ива спасовска – Вистина.мк

По Карлеуша и Прија и наша Антониа: Од грло до глуждови во леопардов принт креација, како моден тренд или комшиска имитација? (ФОТО)

Антонио Димитриевски — Thu, 22 Feb 2024 09:45:13 +0000

Покрај песните и пеењето, однесувањето, изгледот, имиџиот... заедно со доброто менаџирање се пресудни за кариерата на еден естраден уметник. Особено за пејачките, кои покрај „златното грло“ би требале да поседуваат уште грст „златни нешта“ за да успеат, меѓу кои она што прво паѓа в очи е физичкиот изглед и секако стајлингот! Од фризура до обувки и се разбира гардеробата која ја носат на себе, зашто како што вели старата поговорка: „Руба краси, руба гнаси“ е особено изразена на естрадата! Таму мора да си впечатлив, уникатен, оригинален... да не изгледаш „евтино и петпарачки“, туку стајлингот да ти биде како „од милион долари“! Се разбира, секој/а не може да си ги дозволи скапите брендови, ама затоа мора и може да си ги задржи оригиналноста и прилагоди вкусот на сопствениот физикус и комплетен изглед воопшто. Впрочем понекогаш и со поевтини модни парчиња, ако се добро вкомпонирани, може да се изгледа „холивудски“ иако на себе не носите скапи светски марки!

View this post on Instagram

A post shared by Animal Print Lovers (@animalprintbrasil)

Сепак, многу често на естрадата се случува сакајќи да ги следат модните трендови, поедини естрадни ѕвезди случајно или намерно да бидат исто облечени во различно време и прилики! Онаа што прва на себе ќе го исфорсира трендот е најчесто оригиналната, останатите што по неа ќе се променат во иста или слична комбинација се „бледа копија“? Или барем така сакаат да ги прикажат медиумите и обожавателите, иако можеби и не е баш така, зашто трендот е тренд и модата не е наменета само за една личност, ама сепак... Која прва ќе ја примени откако трендовски ќе се промени, таа е „модната кралица“, а останатите се само... „една од многуте по неа“! Токму една иста модна комбинација со животински леопардов принт е пример за тоа која е која на регионалната естрада кога е во прашање последната мода! Јелена Карлеуша во тој поглед важи за неприкосновена, па уште во почетокот на ноември минатата 2023-та, и овој пат беше првата која изгледаше како „дива мачка на вжештениот естраден подиум“! Од бунда од вештачко крзно со црни дамки... ...Преку длабоко деколтиран корсет и чизми до препони со истата шара, „белградската мала од скандала“ покажа дека и овој пат е уникат! Деновиве новата регионална фолк мегаѕвезда Александра Пријовиќ имаше серија концерти низ регионот. На еден од своите настапи во преполните сали во Хрватска, од грстот модни комбинации на сцената се појави во иста комбинација од леопардов принт, само малку стилски поразлична. Место корсет, деколтирано мини фустанче над колена, чизмите слични како кај колешката, а сето тоа надополнето со високи ракавици до надлактици, секако со истиот леопардов дезен! По Хрватска и Србија, дојдовме и до Македонија... каде по Карлеуша и Прија вака „диво“ променета ја видоме и наша Антониа! Од грло до глуждови во леопардов принт креација, како следбеник на модниот тренд или само комшиска имитација? Дилемата ви ја оставаме вам, кој како сака да го толкува овој стајлинг на Антониа, но едно е сигурно, дека и нејзе истиот ништо помалку добро не и прилега! Инаку, животинските дезени се нешто во што поретко ја гледаме Гиговска, но таа покажа дека одлично изгледа и во вакво издание. И покрај тоа што е закопчана до грло, Антониа изгледа мошне атрактивно и доволно провокативно за да ја разбранува фантазијата и дополнително поттикне возбудата на својот настап на кој вака се појавила. Патем, креација е дело на македонската дизајнерка, кумановката Ива Спасовска и нејзиното модно ателје, а во која Гиговска исто така изгледа како „дива мачка“... Леопард, гепард или јагуар - проценете сами од шарата. Она што го пее меѓудругото на сцена, носи наслов - „Хиена“! Фото: Инстаграм/karleusastar/aleksandraprijovic/antoniagigovskaa

Тијана (не)намерно ја ископира Антониа или нивната модна дизајнерката во недостаток на инспирација на пејачките им ја подметнала истата креација? (ФОТО)

Антонио Димитриевски — Wed, 31 Jan 2024 11:41:07 +0000

Естрадата има свои непишани правила, па покрај тоа што песната мора да ти биде хит за да биде слушана, однесувањето, ама и изгледот, имиџот, шминката, фризурата и модните креации ги прават пејачите и особено пејачките, познати, славни, популарни... музички ѕвезди! Од ова не отстапуваат ниту домашните пејачки, особено не оние од новата генерација, кои на секој нов настап, ТВ гостување, видеоспот... се појавуваат во нова модна креација! Некои си се сами на себе си кројачи, други посегнуваат по фабричка конфекција, додека трети остваруваат конекција со некои од веќе познатите македонски модни дизајнери комплетно препуштајќи им ја својата гардероба на нивната креативна имагинација и вештите шнајдерски раце!

View this post on Instagram

A post shared by IVA SPASOVSKA ATELIER (@ivaspasovskaatelier)

Една од оние која неретко специјално креира за македонските музички ѕвезди или поточно за естрадните пејачки е и модната креаторка Ива Спасовска. Така, Бојана Скендеровски, Лина Пејовска, Барбара Ракичевиќ, Лара Иванова, Антониа Гиговска, Тијана Периќ... се само дел од естрадните убавици чии модни креации ги препуштиле на вредните раце и острите ножици на кумановската дизајнерка. И сите тие имаат едно врзно ткиво, еден заеднички именител во својот страдно-моден изглед, па и во комплетниот имиџ, ако на тоа се додадат и разните парчиња накит и останатите модни аксесоари, за да изгледаат како некоја светска или барем регионална музичка дива, тука е нивната модна креаторка Ива! Арно ама, токму овие последниве две, Антониа и Тијана испадна дека или имаат апсолутно ист вкус, едната комплетно ја ископирала другата или нивната модна дизајнерка во недостаток на инспирација, на пејачките им ја „подметнала“ истата креација? Зашто, како поинаку да се објасни креацијата на Тијана Периќ во нејзиното најново музичко видео „Невера“, каде пејачката е облечена од раменици до петици во апсолутно истата модна комбинација како и неколку недели претходно, нејзината колешка Антониа Гиговска?! Комбинезон од црна провидна тантела, кој е искомбиниран со асиметрично, свилено, мини парче со отворен преклоп до препони, украсено со брош над колкот. Во него Антониа најпрвин се фотографирала, па подоцна и пеела на еден-два свои настапи... За подоцна истото да го облече и во него да се фотографира и Тијана. А подоцна во истиот комбинезон да се појави и во најновиот свој спот! А истото тоа модне парче сосе сите детали и модни аксесоари, како своја креција го потпишува кумановската модна дизајнерка, Ива Спасовска! Случајно или намерно, желба на едната да го носи истото што и другата или некој пробал модно „да им го смести“ на двете „естрадни невести“? После се' - е сосема сеедно! Важно да е добро испрано откако го носела едната, пред да го облече другата! А, кога веќе не се до крај уникатни и свои, вие само можете да избирате и да одлучите на која од двете пејачки, креацијата подобро и стои?! Фото: Инстаграм/ivaspasovskaatelier/antoniagigovskaa/tijana.perikj/

Македонската модна креаторка и нејзиниот турски избраник како во турска серија: Ива Спасовска и Бурак Биркан лани во мај се верија, а сега се разделија!

Антонио Димитриевски — Wed, 31 Jan 2024 09:13:28 +0000

Турските серии се омилени и кај нас и во регионот, а нивната содржина во многу што наликува на вистинските случки од животот, ама и животот очигледно неретко наликува на турска серија. Како поинаку да се протолкуваат муабетите и приказните кои кружат во естрадно-модните кулоари дека македонската модна дизајнерка, Ива Спасовска и нејзиниот турски избраник Бурак Биркан со кого лани се верија, сега се разделија!? Имено, по двегодишната љубовна романса нашата дизајнерка се вери во Париз, а веста самата ја сподели со своите пријатели и следбеници на социјалните мрежи, откако нејзиниот партнер, Турчинот Бурак Биркан помпезно ја побара нејзината рака пред Ајфелова кула. Романтичните фотографии проследени со сите салтанати осамнаа не само на социјалните мрежи туку и по мноштвото македонски портали, а љубопитноста на чаршијата достигна кулминација, каква ли венчаница ќе облече на денот на свадбата кумановската дизајнерка, која креираше венчаници за многу други познати Македонки?

View this post on Instagram

A post shared by I V A S P A S O V S K A (@ivaspasovska_)

И кога сите беа речиси убедени дека тој ден воопшто не е далеку откако Ива Спасовска кажа ДА среде градот на светлината и љубовта, почетокот на 2024-тата започна со веста за љубовната хаварија! Македонската дизајнерка и нејзиниот турски избраник како во турска серија, ја раскинале веридбата!? Кој ја потегнал разделбата, дали „пресекол“ вереникот или модната дизајнерка нему „му земал мерка“, останува да знаат само тие двајцата и мал круг од најблиските околу нив. Причините само се нагаѓаат иако чаршијата „гласно шепоти“ дека во прашање се наводните „швалерски излети“ на несудениот младоженец! Дали е тоа така или се сосема поинакви мотивите зa „љубовниот црв на раздорот“, засега не го имаме одговорот? Како и тоа дали ќе го врати или задржи вереничкиот прстен, некои велат дијамантски или истиот ќе заврши продаден за пари кај некој од скопските златари? Во јавноста за вистината за раскинот на свршувачката засега кружат само шпекулации и нагаѓања, кои Ива Спасовска останува да ги потврди или демантира иако едно е сигурно и нема дилема: Заедничките фотографии со вереникот на нејзините профили „магично исчезнаа“ и повеќе ги нема! Фото: Архива/Инстаграм/ivaspasovska_

Тијана Периќ ќе ве натера да не верувате во туѓите лаги во – „Невера“ (ВИДЕО)

Антонио Димитриевски — Tue, 30 Jan 2024 08:12:11 +0000

По впелатливиот и забележителен настап на последниот „Макфест 2023“ и уште подобриот прием на нејзиниот хит „Бумеранг“ кој се' уште се врти во домашниот радио етер, „Невера” е новата песна четврта по ред на младата и надежна пеачка Тијана Периќ. Автор на песната е композиторот Иле Спасев кој ги напишал, музиката и аранжманот, а се погрижил и за миксот и мастерингот, додека стиховите ги напишал Дени Куртовиќ кој што е млад артист и воедно композитор. Песната е визуелизирана и со видеозапис, а Тијана повторно одлучи довербата да му ја препушти на проверениот мајстор Александар Ристовски Принц, кој направил еден преубав краток музички филм, во кој Тијана носи креации и накит на македонската модна дизајнерката Ива Спасовска. „Невера“ е песната која се одлликува со модерен ритам кој веднаш ве тера да танцувате, а мелодијата на прва влегува во уво, иако е нешто поразлично од досегашните песни. Инаку Тијана е студент на Музичката академија - 3-та година. Музиката е нејзина љубов уште од најрана возраст. Од неодамна е и дел од тимот на Урбан ФМ радио каде што со околу 30 тина млади артисти водат радио подкасти во живо на You Tube каналот на радиото, улога во која подеднакво успешно се снаоѓа. Наскоро најавува и дует со еден наш артист, а секако веќе размуслува и за следна песна. Во продолжение слушнете као звучи и проследете како изгледа новото музичко остварување на Тијана, преточено во темата „Невера“.

Македонската модна дизајнерка кажа ДА среде градот на љубовта: Ива Спасовска запросена пред Ајфеловата кула во Париз (ВИДЕО)

Антонио Димитриевски — Tue, 30 May 2023 08:11:32 +0000

Македонската модна дизајнерка е една од оние чии креации покрај обичните луѓе ги носат и познатите Македонки од естрадниот и јавниот живот... Фолкерката Сања Сани Гроздановска сега Урдаревиќ или ријалити ѕвездата и позната инфлуенсерка и модел Елеонора Миљковиќ на пример, беа или се уште се едни од нејзините редовни клиенти. Но, за младата модна креаторка важи и оноа: Колку креативна, толку убава, згодна, атрактивна и сексапилна, па затоа неретко и самата знаеше да ги рекламира своите модели... Од свечени фустани или венчаници, до костими за капење излезени од нејзиното дизајнерско-креативно ателје. Токму затоа она што се случи ја заскокотка љубопитноста на чаршијата, каква ли венчаница ќе облече дизајнерката кога ќе дојде денот на свадбата на Ива? А тој ден воопшто не е далеку зашто Ива Спасовска кажа ДА и тоа среде градот на светлината и љубовта - Париз.

View this post on Instagram

A post shared by BURAK BİRKAN (@brknbrk_)

Имено дизајнерката се вери во Париз, а веста самата ја сподели со своите пријатели и следбеници на социјалните мрежи, откако нејзиниот партнер, Турчинот Бурак Биркан по двегодишната љубовна романса ја побара нејзината рака пред Ајфелова кула. „Париз е дефинитивно најромантичното место на светот“ - споделила идната невеста покрај видеото на кое двајцата младенци се облечени во бела комбинација. Најпрвин Бурак и го става големиот, веројатно дијамнтски прстен на раката, па потоа следува судбоносниот бакнеж в уста на двете вљубени гулапчиња... Потоа додека вереникот го отвора шишето со шампањко, Ива уште еднаш го покажува прекрасниот прстен од бело злато со скапоцен камен на него.

View this post on Instagram

A post shared by I V A S P A S O V S K A (@ivaspasovska_)

Датумот на свадбата се уште не е обзнанет... Не барем јавно, а за венчаницата...? Веројатно ќе мораме да почекаме невестата самата да ја искреира и сите да ги изненади... Или можеби сепак ќе се одлучи за некој од светските брендови, иако многу поинтересно би било доколку македонската модна креаторка за „големиот ден“ кога ќе биде невеста, самата на себе да си биде и дизајнерка и шнајдерка. Фото:Инстаграм принтскрин/ivaspasovska_

Ива Спасовска – креативна, згодна и сексапилна: Младата модна креаторка ги истакна своите облини во сопствените латекс бикини (ФОТО)

Антонио Димитриевски — Mon, 02 Aug 2021 06:28:14 +0000

Ива Спасовска е една од оние девојки за кои важи: колку креативна, толку убава, згодна и сексапилна. Имено, младата модна креаторка во услови на корона пандемија, вредно работеше и искреира неколку нови колекции, меѓу кои и костими за капење. Една од нив, ја презентираше уште на самиот старт на летото, кога на почеток на месец јуни избра колекцијата бикини да и ја промовира најатрактивната и најсексапилна фитнес инструкторка, а воедно и македонска велнес фитнес шампионка, Кристина Неделковска. Ива Спасовска ја претстави новата колекција бикини, а дамата што ги презентира – фасцинира: Секси инструкторката во ултрасекси моделите на креаторката (ФОТО) – Вистина.мк (vistina.com.mk) Но, тука Ива не застана, па и самата доволно атрактивана, одлучи она што досега не го покажала, самата да го презентира, на убавиот сончев ден, облечена во сопствените „Bloody Red Lateks“ во полниот базен. А во нив креативната Ива, делува нескротлива и дива, толку заводливо и секси, што на многу од професионалните манекенки и модели, ќе им „набие комплекси“. Секако, со овие нејзини разголени рекламни фотографии на кои креаторката ги распослала сите свои телесни убавини, па изгледа како лице од насловницата на модните магазини! Црвената боја ионака самата по себе асоцира на љубов и страт, а кога се женските костими за капење во прашање, уште повеќе го истакнува сиот сексапил и раскошниот телесен профил на онаа која го носи, во случајов самата креаторка. Патем, латексот како материјал асоцира на еротски фетиш, што возбудата ја прави уште поголема, особено кога ќе ги погледнете овие летни фотографии на згодната креаторка, која споила практично, убаво и корисно. Страсна асоцијација во сопствената бикини креација. Штета што фотографката која ги направила фотографиите во различни пози на Ива, не направила и еден „фотошутинг“ на самата на себе во костимот на нејзината пријателка, згодната модна креаторка. Според она што се знае и може да се види и Катарина Павловска, русокосата убавица зад фотообјективот ништо помалку немаше да ви го одзеде здивот (с)облечена во „крваво црвениите латекс“ бикини на креативната Ива.

Пејачката Сани Гроздановска доби секси роденденски подарок, го покажа, ама не го проба… или го проба, а неговата моќ ја почувствуваа и машки раце? (ФОТО)

Антонио Димитриевски — Wed, 26 May 2021 07:24:23 +0000

Роденден е денот што го чекаме, цела година... Та биле деца мали или возрасни, сеедно, денот мора да се прослави, во зависност од условите, околностите и можностите. Коронапанедемијата полека како да стивнува, но масовните дружби се' уште не се дозволени, па затоа македонската фолкерка Сања Сани Гроздановска роденденската прослава ја организираше поскромно, но сепак славје имаше. И тоа каде, ако не кај нејзиниот најдобар пријател, колега и соработник, Трајче Толевски во неговата кафеана, која и се погоди како измислена за роденденската прослава на пејачката. А стариот „скопски боем“ знае како тоа да го направи, особено кога се во прашање драги колеги и колешки, па на Сани и приреди роденденска организација за фасцинација: И амбиентот и храната, а Бога ми и газдата - топ, како што славеничката и сама ги пофали Трајче и неговата кафеана, „Камин кама“. Но, за топ прослава, потребна е и топ гардероба, па роденденскиот стајлинг Сани и го препушти на нејзината исто така пријателка и сограѓанка, проверената модна дизајнерка Ива Спасовска и нејзиното модно атеље „Ива“. Двете кумановки оддамна се познаваат и соработуваат, па затоа дизајнерката најдобро знае на фолкерката да и ја земе мерката, па што се вели и без проба да и стокми совршена гардероба. Онаква, каква што најдобро на Сани ќе и прилега за славеничка прилика. Затоа пејачката ја посети својата сограѓанка во нејзиното модно катче, па проба неколку варијанти, чисто онака, за илустрација, за да види во која комбинација изгледа како вистинска роденденска грација?! На вито тело му прилега и посмело парче, можеби ултра кусо со шлиц од страна и отворен грб што ја покажа големата тетоважа на Сани, која сепак се одлучи за малку поинаква, исто толку смела, но поелегантна комбинација. Патем, не изостана ниту роденденскиот подарок од „кројачката“ за пејачката: Комплет секси долна облека од тантела, со роденденска посвета од креаторката за интерпретаторката: „Среќен роденден душо“, на картичка за посвети со нејзиното мото: „Моќта е во твои раце“! Сани во модното атеље на Ива трпеливо ги пробуваше модните комбинации за роденденското славје, а ја отвори и кутијата со секси подарокот. Го покажа, ама него не го проба... не барем пред камерата на мобилниот. Дали и колку подарокот има моќ, можеби таа роденденска вечер дозна некој друг, „за лека ноќ“? Судејќи по фотографиите од роденденската прослава на Сани, веројатно истата имала и „after party“. А моќта на подарокот од креаторката, многу или малце, ја почувствуваа и машки раце? На обострано „роденденско задоволство“, се надеваме?! Фото: Инстаграм и Фејсбук принтскрин/sani.grozdanovskasanja

Сани Гроздановска во посета кај две познати кумановки: Каде подолго се задржа фолкерката, кај креаторот или психијатарот… пардон, психологот? (ФОТО)

Антонио Димитриевски — Tue, 01 Dec 2020 08:59:11 +0000

За атрактивната фолкерка Сања Сани Гроздановска многу нешта се оддамна познати, меѓудругото дека по потекло е родена кумановка, со адреса на живеење во Скопје. Деновиве Сани реши да посети две свои пријателки, две згодни кумановки на кои им појде на гости и тоа со причина... Или можеби со две? Короната не е причина или ако сакате, е причина повеќе телевизиите да имаат уште побогата програма за новогодишните празници за кои „99,102%“ што би рекол покојниот Амди Бајрам, од луѓето ќе останат дома во своите домови, со најблиските, семејството, покрај ТВ екраните. Затао некои продукциски и ТВ куќи уште отсега си ја сфатија сериозно работата, па си ги засукаа ракавите и тргнаа со снимање, а меѓу нив и сателитската ИН Телевизија која го сними традиционалното „Новогодишно музичко шоу“ кое ќе се емитува пред и за време на новогодишните и божиќните празници. Во него доминира фолкот, а меѓу сите фолк ѕвезди секако и таа - Сани Гроздановска. Згодната пејачка добро знае дека за да бидеш музичка ѕвезда мора не само вокално туку и визуелно да блескаш, особено за највеселата и најлуда ноќ, колку и да била „луда, неубава и непредвидлива годината“, кои сите ќе сакаат што поскоро да ја испратат... во неповрат! Затоа Сани ја посети својата стара пријателка и некогашна сограѓанка од Куманово, креаторката Ива Спасовска во чие модно атеље во Скопје отиде да се промени за снимањето на новогодишното шоу на Ин ТВ. Варијанта еден, или варијанта два, или можеби обете? На Сани и требаше долго време да се одлучи која модна креација да ја одбере, која комбинацијада ја стави на себе? На крај, изборот падна на кусото златесто фустанче од проѕирна тантела за кое фолкерката одлучи дека е попровокативно и поатрактивно да ја комплетира целата слика за оваа новогодишна прилика. Впрочем, снимањето покажа дека фолкерката не згрешила во одлуката... Ниту во изборот на креаторот, ниту во делот на избор на моделот! И ако атрактивната фолкерка кај првата екс-сограѓанка се појави со најава, кај втората позната кумановка очигледно заборавила, па изгледа не и се најавила, туку онака, „апансас“ и се исправила пред врата. И тоа не дома, туку пред новотворената ординација. Имено, Сани била во посета на родното Куманово, па кога веќе се нашла таму, решила да сврати до „Психоверзум“ - психолошкото советувалиште во кое својата нова професија однеодамна почна да ја практикува нејзината стара пријателка, колешка по „грло и микрофон“ и бивша сограѓанка, фолк пејачката и психолог, Тања Јовановска Трајкова. Арно ама, Сани се појави ненајавена, па... ја „бакна вратата“! „Докторката ја немаааа...“ - се пожали јавно Сани, а пријателката во старт и возврати со „психолошки совет“: „Закажете го вашиот термин г-ѓа Сања Сани Гроздановска...За Вас може сеанса и после работно време“, на што Сани искрено се пожали: „Јас сум вонреден случај и треба да бидам примена во секое време“... што најверојатно и беше сторено од страна на нејзината колешка. Како натаму го поминаа времетео двете бивши сограѓанки, музички колешки и пријателки, не е познато... Дали се' се заврши на кафе- муабет или Сани ја искористи оваа шанса и за психолошко-психотерапевтска сеанса, никој од нив не обзнани. Впрочем, дискрецијата на пациентите секако им е загарантирана. Друго прашање е колакава е гаранцијата дали сеансата ќе помогне? Како и дилемата каде повеќе се задржа Сани? Кај која од двете пријателки, познати кумановки: Кај креаторот или психијатарот... пардон, психологот?

Ива Спасовска ја претстави новата колекција бикини, а дамата што ги презентира – фасцинира: Секси инструкторката во ултрасекси моделите на креаторката (ФОТО)

Антонио Димитриевски — Tue, 02 Jun 2020 07:23:55 +0000

Колку и да сме оптоварени и измалтретирани, уплашени и загрижени заради чумата на 21-виот век, корона пандемијата не може да ни ги замрачи и поремети сите планови и сништа. Летото е на прагот, сончеви денови имаме се' повеќе, па логично е некако во овој период од годината мислите да ни одат кон езеро, море, годишните одмори... Додека траеше изолацијата, младата модна креаторка Ива Спасовска и во карантиинот беше вредна и креативна, па очигледно времето не го трошела попусто само на гледање филмови и серии или „киснење“ на Интернет и социјалните мрежи, туку и вредно работела, па успеала својата имагинација и талент да ги претвори во нешто конкретно што се нарекува нова колекција!

View this post on Instagram

Ива Спасовска Атеље го отворив на 12.12.2012-та година. Вака изгледаше моето атеље од 2012-та до 2017-та година. Таа бајковита приказна трае сеуште, но како јас созревам така се менуваат и боите во мојата приказна, сега во поинаков амбиент со бел софистициран изглед и црно кристално лого... Понекогаш ми фалат тие благо розеникави тонови и бајковити детали.. Овие фотографии го одсликуваат моето вистинско јас, мојата душа, мојата имагинација која од сон си ја претворувам во јаве. Затоа мили мои со ова јас сум тука да те ве поттикнам, покажам и охрабрам дека секој еден детски сон можете да го изреализирате и од него и со него да живеете, јас можев и вие можете, само силно посакајте♥️ Ве сака Ива♥️

A post shared by I V A S P A S O V S K A (@ivaspasovska_) on May 16, 2020 at 10:52am PDT

Овој пат во прашање се женски бикини за на плажа. Модерни, уникатни, ултрасекси... Она што е последна мода, што не е само крпче облека на голто тело додека се сончаш или пливаш, туку модерно парче кое во исто време ги истакнува и телесните атрибути на онаа која ги носи. За да се презентира и промовира ваква храбра ултрасекси колекција бикини, потребни се исто такви модели... Или барем еден, а креаторката добитната комбинација ја нашла во фитнес инструкторката и тренер, а воедно и македонска велнес фитнес шампионка, Кристина Неделковска. Моделите од новата колекција бикини на Ива Спасовска навистина совршено и прилегаат, а како и не би, кога русокосата убавица има „тело за медал“ и атрибути за насловница на „Плејбој“! Атрактивна, згодна, привлечна, стројна... Кристина фасцинира во бикините што ги презентира. Едноставно, секси инструкторката во ултрасекси моделите на креаторката изгледа светски. А и колекцијата е прилично храбро дизајнирана, па нуди отворена можност моделот да ги покаже сите свои телесни атрибути, сета своја раскош, а нагласената еротска компонента која новите парчиња на Ива ја прават така дива, мистична и загадочна, а сепак толку секси и привлечна! Од друга страна, со својот изглед, персоналниот тренер од фитнес клубот „Атлета“ е доволно инспиративна да направи парчињата од новата колекција на креативната Ива Спасовска да доживеат и комерцијален успех. Па кога ќе посакате нов костим за капење за себе ако сте дама, или секси, а сепак практичен подарок за вашата поубава половина, сетете се на Кристина... И на тоа, колку секси на фитнес инструкторката и стојат бикините од новата колекција на креаторката! Фото: Инстаграм принтскрин/Ива Спасовска

Елеонора Миљковиќ и Ива Спасовска се физички слични, иако не се роднини: Што ги врзува „задругарката“ и креаторката? (ФОТО) ?

Антонио Димитриевски — Wed, 24 Jul 2019 07:20:41 +0000

Овие две убавици ги имаат сите физички предиспозиции да бидат вбројани во редот на најубавите, најзгодните, најсексапилните и најпожелните девојки во Македонија. Со пропорции што будат страст и копнежи и изглед што на прв поглед возбудува, Елеонора Миљковиќ и Ива Спасовска навидум се многу слични. Потсетуваат една на друга во својот физикус, со темен тен, истакнати јаболчници, пополнети усни, исто средени веѓи... и слични телесни атрибути. И однапред и одзади... Како да се сестри, а не се во никаква роднинска врска.

Елеонора и стана позната на пошироката јавност по учеството во реалното шоу „Задруга 2“, додека Ива е позната како македонски моден дизајнер, со интересни и модерни креации.

Елеонора особено го сврте вниманието на себе последните денови пред да го напушти шоуто, кога како од мајка родена, без оглед на присуството на камерите се соблече „пиштол гола“ да се тушира.

Со „очи ширум отворени и падната вилица“, клипот беше проследен особено кај машката популација, а во него Елеонора покажа со каков телесен раскош располага.

Откако излезе од шоуто, „задругарката“ малку се одмора, малку ужива. Последната нејзина постирана фотографије на социјалните мрежи и е презентација на спа релаксација... А таму, Нора џакузито го дели со... Ели! Дали Лозанлиева, позната како бивша „Бекстејџ“ водителка и е на Нора само пријателка или...?

Ива Спасовска летово ужива на море. Со добро друштво.

А она што е добро не се менува... Па дури ниту истата поза.

И местото, секако. Само различен е начинот на живот, различна е и љубовта... Веројатно нова, летна, длабока?

За подобри вибрации, како што самата креатотка кажува, која деновиве прифаќајќи го „ботл цап“ предизвикот да отвораш капаче на шише со што и да е само не со рака, се прослави правејќи го истото со својата бујна предница!

View this post on Instagram

A post shared by I V A S P A S O V S K A ? (@ivaspasovska_) on Jul 17, 2019 at 12:33pm PDT

Но, прашањето од насловот е што е тоа што ги врзува двете физички слични убавици, кои не се роднини, а сепак имаат нешто толку заедничко?

Одговорот е модата! И ли поточно креациите на Ива, кои со гордост на себе ги носеше и се' уште ги носи Елеонора, речиси во секоја пригода.

Свечена, за пред камерите или за пред „фраерите“, сеедно! Ива знае како тоа да и го скрои, а Нора знае како го да го носи!

Патем, она што ја истакнува нејзината убавина и сексапил, Нора не заборава да истакне чије дело е.