исмева – Вистина.мк

Милица Павловиќ проговори за Ана Николиќ: „Слушнав дека ме исмева за местото каде што сум родена“ (фото)

Слаѓана Атанасова — Wed, 22 Feb 2023 10:29:57 +0000

Популарната пејачка Милица Павловиќ во емисијата на Огњен Амиџиќ овој пат изјави дека Ана Николиќ и е љубоморна. Таа тврди дека доживеала низа непријатности од колешката кој го исмејувала нејзиното потекло. - Ана Николиќ зборува лошо за мене, слушнав дека ме исмева мене и местото каде што сум родена, како и моето потекло. Реков дека ќе одам на нејзиниот концерт како гостин, кај жената има многу добри песни. Навистина би дошла но, само ако ме покани лично - изјави Милица. Популарната пејачка Милица Павловиќ ги сподели своите впечатоци од концертот кој го направи во Ниш, а за кој тврди дека бил спектакуларен. - Концертот траеше два часа, никому не му беше досадно, а јас пеев во живо. Беше феноменално, благодарна сум на сите што беа со мене. Спектакуларно и уникатно. По четвртиот албум ќе има концерт и во Белград, тоа што го видоа луѓето во Ниш е само за нивните очи, а јас подготвувам нешто сосема друго за Белград. Имам публика од пет до сто години. Баба играше на концертот, многу ја поздравувам! Таа е хит на тикток! Инаку, афтер забавата траеше до осум часот наутро - изјави Милица Павловиќ во емисијата на Огњен Амџиќ. Фото: Принтскрин/Инстаграм

Миа Костова сликовито покажа како ни изгледа јавната администрација: Шалтер или шанк во распеана кафеана и службеничка ала „жена од султана“? (ВИДЕО)

Антонио Димитриевски — Wed, 01 Dec 2021 08:50:11 +0000

Македонската ТВ водителка и мошне активна инфлуенсерка Миа Костова, продолжи на себе својствен начин да ја отсликува реалноста. Нештата што ни се случуваат пред очи, кои секојдневно ги гледаме, забележуваме, коментираме, негодуваме, ама никако да ги поправиме. Покрај споделените постови и речиси секојдневните коментари на негативните појави во општеството на социјалните мрежи, односно општествените будалаштини, Миа однеодамна најде нова форма истите да ни ги предочи сликовито. Со хумористични видеа во сопствена режија, во кои ги исмева (не)работата, полтронството, митото, корупција, негрижата, неспособноста, неодговорноста, непотизмот, индолентноста… Или сето она што е „за плачење“ , собрано на купче, што најчесто ја прелива чашата, која никако некој да се сети да ја истури, убово измие и одново стави во функција, онака како што треба. И пак вака треба, зашто така им чини... Ним, ама не и на народот! Ако во првата епизода на тапет беше јавното здравство, сега на Миа Костова инспирација и е јавната администрација. Шалтерот како пример за соочување со суровата вистина на секојдневието во кое живееме... И ние од оваа и тие од онаа страна на истиот тој шалтер. Само рзликата е тоа што ние ги плаќаме од наши пари, а тие си тераат по свое. Платата тече, а работата... кој колку може... другото може и да почека... Ден има и утре! Шалтерот и утре работи... А тоа што шалтерот повеќе личи на шанк отколку на шалтер, на домашна менза или распена кафеана и службеничка ала „жена од султана“... Еј па Вие какви сте, на се' да најдете мана! Мана? Ова кај нас не мана, туку има сериозна серија недостатоци... Фабричка грешка, фелер софтвер во старт, надграден со фалц хардвер... Иако како што во самиот старт на видеото се тврди дека има за цел само да ве насмее, иако не е далеку од реалноста. Ликовите се измислени, а секое препопознавање е чиста случајност... А можеби и не е. Впрочем, погледнете како изгледа кога ќе се најдете во ситуација за Ваши пари да мора „да и се молите“ на јавната админстрација. Миа Костова слатко ќе ве насмее, но и длабоко ќе ве замисли... Затоа секој од Вас убаво нека размисли, „пред чиј шалтер ќе застане“. Погледнете:

Вака би изгледало кога Миа Костова би била главна сестра или само на хумористичен начин реално го преслика здравствениот систем на Филипче: „Не можам да верувам, кој се’ има диплома“? (ВИДЕО)

Антонио Димитриевски — Wed, 17 Nov 2021 08:58:36 +0000

Македонската ТВ водителка и во последно време мошне активна и експонирана инфлуенсерка Миа Костова, со своите споделени постови, речиси секојдневно ги коментира негативните појави во општеството на социјалните мрежи. Или подобро речено, општествените будалаштини со кои сите ние се соочуваме во секојдневието. „Остра на јазик“, поточно „без влакна на јазикот“ Миа нема проблем проблемот која ја мачи и неа и поголем дел од јавноста, да им го плесне в лице на оние кои го создаваат или треба да го решаваат. Најчесто, на оние од власта... Без оглед дали е во прашање, мито, корупција, негрижа, неспособност, непотизам, индолентност, полтронство... Или сето тоа заедно собрано на купче, што најчесто и ја прелива чашата. Но, ако досега само револтирано ги коментираше, сега Миа очигледно одлучила да сврти нова страница, па наместо да ги коментира, решила отворено да ги исмева состојбите, за почеток во здравството! И тоа на хумористичен начин, во кој многу нешта се поклопуваат со реалноста. Секоја сличност е случајна, ама со намера... Исмевајќи ја реалноста да ве насмее и потсети на суровата вистина на неподносливата леснотија на тешкото живеење. До душа водителката во старт се оградила дека нема ниту намера ниту за цел да ги деградира здравствените работници. И нема политичка конотација, иако вистината за државното здравство не е нималку розова. Сите ликови и имиња во видеото се измислени, а чиста слуајност е секое препознавање и идентификација со нив. А, Вие погледнете го видеото и самите проценете дали вака би изгледало кога Миа Костова би била главна сестра или на хумористичен начин реално го преслика здравствениот систем на Филипче? П.С. Секоја „случајност“ е „слична“... А, можеби и комплетно идентична... Ако не и бетер!

Евровизија ја забрани песната што требаше да ја претставува Белорусија, зашто наводно ги исмева протестите против Лукашенко

Антонио Димитриевски — Tue, 16 Mar 2021 13:14:46 +0000

Евровизија ја забрани песната што требаше да ја претставува Белорусија на годинашниот фестивал зашто наводно ги исмева демонстрантите против лидерот Александер Лукашенко. Песната „Ќе ве научам“ ја изведува петчлената група „Галаси Зместа“, која беше избрана од националната радиодифузна мрежа, место да се одржи јавно гласање, како што беше случај во изминатите години. Групата е позната како гласен поддржувач на режимот на Лукашенко и на својот сајт објави дека „не може да биде рамнодушна додека демонстрантите се обидуваат да ја растурат земјата“. Белорусија ја погодија најголемите протести во 26-годишното владеење на Лукашенко откако тој беше прогласен за убедлив победник на изборите во август. Пејачот Дмитри Бутаков ја опиша песната на руски како сатирична и кажа дека не се однесува на протестите. Сепак, Европската радиодифузна унија (ЕБУ) објави дека постои политички контекст во стиховите и со тоа ги прекршува правилата на фестивалот, кој забранува политички пораки. Од ЕБУ кажаа дека Белорусија ќе мора да ја преработи песната, избере нова или ќе биде дисквалификувана.

Карла Бруни се исмеваше со коронавирусот, па откако медиумите ја „распнаа“, „си ја свитка опашката“ и се извини (ВИДЕО)

Антонио Димитриевски — Tue, 17 Mar 2020 10:50:05 +0000

Бившата манекенка Карла Бруни (52), сопруга на поранешниот француски претседател Никола Саркози (65), ја налути јавноста со изјави за коронавирусот. Додека многу нејзини колеги им кажуваат на своите следбеници на социјалните мрежи да бидат внимателни и да се однесуваат одговорно кон вирусот, Карла на снимката што излезе во јавноста рече дека не ѝ е грижа. На видеото е прикажана средбата на Карла со претседателот на модната група LVMH, Сидни Толедан (68). „Секако дека ќе се бакнеме, не сме глупави. Ние сме стара генерација која не се плаши од ништо. Ние не сме феминистки и сигурно не се плашиме од коронавирусот“, му рече Карла на Толедан. По таа изјава, Карла глумела кашлање. Ова видео го пренесе француската телевизија по што јавноста почна да ја критикува поранешната прва дама иако снимката е направена пред ситуацијата да се влоши и да се рашири коронавирусот. Карла потоа се појави на социјалните мрежи поради скандалот. „Сакам да им се извинам на сите што го видоа видеото и беа шокирани од содржината. Сакам да појаснам дека тоа не ги одразува моите вистински чувства. Понекогаш се шегуваме за тоа и излегува невкусно иако сакавме да ги забавуваме присиутните и да направиме шоу“, напиша Карла на социјалните мрежи.