ивона јовановиќ – Вистина.мк

Ивона Јовановиќ ослабе 53 килограми: „Сакам да ме препознаваат по гласот, не по стасот“ (видео)

Христина Ѓоргиевска — Fri, 14 Jan 2022 08:41:29 +0000

Младата пејачка Ивона Јовановиќ публиката ја памети по нејзиното учество во регионалното музичко шоу „Ѕвездите на Гранд“. Имено, Ивона се покажа во одлично светло и сите го пофалија нејзиниот глас. Меѓутоа, откако испадна од музичкото шоу, Ивона истакна дека Гранд не ја прифатила нејзината дебелина и дека никогаш нема да се врати во натпреварувањето. Јовановиќ изминатиот период успеа да ослабне – 53 килограми. Таа беше на стеснување на желудникот и успеа да се ослободи од вишокот на килограми. Во „Жешко столче“, Ивона истакна дека премногу бил фокусот на нејзината дебелина, а не на нејзиниот глас. Како што кажа, таа не направила операција поради критиките за дебелина туку поради здравствени причини. -Причината за стеснување на желудникот е сопственото здравје и потребата да се тргне фокусот од мојот изглед бидејќи позади мене имам милиони квалитети за кои сум свесна. Дебелината тоа некако го саботираше, вели Јовановиќ. Таа откри дека наскоро ќе оди во Белград да работи на нови песни со добар познат компизтор, но не откри за кој се работи. Целото интервју погледнете го во видеото подолу. фото: принтскрин/инстаграм/јутуб

Упорноста даде видливи резултати: Некогашната македонска учесничка во „Ѕвездите на Гранд“ направи операција за „стеснување“ на желудникот, па сега откри колку килограми изгубила за 3 месеци

Христина Ѓоргиевска — Wed, 24 Nov 2021 09:01:17 +0000

Кумановката Ивона Јовановиќ јавноста ја памети по нејзиното учество во музичкото шоу „Ѕвездите на Гранд“. Ивона освои со своите вокални способности, но често добиваше критики за вишокот на килограми. По испаѓањето од музичкото шоу, Јовановиќ истакна дека продукцијата не го прифатила нејзиниот изглед и дека нема да се врати во „Ѕвездите на Гранд“. Меѓутоа, неодамна односно пред три месеци Ивона направи скратување на желудникот во Турција и сега води здрав начин на исхрана и физичка активност. Кумановката често на социјалните мрежи знае да објави по некоја фотографија на која ја покажува својата нова линија, а со тоа и да ги мотивира нејзините следбеници кои сакаат да се ослободат од вишокот на килограми. Овој пат, откри колку килограми изгубила за 3 месеци. Имено, Македонката на својот „Инстаграм“ објави видео од некогаш и сега односно како изгледала со вишокот на килограми и како изгледа 3 месеци по постоперативниот период. Таа откри дека изгубила 37 килограми по операцијата за скратување на желудникот.

View this post on Instagram

A post shared by Ivona Jo (@ivonajo)

Нејзините следбеници ја опсипаа со позитивни коментари, односно најчесто ставија емотикон со аплауз. фото: инстаграм/ивона јовановиќ

Ивона Јовановиќ ја критикуваа поради вишокот на килограми во „Ѕвездите на Гранд“, а сега ослабе 28 килограми: „Благодарна сум на можноста да бидам среќна и исполнета“

Христина Ѓоргиевска — Wed, 27 Oct 2021 07:30:16 +0000

Кумановката Ивона Јовановиќ публиката ја памети по нејзиното учество во регионалното музичко шоу „Ѕвездите на Гранд“. Ивона со својот глас ја освои публиката и добиваше само пофални зборови за пеењето, но многумина ја критикуваа поради вишокот на килограми. По испаѓањето од музичкото шоу, Јовановиќ истакна дека продукцијата не го прифатила нејзиниот изглед и дека никогаш нема да се врати во „Ѕвездите на Гранд“. „Ви благодрам за подршката која ми ја подаривте од септември до сега. Ова не е пораз, ова е лекција. Мојот изглед Гранд никогаш не го прифати, па затоа мојот вокал никогаш нема да се продава таму. Сите кои имате предрасуди за мојот изглед и дебелината ве молам напуштете го профилот. И никогаш повеќе не се враќајте тука! Една огромна благодарност до тимот кој ми помогна во најтешките моменти, напиша тогаш Ивона на Инстаграм. Меѓутоа, неодамна Ивона направи скратување на желудникот во Турција и сега води здрав начин на исхрана и физичка активност. -Од каде да почнам? Од благодарноста кон моите родители кои не себично ми пружија љубов и секој вид поддршка за овој нов чекор во мојот живот. Благодарноста е таа која овој период ме дефинираше како прав зрел човек. Во моменти на најголемата болка која сум ја искусила во мојот живот, јас велев дека можам и дека ќе успеам. И успеав. Се разбудив жива и здрава од операцијата и во овој момент сум на пат кон здрава верзија на Ивона. За самата процедура нема да зборам сега. Ќе се задржам на емотивниот момент и одлуката. Долго време на мојот профил читате за прифаќањето на самите себе и љубовта кон себе. И стојам уште до тоа. Без прифаќање на реалната ситуација и согледување на своите ЧУВСТВА немаше никогаш да прифатам овакво нешто. Прифати за да можеш да промениш е мотото кое ми одзвонуваше во главата секојдневно. Прифати за да можеш да промениш. И последните недела дена пред операција ( моментот бикини на плажа) беа тие денови кога живеев слободно. Ја почувствував слободата на сопственото тело. Одлучив овој процес да оди јавно без цензура. Се што ќе се случува со мене ќе го проаѓаме заедно. Ве сака ИвонаЈо“, напиша тогаш на својот Инстаграм. Ивона започна со физичка активност, па редовно оди на пешачење во природа, но и редовно вежбање. Еден месец по операцијата, Ивона го облече своето омилено парче облека – тренерки кои претходно не можела да ги облече, а сега и беа широки. Јовановиќ во последниот пост на Инстаграм обзнани дека успеала да ослабе 28 килограми и покажа како изгледа со минус килограми на себе. „Денес завршува вториот месец од мојот втор роденден. Многу емоции насоберени во мене имам денес. Испомешано ми е се. Но едно сигурно знам. Го живеам животот во овој момент и благодарна сум на можноста да бидам среќна и исполнета. 28 килограми си заминаа и го напуштија моето тело засекогаш. Секој килограм остава трага на моето тело надевајќи се дека никогаш нема да заборавам низ што се поминавме заедно. За овие два месеца најважната лекција за совладување ми беше спроведување на здрави навики во исхраната: јадење на три часа, пиење на течност, 30 минути пред и после јадење течност не, Внес на протеини, Физичка активност сон од 7-8 часа дневно, And I did it!“ напиша таа. Ивона Јо е само уште еден пример дека кога нешто се сака, се може! фото: принтскрин/инстаграм/мартин трајановски

Некогашната македонска учесничка во „Ѕвездите на Гранд“ прележа корона: „Имав такви тешки ноќи, со тешки симптоми“

Христина Ѓоргиевска — Sat, 26 Sep 2020 07:05:10 +0000

Коронавирусот не ги заобиколи ни познатите, па многумина од нив беа позитивни на корона, некои со поблаги симптоми, а некои за жал ја изгубија битката со вирусот. Некогашната македонска учесничка во „Ѕвездите на Гранд“, Ивона Јовановиќ исто така била позитивна на Ковид 19 и го прележала вирусот.

View this post on Instagram

Дечки мои. Позитивна сум на Ковид тестот. Моите пријатели и луѓе со кои бев во контакт се информирани. Се одјавувам на 14 дена. Се надевам дека сте добро и дека се чувате! ❤️🤷🏼‍♀️

A post shared by Ivona Jo (@ivonajo) on Sep 6, 2020 at 2:11am PDT

Таа се огласи на својот „Инстаграм“ и откри дека со месеци не се чувствувала добро. „ Со месеци чепкам во себе. Со месеци не се чувствувам убаво во своја кожа. Барав што се случува со мене. Не ми беше убаво да седам со луѓе. Не ми беше убаво кога не седам со луѓе. Не ми беше убаво ништо. Тотално ништо. Се дур не се случи затварањето дома поради тоа што појавив симптоми и бев позитивна на КОВИД. -Ова мораше да ми се случи. Да ме останам сама со себе скоро месец дена. Бурен живот живееме и немаме време да чепнеме што ни се случува таму внатре. Ми требаше време сама со себе за да сфатам дека животот ми е даден за да го уживам. Барав и ќе барам што е тоа што се случува со мене, но морам да се поместам од место. Морам да престанам да стојам на едно место. Морам да се размрдам и да направам живот каков што од секогаш сум сакала.

View this post on Instagram

A post shared by Ivona Jo (@ivonajo) on Aug 27, 2020 at 11:02am PDT

-Навистина ми беше тешко овие денови и недели. Имав такви тешки ноќи, со тешки симптоми а уште потешки ноќи со псиихчки епизоди. Благодарам на мајка ми, брат ми, татко ми, баба, дедо, тета и уште многу луѓе од фамилијата кои се грижеа за мене. -Огромна благодарност до пријателите,а ќе го издвојам Силјан (@siljanpanovski ) кој секоја вечер ќе дојдеше во дворот (на 6 метри од мене) за да збориме буквално како можеби месечината денес повеќе свети од вчера се со цел да ме одржува во свесна состојба. Да ми ги смири моите панични напади и да ми ја регулира анксиозноста. Никогаш нема да ти го заборавам ова.Благодарна сум што ова зло што и да беше, го победив и знам дека со причина дојде кај мене. Буквално и на универзумот му беше доста од повторувањето на моите грешки и чекање на нешто да падне од небо. Дечки јас сум надвор и сум добро. Чувајте се. Ве сакам !“, пишува Јовановиќ во описот на последната фотографија. Се надеваме дека се ова ќе заврши најбрзо што може, па повторно ќе се вратиме во нормала.

„Се заразив од моја пријателка“: Поранешната македонска учесничка во „Ѕвездите на Гранд“ е позитивна на Ковид-19

Слободанка Илиева — Wed, 09 Sep 2020 07:44:28 +0000

Младата пејачка Ивона Јовановиќ од Куманово е уште едно име од музичката сцена која е позитивна на Ковид-19. Дека вирусот не ја одминал сподели на социјалните мрежи, а во своето обраќање пишува: -Дечки мои. Позитивна сум на Ковид тестот. Моите пријатели и луѓе со кои бев во контакт се информирани. Се одјавувам на 14 дена. Се надевам дека сте добро и дека се чувате!,напиша Ивана споделувајќи и фотогфарија на која лежи во кревет. Таа за „Женски магазин“ откри дека се заразила од нејзина пријателка која немала никакви симптоми на вирусот. -Знам како се заразив, од мојата пријателка, која подоцна дозна дека е заразена со ковид, бевме во контакт во петок и сабота. Мојата пријателка и до ден денес нема симптоми., открива Јовановиќ. Инаку, од коронавирус неодмна беа инфицирани и го прележаа, пејачот Огнен Здравковски, неговата мајка Софче, а исто така позитивен беше и пејачот Боби Павловски.

Кумановецот направи општ хаос во „Ѕвездите на Гранд“, а за нејзиниот глас се „молеше“ (видео)

Христина Ѓоргиевска — Mon, 07 Oct 2019 07:14:01 +0000

Четиринаесетата сезона на регионалното музичко шоу „Ѕвездите на Гранд“ неодамна започна, а и во оваа сезона ќе има многу македонски кандидати кои се борат за што подобро место и пласман. Во последната емисија настапуваше македонскиот кандидат Марио Арангеловски од Куманово кој можеби на јавноста му е познат како јутубер односно снимања на видеа со некогашна учесничка во музичкото шоу, Ивона Јовановиќ. Во последната емисија, Марио прв настапуваше на сцената на „Гранд“, a со неговата појава и енергија тој направи вистинско шоу. Тој се претстави со песните „Десет млаџа“ од Дино Мерлин и „Ајде иди“ од Здравко Чолиќ. Марио во текот на втората песна направи вистинско шоу на сцената на „Гранд“, дури ја фрли и вратоврската на сцена, а жирито беше воодушевено од неговата харизма. По завршувањето на изведбите, Марио доби четири гласа и тоа од Ана Бекута, Марија Шерифовиќ, Јелена Карлеуша и Вики Миљковиќ. Жирито имаше само пофални збори за Марио, а тој за свој ментор ја одбра Јелена Карлеуша. Тој прво ја исклучи Ана Бекута за ментор, па јавно и се извини, но потенцираше дека како што може жирито да бира кандидати, така и кандидатите можат да го бираат својот ментор. „Како што вие може да бирате кандидати ние може да бираме ментори. Со почит кон другите, но јас ја бирам едната и единствена Јелена Карлеуша“ истакна Марио и доби овации и аплауз. „Браво мајсторе“ истакна Поповиќ поради неговата искреност и што го кажа своето мислење. Како Јелена заедно со својот тим ќе го подготви Марио за следниот круг останува да видиме. Неговиот настап може да погледнете во видеото подолу на 4 и 35. https://www.youtube.com/watch?v=8CESshBn9Ng

Макфестовската тема на Ивона Јовановиќ ,,Убав е овој свет“ доби спот (видео)

Слободанка Илиева — Fri, 25 Jan 2019 12:10:32 +0000

Макфестовската тема на Ивона Јовановиќ доби свое видео издание кое го изработија Давид Радичевски, познат на широката јавност како David Black, Александар Ризински и Александар Комненовиќ. Спотот за четири часа од поставувањето на Јутјуб го видоа повеќе од 5 000 луѓе, а досега посетеноста е нешто помалку од околу 60.000 луѓе.

„Верувам дека оваа бројка постојано ќе се зголемува со оглед на фактот што луѓето ја пеат во еден глас на моите настапи. ,,Убав е овој свет е дело на Филип Неделковски, а аранжманот го направи Дарко Тасев. Досега имам преслушано многу песни, напишани за мене од многу автори. Но, сите ги одбив, затоа што ниедна не го разбуди во мене ,,она нешто’’кое со зборови во овој момент не би можела да ви го објаснам. Стигна сосема спонтано до мене , ме освои на прво слушање и реков тоа е тоа. Убав е овој свет е моја. Знаев дека е за ,,Макфест“, и дека сакам да снимам спот за истата.Така и се случи“ – вели пејачката.

Ивона Јовановиќ со музика се занимава од дете. На јавноста и стана позната по учеството во шоуто ,,Звездите на Гранд,,. Има свој јутјуб канал на кој објавува смешни видеа во кои со нејзиниот пријател Марио Арангеловски го споредуваат светот со Македонија, објавуваат видеа во кои го споделуваат нивното искуство,а на младите често им делат совети за шминкање. Неодамна објави искрен статус на Фејсбук и Инстаграм наменет за девојките со поголема килажа.

„Објавив моја фотографија со моите вишок килограми и реков: Што ако вие имате помалку килограми, а јас имам точно толку колку што треба. А колку треба? Никогаш не ми било јасно кој тоа диктира колку треба да имаме килограми за да бидеме ,, нормални’’и прифатени од општеството. За жал килограмите и изгледот во 21 век се битни и акцентот е ставен на нив. Се прашувам до кога. Се борам да им докажам на луѓето, а посебно на младите, дека изгледот е само еден дел од целокупниот производ. Но не и најважен“ – потенцира Јовановиќ.

Ивона Јовановиќ со својата прва песна порача: „Убав е овој свет“ (видео)

Христина Ѓоргиевска — Mon, 08 Oct 2018 12:01:36 +0000

Ивона Јовановиќ од Куманово на македонската јавност и е позната по нејзиното учество во двете сезони на регионалното музичко шоу „Ѕвездите на Гранд“. Откако, не успеа да се пласира во првите 12 кандидати и го напушти музичкото шоу, Ивона истакна дека повеќе не се враќа во Гранд. Меѓутоа, таа не запира на музички план. Деновиве, го сними својот прв сингл, односно песната „Убав е овој свет“, за кој снимаше и спот. Текстот и музиката се дело на Филип Неделковски, а арнжамнот на Дарко Тасев. Видеото е дело на Давид Радицевски и Александар Ризински, а во продукција на Давид Радицевски и Александар Комненовиќ. За модел во спотот, Ивона го одбра нејзиниот пријател Марио. Погледнете како изгледа првата песна на Ивона. https://www.youtube.com/watch?v=2LXv5mG3xkM&feature=youtu.be

Се расплака пред камерите“: Ивона Јовановиќ прозбори за тешкиот период од животот (видео)

Христина Ѓоргиевска — Thu, 04 Oct 2018 07:39:56 +0000

Ивона Јовановиќ сите ја паметиме по учеството во регионалното музичко шоу „Ѕвездите на Гранд“. Ивона учествуваше во две сезони во ова музичко шоу, а по напуштањето на истото одлучи повеќе да не се враќа на сцената на Гранд. Таа истакна дека Гранд не го прифатил нејзиниот изглед и дека не сака да го продава својот глас. Јовановиќ сними видео на „Јутуб“ во кое прозборе за тешкиот период и зошто била отсутна од „Јутуб“. „Ми беше тешко. Почна со тоа што татко ми замина да работи во странство. Да работи пред се за мене, брат ми и мајка ми. Јас останав тука со брат ми и мајка ми, почнав да подготвувам испити. Имав некои проблеми во главата кои што ме мачеа дали сакам да го студирам тоа што го студирам. Од девојка што знае што работи се претвори во човек што не знае што сака. Таа истакна дека во јануари многу тешко го фатила условот за на факултет. Таа вели дека многумина можеби ќе речат дека плаче поради глупости бидејќи во светот се случуваат, меѓутоа на неа и било тешко бидејќи се трудела, но без успех. Инаку, Ивона деновиве снимаше нова песна, а викендов ќе настапи на Макфест. https://www.youtube.com/watch?v=qzGVL7YwTPY&feature=youtu.be

„Внатре нешто смрди“: Ивона Јовановиќ жестоко „распали“ по „Ѕвездите на Гранд“ (фото)

Христина Ѓоргиевска — Tue, 02 Oct 2018 06:47:37 +0000

Ивона Јовановиќ ја паметитме од регионалното музичко шоу „Ѕвездите на Гранд“, каде за првпат се појави во сезоната 2014/2015 година. Тогаш, Ивона немаше доволно среќа, па не стигна многу далеку. Меѓутоа, тоа не ја обесхрабри и таа повторно се појави во дванесетата сезона, односно претходната година. И по вторпат, кумановката не стигна до самото финале, но овој пат одлучи да му каже збогум на „Гранд“ и на овој вид на наптреварување. https://www.youtube.com/watch?v=qGFOKb2ZpUs По напушатањето на шоуто, Јовановиќ истакна дека нема повеќе да се пријавува. На социјалната мрежа Инстаграм, во кратките прашања ја прашаа Ивона дали погрешила што оваа сезона не се пријавила повторно, таа одговори: „Не, пакувањето е сменето. Внатре уште смрди“.

Нејзините следбеници и поставија уште неколку прашања за Гранд, зошто не се потрудела со својот глас и да го покаже својот талент. „Затоа што не живеам да ги имприсионирам другите. Потенцијал и талент имам. Оној кој што верува во мене со ваков изглед заслужува да биде со мене и кога ќе сум по стандардите на опшеството. СЛАБА. Оној кој што не го прифаќа мојот изглед ваков, не заслужува да прави пари од мојот талент“, напиша Ивона.

Јовановиќ деновиве го снимаше видео записот за својата прва песна, а ќе настапи и на Макфест. фото: принтскрин/инстаграм