иван јованов-ивајо – Вистина.мк

Јован Јованов по 14 години молк повторно запеа и тоа во дует со Пајак: Ова е најновата ремикс верзија на стариот хит – “Магија” (ВИДЕО)

Антонио Димитриевски — Mon, 11 Dec 2023 10:47:32 +0000

По дваесет и пет години победничката песна на Макфест од 1998 година “Магија”, доби нов, модерен поп звук кој веруваме дека силно ќе допре до публиката и песната ќе продолжи да живее и кај младата популација. По желба на Пајак, Јован после 14 години повторно запеа “ќе ми треба магија“, но овој пат пее дека има дозвола за кола да ја повози девојката, додека пак Пајак се' уште ја нема... За песната е направен нов аранжман и целосно нова продукција од страна на неговиот брат Иван Јованов - Ивајо. Спотот е сниман во Pro Light Studio, во продукција на Урбан Рекордс и добро познатите Гордан Божиновски, Никола Наумовски, а како продуцент на истиот се јавува и самиот Јован. На почеток видеото започнува со снимка од оригиналниот настап на група “Магија” од Макфест, а се појавува и прекрасната Марјана Станојковска во заедничка кореографија со Јован, Илија Карадакоски и балетското студио Eat The Beat. Спотот е веќе промовиран на Јутуб каналот на Урбан Рекордс, а додека пак телевизиската промоција на спотот ќе биде на 13.12 во среда во ТВ магазинот Бекстејџ на Телма ТВ. Погледнете го спотот за “Магија” со песната во ново руво, отпеана како дует помеѓу Пајак и Јован, кој експресно од своето појавувње вреќе високо котира на трендинг листата на јутуб.

По впечатливиот настап на „Макфест 2023“ на Тијана Периќ успехот и се враќа како – „Бумеранг“ (ВИДЕО)

Антонио Димитриевски — Sat, 04 Nov 2023 09:12:16 +0000

На годинешново 38-то издание на Фестивалот на забавни мелодии „Макфест 2023“ во Штип каде во живо ја отпеа одличната и певлива „Бумеранг“, Тијана Периќ имаше еден од највпечатливите фестивалски настапи. Иако, како што и самата таа вели, ова е нејзино прво претставување пред македонската публика и прво нејзино фестивалско искуство. Инаку, таа настапи со впечатливата креација во црвена боја во придружба на танчерите од „Aqua Dance“ каде ги освои симпатиите и на публиката во салата и на жирито и беше меѓу петте најдобри од првата фестивалска вечер. Ја имаше честа да ја отвори ревијалната вечер и да настапи заедно со многуте наши познати музички ѕвезди. Песната “Бумеранг” ја напиша Ефтимија Јованова, а во тимот на обработка учествуваа и Јован и Иван Јованови. Александар Ристовски – Принц се погрижи за спотот, а пак на сцената на „Макфест“ ја придружуваа танчери од „Aqua Dance“. За изгледот да биде онаков каков што беше , совршено вклопен во комплетната визуелизација на сцената се погрижи Ива Спасовска за креацијата и студио “Диор” од Штип за шминката и фризурата. Презадоволна од својот настап и приемот на песната Тијана уште отсега со сигурност вели дека повторно ќе ја видиме на „Макфест“, во некоја следна прилика, а кој знае, можеби веќе уште следната година. Инаку Тијана зад себе веќе има снимено две балади , „Писмо“ и „Сонувам“, а веќе се подготвува и за снимање на видео за нејзината следна песна која ја најавува за почетокот на месец декември. Во продолжение, можете го погледнете видеозаписот за макфестовската “Бумеранг” која веќе наголемо се врти во македонскиот радиоетер.

Таско и Малена ви го подаруваат видеото за нивниот макфестовски – „Сафир“ (ВИДЕО)

Антонио Димитриевски — Wed, 01 Nov 2023 10:52:23 +0000

“Сто пати рани, рани, рани ме, но не ми брани јас да љубам не, тонеш во лаги барем еднаш признај се, солза на образ како плав сафир е”... Се заразните љубовни стихови од рефренот на новиот макфестовски хит на Таско и Малена, напишани токму од Таско кој во многу песни па и во оваа се појавува во улога на текстописец. Автор е и на музиката заедно со популарниот Пајак, додека пак аранжманот, миксот имастерингот се на хитмејкерот и продуцент Иван Јованов- Ивајо, а во заедничка интерпретација со младата пејачка Малена. Навикнати сме Таско да го слушаме во дуети и соработки со доста познати музички имиња како Раста и слично, но овој пат Таско даде поддршка на една млада, харизматична и доста талентирана девојка. Магдалена Јаковска- Малена е осумнаесетгодишна пејачка која пред само неколку месеци учествуваше во македонското музичко тален шоу “Пат до ѕвездите”, каде успева да се пласира во големото финале. Веднаш после тој настап кој се емитуваше во живо на една од нашите телевизии, добива повик за соработка од Урбан Рекордс и така станува новиот ексклузивец на продукцијата. Таско беше дел од музичкото жири во тоа шоу, така што веќе беше добро запознаен со нејзиниот голем талент. Таско оваа година се оствари како родител и стана татко на Лукијан. По кратката пауза се враќа на голема врата на музичката сцена со летниот хит “ Намерно “ во соработка со Пајак, а сега и со макфестовскиот хит “Сафир”. Спотот за “Сафир” е во режија и продукција на Никола Наумовски и Гордан Божиновски од Урбан Рекордс , а се снимаше на Галичник и во Prolight студио. Го имаме хитот од Макфест 2022 “ Bella” - Пајак & Лара , кој зеде награда за најслушана композиција помеѓу два фестивала, а се чини дека ќе го имаме и хитот од Макфест 2023 - “Сафир” кој сериозно претендира да биде најслушана песна меѓу два фестивала ( и двете под палката на продуктивната Урбан Рекордс,). Хит кој веќе високо котира на врвот на трендинг листата на Јутуб, но за тоа сепак ќе покаже годината пред нас. Во продолжение уживајте во видеозаписот на “Сафир”.

Едно е сигурно, Пајак и Таско се што прават, прават – „Намерно“ (ВИДЕО)

Антонио Димитриевски — Tue, 19 Sep 2023 06:30:41 +0000

Младиот и талентиран музичар од Охрид, 22-годишниот Христијан Настески – Пајак неодамна ја сними новата песна „Намерно“, овој пат во дует со познатиот македонски рапер Таско. Песната која е снимена за Urban Records е дело на двајцата музичари кои се погрижија за музиката и текстот, додека аранжманот е на Иван Јованов - Ивајо. Ова не е нивна прва соработка, зашто и претходно двајцата трап атисти имаа заеднички дует во 2021 година огледан во темата „Психо“.

Инаку Таско е еден од најпознатите македонски изведувачи на рап и хип-хоп музика и текстописец. Тој започнал да се занимава со музика во 2011 година. Тој годинава стана и семеен човек откаконајпрвин ја ожени најтетовиранатамакедонка - Наташа Неделковска, попозната како Таша Теј, а летово го добија и нивното прво чедо, синчето Лукијан.

Последно што слушавме од Пајак пак беше дуетот со српската пејачка Теодора Џехверовиќ, дует огледан во нивната „Летна авантура“ која ја издадоа во јуни годинава. Заедно со MC Stojan во февруари годинава Пајак го објави хитот „Мала моја“, откако претходно го издаде синглот „Хабиби“, во дует со Антониа Гиговска.

Заедно со Лара Иванова ја надминаа и фантастичната бројка од над 33 милиони прегледи на одличната песна „Bella“, отпена на ланскиот „Макфест 2022“ во Штип.

Младиот трап артист со музика започнал да се занимава уште од негова 6-годишна возраст, а талентот го наследил од неговиот татко кој е поранешен гитарист и љубител на рок музиката. Вели дека инспирација добива од други артисти, љубител е и на многу други стилови на музика, затоа што секоја музика си има своја тема, убавина и порака.

Во продолжение, слушнете ја и погледнете го видео спотот за најновата „Намерно“ за која Таско и Пајак снимија и видеоспот на неколку локации во преубавиот Охрид, во кој покрај нив двајца се појавуваат и неколку згодни млади девојки.

Спотот е одново во режија на „Урбан Рекордс“, односно Гордан Божиновски, Били Д. и Никола Наумовски. Како сето тоа звучи и изгледа, ако досега тоа не сте го направиле, проследете во продолжение:

﻿

Лара Иванова е убедена дека ова лето е нејзино – „Нека гори“ (ВИДЕО)

Антонио Димитриевски — Mon, 17 Jul 2023 06:41:58 +0000

Лара Иванова, девојката која ја разбуди и раздвижи македонската музичка поп сцена пред две години, продолжува со засилено темпо и ова лето. Нејзиниот талент, амбициозност и желба уште еднаш покажаа дека нештата кои се работат со посветеност и многу љубов вродуваат со плод. Нејзината нова тема „Нека гори“ ја има моќта да ве подигне и натера да танцувате и да се препуштите на убавината на звуците и енергичниот бит, кој наговестува уште еден музички летен хит. „Нега гори” е дело создадено од македонскиот музички продуцент Иван Јованов – Ивајо и Робин Зимбаков. Како важен дел од музичката кариера на Лара Иванова е дуетот со младиот македонски пејач „Пајак“ и нивната песна „Bella“, која стана регионален балкански хит и достигна над 22 милиони прегледи на Јутјуб. Тие минатата година се претставија со овој хит на најголемиот музички македонски фестивал „Макфест“. Овој дует е најсериозниот кандидат за добивање на наградата најслушана песна помеѓу две изданија на фестивалот. Покрај настапот на „Макфест“, минатата есен Лара беше номинирана за регионалните Mac награди во две категории со песните „Ремек дело“ и „Јас против целиот свет“ кои се во соработка со македонскиот пејач, продуцент и композитор Роберт Билбилов. За каков музички талент зборуваме, Лара го покажа со добивање на наградата за „Најперспективен артист“ на 26. издание на „Златна бубамара на популарноста“. Се надеваме дека овој нов музички производ ќе биде уште еден нејзин хит кој ќе го продолжи патот на нејзината успешна музичка кариера.

Џокер би таа да дојде кај него, ама сама да си викне – „Такси“ (ВИДЕО)

Антонио Димитриевски — Mon, 20 Mar 2023 06:40:31 +0000

Македонскиот рапер кој се крие зад уметничкиот псевдоним Џокер на социјалните мрежи ја објави својата нова песна со наслов „Такси“ и веднаш предизвика бура од коментари... Колку што предизвика бура и неговата љубовна авантура, која прерасна во афера, а подоцна и во љубовна врска со Антониа Гиговска, по објавата за нејзината бременост, на која Џокер (Роберт Спасенцовски) потсети и на една од фотографиите симната од кадрите на овој видеоспот... Онаа - со тестот за трудници в уста! Инаку, сцените од видеото буквално наликуваат на филмски, во која главната улога ја има токму Џокер. Но, од каде идејата за „Такси“, објаснува лично Џокер „Склоп на секојдневни ситуации: 'Викни такси, дојди кај мене, сам сум'. Сигурен сум дека ќе се пронајдат многумина. Од таму ми дојде идејата, не дека е лично моја приказна“ - накусо изјави Џокер. Тој ветува дека наскоро ќе ја изненади публиката со уште една нова песна, за која како што вели, ќе биде нешто ново и нетипично за нашата музичка сцена. Инаку токму Џокер се потпишува како комплетен автор на неговата песна, а исто така негова беше и идејата за видеоспотот, кој го снимаше младиот режисер Дарко Јовановски. Мастерот и миксот на „Такси“ ги потпишува Иван Јованов - Ивајо. Како тоа изгледа кога Џокер ќе ти спакува приказна во која тој би таа да дојде кај него, ама сама да си викне „Такси“, проследете од видеото во продолжение (КЛИКНИ ТУКА):

Пајак и Антониа Гиговска заедно… „малку авантура, малку љубов, малку стрес“ во – „Хабиби“ (ВИДЕО)

Антонио Димитриевски — Mon, 23 Jan 2023 08:28:35 +0000

После многубројните Јутјуб прегледи и големиот бум кој го направи со макфестовскиот дует со Лара Иванова во темата „Bella“, младата трап ѕвезда Христијан Настески со естрадно-уметнички прекар Пајак промовираше нов дует. Овој пат со по многу што во јавноста експонираната Антониа Гиговска, која по дуетот со „2 Бона“ и нивната „Хиена“, сега заедно со Пајак пее „Хабиби“. Музиката и стиховите се и овој пат авторско дело на младиот Пајак, што покажува дека прераснува во сериозен хит -мејкер кога е барем во прашање музиката на новата генерација. Аранжманот, миксот и мастерингот се вообичаено дело на постојаниот соработник на тимот на „Урбан рекордс“, братот на некогаш познатиот и популарен Јован Јованов, Иван Јованов – Ивајо. Целиот продукт секако е под закрила и етикета на најпродуктивната продикциска куќа во поново време, веќе споменатите „Урбан рекродс“. Разбирливо, песната е визуелизирана и со видеоспот кој стандардно го потпишува трито на продукцијата: Били Д, Гордан Божиновски, Никола Наумовски. Видео спотот на Пајак и Антониа визуелно изгледа како истиот да е снимен некаде на Блискиот Истокот, зашто целата атмосфера и амбиентот, од сценографијата преку костимите, па се' до кореографијата „мирисаат“ на Ориентот. Впрочем како и атмосферата во песната, но и самите стихови: „Малку авантура, малку љубов, малку стрес, заради тие очи паѓам jaс на грев...“, кои како намерно да се пишувани за да го опишат она што на Антониа и се случува периодов на приватен план. Освен тоа, планирано или не, песната излегува во момент кога Антониа е во фокусот на јавноста по роденденското изненадување за целата јавност дека по сите љубовни превирања, 22 годишната пејачка ќе стане мајка. Како звучи и изгледа „малку авантура, малку љубов, малку стрес“ и сето тоа спакувано во темата „Хабиби“ на Пајак и Антониа, проследете во видеото во продолжение (КЛИКНИ ТУКА):

Тино Брзи открива како му стојат – „Пијани ноќи“ (ВИДЕО)

Антонио Димитриевски — Tue, 17 Jan 2023 13:53:39 +0000

„Пијани ноќи“ е насловот на новата песна на кумановскиот изведувач Тино Брзи која премиерно излезе вчера заедно со видеозапис. Самиот Тоно е автор на музиката и текстот за „Пијани ноќи“ во соработка со Иван Јованов-Ивајо, а во продукција на успешната „Урбан рекордс“. Видео записот е креација на Никола Наумовски. Ова не е прв сингл на кумановскиот артист чие целосно име е Валентино Милорадовски. Зад себе ги има и песните „Шеки“, „Гад“, „Суперстар“, „Километри, „Успех“… Како звучат ии изгледаат неговите „Пијани ноќи“ проследете од видеото во продолжение (КЛИКНИ ТУКА):

Марија Спасовска како божица на убавината и љубовта во нејзината – „Венера“ (ВИДЕО)

Антонио Димитриевски — Tue, 27 Dec 2022 09:25:51 +0000

Деновиве новата надеж на македонската музичка сцена, младата Марија Спасовска ја промовираше најновата песна со наслов „Венера“. Таа пред помалку од три месеци дебитираше на годинешното издание на фестивалот на забавни мелодии во Штип, „Макфест 2022“, каде веднаш со својот настап успеа да ги освои симпатиите на домашната јавност. Таму настапи со песната „Омилен“, која оттогаш, па досега се емитува на сите радио-станици ширум Македонија. Инаку како и на претходните, така и на најновата „Венера“, Марија самата се потпишува како автор на музиката и стиховите на песната, додека аранжманот, миксот и мастерингот се дело на познатиот музички продуцент и аранжер, Иван Јованов - Ивајо. Исто така Спасовска не ја промени и екипата која го работеше нејзиниот претходен видеоспот, па така и ова видео го потпишува тимот на „Urban Records“. „Презадоволна сум од сработеното. Одамна ја имав напишано оваа песна и само го чекав вистинскиот момент. Соработував со продуцентот Ивајо, кој навистина се потруди и ги даде сите потребни украси за финалниот продукт да звучи вака. Планот за следната година ми е да бидам уште поактивна, а тоа значи повеќе песни, повеќе видеоспотови и задравје Боже, настапи...“ – изјави накусо младата Марија. Во продолжение проследете како звучи и изгледа кога Марија пее за некој кој во љубовта се однесува како да е „паднат од Марс“ кон божица на убавината, љубовта и животот - „Венера“ (КЛИКНИ ТУКА):

Пајак и Лара во дует пејат за секојдневието на еден вљубен пар и нивниот љубовен пат во – “Bella” (ВИДЕО)

Антонио Димитриевски — Thu, 27 Oct 2022 09:48:12 +0000

На штотуку завршениот “Макфест 2022”, едни од учесниците кои се појавија на фестивалската сцена беа и младите пејачки имиња, траперот Пајак и пејачката Лара Иванова кои заедно во дует со својата изведба ја промовираа нивната најнова песна која веруваат дека ќе биде голем хит. “Bella” е насловот на песната, а за неа се погрижија Христијан Настески – Пајак кој ги напишал музиката и текстот, додека пак аранжманот, миксот и мастерингот ги изработил Иван Јованов – Iwayo. За оваа песна уште пред стартот на фестивалот од страна на Урбан Рекордс беше снимен видео спот кој веднаш по макфестовската изведба беше промовиран на нивниот YouTube канал. Инаку Лара Иванова, го привлече вниманието на јавноста со музичките песни; „Ремек Дело“, „Некогаш ќе помине“, „Цвеќе на тагата“, „Душа“... Додека Пајак веќе долго време соработува со познатата продукција „Urban Records“, а неговите хитови „Ноќва“, „Срце“, „Проблем“ и многу други, имаат милионски број прегледи, што го потврдува дека овој млад пејач го очекува уште поуспешна кариера. Песната зборува за секојдневието на еден вљубен пар и за сите авантури што им се случуваат на нивниот љубовен пат. „Тоа, тоа, тоа што го правиш намерно, тоа, тоа јас по тебе трагам упорно...“, пеат Лара и Пајак, а вие во продолжение погледнете за што станува збор и како сето тоа изгледа во видеото (КЛИКНИ ТУКА):