ивајо – Вистина.мк

Бони го визуелизираше својот макфестовски хит – „Ми амор“ (ВИДЕО)

Антонио Димитриевски — Thu, 08 Feb 2024 11:25:05 +0000

Божица Китановска е ново име на македонската естрадна поп сцена, за кое можеби малкумина слушнале. Но, ако кажете само Бони, како што гласи нејзинотои уметничко име и го споменете нејзиното појавување на последниот фестивал на забавни мелодии „Макфест 2023“, на многумина ќе им текне на впечатливиот настап на сексапилното црнко мињонче, кое со својот танц и стајлинг и нејзината хитовски ориентирана тема „Ми амор“, многумина остави со подзината уста и без збор. Бони е позната по своите настапи најмногу по скопските кафулиња, а за музиката како што самата преферира да каже, се интересира веќе неколку години. Самата пишува песни, снима и настапува со свој бенд. До сега кариерита ја водела исто така самата, но отсега има и менаџер. Повикот да учествува на најреномираниот македонски фестивал ја изненадил, а за да ја комплетира песната и помгнал Иван Јованов - Ивајо. Големата сцена и е следниот предизвик, па затоа повторно би настапувала на фестивали. „Сепак, се' е до песната... Ако е добра, ќе помине, луѓето ќе ја засакаат. Ако не е, колку и да ја туркаш, каков и да има маркетинг, нема да помине онака како што треба“ - ќе каже Бони при гостувањето во една ТВ емисија. Инаку, за нејзиниот дебитантски настап на „Макфест 2023“, односно за песната „Ми Амор“ деновиве Бони сними и интересен видеоспот, кој ќе му го продолжи животот на ова нејзино фестивалско музичко парче, кое се' уште се врти во македонскиот радио - етер. Како изгледа визуелизацијата на нејзиниот макфестовски радио хит „Ми амор“, продуцирана од „Универзум продукција“ со режисерски потпис на самата Бони и Томислав Живковиќ, проследете од видеото во продолжение.

Марија Спасовска има нова песна, која ќе ве „зарази“ од прво слушање… и тоа – „Опасно“! (ВИДЕО)

Антонио Димитриевски — Fri, 19 May 2023 11:27:56 +0000

Додека поголемиот дел од македонската музичка естрада „спие“, младата Марија Спасовска напорно работи и еве, за кратко време објави уште една нова песна. „Опасно“ е насловот на новата нумера која за неполни два дена се најде на трендинг на Јутјуб со преку 30.000 прегледи, што е одлична бројка за толку кратко време. Како и за претходните песни, така и на оваа автор на музиката и текстот е токму Марија, додека пак аранжманот е дело на Ивајо. Марија и нејзиниот тим снимија и интересен видеоспот, кои го изработи екипата на„Урбан рекордс“, во кој покрај неа се појавуваат уште десетина други статисти... Колку е „Опасно“ заразно заводлива мелодија, слушнете и погледнете од видеото во продолжение (КЛИКНИ ТУКА):

ДЈ Боно и Кристина Димитри заедно во нивната деби песна и видео – „Карди“ (ВИДЕО)

Антонио Димитриевски — Mon, 29 Aug 2022 12:43:20 +0000

Македонската мисица и модел, однеодамна и пејачка Кристина Димитри(евска) заедно со својот постојан музички придружник ( или таа негов) ДЈ Боно, ја промовираа првата заедничка песна и видеото за неа, насловена „Карди“. Инспирацијата доаѓа од светски познатата музичка ѕвезда, контроверзната Карди Би. „Имам луд ген и пет карактери, ама сепак не сум како Карди Би. Со Боно го анализиравме и мојот карактер и мојот живот и така се роди инспирацијата за песната“ - отворено призна Кристина. Боно ја скоцкал музиката, а заедно со Кристина ги склопиле и стиховите, а миксот, мастерингот и аранжманот вообичаено ги направил Иван Јованов - Ивајо. Режијата на видеото ја потпишуваат Били Ди и Никола Наумовски, кои во последно време стојата зад речиси секое ново видео на артистите под капата на „Урбан рекордс“. Темелено на истиот проверен рецепт, брз и раскалашен живот, незаконски дејанија, црни пари, инстант гламур, скапи коли, евтина голотија... во спотот Кристина одново го истакнува сиот свој телесен раскош и еротски потенцијал. До душа со умерена доза на голотија, која е доволно примамлива да ги привлече љубителите на ваквата музика и уште повеќе оние кои истата многу повеќе ја слушаат „со очи“. Кристина вели дека песната станала инстант хит и дека публиката веднаш ја препознала и научила да ја пее, на што е особено горда, па затоа и подготвуваат нова песна со ДЈ Боно. Колку е успешна во музиката и дали стартот ќе ла лансира упште повисоко, ќе покаже времето... Во меѓувреме проследете ја „Карди“ на ДЈ Боно и Кристина и уживајте во нивнта заедничка музичка творевина:

Кој е тој маж, кому Луна му посакува – „Bon Voyage“? (ВИДЕО)

Антонио Димитриевски — Mon, 15 Mar 2021 13:19:32 +0000

Ексклузивката на „Урбан рекордс“, младата атрактивна, интересна, оргинална и убава Луна, во текот на викендот, недела 14 март 2021 на официјалниот YouTube канал на продукцијата ја промовираше новата песна насловена “Bon Voyage”, разбирливо визуелизирана со видеоспот. Зад музиката и текстот стои самата Луна која се потпишува како нивен автор, аранжманот го изработил Блек Роуз, додека пак миксот и мастерингот стандардно се дело на Иван Јованов – Ивајо. Секвенците за видеоспотот се снимени во Скопје на неколку различни локации, а видеото е во реализација на Луна која се потпишува и како режисер на истиот. Зад камерата бил Били Д, додека истиот го монтирал Никола Наумовски. За што поточно станува збор, односно како сето тоа звучи и изгледа и кој е тој маж кому Луна му посакува „Bon Voyage“ можете да проследите во продолжение: https://www.youtube.com/watch?v=wowNJHdT5zM

Таско и Инас направија македонско-босанска „Балкан банда“ (ВИДЕО)

Антонио Димитриевски — Mon, 24 Feb 2020 13:46:00 +0000

Таско заедно со босанскиот артист Инас ја промовираа “Балкан Банда“. Ова е прва соработка на Таско со артист надвор од нашите граници. Музиката е на Таско, текстот на Таско и Инас, додека пак аранжманот, миксот и мастерингот се на Иван Јованов-Ивајо. Видео спотот е сниман во Сараево во продукција на “New еra digital ѕtudio”. Високобуџетен спот во кој гледаме луксузни мерцедеси, скапи часовници. Песната е издадена за босанската продукција “Империја”. Седумнаесет годишниот Инас Арнаутовиќ од Сараево, кој на музичката сцена се појави под уметничкото име Инас е во подем на босанската музичка сцена кој поприлично привлече внимание и ги освои симпатиите на љубителите на комерцијалната музика. Го викаат наследникот на Јала Брат, Буба Корели, Раста.. Тој и е во роднинска врска со Буба Корели, а е ексклузивец во една од најголемите продукции на балканот -“Империја”. Негови најпознати песни му се: “Да да да”, “Хај ко змај”, “Змиско тело”... На Таско оваа му е уште една соработка, после претходната со Тракер за хитот “ Црна мечка“, а од Урбан ни најавуваат уште многу други песни и соработки за оваа година.. Во продолжение погледнете го видео спотот, кој за само неколку часа постигна висока позиција на трендингот на Јутуб во Македонија и во Босна.

„2 Бона“ се „ложат“ на – „Пиштоли и рози“ (ВИДЕО)

Антонио Димитриевски — Tue, 18 Feb 2020 12:57:29 +0000

Се попопуларното македонско дуо „Два Бона“ имаат нова песна. И овој добропознатиот модерен трап правец не изостанал, со тоа што песната е во побавен ритам или ако така може да се нарече - трап балада. Македонските рапери Марио Јелиќ – Кун и Антонио Стојановски – Тонито овој пат отстапиле од започнатата пракса, да прават песни во дует со нивните помалку или повеќе познати колеги од кај нас и соседството, „Пиштоли и рози“ ја изведуваат сами. Самите се и автори на музиката и стиховите, додека зад миксот и мастерот стојат Кун и Иван Иванов - Ивајо. Разбирливо и новата тема е проследена со видеоекранизација која ја изработиле Крсте Шупев и Алек Тасевски - IMedia. Како и во секое нивно видео и во ова за „Пиштоли и рози“ се појавува ена сексапилна, атрактивна и згодна девојка, овој пат белградскиот модел и таначарка од „Fluid dance & events “ која се потпишува под уметничкото име di.dzej. Како звучи и изгледа кога „2 Бона“ нудат трап балада во пакет со „Пиштоли и рози“, проследете во продолжение.

На Јосиф му е важна само… -„Уште ноќва“ (ВИДЕО)

Антонио Димитриевски — Wed, 12 Feb 2020 11:31:47 +0000

По пауза од скоро половина година, пејачот Јосиф од „Урбан Рекордс“ се враќа со нова песна и спот. Последен негов проект беше соработката со „Два бона“ за летниот хит “Колку ти треба”, а познат е и по соработката со популарниот српски артист Михајло Веуровиќ- VOYAGE во песната „Трапстарз“. Дваесет и две годишниот Јосиф Ристовски кој свири на пијано, а приватно студира архитектура на „Американ Колеџ“, го промовираше спотот за песната “Само уште ноќва”. Трап нумера на која како автор на музиката и текстот се потпишува самиот Јосиф, во продукција на „Saintlucabeats“, миксот и мастерот се стандардно на Ивајо, додека пак спотот го изработи Томислав Живковиќ. Јосиф во него се појавува со две згодни девојки, моделите Ангела Грамосли и Бојана Секуловска. Видеото се снимаше на повеќе локации, од скопските улици до станови со девојки. Спотот претставува своевиден биланс од скопскиот ноќен живот на едно младо момче, полн со адреналин и со девојка која е бесчувствителна и незнае ни каде тера, ниту што сака... “Само уште ноќва, дека утре нема да те знам, покажи што знаеш”- пее Јосиф во видеото кое можете да го проследите во продолжение:

Тракер со нов спот во друштво на уште една убавица: Луна, дај – „Гас“ (ВИДЕО)

Антонио Димитриевски — Tue, 28 Jan 2020 09:53:42 +0000

Младиот трап артист Тракер кој се' уште е актуелен со хитот „Црна мечка“ во кој гостува Таско, промовираше необичен видео спот, овој пат со песна во дип хаус (deep house) стил. Во него ни покажува како изгледаат неговите 3 дена каде е во друштво на преубавата Луна. Во видеото може да се види како Тракер и Луна спонтано и опуштени се подготвуваат за снимањето на првиот видео запис на Луна. За добре дојде на Луна во семејството на Урбан како поддршка во видеото можеме да ги видиме и дел од останатите членови на екипата, а од последните кадри од ова видео можеме да забележиме дека спотот што се најавува ќе изгледа модерно и светски. Видеото се снимаше во неколку локали низ населбата Аеродром, во музичкото студиото на Ивајо и во Про Лајт Студио. Спототи овој пат изработи Гордан Божиновски - Год Ај Продукција. Музиката е на Тракер, Аранжман/Бит,микс и мастеринг на Иван Јованов - Ивајо. Таа е дива, нескротлива, таа е сензуална и секси, впечатлива, ексцентрична и со стил...Таа е се, само обична не. Запознајте ја убавицата Луна, вториот женски артист на Урбан Рекордс, чие време допрва доаѓа.. Веќе следната недела кога ќе биде и официјалната промоција на нејзиниот прв сингл „Мирисаш на куш“, а дотогаш уживајте во спотот што претставува како најава за тоа... „Иде Луна - дај „Гас“.

Иво секогаш со неа е… – „High“ (ВИДЕО)

Антонио Димитриевски — Thu, 28 Nov 2019 12:19:00 +0000

Иван Атанасов – Иво е најмладиот ексклузивец на Урбан Рекордс, момчето за кого прв пат јавноста дозна летово кога го промовираше неговото прво видео за „Дел “. После само три месеци Иво ја снима траката насловена како “High – да се воздигне нечија состојба на умот. (Секогаш со неа)”. На Youtube каналот на Урбан Рекордс, официјално веќе се промовираше новата две во една - песна и спот. Музиката е на Иво, аранжманот и миксот на Flexin3d, мастеринг на Ивајо. Песната е невообичаена - во два дела, првиот е во времетраење од две минути,а вториот трае една минута и е комплетно во трап стил. Спотот го изработи Гордан Божиновски - God Eye Production и е минималистички и арт, подсеќа на mtv 90’s стилот, каде доминира црно белата боја. Во првиот дел од спотот се појавува прекрасниот модел Ангела Стојковиќ, а во вториот кој е снимен во еден кадар, се гледа како Иво ја ужива поддршката од колегите и тимот на Урбан. Спотот кој можете да го погледнете во продолжение се снимаше на две различни локации - во стан во Кисела Вода и во „Baking bread” - Аеродром.

Таско после бурно мината ноќ има минливо „затемнување“ – „Амнезија“ (ВИДЕО)

Антонио Димитриевски — Thu, 07 Nov 2019 13:27:15 +0000

Таско промовира нова песна и спот. „Амнезија“ е насловот на песната и истата е направена во трап стил. Текстот е на Таско, музика Cheketz Beats, миксот и мастерингот на Иван Јованов – Ивајо, додека спотот комплетно го изработи Гордан Божиновски - (God Eye Production). Видеото е снимано во стан во „Џевахир Скај Сити“ и на уште една локација во скопската населба Аеродром, а изработено е во футуристички стил. „Амнезија“ - минливо „затемнување“ после бурно мината ноќ... Таско една вечер поминува со девојка, а од утре е само во нејзините спомени...Во реалноста тој повеќе не постои, постои само во нејзината фантазија и имагинација... Во спотот само по долна облека се појавува моделот Наташа Неделковска или позната како Таша Реј. Атрактивна девојка, голем љубител на тетоважите и веројатно најтетовираната девојка во Македонија. Таша заедно со Таско се појавуваат во полуголо издание, со кое мамат воздишки... кај обата пола. Проверете дали и кај вас, откако ќе го проследите видеото: https://www.youtube.com/watch?v=YtBpUIevi1g