијана остана шокирана... Специјален дегустатор! Имено, водителката Тања пријатно ја изненади својата гостинка со тоа што ненајавено на дегустација и го донесе нејзиниот син Вук! А, кога виде кого и донесоа во емисија, Тијана остана подзината! И тоа најмногу заради две нешта. Како прво, нејзиниот син никогаш не гостувал со мајка му и тој заедно со неа сега за прв пат се појавува во една ТВ емисија... А како второ, Тијана иако беше позитивно шокирана, успеа да забележи и не пропушти да искоментира колку убаво Вук се дотерал за појавувањето со мама на ТВ. Специјалитетот сите заедно го дегустираа, а коментарите... „Рапсодија на вкусови“, како што забележи Тијана. Впрочем, може ли да не биде добро и трпезата да не биде слатка на заеднички обед со „син на мајка“!? Фото и видео: Инстаграм/tanjcika/tijana.dapcevic

Милица Тодоровиќ за роденден на сестра си и подари мече ама од оние на четири тркала (фото)

Слободанка Илиева — Mon, 31 Jul 2023 08:27:53 +0000

Пејачката Милица Тодоровиќ за роденден и приреди незаборавно изненадување на својата помлада сестра. Решила да ја израдува својата сестра со вреден подарок и и подарила автомобил Мерцедес, поради што Анџела се расплакала. Пејачката на социјалните мрежи го сподели моментот на шокот на нејзината сестра кога го виде скапиот автомобил со коментар „Само треба да положиш“. Автомобилот бил паркиран во дворот на нивната семејна куќа со огромна црвена панделка. Анџела била толку трогната од подарокот на Милица што пролеала солзи и ѝ се заблагодарила на својата сестра за изненадувањето што и го приредила на прекрасниот ден. фото:Инстаграм принтскрин/Милица Тодоровиќ

Изостана честитката од Анастасија: Мајката на Ѓудељ за нејзиниот посебен ден доби честитка само од поранешната на нејзиниот син (фото)

Слаѓана Атанасова — Tue, 31 Jan 2023 09:04:48 +0000

Мајката на Немања Гудељ, Оливера, минатата сабота го прослави роденденот, но честитката на Анастасија Ражнатовиќ изостана, додека на изненадување на сите порака испрати поранешната на фудбалерот. Иако сите мислеа дека Анастасија и нејзината идна свекрва Оливера се смириле, се чини дека тоа навистина не се случило, но затоа Сања Вучиќ и мајката на Немања се во најдобри можни односи, а доказ за тоа е пораката што ја испрати пејачката.. Според медиумите, Оливера и Вања Гудељ сѐуште се против врската на Немања со Анастасија и од срце го поддржуваат да се смири со поранешната девојка Сања Вучиќ, која ја обожаваат. Дека нивната врска сѐ уште е одлична, и покрај раскинувањето, можеше да се заклучи уште минатиот викенд, а повод беше роденденот на Оливера. Имено, Сања јавно и честиташе на мајката на своето поранешно момче и остави коментар под фотографијата на Вања на која и изрази љубов на мајка си по повод нејзиниот роденден. За разлика од Сања, изостана честитката на Анастасија, па на Инстаграм не можевме да видиме дека пејачката во саботата и испратила убави зборови на мајката на своето момче, што сите го очекуваа, со оглед на тоа што таа зборува за тоа како има фантастичен однос со неа. Иако таткото на Немања, Небојша неодамна се обиде да ги смири сопругата и ќерката со Анастасија, таа мисија се покажа како неуспешна, а уште еден доказ за тоа е фудбалскиот натпревар во Севиља, на кој токму на роденденот на Оливера присуствуваа Вања и Анастасија. Фото: Принтскрин/Срџан Стефановиќ/А. Јовановиќ/Инстаграм

Емина Јаховиќ славеше роденден – пејачката влезе во петтата деценија со широка насмевка (фото)

Слаѓана Атанасова — Mon, 16 Jan 2023 11:56:58 +0000

Поп-кантавторката Емина Јаховиќ вчера го прослави својот 41 роденден и на тој начин зачекори во петтата деценија од животот. Атрактивната и талентирана пејачка се пофали со интимната прослава на Инстаграм, но сите ги заинтригира огромниот букет црвени рози со кои Јаховиќ позираше пред огледалото. Широката насмевка на нејзиното лице јасно укажува дека тоа е изненадување од драга личност, а дали пејачката е повторно заљубена или само некој и се додворува, сигурно наскоро ќе дознаеме. Инаку, пејачката не криеше дека изминатите години минуваше низ тежок период во животот откако се разведе од долгогодишниот партнер Мустафа Сандал. Да потсетиме, Емина правдата мораше да ја бара на суд бидејќи нејзиниот поранешен сопружник не им плаќал алиментација на нивните синови, а поради тешкиот период Емина целосно им се посветила на децата. Фото: Принтскрин/Инстаграм/Емина Јаховиќ

Македонската поп дива доби необичен роденденски подарок: „Што правиш…? Еве лежам на Калиопи“! (ВИДЕО)

Антонио Димитриевски — Thu, 29 Dec 2022 09:25:14 +0000

Македонската поп дива Калиопи Букле е една од оние која на само неколку дена пред Нова Година секоја година го слави својот роденден! Оддамна сме рекле дека на дамите не им се бројат годините, но затоа им се бројат честитките, поздравите, желбите… а Бога ми и подароците. А нив и годинава ги имаше. Честитките, желбите и поздравите од драгите луѓе или барем дел од нив, Калиопи сподели на своите Инстаграм приказни, па можевме да ги видиме, а што се однесува до подароците...Од нив видовме само еден, ама вреден! Или поточно речено, широк, мек, удобен и комотен... А над се уште и брендиран. Или што би рекле, крстен однапред и тоа случајно или намерно по нејзиното име. Имено, Калиопи токму за или ден по роденденот, дочека да го добие она што оддамна го очекуваше, а така и недостасуваше. Роденденско изненадување кое е грев да се премолчи, па затоа поп дивата реши да го обзнани и самата да се пофали на своите Инстаграм страници. „Покрај сите убави роденденски изненадувања и убавини, пристигна и мојот нов кревет и душек на almero.mattress! Конечно, удобност и мирен сон! А за врвниот квалитет на 'Алмеро' не мора многу да се зборува , бидејќи самата врвна изработка на нивните производи говори повеќе од сѐ! И повторно, како дете , им се радувам на малите големи нешта, но најмногу на здравиот сон и удобност!“

View this post on Instagram

A post shared by Kaliopi (@kaliopi_official)

Каков е душекот ќе ја прашаме пејачката после празниците, откако ќе почекаме прво да го сефтоса... Со здрав сон, секако, а зошто да не и... некако понаку? Со гледање телевизија, читање добра книга или... што и да е, што ќе и причини врвно задоволство! „Она што не дознавме е дали името на брендот случајно се поклопило со нејзиното име, или е навистина насловен по неа? И дали е уникат изработен со логото специјално само за поп дивата или едноставно брендот така се вика, па може секој од нас да си го набави? За кога ќе ве прашаат на пример: „Еј, каде си што правиш?“, комотно да можете да им одговорите: „Еве ме дома, лежам на... Калиопи“! Фото: Инстаграм принтскрин/kaliopi_official

Илда Шаулиќ плачела на нејзиниот роденден – сопругот и приредил огромно изненадување (фото)

Слаѓана Атанасова — Fri, 09 Dec 2022 08:34:50 +0000

Пејачката Илда Шаулиќ во една кафеана во Белград го прослави својот 44 роденден. Таа во оваа прилика откри што си посакала, но поради ќерката заврши во солзи. - Ви благодарам на сите што дојдовте во толкав број! Имам многу желби, главно сите се поврзани со музиката - изјавила на почетокот Илда Шаулиќ. - Ова е изненадување од мојот сопруг. Она што ме воодушеви е што моето девојче пристигна. Доцнеа, ми беше жал што не можев да ја дочекам, но мојот сопруг се организираше! Сега кога влегов, кога ја видов, солзите речиси не престанаа - изјави ќерката на починатиот фолк пејач Шабан Шаулиќ. -Таа само ми рече: „Може ли да одам и јас со тебе таму кај другите“, а јас и реков: „Не, почекај ме“. Симпатична е, носеше и кошула на која пишува „Среќен роденден“, навистина ме погоди! Мило ми е што е тука - додаде Илда, за која малку подоцна беше изнесена и торта на два ката. Фото:Принтскрин/ТВ Курир/Инстаграм/Илда Шаулиќ