изгореници – Вистина.мк

Домашни лекови кои можат да ви помогнат полесно да се справите со изгорениците од сонце

Слободанка Илиева — Mon, 24 Jul 2023 12:37:17 +0000

Докажано е дека непромисленото и незаштитеното изложување на сонце е штетно. Дури 80 проценти од сите оштетувања и стареења на кожата се поврзани со прекумерно изложување на сонце. Најчестите ефекти на сонцето врз кожата се манифестираат со изгореници кои настануваат по прекумерно изложување на сонце. Малите изгореници од сонце се карактеризираат со црвено и болно затегнување на кожата кое се појавува неколку часа по изложувањето на сонце. Во текот на следните 24 часа болката и црвенилото се поизразени, а по неколку дена кожата може да почне да се лупи. Во продолжение прочитајте кои домашни лекови можат да ви помогнат да се справите со изгорениците од сонце! Витамин Ц Овој витамин полн со антиоксиданси ги смирува изгорениците предизвикани од УВ зрачењето, а истовремено ја подобрува еластичноста на кожата и го стимулира производството на колаген. Користете серум на база на витамин Ц или во лажичка вода или гел од алое додадете прстофат витамин Ц во прав. Кефир Добрите бактерии од кефирот се одличен избор за смирување на оштетената кожа, а млечната киселина нежно ги отстранува мртвите клетки. Измешајте 2 лажици кефир, 2 лажици овесна каша и 1 лажичка свежо исцеден сок од лимон. Оставете го препаратот да отстои еден час пред да го нанесете на кожата. Оставете да делува 5-10 минути и исплакнете. Краставица Високата содржина на вода и витамини го прави овој зеленчук одлична подмладувачка состојка за нега на сите типови кожа. Измешајте половина краставица со две лажици гел од алое и ќе добиете универзална летна помада за нега на целото тело после сончање. Откако прочитавте кои домашни лекови можат да ви помогнат при справување со изгореници, можеби ќе сакате да прочитате и кои етерични масла кои ги смируваат изгорениците од сонце. Извор: ljepotaizdravlje.hr/кафепауза.мк

Сите знаеме колку болат изгорениците од сонце, а најдобриот лек го имате на дофат

Слаѓана Атанасова — Mon, 10 Jul 2023 12:24:14 +0000

Првите сончеви денови на одмор и првите изгореници. Не сте подготвени или едностано мислите „не е силно сонцето“ лесно ќе доведе до црвена кожа. Дерматолозите советуваат да го пробате лекот кој сигурно го имате во секој момент во дофатот на рацете. Најдобар и проверен лек е ладно млеко од ладилник. Според советите дерматолозите, облога од ладно млеко лесно ќе го ублажи црвенилото, печењето и болката. -Направете облога од ладно млеко и нанесете на болните, црвени места. Вашата кожа може да почне да се лупи ако сте премногу изгорени. Најважни се протеините од млекото кои ќе ја излечат вашата кожа, рекол дерамтологот Зајкер. Витамините и лактозата од млекото ќе помогнат кожата да се опорави, а многу брзо ќе го ублажи и непријатното чувство на топлина. Најдобро е да земете газа која ќе ја потопите во ладно млеко. Штмо облогата се засуши, направете нова и менувајте се додека болката не се намали. Извор: Курир.мк

Природни состојки кои помагаат во ублажување на изгорениците од сонце: Особено едната ја имаме дома сите

Слаѓана Атанасова — Thu, 22 Jun 2023 12:06:54 +0000

Негата на кожата е важна во текот на целата година, а особено е важно да ја заштитите од сончевите зраци во лето. Ако уживате во лежење на сонце и го сакате оној исончан тен што непогрешливо кажува дека сте одмарале на плажа, треба соодветно да ја подготвите и заштитите кожата. Тоа е важно не само заради здравјето на вашата кожа, туку и за да го задржите подолго тој исончан тен. Секако, важна е и негата потоа, особено ако не сте се заштитиле доволно, па сте добиле изгореници. За смирување на црвенилото и изгорениците може да ви помогнат и природни состојки кои сигурно ги имате во домот. И да ги немате, не се скапи како многу козметички производи за оваа намена. Тоа се кокосово масло и алое вера. Дерматологот Гета Јадав, основач на FACET Dermatology, советува прво да нанесете алое вера, а потоа кокосово масло. „Алое вера гелот овозможува кожата да дише и најдобро се користи на почетокот на изгорениците од сонце. Кокосовото масло е подобро да се користи подоцна во фазата на обновување на изгорениците, кога кожата се лупи“. Исто така, дерматологот напоменува дека треба да го избегнувате силното сонце помеѓу 11 и 15 часот и дека треба да користите крем за сончање со заштитен фактор. Извор: Курир.мк

„Готов сум, никој не може да ме препознае!“ – Ѓани заврши со изгореници (фото)

Слаѓана Атанасова — Thu, 23 Mar 2023 11:13:37 +0000

Пејачот Радиша Трајковиќ Ѓани често е активен на социјалните мрежи, а сега објави видео од трговски центар со изгореници по лицето и телото и ги загрижи сите. Имено, Ѓани решил да ужива на одморот со сопругата Слаџа, но се чини дека прекумерното сончање му тргнало на главата. Трајковиќ заврши целосно црвен, па се пошегува на своја сметка.

@djanimusic.official 🤦🏻‍♂️🤦🏻‍♂️🤣🤣💪🏻💪🏻🔥🔥🔥 #fyp #foryoupage #viral #dubai #familijo #fyppppppppppppppppppppppp #repost #share #trending #tiktok #foryou ♬ original sound - Familijo🍻

- Се запалив, готов сум, не знам што да правам со мојот живот. Народот не може да препознае кој сум - рекол Ѓани додека лицето му било покриено со крема за изгореници. Слаѓа се смееше во позадина, а како изгледаше сето тоа можете да видите на видеото погоре. Фото: Принтскрин/Твитер

Се огласи славниот комичар и водител кој по страшната несреќа се здоби со сериозни изгореници: Џеј Лено од болница порача само едно (фото)

Слаѓана Атанасова — Tue, 15 Nov 2022 09:14:26 +0000

Водителот и комичар Џеј Лено (72) му е потребно време за да се опорави од експлозивниот пожар од автомобилот што му остави „тешки“ изгореници на лицето, но инаку е „добро“. „Се здобив со тешки изгореници од пожар на бензин“, изјави комичарот (72) за „Variety“ во понеделникот попладне. „Добро сум. Ми требаат само една или две недели да застанам на нозе. Објавата доаѓа набргу откако ТМЗ објави дека поранешниот водител на „Tonight Show“ и страствен колекционер на автомобили бил во гаража во Лос Анџелес каде чувал десетици возила кога едно од нив се запалило. Извори за агенцијата изјавиле дека експлозијата силно ја изгорела левата страна на лицето на Лено, но не му ги повредила окото или увото. „Неговото семејство не можеше да ни даде многу детали, но има многу сериозна здравствена состојба што го спречи Џеј да патува“, се вели во соопштението добиено од списанието „People“ во понеделникот наутро. „Се што знаеме е дека тој е жив, па затоа се молиме за него и неговото семејство вечерва. Од јуни оваа година, импресивната колекција на автомобили на Лено имаше преку 180 возила, вклучувајќи егзотични автомобили, хиперавтомобили и артефакти со музејски квалитет, според „US News & World Report“.

Дерматолози ги открија најдобрите домашни лекови против изгореници од сонце

Христина Ѓоргиевска — Wed, 23 Jun 2021 12:00:40 +0000

Изгорениците од сонце може да бидат доста болни и да го зголемат ризикот од развој на рак на кожата. Фондацијата за карцином на кожа наведува дека ризикот е уште поголем ако сте ги имале овие изгореници пет или повеќе пати во животот. Што ја предизвикува болката? „Ултравиолетовото зрачење ја оштетува ДНК во кожата, што доведува до воспалителен одговор со синтеза на простагландини и цитокини и отекување на крвните садови на кожата“, објасни дерматологот д-р Самер Џабер. „Тоа предизвикува црвенило, оток и болка. Понекогаш погодените клетки на кожата се уништуваат “, додаде тој. Изгорениците треба да се третираат што е можно побрзо, а дерматолозите ги открија најдобрите домашни лекови кои можат да ви помогнат во тоа. Ладни облоги Потопете чиста крпа во ладна вода и ставете ја на изгорениците. Повторувајте ја постапката пет пати на ден, и чувајте ја крпата на изгорениците пет до десет минути. Туширајте се со ладна вода Американското здружение на дерматолози објаснува дека студената вода всушност може да помогне во гаснењето на огнот што го чувствувате на вашата кожа. Туширајте се со ладна вода и внимателно избришете со крпа, но држете ја кожата малку влажна за да можете да го впиете хидратантот што го нанесувате. Користете алое вера Алое вера може да помогне во лекување на изгореници. Може да нанесувате препарати од алое вера на изгорениците неколку пати на ден или да направите ладни облоги од алое вера. Користете млечни производи Џабер истакнува дека можете да нанесете ладно млеко на ткаенина, а потоа да ја ставите ткаенината на изгорениците. Можете исто така да користите обичен јогурт. Млечните производи можат да ја ублажат болката и да го стимулираат процесот на заздравување, а може да ги нанесувате на секои 20 минути неколку часа. Хидратирајте се Ако имате изгореници, треба да пиете многу течности за да спречите дехидрирање, според Американското здружение за дерматологија. За да спречите изгореници, користете крема за сончање со висок фактор на заштита. Ултравиолетовото зрачење е најинтензивно во средината на денот, па затоа треба да избегнувате изложување на сонце тогаш. извор: Курир.мк

Лекувајте ги изгорениците од сонце на природен начин

Слободанка Илиева — Tue, 30 Jun 2020 12:50:42 +0000

Сигурни сме дека барем еднаш сте се нашле во ситуација кога сте доживеале непријатност во форма на изгореници. Негата на кожата во летните месеци мора да вклучува подготовки за заштитен фактор. Иако со години се зборуваше дека премногу интензивно изложување на сончеви зраци може да биде штетно за изгледот на кожата, сепак има голем број на луѓе кои брзаат кон плажите со првите зраци на летото сонце за да добијат тен. Ако претрпите изгореници поради непочитување на советите на дерматологот или поради други околности, веднаш мора да започнете со лекување на заболената кожа, а некои од природните лекови се најдобрата терапија за прва помош. Млеко Можеби звучи чудно, но навистина функционира. Млечните протеини се исклучително корисни и можат да помогнат во смирувањето на црвенилото и чувствота на горење. Пешкир натопен во млеко и ставен директно на изгорениците создава протеински слој кој ја ублажува болката и и помага на кожата да заздрави. Чај Овој метод е особено ефикасен кога станува збор за изгореници на лицето, особено во пределот околу очите. Кесичките чај од нане, камилица или зелен чај треба да се натопат во ладна вода, да се остават неколку минути за да ги активираат листовите од чајот, а потоа да се стават директно на изгорените места. Сода бикарбона Содата е незаменлива во куќата, а има и свој придонес кога станува збор за лекување на изгореници. Може да го олесни воспалението, истовремено намалувајќи го чувството на чешање околу изгорената област. Сè што треба да направите е да ставите грст сода бикарбона во када со млака вода и да ја седите во неа 15 минути. Облоги од краставица По неколку часови сончање, што довело до непожелни ефекти врз кожата, користете краставица, која го ублажува и лекува сончањето. Богата со витамини А, Б и Ц, познато е дека одговара на скоро секоја кожа, ќе го ублажи воспалението за кратко време и ќе ја обезбеди потребната хидратација. Домати Антиоксидансите од доматите се добра превенција против инфекции на површината на кожата кои се оштетени поради изложеност на силна сончева светлина. Извадете го доматот од фрижидерот, излупете го, а потоа исецкајте го во кругови или изрендајте го, така што ќе стане каша. Додека смесата е сè уште ладна, нанесете ја на изгорениците и оставете ја да отстои половина час, а потоа извадете ја со влажна крпа. извор:попара.мк

Катарина Грујиќ се запали на снимање: Пејачката пламна! (ФОТО)

Антонио Димитриевски — Fri, 26 Jun 2020 09:00:21 +0000

Катарина Грујиќ сакаше нејзината нова песна да биде визуелизирана со уникатно видео во режија на познатиот фотограф и режисер Миомир Милиќ, па за поголем ефект реши да се користи обилна пиротехника во ова видео. Во еден момент пламенот од еден од факелите и ја зафатил раката, а пејачката претрпела изгореници, кои веднаш беа санирани во една приватна клиника. „Додека снимањето се одвиваше, одненадеж јас само почувствував неверојатна топлина и слушнав некој од екипата како почна да вика: „Внимавај, гориш!“ И тогаш видов дека пламенот од факелот зафати дел од мојата гардероба! За среќа, сите брзо реагиравме, а потоа веднаш заминав на лекар. Имам полесни изгореници на кои сега нанесувам мелем, така што се надевам дека нема да остане лузна. Драги мои, мојата порака за ова лето е јасна: „Не сакам да се мувам, сакам само да пијам! За сите оние кои сакаат слобода, забави, сонце, коктели ... Или можеби се плашат од короната ... Уживајте!“ - порачуваа Катарина. Фото: ЈуТјуб принтскрин / Миомир Милиќ

Се изгоревте со пегла? Еве како веднаш да ги смирите изгорениците и да ја ублажите болката

Христина Ѓоргиевска — Thu, 25 Jul 2019 13:00:38 +0000

Малите изгореници не можете да ги избегнете, но можете да ги ублажите со неколку корисни совети. За изгореници се применува едно едноставно правило – ако имате поголеми пликови или сериозни повреди обратете се кај вашиот лекар, за секој случај. Ако само сте се допреле до нешто топло тогаш следете ги овие совети. Натопете чиста памучна крпа со ладна вода, ставете ја на изгореницата и повторете го тоа неколку пати. Но никогаш не ставајте мраз на изгореници! Препаратите од алое вера помагаат. Ќе ја смири и хидрира кожата, што ќе ви донесе олеснување. Земете некои од лековите за болка базирани на ибупрофен. Тоа ќе го смири воспалението и болката. Нанесете хидрокортизон крем во тенок слој. Тоа е и инаку добра прва помош за различни мали проблеми со кожата. Оваа крема е често дел од “домашната аптека за прва помош”, бидејќи ја смирува иритираната кожа и го спречува отокот. Кога изгореницата ќе почне да поминува, бидете сигурни дека вашата кожа е добро хидрирана, за да се намали ризикот од појава на лузни или флеки на кожата на тоа место. извор: денар

Како најбрзо да ги ублажите изгорениците од сонцето?

Христина Ѓоргиевска — Thu, 18 Jul 2019 11:30:25 +0000

Сонцето, освен убавиот и исончан тен, понекогаш може да нѝ направи и изгореници, особено ако не се придржуваме кон добро познатите правила за заштита. „Изгорениците од сонце се видлив знак за оштетена кожа. Тие значат дека УВ зрачењето предизвикало производство на слободни радикали кои можат да бидат многу штетни за кожата“, рекол дерматологот д-р Рајана Ката. Изгорениците знаат да бидат многу непријатни и болни, затоа за да ви се олесни нелагодноста преку денот, но и преку ноќта, за почеток направете ладни облоги. „Намокрете пешкир во ладна вода, а потоа ставете го на кожата и оставете го 10 до 15 минути. После тоа нанесете хидратантна крема без мирис и тоа додека кожата уште е влажна. Важно е да избегнете иритација на кожата, која може да ја предизвика потта или ткаенината“, тврди д-р Ката. Нормално, секогаш е подобро да се спречи отколку да се лечи, па со паметно излегување на сонце, ваквите непријатности може да се избегнат. извор:Курир.мк