изговори – Вистина.мк

Двата најчести изговори: Мажите признаа како прикриваат измама во врската

Слаѓана Атанасова — Mon, 30 Jan 2023 13:01:19 +0000

Измамата е честа појава. За некои тоа е причина за разделба, раскинување и развод, други се подготвени да ја простат. Дали сте изненадени од фактот што едно истражување откри дека една четвртина од брачните парови се соочуваат со прељуба? Друго истражување покажа дека само 13 отсто од неверните мажи признаваат дека изневеруваат. Некои не бегаат од измами. Напротив, тврдат дека тоа било излез од врска или брак со кој се незадоволни, но има и такви кои на секој можен начин ќе ја сокријат прељубата. Тие се подготвени да се однесуваат како ништо да не се случило и така сопругите никогаш не дознаваат. Со оваа тема се занимавале и грчки истражувачи. Тие побараа од 300 испитаници да наведат процедури што би ги користеле за прикривање на измама. Тие ги издвоија најчесто користените опции: првата во серијата беше „вадење на пријател“. Неверните мажи ги гледаат своите љубовници, а пријателот е секогаш алиби. На сопругите ќе им кажат дека биле со него или со некој колега од работа, иако се свесни дека оваа приказна не држи вода секогаш. Особено ако досега не сте пиеле кафе со некој од деловното опкружување, надвор од работното време. Втората опција на оваа листа беше правилото – „Се преправам дека сум луд“. Прељубниците кои не сакаат да бидат откриени ќе се потрудат да не го променат однесувањето кон партнерот. Ќе останат блиски, ќе покажат љубов и ќе зборуваат за нивната врска. Многумина од нив често знаат да се „играат“, па ги изненадуваат своите сопруги со подароци. Тогаш често може да се слушне од женскиот пол: „Што си згрешил сега?“, па оваа опција некогаш е помалку, а некогаш поуспешна. Извор: Попара.мк

Кога некој јасно ви покажува дека не се грижи за вас, немојте да барате изговори

Христина Ѓоргиевска — Mon, 20 Dec 2021 14:15:41 +0000

Колку и да ни е тешко да си признаеме, има луѓе кои нам ни се многу важни, но тие едноставно не се грижат за нас. Кога некој ќе ви покаже со дела дека не се грижи за вас, не чекајте уште милион пати да ви покажат дека вие за нив едноставно сте „13-то прасе“. Знам дека многу луѓе не им веруваат на енергиите кои ги опкружуваат, затоа што тоа не сме го училе во училиште. Но, сите оние кои се водат според својата интуиција и чувства, многу добро знаат кога некому се важни, а кога некој воопшто не мисли на нив. Кога некој речиси никогаш нема време а вас, кога воопшто не се интересира за вашите приказни, животи и работи кои ви се важни – тогаш оваа личност воопшто не се грижи, не мисли и не се замара за вас. И немојте да се убедувате себеси дека претерувате, затоа што навистина не претерувате. Кога некој не ве слуша, не ве бара, не сте им потребни, освен кога навистина сте им досадни, вие не сте им важни. Не, не грешите кога ќе си признаете самите на себеси. Со тоа признание ќе си направите голема услуга. Затоа што првенствено конечно ќе престанете да си го трошите време на некој кој не се грижи за себе и ќе се посветите на оние на кои навистина сте им важни. Со останувањето во отровни пријателства, врски и слични човечки односи, само дополнително се затвораме себеси во затворениот круг на страдање поради кој не се чувствуваме добро. Сѐ додека дозволувате луѓето да се однесуваат со вас онака како што им одговара на нив, тие и понатаму ќе го прават тоа. Сѐ додека вие не го прекинете тоа! Понекогаш се среќаваме со такви луѓе и имаме чувство дека треба да им помогнеме или да им помогнеме да ја надминат болката. Но, има луѓе кои не сакааш помош, туку само сакаат да црпат енергија од други луѓе, затоа што се научени да бидат празни. И од таа причина, често бараме изговори и оправдувања за луѓе кои воопшто не нѐ почитуваат и не се грижат за нас. Кога некој со денови не ни одговара на пораките и повиците, а нѐ обвинува и се лути кога ние не сме достапни, тоа значи дека сме во отровна врска и дека не сме важни. Ако имате скршена нога, а некој цел месец не наоѓа половина час да ве види, не сте му важни. Не треба да барате оправдања! Тие личности најверојатно се такви со сите, не само со вас. Навистина е штета да им подарувате внимание и грижа на таков вид на луѓе, луѓе на кои не сте им важни. Иако тие никогаш не ви подаруваат внимание и време, сепак сакаат секогаш да им бидете на рапсолагање. А ако не го правите тоа, ќе направат да се чувствувате ужасно. Убаво е да се грижите и да бидете покрај некого во тешки времиња. Убаво е да одвоите дел од своето време и да подарите нежност, внимание, прегратка и љубов. Но, да подарувате дел од своето скапоцено време на луѓе кои јасно ви покажуваат дека вие сте една голема нула во нивниот живот, тоа е навистина тажно. Во денешно време има еден куп прекрасни луѓе и штета е да не ги запознаете само затоа што сте се концентрирале на погрешни луѓе. Мрднете од место и прегрнете го животот кој ве чека, со луѓе кои ве сакаат. Подарете си внимание на себеси. И ослободете го својот ум, енергија и тело од врски кои не треба да ги негувате. Ако некому не сте важни, а уште назгора тоа и јасно ви го покажува, зошто да бидете дел од живот кој не ви носи љубов, самоостварување и самодоверба? извор: курир.мк

Најчести изговори за диета

Билјана Цветковска — Thu, 31 Oct 2019 12:45:39 +0000

Повеќе пати годишно, девојките знаат да започнат диета која трае најмногу до три недели. Две третини од жените признаваат дека само бараат изговори за да ги прекинат диетите, според една студија во Велика Британија. Најчестите причини за прекинување на диетата се лошиот ден, недостаток на волја или роденден, а најмногу може да бидат погодени од чоколадо, колачи, леб и чипс. Повеќето жени признаваат дека нивното слабеење би било поуспешно ако само јаделе поздраво наместо да изгладнат и исфрлаат одредена храна. Во прилог ви даваме неколку причини зошто жените се откажуваат од диета: - „Лош ден“. - „Родеден“. - „Едноставно не можам да одолеам“. - „Цело време внимавав на мојата диета и заслужувам награда“. - „Животот е краток“. извор: фемина

Пет изговори кои жените ги користат за да избегнат секс со партнерот

Христина Ѓоргиевска — Wed, 14 Aug 2019 13:00:43 +0000

Сексуалниот однос е важен и составен дел од секоја врска и дополнително ги зближува партнерите. Но, секој има денови кога не е расположен за секс од различни причини, а жените понекогаш не се искрени со партнерите и ова се најчестите изговори со кои се служат за да избегнат секс со партнерот. Уморна сум По напорниот работен ден, понекогаш тешко е човек да се препушти на страста и уморот е сосема прифатлива причина за избегнување на сексуалниот однос. Но, доколку ова го користите само како изговор и го правите често, партнерот нема да ви верува кога навистина ќе бидете уморни. Имам менструација Оваа оправдана причина жените некогаш ја користат и ден пред или после месечниот циклус како изговор, бидејќи знаат дека партнерот нема да им бара доказ. Морам да се разбудам рано И ова е добра причина за избегнување секс бидејќи тешко функционираме кога не сме доволно наспани. Но, доколку често го користите овој изговор, можно е ова да укажува на некои подлабоки проблеми во вашата врска. Ме боли главата Овој класичен изговор го искористила секоја жена, а изговорот „ме боли главата” стана толку излижан што ретко кој маж верува во него. Доколку не ве боли главата, туку едноставно не сте расположени за секс, подобро е да бидете искрени со него. Можеме подоцна? Уште еден класичен изговор кој жените често го користат кога не се расположени за секс е неговото одложување за подоцна, што обично не се случува, а на повеќето мажи тоа им е јасно. извор: кајгана

Престанете да барате изговори за луѓето кои се однесуваат лошо кон вас

Христина Ѓоргиевска — Fri, 05 Apr 2019 13:30:20 +0000

Постои нешто што можеме да го забележиме кај луѓето околу нас. Секој од нив води своја борба. Тоа се оние ситуации кога сакаат безвредни луѓе, кои не заслужуваат ниту една шанса. Кога се нервираат поради лошото однесување на своите злобни пријатели, а повторно одат на ручек со нив. Кога се уште ги трпат злобните коментари на членовите од семејството и го трпат тоа само поради тоа што се крвно поврзани. Не морате никому да дозволувате да прави да се чувствувате безвредно. Не е лесно да се престане да се сака некого, не е лесно да се замине од пријателство или врска кои некогаш биле убави, тешко е да се донесе одлука да се пресече засекогаш со некоја личност. Не постои вистински начин да се направи тоа. Но, морате да ја прифатите вистината. Всушност, и да ја изговорите на глас – дека тие луѓе се однесуваат лошо кон вас, а вие не го заслужувате тоа. Престанете да барате изговори за луѓето кои се однесуваат лошо кон вас, престанете да им простувате. Заслужувате многу повеќе од тоа. Заслужувате љубезност и заслужувате да бидете ценети. Пуштете ги да си одат сите оние кои ви даваат помалку од тоа. извор: Курир.мк

Фрустриран маж на својата сопруга ѝ испратил табела со сите нејзини изговори кога тој иницирал секс

Слободанка Илиева — Fri, 01 Mar 2019 14:20:44 +0000

Жена открила дека нејзиниот сопруг ѝ испратил табела на која ги напишал деталите од неговите неуспешни обиди да иницира секс, со посебна картичка на која се испишани нејзините причини поради кои таа го одбива.

Фрустриран 26-годишник ги напишал причините поради кои неговата сопруга го одбива, а причините варираат од „испотена сум и одвратна, треба да се туширам“ до „преуморна сум“ или „гледам серија (реприза на Пријатели)“. Податоците ги напишал во Exel документ, кој потоа преку меил ѝ го испратил на сопругата, исто така 26-годишна, кога пристигнала на аеродром пред да оди на 10-дневно патување, пренесува „The Sun“. Изненадена од неговото „истражување“, кое покажало дека дури три негови обиди биле успешни, се обидела да го контактира, но тогаш ги одбивал нејзините повици. Потоа, налутена ја споделила табелата на Редит, а иако тоа се случило уште во 2014-та година, приказната повторно се најде во центарот на вниманието, откако беше објавена на „BoredPandа“, а потоа и во другите медиуми. Жената која останала анонимна, напишала дека биле заедно пет години и две години биле во брак, а пет месеци претходно купиле куќа.

„Во тоа време бевме многу зафатени, бидејќи двајцата бевме вработени“, рекла таа. „Цела пролет ја реновиравме куќата. На работа добив двојно повеќе обврски, откако некои од моите колеги добија отказ. Во зимата се здебелив и се 'убивам' од вежбање во теретана за да се ослободам од вишокот килограми“, додала жената. „Вчера наутро, додека бев во такси на пат до аеродромот, сопругот ми испрати порака на службената меил адреса, која ми е поврзана со мобилниот телефон. Отворив да видам што ми испратил и видов дека тоа е еден саркастичен начин да ми каже дека нема да му недостасувам додека сум на пат.“ „Во прилог е табелата од сите денови кога се обидуваше да иницира секс од први јуни, со колона за моите 'извинувања', користејќи директни цитати зошто не ми било до секс во одреден момент.“ Очекувано, повеќето застанале во нејзина одбрана, а многумина ја критикувале „незрелоста“ на нејзиниот сопруг, но имало и такви кои застанале во негова одбрана. извор:точка.мк

11 најчести женски изговори за избегнување на секс

Горан Силјановски — Fri, 23 Mar 2018 09:45:50 +0000

„Главата ќе ми експлодира“, „Жешко ми е“, „Смрзнав“, „Децата спијат, ќе ги разбудиме“, „Децата се будни, ќе нѐ слушнат“... Ретко која жена може искрено да каже дека не е „грешница“ кога станува збор за смислување изговори за избегнување на интимни контакти. Да, сексот е незаменливо парче во сложувалката наречена „силен љубовен сојуз“, но понекогаш, без разлика на причините, последното нешто кое ни паѓа на памет е секс. Иако не се потребни изговори за да ги отфрлиме предлозите кои не ни се допаѓаат, најчесто ги користиме за да не повредиме нечии чувства, особено кога се работи за чувствата на личност која многу ни значи – нашиот сакан.

Па, кои се класични изговори што жените масовно ги користат за да го одложат сексот со партнерот?

„Ќе ги разбудиме децата.“ Дали ова е ваш изговор дури и кога знаете дека децата се во најцврстата фаза од спиењето и ништо не може да ги разбуди? Кого залажувате? Па, сексот не мора да биде гласен, и самите го знаете тоа.
„Ужасно ме боли главата.“ Овој изговор полека, полека започнува да ја губи својата сила, бидејќи најновите истражувања покажуваат дека сексот всушност може да делува како аналгетик и да ја излечи главоболката.
„Имам менструација/ ПМС.“ Понекогаш жените го користат овој изговор двапати месечно. И секогаш успева.
„Не сум депилирана/ избричена.“ Израснатите влакненца по нозете може да придонесат жената да се чувствува помалку сексапилно, но не ја убиваат машката желба за секс. Повеќето мажи во никој случај нема да ѝ замерат на својата сакана што подзаборавила да го употреби бричот или депилаторот.
„Децата се будни, може да нѐ чујат или да ни влезат.“ Иако не би требало, често децата се причина за постоењето на бракови без секс. Родителите одвреме-навреме мора да изигруваат „криминалци“ и криејќи се да украдат интимни моменти.
„Не сум истуширана/ Не ми се измиени забите.“ Па, што чекате? Потребни се само неколку минути за да се подготвите за незаборавно искуство под чаршафите.
„Се прејадов. Не можам да мрдам“. Кој се чувствува секси на преполн и подуен стомак? Сепак, зошто не гледате на светлата страна. Сексот може да ви помогне да согорите дел од калориите кои ги внесовте со последниот оброк.
„Премногу ми студи“. Одлична причина за да одбиете нешто, но не и доколку тоа има моќ да ве згрее.
„Пекол жешко е, ќе се препотиме.“ И што? Туширањето секогаш е добра опција за разладување за време на тропските горештини. Во такви ситуации можеби најдобро решение е секс под туш.
„Не сум расположена.“ Ништо чудно. Кога милиони мисли ви се вртат во главата, а десетици обврски чекаат на вас, сексот паѓа на дното на листата на приоритети. Сепак, не заборавајте дека сексот всушност може да ви го подобри расположението. Легнете со партнерот еден до друг и обидете се да не мислите на ништо. Контактот кожа-кожа ќе ви ја разгори желбата за физичка интимност.
„Утре мора да станам многу рано.“ Ова е класика меѓу изговорите. Реалноста е дека сексот не одзема многу време. Имате 10 минути на располагање? Значи имате доволно време за секс, а верувајте, следното утро ќе станете со повеќе енергија и насмевка на лицето.

Што се ќе ви каже за да дојде до секс?

Слободанка Илиева — Thu, 09 Nov 2017 14:08:19 +0000

Мажите се сеуште оние на кои им се брза кога е во прашање сексот и не им пречи понекогаш да искористат некоја лага за да однесат девојка во кревет. Ова се најчестите: „Ти само биди мирна, јас ќе те мазам“, речиси и да е сигурна карта за секс. Повеќето жени ќе возвратат со мазење, а потоа следниот чекор е секс. „Само ќе се прегрнуваме“, се често изговарани зборови од мажите, кои сметаат дека жените ќе се растопат после малку нежност, а нивното „не“ ќе се претвори во „да“. „Ќе го ставам само малку“, а сигурно е дека нема. Во неговата глава „само малку“ не се смета како секс, а се надева дека и жените така ќе размислуваат. Ако жената се согласи, јасно му е дека добил зелено светло. „Сакам жени кои се сигурни во себе кога станува збор за секс“, е изјавата со која мажот нема да мисли дека жената е лесна затоа што спие со него на прв состанок. Напротив, таа е само сигурна во себе и во својата сексуалност. Глупаво е да се чека, уверува тој, но откако ќе го добие она што го сака, постои шанса да престане да му биде интересна.