Чувајте си го срцето: Овие животни навики ќе го заштитат вашето здравје

Слаѓана Атанасова — Wed, 10 Jan 2024 13:30:16 +0000

Урамнотежената исхрана, со многу овошје, зеленчук, зрна, посни протеини и мешунки, е корисна за срцето и целокупното здравје на телото. Експертите ја нагласуваат важноста да се фокусираме на здравјето на кардиоваскуларниот систем. Усвојувањето на здрави животни навики може да биде клучно за намалување на ризикот од срцев удар и мозочен удар, како и за проблемите што ги предизвикуваат високиот холестерол, дијабетесот и високиот крвен притисок. За HuffPost, кардиолозите издвоиле четири клучни животни навики кои можат значително да го подобрат квалитетот на вашиот живот доколку веднаш почнете да ги следите. Физичка активност Вежбањето е првиот чекор кон кардиоваскуларното здравје. Активностите како трчање, пливање, возење велосипед и пешачење се одлични за срцето и белите дробови. Го подобруваат кардиоваскуларниот систем, ја зголемуваат издржливоста и го намалуваат ризикот од разни болести. Кардио вежбите помагаат и во согорувањето на калориите и губењето на маснотиите, што е важно за слабеење. Запознајте го вашето тело Важно е да ги знаете вашите здравствени параметри. Се препорачува да го посетите вашиот лекар за рутински преглед за да дознаете повеќе за вашето здравје, вклучувајќи тестови на крвта, проверки на срцето, функцијата на белите дробови и мерења на крвниот притисок. Фокусирајте се на здравата исхрана Урамнотежената исхрана, со многу овошје, зеленчук, зрна, посни протеини и мешунки, е корисна за срцето и целокупното здравје на телото. Квалитетен одмор Одморот е неопходен. На возрасните им се препорачува да спијат помеѓу седум и девет часа секоја вечер. Можеби не е секогаш изводливо, но важно е да се стремиме кон тоа. Извор: Курир.мк

Нозете постојано ви отекуваат, а стомакот ви е надуен: Дефинитивно имате вишок вода во oрганизмот, еве како да се ослободите од неа

Riste Zdravkov — Wed, 31 May 2023 09:21:53 +0000

Ви носиме совети како да се ослободите од вишокот вода во нозете и стомакот. Прекумерното задржување на водата во организмот се јавува и поради брзиот начин на живот, нередовната и неправилна исхрана. Отечени нозе и зглобови, вишок килограми и поспаност се само дел од симптомите кои укажуваат на овој проблем. Како да ја исфрлите водата од вашите стапала Пред сè, треба да се напомене дека тешката храна – многу зачинета, мрсна и сува – создава здравствени проблеми кои подоцна се рефлектираат на одредени делови од телото. Во тој поглед, вишокот вода што се „собира“ во нозете е еден дел од тие проблеми, а нередовната физичка активност уште повеќе ја зголемува сериозноста на почетниот проблем. Како да ја исфрлите водата од стапалата е прашање кое многумина ги мачи, а одговорите се различни. Различни чаеви, како зелениот чај, чајот од магдонос, чајот од глуварче можат да помогнат во исфрлањето на водата од нозете, но и секојдневната физичка активност од половина час е многу корисна. Исто така, регулирањето на исхраната многу помага во исфрлањето на водата, што значи дека нездравите масти, кои доаѓаат од преработената индустриска храна, треба да се сведат на минимум. Како да ја исфрлите водата од стомакот? Процесот на исфрлање на водата од стомакот може да се направи и по природен пат. Разните чаеви, редовната исхрана и физичката активност се најдобри за исфрлање на водата од стомакот. Така, физичката активност, исфрлањето на преработената храна од менито, консумирањето храна богата со калиум и магнезиум, ограничениот внес на јаглени хидрати и многу течности ќе ви помогнат да се ослободите од вишокот вода во стомакот. Магнезиум за исфрлање на течноста Магнезиумот е електролит кој помага да се регулира балансот на течности во телото. Зелениот лиснат зеленчук, авокадото, бадемите и гравот се одлични извори на овој минерал. Намирници кои промовираат исфрлање на водата од телото За да го намалите нивото на натриум и да го зголемите нивото на калиум, најдобро е тоа да го правите преку вашата исхрана. Изберете овошје и зеленчук богати со калиум – зелка, кељ, зелена салата, спанаќ, магдонос и овошје – банани, кајсии, портокали, сливи. Исто така, претерано солената храна ја задржува водата во организмот, па затоа треба да ја намалите количината на сол при подготовката на храната. Со конзумирање на природни диуретици, како кафето, на пример, водата се исфрла од телото. Покрај горенаведените намирници, предлагаме да ги користите и следниве природни чаеви: чај од глуварче, црн и зелен чај. извор: popara.mk

изхрана – Вистина.мк

Чувајте си го срцето: Овие животни навики ќе го заштитат вашето здравје

Нозете постојано ви отекуваат, а стомакот ви е надуен: Дефинитивно имате вишок вода во oрганизмот, еве како да се ослободите од неа