испадна – Вистина.мк

Не очекуваше ваков резултат: Омар Џаферовски се огласи откако испадна од „Ѕвездите на Гранд“

Христина Ѓоргиевска — Thu, 10 Mar 2022 08:48:00 +0000

Омар Џаферовски испадна од музичкото шоу „Ѕвездите на Гранд“. Тој настапуваше во последната емисија и се претстави со песните „Етида“ и „Ове ноче једна жена“. Џаферовски доби три гласа, а Саша Поповиќ без размислување му го даде четвртиот глас и го пушти во бараж. Снежана и Ана истакнаа дека Омар имал претешка задача, но и дека не вежбал доволно. Со нив се согласи и Драган Стојковиќ Босанац. -Беше амбициозен, песната „Етида“ е направена за изведба во живо. Да отпееш точно 99 тонови, а еден да згрешиш, тоа е како од камион со 100 тона песок, еден да испустиш. Ја поздравувам твојата амбиција, но е невидена опасност, изјави Стојковиќ. =Многу си шармантен и имаш нешто во себе. Но, пееше две песни од ист период, наместо втората малку да биде брза, изјави Мили. Ѓорѓе Давид кој е ментор на Македонецот застана во негова одбрана и сакаше да го заштити од негативни коментари. -Ако еден тон е проблем да ти се даде глас, алал да му е на оној кој не ти го даде гласот. Има пејачи кои добија шест гласа, а не се ни за забележување, јас ова ти го кажувам како твој ментор. Не се обратувам на никој посебно, но јас овде имам најмалку авторитет. Мое мислење дека ова беше за повеќе гласови, и мислам дека ќе згрешат ако не одиш во следниот круг, изјави Ѓоле. За жал, Македонецот не помина понатаму и го напушти натпреварувањето. Тој се огласи по овој повод. -Епа, драги мои, овде завршува моето натпреварување на „Ѕвездите на Гранд“. Сакам да се заблогодарам на моето семејство, пријатели и на сите што бевте покрај мене и останевте тука да ме поддржувате. Едно големо БЛАГОДАРАМ на мојот ментор Ѓорѓе Давид. Ви благодарам што се трудевте сите да бидеме максимално добри на оваа сцена и ви благодарам за сите совети. Не застанувам овде, следната година ќе одиме посилно, а отогаш од мене очекувајте многу музички изненадувања. Ве сакам и ви благодарам, напиша Македонецот на Фејсбук. Дали продукцијата ќе го врати Омер оваа сезона останува да видиме. фото: Муња/Лука/Ели/фејсбук/омар џаферовски

Не соработувала со Цеца: Лана воодушеви со нејзините кавери на „Јутуб“, а сега го разочара жирито во „Ѕвездите на Гранд“

Христина Ѓоргиевска — Tue, 07 Dec 2021 10:58:35 +0000

Талентираната Лана Вукчевиќ (15) публиката ја познава по снимњето на кавер видеа на „Јутуб“. Таа сега учествуваше во „Ѕвездите на Гранд“ и во првиот круг го освои жирито со својот талент, но и одлична изведба. Лана за свој ментор ја одбра Цеца Ражнатовиќ со кој требаше да соработува и да ја подготви за следното нејзино претставување. Лана во саботата се појави во вториот круг на музичкото шоу, но доби само два гласа и го разочара жирито. -Овде се случи нешто неочекувано, а јас би кажала дека потполно е очекувано. Имаме девојче кое има 15 години. Прво, мислам дека за неа се уште е рано и не е подготвена за ова натпреварување, не дека не знае да пее, туку моментално нејзинота психичко – физичка состојба не е подготвена за „Ѕвездите на Гранд“. Не знам длаи работела со Цеца, дали доаѓаше на проби, ми изгледа како да не е доволно подготвена, а и не ми се допаѓа репертоарот, изјави Шерифовиќ Цеца која е менторка на Лана објасни што се случило и дали Лана соработувала со неа. -Јас еднаш ја видов Лана и тоа веднаш по првиот круг, немав прилика да работам со неа. Мислам дека има огромен потенцијал, но не знам од каде таа одлука, но мислам дека треба да работи со менторот бидејќи ние стоиме зад нив. Од Лана добив само видео снимки, но јас преку видео не можам да ги корегирам нејзините грешки, вели Ражнатовиќ. Лана на крајот откри дека наместо со менторката работела со нејзиниот татко. -Тоа е проблемот, твојот татко ти посакува се најдобро, но не може да биде објективен бидејќи се води по срцето, изјави Шерифовиќ. Младата талентирана кандидатка испадна од музичкото шоу, а жирито и порача да се врати за некоја година. фото: З. К Муња/ гранд онлајн/принтскрин/јутуб

Александар Јосифовски „растури“ во „Ѕвездите на Гранд“, но тоа не беше доволно: Македонецот испадна од музичкото шоу (видео)

Христина Ѓоргиевска — Mon, 14 Jun 2021 07:48:13 +0000

Во последната емисија на „Ѕвездите на Гранд“ настапуваше и македонскиот кандидат Александар Јосифовски од Охрид. Александар беше во дуел со Садик Хасановиќ. Јосифовски се претстави со песните „Кад заборавиш јули“ и „Македонија“. По крајот на интерпретациите на двата кандидати, двајцата освоија по шест гласови, а по прегласувањето Јосифовски замина во бараж. „Музиката и само музиката ме натера да се одлучам за кандидатот број 2, одлични кандидати, одлични пејачи“, изјави Снежана Ѓуришиќ. Јелена Карлеуша гласаше за Јосифовски. „Најдобар машки рок кандидат на ова натпреварување, тоа го покажа и докажа. Дечко, никој не може да ти се приближи. Ти никогаш не направи ниту една грешка“, изјави Карлеуша. Меѓутоа, ни шесте гласа, ниту пак пофалбите не беа доволни Александар да помине во полуфиналето. Имено, во баражот не беше прочитано неговото име дека поминува во следен круг, па за жал Јосифовски ги напушти „Ѕвездите на Гранд“. Инаку, тој се огласи на својот Инстаграм и се заблагодари на сите за поддршката, на неговото семејство, пријатели, на неговиот ментор Ѓорѓе Давид, а како што истакна подготвува и нова песна која наскоро ќе може да ја слушнете. https://youtu.be/wD4Lrn_baew

Елена Миленковска иако доби пофални коментари, испадна од „Ѕвездите на Гранд“: „Се се случува со некоја причина“

Христина Ѓоргиевска — Mon, 10 May 2021 06:46:28 +0000

Се наближува финалето на „Ѕвездите на Гранд“ на сезоната која трае две години поради пандемијата со коронавирусот. Во последната емисија настапуваше и македонската кандидатка и пејачка Елена Миленковска која се претстави со „Ничија“ од Ана Бекута и „Нинанајна“ од Елена Ристеска. Таа се натпреваруваше во дуел со Немања Ѓурѓевиќ. По завршувањето на нивните интерпретации, Немања доби шест гласа и помина директно во следниот круг, додека пак Миленковска доби пет глас и помина во познатиот бараж. Жирито имаше позитивни коментари за нашата Елена. „Ми се допадна, одлично изгледаш. Драго ми е што пееше своја песна“, изјави Вики Миљковиќ и ја помеша Миленковска со Елена Ристеска. „Тоа не е нејзина песна, туку на Елена Ристеска. Ја познаваш ли воопшто?“, ја корегираше Саша Поповиќ. „Знам, македонска пејачка“, одговори Вики, а Поповиќ ја праша од каде ја познава, а Миљковиќ немаше одговор на прашањето. „Луѓе, жената беше учесничка на Евровизија“, одговори Марија Шерифовиќ. Марија беше единствена која не и даде глас на Миленковска, па објасни зошто тоа е така. „Затоа што Немања е она што претставува една „Ѕвезда на Гранд“. Млад, точен, харизматичен. Тоа не значи дека Елена не беше добра, но тој беше подобар и сакав да оди понатаму“, изјави пејачката. Ана Бекута исто така имаше пофални зборови за нашата кандидатка. „Беше убаво, задоволна сум. Браво, но може и подобро во баражот“. Миленковска со останатите кандидати се натпреваруваше во баражот на крајот на емисијата, но испадна од музичкото натпреварување и не помина во следниот круг. По нејзиното испаѓање таа се огласи на својот Инстаграм. „Друштво помина една вечер од настапот и ми слегнаа емоциите. Срцето ми е полно. Толку убави коментари, толку многу луѓе ми се јавија, како никогаш досега. Благодарна сум на сите на поддршката и на убавите коментари. Многумина ми пишаа, а ги читав и коментарите на „Јутуб“ дека неправедно испаднав, а јас се водам по реченицата дека се се случува со некоја причина и дека најдобрто допрва доаѓа“, напиша пејачката и се заблагодари на целиот тим кој работеше со неа.

View this post on Instagram

A post shared by 𝐄𝐋𝐄𝐍𝐀 Milenkovska 🅂🄸🄽🄶🄴🅁 (@elenamilenkovskaa)

Инаку, Гранд продукција знае пред финалето да организира баражна емисија или пак да врати некои кандидати, а дали така ќе биде со Елена Миленковска останува да видиме.

Гоце Бошковски се огласи откако испадна од „Ѕвездите на Гранд“: „За следната сезона ќе размислам добро дали вреди“

Христина Ѓоргиевска — Mon, 05 Apr 2021 06:53:55 +0000

Гоце Бошковски од Прилеп настапуваше во последната сезона на музичкото шоу „Ѕвездите на Гранд“. Тој се претстави со песните „Станица подлугови“ и „Гори гори срце моје“. Гоце се бореше во дует со кандидатката Нела, а и двајцата кандидати добија по 4 гласа. Бошковски замина во бараж, каде што се бореше со останатите учесници, но, сепак испадна од музичкото шоу. По неговото испаѓање тој се огласи на социјалните мрежи заблагодарувајќи се на сите за поддршка, како и на неговата менторка Вики Миљковиќ која изминатите месеци работеше со македонскиот кандидат. -Мојот последен настап за оваа сезона. Тоа е тоа нема назад. Драго ми е што со двајцата мои ментори во две сезони испеав песни што ретко се пеат а мислам дека некои и ниту еднаш не се испеани на ова такмичење и за тоа сум горд. Секоја песна што ја испеав ја донесов на свој начин а не да копирам некого и за тоа сум горд затоа што се бориме да бидеме свои и да оставиме наш белег а не да бидеме нечија копија Ви Благодарам на сите за подршкат. Исто така му се заблагодарувам и на моите соработници кои беа со мене овие три години на овој натпревар Јас овде не застанувам напротив моментално спремам нова песна со која ќе ве почестам за брзо Да сте здрави и живи.( А за следна сезона ќе размислам добро дали вреди ).Уживајте“, напиша Гоце на Фејсбук. Инаку, Гоце и претходната сезона учествуваше во музичкото шоу и беше под менторство на Ѓорѓе Давид. Во оваа сезона засега остануваат уште неколку македонски кандидати, а меѓу нив се: Мими Јовановска, Марио Арангеловски, Марија Груевска, Елена Миленковска, Благица Ѕунѕуровска...дали тие ќе стигнат до финалето останува да видиме. https://youtu.be/fEFhmCU3hj4