Бојана Нушкова е распродадена: Голата долгонога убавица можете да ја имате и во својата соба, над својата перница! (ФОТО)

Антонио Димитриевски — Tue, 05 Oct 2021 07:35:04 +0000

Македонската манекенка и фото модел од поновата генерација Бојана Нушкова не престанува да изненадувасо споделувањето „уметничка“ голотија! Речиси секој ден на нејзиниот Инстаграм профил и не само таму, осамнуваат нови скокотливи фотографии. На неколку од последните, долгоногата убавица сликана како седната на возачкото седиште излегува од прекрасниот црвен автомобил, електричен „Тесла“ ќе да е, со раскопчан фустан, доволно разголена за да ви го однесе умот на „блудна“ помисла. Впрочем, млада згодна атрактивна, сексапилна, пожелна... зошто и не би? Автомобилот ионака многумина често го користат не само за возење нели, туку во него може „да се вози“ и додека е паркиран! Може, ама ова не е тоа, што можеби некои веднаш си помислија! Да е така, не би имало јавно објавени фотографии на својот Инстаграм!

View this post on Instagram

A post shared by Boyana Nushkova (@boyananushkova)

Овој пат долгоногата убавица се раскомоти со причина... Работна или поточно речено - уметничка. За уште една фотографија од нејзиниот еротско-уметнички црно-бел серијал. Во случајов, надополнет со симулирана ситуација од домашното секојдневие. Бојана „пиштол гола“ божем се обидува преку жица како затвореничка да избега од КПД Идризово?! Идејата нејзина или на авторот на фотографијата, односно на разголениот црно-бел серијал Иван Ивановски, кому очигледно ова не му е прва средба „очи в очи“ со моделот... Или поточно, средба на фотообјктивот и остро око кое голото тело го следи, за еротска уметност која пари вреди. Имено, Бојана и претходно соработувала со него, што докажува неговиот уметнички потпис на претходните нејзини разголени фотографии преточени во... Fine Art, кој може и да се купи! Така, голата долгонога македонска убавица и вие можете да ја имате во вашата соба над или карши вашата перница за 500, 800 или 1500 американски долари... Се разбира во зависност од тоа во која поза и големина ви се допаѓа! „Убавицата не е баш евтина“ - ќе рече некој... Односно голото црно-бело уметничко видување на нејзиниот телесен раскош. Можеби е и така, ама фактите покажуваат нешто друго: Бојана Нушкова е веќе распродадена... Или барем една од нејзините арт пози. Остануваат оние другите, веројатно вклучувајќи ја и оваа - најновата, со која Бојана Нушкова „го урна“ Инстаграм, откако ја сподели! Фото: Инстаграм принтскрин/boyananushkova/ivan_ivanovski

50 години македонски анимиран филм: Иван Ивановски и Слободан Јаќоски работат на проект со кој ДФРМ го одбележува јубилејот

Антонио Димитриевски — Thu, 17 Dec 2020 13:16:48 +0000

Стартуваше проектот „Македонски анимиран филм 1971 – 1991“ во онлајн форма преку лансирање на вебсајтот MACEDONIAN-ANIMATION.COM. Ова е прв проект кој ја разработува и документира оваа значајна тематика од македонската култура и е поврзан со јубилејот 50 години македонски анимиран филм, соопштија од Друштвото на филмски работници на Македонија (ДФРМ). Овој проект е дел од програмската активност на ДФРМ и неговата цел е да ја запознае јавноста со творештвото на пионерските македонски аниматори од 70-тите и 80-тите години, кои и покрај мноштвото домашни и меѓународни награди се подзаборавени и не го заземаат вистинското место во македонското филмско и културно наследство. Приказната на македонскиот анимиран филм почнува пред речиси 50 години, во 1971г. со „Ембрио No. M“ на Петар Глигоровски. Глигоровски, заедно со Дарко Марковиќ, Боро Пејчинов и Делчо Михајлов се генерацијата која ги поставува темелите на македонската анимација. Овие автори го достигнуваат својот зенит кон крајот на 70-тите и почетокот на 80-тите години – создавајќи извонредни филмови кои имаат учествувано и добиено значајни признанија на големи светски фестивали. Филмовите главно се продуцирани од Вардар Филм, институција во која креативноста и ентузијазмот на авторите, нивниот уникатен израз и идеја за анимиран филм се спојуваат со филмското знаење и искуство. Во тоа време кон нив се приклучуваат и други автори: Афродита Марковиќ, Мице Јанкуловски, Славољуб Игњатович, Мирослав Грчев и други кои заедно ја збогатуваат македонската кинематографија со повеќе од 30 анимирани филмови. Гледано од денешен аспект, по бројот и квалитетот на филмовите, ова може да се смета за златна доба на македонскиот анимиран филм. Проектот ќе вклучува биографии, артефакти од самите филмови, рецензии, есеи, оригинални интервјуа и многу други содржини. Поради условите наложени од пандемијата избран е дигиталниот начин на претставување и промоција – освен вебсајтот, содржините ќе бидат промовирани и достапни на социјалните мрежи Фејсбук, Твитер и Инстаграм, во текот на целата 2021 година. Во иднина, кога условите ќе го дозволат тоа – планирана е изложба, публикација, како и ревија на анимираните филмови. Автори на проектот се македонскиот аниматор и ликовен уметник Иван Ивановски и филмскиот промотер Слободан Јаќоски во соработка со Друштвото на филмски работници на Македонија, Кинотеката на Македонија и Вардар Филм. Проектот е финансиски поддржан од Град Скопје.

Иван Ивановски – Вистина.мк

Бојана Нушкова е распродадена: Голата долгонога убавица можете да ја имате и во својата соба, над својата перница! (ФОТО)

50 години македонски анимиран филм: Иван Ивановски и Слободан Јаќоски работат на проект со кој ДФРМ го одбележува јубилејот