излегува – Вистина.мк

Боки 13 излегува од затвор: Бојан Јовановски е пуштен на слобода

Антонио Димитриевски — Wed, 29 Nov 2023 10:53:19 +0000

Осудениот во случајот „Рекет“, Бојан Јовановски-Боки 13 е пуштен на слобода, потврдува неговиот адвокат, а неофицијална потврда има и од Кривичниот суд. Причината е лошата здравствена состојба, за што Кривичен суд добил лекарски извештаи од повеќе доктори, како и цели лекарски козилиуми. Адвокатот Владимир Туфегџиќ, бранител на Јовановски посочува дека ја добиле одлуката, за која вели дека иако задоцнета, е праведна. „По однос на прашањето за кое пројавувате интерес, како бранител ја потврдувам информацијата дека Основниот кривичен суд Скопје донесе одлука за прекин на издржувањето на казна затвор за осуденото лице Бојан Јовановски и истата е доставена до осуденото лице. Ваквата одлука иако е задоцнета истата е за поздравување како законита, правична и пред се хумана, донесена врз основа на две последователни позитивни мислења од надлежниот Јавен обвинител во рамки на иста постапка и врз основа на комплетната медицинска документација за здравствената состојба на осуденото лице“, посочува Туфегџиќ.

Јовановски во 2020 година беше осуден на по девет години затвор за случајот „Рекет“ за изнуда и примање награда за незаконско влијание и перење пари, а во случајот „Меѓународen сојуз“ за измама. Јовановски казната ја отслужуваше во најголемиот македонски затвор „Идризово“ крај Скопје, а неговите адвокати постојано бараа да му биде укината казната, бидејќи неговото здравје е нарушено и не може соодветно да се лекува во затвор.

Извор: Danas Фото: Инстаграм/boki13official

Повеќе на vistina.mk

Холивудскиот актер го исклучува правилото „25“: Леонардо Ди Каприо се обидува да го придобие овој светски познат модел (фото)

Слаѓана Атанасова — Thu, 15 Sep 2022 07:00:16 +0000

Холивудскиот актер Леонардо ди Каприо и манекенката Џиџи Хадид веќе ја подигнаа својата романса на повисоко ниво, но сè уште полека се движат, велат изворите. За 47-годишниот актер и 27-годишната манекенка веќе некое време се шпекулира дека се поврзале преку заеднички пријатели, но сега тие почнаа сами да излегуваат на состаноци. - Тој не е некој што несериозно ги сфаќа врските, па решија да одат полека - објаснува изворот. Неодамна беа видени заедно на забава приредена од пријателите на ди Каприо, Ричи Акива и Дерен Дзиенсиол. Според изворот на списанието „Page Six“, новата двојка исто така била видена заедно минатата недела, но инсистира дека сè уште се запознаваат. Актерот и манекенката се сретнале неколку пати во текот на годините, но никогаш до сега немало ништо романтично меѓу нив. Романтичните гласини започнаа откако беа видени како се дружат на отворањето на клубот на Менхетен на пријател во јули. Новата врска доаѓа откако ѕвездата на Титаник и модел Камила Морон ставија крај на нивната четиригодишна врска, само неколку месеци откако таа наполни 25 години. Познатиот американски актер очигледно го проширува својот возрасен опсег откако стекна репутација дека раскинал со неговите девојки кога ги наполниле своите дваесетти. Инаку, Хадид со поранешното момче Зејн Малик ја има двегодишната ќерка Каи. – Со или без неа, Ди Каприо излегува секоја вечер – вели изворот. Фото:Принтскрин/Инстаграм/Zayn/Профимедиа

Повеќе на vistina.mk

Каков пресврт во однесувањето: Мисицата Јована Љубисављевиќ од мирна девојка до заводлива убавица (фото+видео)

Слаѓана Атанасова — Fri, 09 Sep 2022 09:08:07 +0000

Поранешните учесници на реалното шоу „Задруга“ Стефан Кариќ и Јована Љубисављевиќ неодамна ставија точка на љубовната врска и оваа вест ги изненади сите нивни фанови. По раскинувањето, парот ги избриша сите заеднички слики од социјалните мрежи и секој тргна по својот пат. Стефан јавно се прости од реалити телевизиската кариера и му се заблагодари на „Големиот шеф“ за сè, а според медиумите тој планира да се посвети на приватниот бизнис, додека Јована најмногу времето го поминува на излегување. Меѓутоа, сега се појави провокативно видео во кое Јована Љубисављевиќ занесно позира пред камера, гола во топ. Мисицата заиграла пред камерата и заводливо позирала, а многумина коментирале дека почнала да ја покажува својата вистинска страна. „Каде отиде таа скромна девојка“, „Сега ќе покаже која е и што е“, „Секогаш фолираше“, „Јована е убава како и секогаш“, „Бомба“ - следеа коментари, а мислењата беа поделени. Да потсетиме, како што објавија медиумите претходно, Јована Љубисављевиќ тагата по раскинувањето со Стефан Кариќ ја лечи со ноќно излегување.

@marijasavicevic0 #jovanaljubisavljevic #miss #zadrug #makeup #msmakeup #makeuplover #viral #viralvideo #night #beauty ♬ Originalton - Zera

-Неодамна на излегување го запознала Богдан на Цеца. Всушност, тој беше првиот што ја забележа, ја намириса, тој е секогаш низ градот. Размениле неколку погледи и насмевки, а потоа и пришол да се запознаат. Се напиле, разговарале малку, дваесетина минути и толку, ништо посебно. Но, веднаш почувствував енергија, повторно ја видов таа насмевка на Јована, а сега ќе видиме што ќе биде - рекол изворот за Пинк.рс , а дека навистина се поврзале јасно е и од Инстаграм. Иако претходно не беше така, Јована и Богдан сега се заследија и на социјалната мрежа Инстаграм. Фото:Принтскрин/Немања Николиќ/Тик Ток

Повеќе на vistina.mk

Тозовац го победи коронавирусот, излегува од болница: 85 -годишната фолк легенда, посилен од Ковид -19 (ФОТО)

Антонио Димитриевски — Tue, 23 Mar 2021 10:04:45 +0000

Пејачот Предраг Живковиќ Тозовац (85), според српските медиуми, успеал да се избори и добие битката со коронавирусот, па за два до три дена ќе ја напушти болницата. Тозовац, како што се наведува, ги избегнал тешките последици бидејќи ја примил кинеската вакцина, непосредно пред да се зарази со короната. „Предраг се чувствува одлично и денешните прогнози се дека ќе биде пуштен од болница за два до три дена. Тој беше примен со тешка пневмонија, но беше ставен само на кислородна поддршка. Непосредно пред да се зарази, тој примил втората доза од кинеска вакцина, поради што не пројавиле некои потешки симптоми. Благодарение на вакцината, тој го избегнал респираторот и на 85-годишна возраст успеа да го победи вирусот, што многумина многу помлади од него не успеваат. Здравствените работници, лекарите, сите се презадоволни од неговата состојба“ - вели болнички извор. Да потсетиме, Предраг Живковиќ Тозовац беше примен во КБЦ „Драгиша Мишовиќ“ со знаци на пневмонија на почетокот на месецот, поради зараза со коронавирусот. Фото: Инстаграм принтскрин/tozovac_official

Повеќе на vistina.mk