изненадена – Вистина.мк

Сопругата на Дарко Лазиќ го откри најоргиналниот, но и најнеобичниот подарок што го добиле од свадбата (фото)

Слаѓана Атанасова — Thu, 12 Oct 2023 06:04:30 +0000

Пејачот Дарко Лазиќ неодамна се ожени со својата најголема љубов од детството Катарина. Двајцата направија гала венчавка, каде собраа бројни пријатели, колеги и семејството. Познато е дека Лазиќ не е човек кој штеди, па заедно со својата избраничка се потрудил се да биде на ниво. За таа прослава се уште се зборува, а Катарина Лазиќ сега го откри најоригиналниот, а воедно и најнеобичниот подарок што го добиле. - Најубав подарок беше една наша слика, која беше рачно насликана, а најнеобично, верувале или не, празен плик. Ги поздравувам оние што ни донесоа празни пликоа, бев многу изненадена - изјави Лазиќ со чудна гримаса на лицето. Фото: Принтскрин/Ата Имаџес

Драгана Мирковиќ раскажа несекојневна ситуација со ќерката од која била изненадена (фото)

Слободанка Илиева — Thu, 16 Jun 2022 10:34:27 +0000

Пејачката Драгана Мирковиќ иако живее живот од бајка, никогаш не се расфрлала со пари, а во таков дух ги воспитувала и своите деца. Имено, се случува Мирковиќ да сподели некои интересни работи за своите деца и на тој начин да покаже колку е горда на нив. Во едно интервју таа откри какви се нејзините наследници. - Мануела е поинаква, повлечена е, таа е моето бебе. Моите пријатели велат дека таа е девојка со најубави очи и најчиста душа. Тие се нормални деца, што е најубавиот комплимент на денешницата. Не се разгалени, не преферираат брендови, дури еднаш ја замолив ќерка ми да облече еден од моите фустани затоа што е малку поексклузивен и брендиран, а таа не сакаше да слушне, штета би било другарките ја видат во тоа. Таква е - изјави за „Стори“ Драгана и истакна дека кај нив дома доаѓаат луѓе со различна финансиска состојба.

View this post on Instagram

A post shared by ❥ Manuela (@manubijelic)

- Кај нас доаѓаат нивни врсници од различно потекло, а пред се, пријателите ни се главно луѓе со некоја просечна плата. Нашите деца се свесни за парите и веќе имаа можност да ги заработат. Марко, на пример, книговодство правел со пријател, а не со Тони, за навистина да почувствува што е тоа компанија и што се нивните претпоставени. Мануела работеше во хотелот Риц, кој траеше три месеци, доволно за нејзината возраст да стекне одредено искуство и работни навики. Најважно ми е што и двајцата изразија желба за работа, не ги принудивме на тоа - тврди Драгана Мирковиќ. Да потсетиме, Драгана покрај тоа што со години се занимава со јавни работи, успеа да ја зачува приватноста на своето семејство, така што до ден денес јавноста не знаеше како изгледаат нејзините деца. фото:Инстаграм принтскрин

Букет преку прозорец за бакнежи на Инстаграм: Кристина Димитриевска распаметена, па воодушевена за 8-ми Март! (ФОТО)

Антонио Димитриевски — Wed, 09 Mar 2022 07:51:09 +0000

Денот на жената и годинава мина , како мина... Воглавно со честитки, подароци, букети цвеќе, протестен марш и потсетување дека жените се рамноправни со мажите... или барем треба да бидат, ико многумина мислат дека со „рамноправноста“ оддамна се претерало, зашто жените се тие кои во 21-от век го вртат светот. Но, за да не навлеземе во разно-разни теории, поимања и сфаќања на женските права и машко-женските односи, македонската мисица, манекенка, модел и пејачка Кристина Димитриевска раскажа каква чудна случка и се случила токму на вчерашниот ден на жената - 8-ми Март. Имено атрактивната тетовчанка додека возела со својот автомобил среде бел ден по прометните улици, друг автомобил почнал паралелно да вози со неа и да и дава знак да застане, односно да го отвори прозорецот. Возачот зад управувачот и бил тотално непознат, па убавицата најпрвин се распаметила да не се работи за некако в манијакален тип, но сепак собрала храброст да прикочи и да го отвори прозорецот, за да праша каде е проблемот? Кога видела дека момчето сака нешто да и каже, се уплашила дека нешто не во ред со нејзиниот автомобил, и малку понатаму застанала, но не излегла од него. Тогаш другото возило се паркирало покрај нејзиното, а момчето опсипувајќи ја со дузина комплименти, од совазачкото седише земало букет цвеќе и и' го подарило за празникот на Кристина, која вели дека не го познава, но сепак е воодушевена од гестот на младичот. Дали средбата била случајна, а цвеќето наменето за некој(а) друг(а), па судбината сакала да заврши во нејзини раце? Или пак можеби средбата била долго планирана и подготвувана, а момчето ја следело убавицата чекајќи го најпогодниот момент некако да и пријде, запознае и подари букет, па макар и преку прозорецот од автомобилот? Одговорот го има „романтичниот анонимус“ кој напрвин ја распаметил, а потоа воодушевил атрактивната тетовчанка токму за денот на жената. Кристина целата случка ја раскажа на своите Инстаграм приказни, велејќи дека и до сега добивала цвеќе пред врата или некои други ситни подароци од непознати обожаватели, но не на овој ден и не на ваков начин. При тоа и јавно му се заблагодари на „шармантниот анонимен романтик“ што и го разубавил денот, испраќајќи му бакнежи преку своите Инстаграм приказни! Фото: Инстаграм принтскрин/kristina.dimitry

„Просто се шокирав“: Живкица Каленикова не очекуваше вакво нешто да и се случи во сообраќај додека чекаше на семафор

Слободанка Илиева — Fri, 12 Mar 2021 08:10:46 +0000

Во секојдневието и сите случувања и нешта кои не опкружуваат, сигурно сте помислиле дека добрите постапки станаа многу ретки, па кога ќе се случат просто сме изненадени. Веројатно многупати сте коментирале дека има многу лоша сообраќајна култура, па наместо да се поправаме, станува полошо. Па така, токму некои едностави гестови кои треба да бидат наша одлика, не ги очекуваме кога се случуваат. Со една ваква ситуација во сообраќајот се соочи ТВ и радио водителката Живкица Каленикова која на својот Фејсбук профил напиша: -Една непозната девојка денес ми го стопли срцето и баш ми го направи денот , имено на семафор излегува на дождот се фаќа за задната врата од мојот автомобил јас благо изненадена и само ми вели отворена ви беше вратата , просто се шокирав , не ми свиреше , мафташе да ми укаже како што обично сите правиме не мислеше на себе да не наврне туку едноставно помогна . Девојко алал ако се прочиташ , пиши едно кафе честам. Дечки можеме многу убаво да живееме. Да бидеме љубезни- пишува Живкица. Нека ова биде само еден позитивен пример за да ги промениме лошите навики со оние кои треба да се основа на однесувањето, бидејќи доброто со добро се враќа – нели?