Иво секогаш со неа е… – „High“ (ВИДЕО)

Антонио Димитриевски — Thu, 28 Nov 2019 12:19:00 +0000

Иван Атанасов – Иво е најмладиот ексклузивец на Урбан Рекордс, момчето за кого прв пат јавноста дозна летово кога го промовираше неговото прво видео за „Дел “. После само три месеци Иво ја снима траката насловена како “High – да се воздигне нечија состојба на умот. (Секогаш со неа)”. На Youtube каналот на Урбан Рекордс, официјално веќе се промовираше новата две во една - песна и спот. Музиката е на Иво, аранжманот и миксот на Flexin3d, мастеринг на Ивајо. Песната е невообичаена - во два дела, првиот е во времетраење од две минути,а вториот трае една минута и е комплетно во трап стил. Спотот го изработи Гордан Божиновски - God Eye Production и е минималистички и арт, подсеќа на mtv 90’s стилот, каде доминира црно белата боја. Во првиот дел од спотот се појавува прекрасниот модел Ангела Стојковиќ, а во вториот кој е снимен во еден кадар, се гледа како Иво ја ужива поддршката од колегите и тимот на Урбан. Спотот кој можете да го погледнете во продолжение се снимаше на две различни локации - во стан во Кисела Вода и во „Baking bread” - Аеродром.

На Иво му треба само еден – „Дел“ (ВИДЕО)

Антонио Димитриевски — Tue, 27 Aug 2019 13:17:57 +0000

Познатиот звук кој го носи издавачката продукциска куќа Урбан Рекордс е повеќе од добро прифатен помеѓу младите, не само кај нас туку и во соседна Бугарија и Србија. Урбаните дечки кои оставаат се поголем белег на македонската музичка сцена во хип-хоп, рнб, трап и регетон културата, од овој момент стануваат побогати со уште еден млад и талентиран артист. Станува збор за дваесет годишниот Иван Атанасов – Иво.

Иво кој предходно бил ДЈ, го сними неговиот прв сингл во трап стил заедно со видеото насловен како “Дел”, кој е дело на музичкиот продуцент Flexin3D, додека спотот го изработи режисерот Гордан Божиновски – GodEye Production, видео продукцијата на Урбан Рекордс.

Спотот се снимал на доста интересна локација во каменолом, налик на пустина со возедње крос мотори низ него. Официјалната промоција на “Дел”, беше на 18-ти август на YouТube каналот на Урбан Рекордс, а сега можете да го погледнете и вие.

иван атанасов-иво – Вистина.мк

Иво секогаш со неа е… – „High“ (ВИДЕО)

На Иво му треба само еден – „Дел“ (ВИДЕО)