Огњен Амиџиќ прописно го „исплука“ колегата Предраг Сарапа од утринската на ТВ Пинк (ВИДЕО)

Антонио Димитриевски — Wed, 13 Mar 2019 12:21:55 +0000

Во една од игрите на „Амиџи шоу“, водителот Огњен Амиџиќ доби задача да „исплука“ некој свој колега за 30 секунди.По кратко размислување, тој одлучи дека тоа би бил водителот на утринската програма на ТВ Пинк, Предраг Сарапа. „Јас ќе плукам по Сарапа“ - одлучи Амиџиќ. „Сарапа, мизеријо една. Секое утро се будиш во 5 наутро. Седиш таму на таа маса, без да станеш, јадеш и таложиш масти.Зборуваш 6 часа, ги прекинуваш гостите. Воопшто не се грижиш за својот живот.Знам сè за тебе приватно, сега нема да кажувам, засрами се.И таквиот живот што го водиш, размисли дали има логика? И, и ... Доста“ - рече Огњен, а целото студио прсна од смеа! Ова беше оригинално - му рече Милена Ќераниќ. "Што да правам, би рекол уште нешто, ама..." - одговори Огњен. Како оваа шега ја сфатил колегата, се' уште не дознавме. А како Огнен Амиџиќ го „исплука“ Предраг Сарапа, погледнете на 5:19 минути:

Боки 13 на домаќините „им го плесна в лице“ на промоцијата на „Story“: Тие нему награда, тој од говорницата им го „исплука“ директорот!

Антонио Димитриевски — Thu, 22 Mar 2018 09:10:50 +0000

Српскиот естраден магазин „Стори“ („Story“) завчера, вторник, 20 март во скопскиот хотел „Александар Палас“ го промовирише првиот број на своето македонско издание. И како е Македонија земја на чуда и парадокси, иако уште неизлезени, естрадните експерти стартот го означија со делење на селебрити награди, на најпопуларните естрадни и не само естрадни лица и компании. Или што би рекле во народот: „Уште нероден Петко, а тие капа му скроија“, ама нејсе! За оправданоста и критериумите - друг пат ќе зборуваме и пишуваме.

За главен лик, или што би рекле домаќините - најселебрити фаца во земјава за 2017 беше прогласен Бојан Јовановски, алијас Боки 13. Освен главната награда за „личност на годината“, новиот македонски „ТВ магнат“ ја доби и наградата за „модна икона“ и покрај тоа што некои од македонските портали другиот ден искоментираа дека Боки 13 се појави во пижами да си ја земе наградата. Но тоа друга тема за муабет, која им ја оставаме на стручните македонски „фешн гуруа“!

И самиот изненаден, Боки13 откако се качи на сцената, од говорницата најпрвин кусо се заблагодари, ама и не пропушти прилика убаво да го „исплука“ првиот човек на „Колор прес груп“ - македонскиот издавач на „Стори“, новинарот Александар Наков.

„Ми давате награда за модна икона, а токму вашиот прв човек Александар Наков со години наназад најмногу плукаше по мене во Вашите претходни медиумски изданија како што беше Свет...“ - меѓу другото кажа Боки 13 како дополнение на благодарницата, пред да слезе од бината!

Во кулоарските муабети меѓу повеќе или помалку познатите присутни на коктелот по завршувањето на официјалниот дел, ваквиот потег на организаторот и „лауреатот“ беше протолкуван различно.

Едни коментира во стилот: „Рани куче да те лае“, други пак, веројатно незадоволни од тоа што не се најдоа меѓу наградените: „Ако им е, така им треба“, трети: „Сега лижат, кај што тогаш плукаа, зашто Боки сега ќе им треба“, додека имаше и такви кои сметаат дека „личноста на годината според Стори“ сосема бил во право што на домаќините на нивни терен им ја плесна вистината в лице!

Како и да е, едно е сигурно: Sorry "Story", ама ете, се стори...!

исплука – Вистина.мк

Огњен Амиџиќ прописно го „исплука“ колегата Предраг Сарапа од утринската на ТВ Пинк (ВИДЕО)

Боки 13 на домаќините „им го плесна в лице“ на промоцијата на „Story“: Тие нему награда, тој од говорницата им го „исплука“ директорот!