избегнува – Вистина.мк

Ако вашиот партнер деновиве избегнува секс: Не го обвинувајте него, туку времето!

Христина Ѓоргиевска — Thu, 27 Jun 2019 12:45:30 +0000

Климатските недоследности, како што се долготрајни жештини, обилни врнежи, грмежи, како и наглата промена на времето, влијаат на крвнот притисок, како и на сексуалниот живот, коментираат бугарски лекари. -Променливото време нѐ погодува најчесто во срцето, во крвотокот, па тоа, за жал, ги зголемува и срцевите проблеми. Особено луѓето со висок притисок треба да внимаваат и да ја следат својата здравствена состојба. Треба да се избегнува физичкиот напор, зашто тоа може да доведе до проблеми, смета д-р Катја Сунгарска. Таа нагласува дека треба да се внимава и при влез и излез од климатизирани простории, што предизвикува често ненадејно слошување. -Грмотевиците и горештините сериозно влијаат и на сексот… Ако сте под силен стрес и притисок, или се чувствувате тажно, лошото време само ќе ги засили тие чувства. Желбата за секс во голема мерка зависи од временските прилики. Бурите со грмотевици и врнежите го снижуваат либидото. Но, и екстремните горештини исто – поради сѐ тоа, луѓето избегнуваат физичка активност и блискост, изјави сексологот проф. Станка Маркова. Така, советите да се избегнува алкохол и мрсна храна, се посебно важни за истакнување во периодов на екстремно променливото време, сметаат стручните лица. (МИА)

Која храна треба да ја избегнуваат доилките

Наташа Тасевска — Tue, 14 Aug 2018 17:44:24 +0000

Мајките кои ги дојат своите деца мора да се хранат здраво и избалансирано, што подразбира зголемен внес на здрави намирници и намалување или потполно избегнување на оние намирници кои можат лошо да влијаат на бебето. Ако вашето бебе често има дијареја,грчеви или осипи, погледнете кои намирници се виновни за тоа. Кафе Кога пиете кафе, чај или газирани сокови), еден дел од кофеинот завршува во вашето млеко. Со оглед на тоа што бебињата не можат да го обработат и да го исфрлат кофеинот толку брзо и ефикасно како возрасните, вишокот на оваа супстанца во нивното тело може да доведе до раздразливост, несоница и иритација. Решението е едноставно, иако не е лесно за секого - намалете го внесот на кафето и кофеинските пијалоци. Колку и да сте поспани, плачливото и раздразливото бебе кое не може да спие само ќе ја влоши ситуацијата. Пробајте кафе без кофеин, и ако не можете да се откажете од овој пијалок, погрижете се да пиете барем после доењето.

Чоколадо Бидете внимателни ако чоколадото ви е омилен десерт. Исто како кафето и газираните сокови, така и чоколадо содржи одреден процент на кофеин, иако значително помалку од овие пијалоци. Ако се сомневате дека чоколадата може да биде одговорна за непријатните симптоми на вашето бебе, обидете се неколку дена да не јадете воопшто. Колку и да ви паѓа ова тешко, ако забележите дека во тие неколку денови вашето бебе подобро спие и дека е подобро расположено, исфрлете го чоколадото од вашата исхрана додека доите.

Цитруси Вкусните и здрави овошја, како портокалот и грејпфрутото, може да содржат одредени материи кои не им влијаат добро на бебињата. Имено, овие супстанции можат да предизвикаат неразвиеност на гастроинтестиналниот систем, а бебињата да добијат дигестивни проблеми, повраќање, а во некои случаи и појава на осип. Направете го истиот тест како со чоколадото и проверете дали проблемот е во цитрусите. Ако се утврди дека проблемот е во цитрусите, тогаш исфрлете ги од исхраната. Не само овошјето, туку и овошните сокови кои ги содржат истите иритирачки материи. За да ги надополните витамините кои ги содржат цитрусите, започнете со внес на други намирници кои се богати со витамин Ц.

Брокули Можеби вашите лекари ви рекле дека не треба да верувате во стари и лажни приказни за тоа како конзумирањето брокули, карфиол и други зеленчуци кои предизвикуваат гасови може да доведат до грчеви и гасови кај бебето. Но, прашајте мајка која има искуство со влијанието на брокулите врз бебето, и ќе слушнете друга приказна. Ако мислите дека вашата салата со брокула може да биде крива за симптомите на детето, одморете од оваа билка неколку дена. Но, наместо целосно да ја исфрлиш од исхраната, полека можете да ја вметнувате по малку, и да видите како ќе реагира бебето.

Алкохол Ако понекогаш пиете чаша вино на вечера, нема причина да се грижите за тоа. Повеќето експерти се согласуваат дека еден или помалку пијалоци дневно немаат ефект врз детето. Но, ако имате навика да пиете повеќе, тогаш ова може да биде сериозен проблем за детето. Американската педијатриска академија тврди дека пиењето алкохол може да има непријатни последици за детето.

Лута храна Ова зависи од мајка до мајка. Некои жени можат да додадат лути пиперки во речиси секое јадење, а сепак да имаат среќно и задоволно дете. Но, некои мајки забележуваат дека дури и најмалиот додаток на лути зачини во храната може да доведе до раздразливост и нарушување кај бебето што цица. Ако сте забележале дека вашето бебе реагира вака, избегнувајте лути зачини, Наместо тоа, користете зачини кои даваат посебен и интересен вкус, без лутина. На пример, сок од лимон или ѓумбир.

Лук Колку и да ви е вкусен лукот, вашето бебе не мора да се согласува со вашето мислење. Имено, лукот може да го промени вкусот на млекото, а научниците велат дека ова ароматично растение може да остави вкус во млекото дури и два часа по оброкот. Затоа некои бебиња може да прават гримаси или да одбијат да цицаат, ако ја почувствуваат аромата на лукот во мајчиното млеко.

Кикирики Дали вие, или членовите на вашето семејство, имате чудни алергии? Ако одговорот е да, тогаш треба да бидете внимателни со конзумацијата на кикиритки додека доите. Кикириките се прилично чести алергени, а препораката е внимателно да се јадат бидејќи бебето може да биде алергично. Ако јадете кикирики, и се потврди дека бебето е алергично, ќе забележите симптоми како што се осип, егземи и тешко дишење.

Пченица Ако забележите дека по оброкот со леб или тестенини, доењето на детето резултира со плачење, очигледна болка и запек или крв во столицата, ова може да биде индикатор за алергија на пченица. За да проверите дали станува збор за тоа, елиминирајте ја пченицата од менито на две, три недели. Ако симптомите се подобрат или исчезнат, ќе знаете дека сте го нашле главниот виновник - и ќе продолжите да ја избегнувате пченицата.Од друга страна, ако бебето сеуште има непријатни симптоми, елиминирање по еден прехранбен производ од листата се додека не дознаете што е проблемот. Ако на бебето нешто му пречи, веројатно се наоѓа на листата.

Млечни производи Познато е дека на многу бебиња им пречи адаптираната млечна формула базирана на кравјо млеко. Но, ако мајката пие млеко и јаде млечни производи како што се: сирење, сладолед или јогурт, истите алергени можат да стигнат до мајчиното млеко, а потоа и до бебето. Симптомите на алергија или хиперсензитивност на млеко се грчеви, повраќање, несоница и егзема.

Пченка Алергиите од пченка се чести кај малите деца, но како може да бидете сигурни дека симптомите како што се грчеви, плачење и осип се резултат на пченката што ја јадевте за вечера? Ако не сте сигурни дека пченката е храната што сакате да ја отстраните, почнете да водите дневник на исхрана. Во него запишувајте кога ќе изедете нешто од пченка и како изреагирало вашето бебе. Ако забележите дека постои некој шаблон по кој вашето бебе има грчеви и непријатност само кога јадете пченка, веројатно е добра идеја да започнете да ја елиминирате оваа храна.

Школки Школките се познати по тоа што предизвикуваат алергии, а научниците покажаа дека колку што е почеста алергијата во семејството, толку е поголем ризикот дека детето ќе има алергија и дека ќе се појави многу рано. Иако школките и другите морски суштества, како што е јастогот, не се толку чести во нашата исхрана, сепак, треба да се грижиме и за овие работи. Значи, ако таткото на вашето дете има алергија, но вие немате - можеби сепак е најдобро да ги избегнувате школките додека доите.

Јајца Алергијата на јајца, која обично претставува хиперсензитивност на белките, се повеќе се јавува кај децата. Меѓутоа, голем проблем е тоа што јајцата се во речиси сè - од леб, преку закуски до сладолед. Затоа оваа алергија лесно може да се превиди.

Соја Многу деца кои имаат проблеми со кравјо млеко не ја толерираат најдобро и сојата. Ова се лоши вести за оние мајки кои мислеа дека млекото во кафето може да се замени со соја млеко. Ако се сомневате дека бебето реагира лошо на сојата, обрнете внимание производи конзумирате. Имено, протеинските шејкови и енергетските плочки, во кои се наоѓаат изолирани соини протеини, можат да бидат многу поголеми алергени од ферментираните производи.

Она што им се препорачува на сите доилки кои се сомневаат дека детето има алергија е да ги исфрлат сите главни алергени од исхраната. Тука спаѓаат: млеко и млечни производи, соја, јајца, пченица, кикирики и школки. По две недели, овие намирници почнуваат да се додаваат една по една, во период од околу четири дена. Добро обратете внимание како реагира вашето бебе по секоја нова храна.

Кои мажи кои треба да ги избегнувате по секоја цена?

Христина Ѓоргиевска — Mon, 30 Jul 2018 12:03:17 +0000

Љубовните врски и меѓучовечките односи секогаш ќе бидат комплицирани. Никогаш човек не знае кој ќе му го помати разумот и најчесто сме изненадени кога тоа ќе се случи. Но, постојат неколку генерални правила кои треба да ги следите ако сакате да бидете во здрава и среќна врска. Еве неколку типови мажи кои треба да ги избегнувате Типот кој не може да го поднесе фактот дека сте подуховити/попаметни/поуспешни од него Партнерот секогаш треба да се гордее на вашите успеси и постигнувања и треба да ве поттикнува да сјаете. Само мажи кои се несигурни во себе чувствуваат слабост ако жената им парира во секоја смисла. Типот кој нема никакви амбиции Прво ви се допаднал затоа што делувал опуштен, но по некое време сфаќате дека неговата опуштеност значи дека сака по цел ден да лежи дома и да излегува одвреме-навреме да се види со другарите и толку. Никакви други желби и соништа. А најлошиот дел е што нема никаква желба да направи чекор напред и да си ги подобри околностите. Да, сите поминуваме низ тешки периоди, но сите имаме и соништа кои нѐ одржуваат. Типот кој сака да си има и резерви Ако се гледате со тип кој не сака да го дефинира вашиот однос или да се гледа само со вас, тогаш зошто би сакале да бидете со него? На почеток може да се преправате дека не ви пречи, но длабоко ќе бидете несреќни и ќе се мачите и вие тоа добро го знаете. Типот кој е дрзок со келнери Можеби ви звучи чудно, но можете да дознаете многу за луѓето преку тоа како се однесуваат со келнери, шанкери и вработени во ресторани. Ако се однесува дрско со нив без никаква потреба, тука нешто навистина не е во ред со неговиот карактер. Типот кој изневерил некоја друга девојка за да биде со вас Можеби има неколку успешни примери, но најчесто врските кои почнуваат такашто едниот изневерил некого со другата личност завршуваат со изневерување. Ако некој немал проблем да ја изневери својата девојка со вас, зошто мислите дека не би ве изневерил и вас? Типот со кој се гледате само затоа што е слободен Да, фин е. Да, океј е. Но, вие се гледате со него само затоа што е слободен и достапен. Нема полош избор од тоа да влезете во врска само за да бидете во врска. Осаменоста често нѐ тера кон погрешни патишта. Не го влечете човекот за нос ако не сакате навистина да бидете со него. Не е фер кон него, а и така ќе се повредите себеси. фото:скопјеинфо.мк