исидора бјелица – Вистина.мк

Ана Николиќ повторно го провоцира Раста: Една објава беше сосема јасна каква порака му прати… (фото)

Слободанка Илиева — Fri, 03 Nov 2023 11:03:55 +0000

Ана Николиќ е во лоши односи со поранешниот сопруг Стефан Ѓуриќ Раста, а нејзината нова објава на Инстаграм ги шокираше сите. Имено, таа ја цитираше починатата писателка Исидора Бјелица, која за бракот го кажа следново: -Ако како мене се омажиш за љубов, а не за пари, страшно ќе се за*беш, бидејќи љубовта меѓу маж и жена е само илузија во нашата глава, а кога таа илузија ќе исчезне, кога ќе го откриеш неговото вистинско лице, ако ти останат два милиони, ќе си создадеш нова илузија…не рак… Те сака мамa! – пишува таа во објавата која ја сподели. Ана потенцираше дека веројатно се спасила на време од она што ја инспирирало покојната авторката, но кристално јасно стои до тезата од Бјелица во одност на љубовта и парите. фото: Инстаграм принтскрин/ Ана Николиќ

Ќерката на Исидора Бјелица со прва исповед по смртта на мајка си: „Време е да се искажам…“ (фото)

Слободанка Илиева — Tue, 30 Mar 2021 07:21:50 +0000

Ќерката на Исидора Бјелица и Небојша Пајкиќ, Вила Еванџелина Пајкиќ, се обиде да биде надвор од јавната сцена и медиумите, но сега сепак реши да зборува за нејзината покојна мајка. Вила сега откри дека се запишала на моден дизајн и дека Исидора и помогнала да најде колеџ во догледно време. - Досега добро ми оди, се запишав на втора година на колеџ. Јас сум презадоволна од професорите и од наставата, особено што учам што ме интересира. Првата година имавме предмети поврзани со цртање и сликање, додека сега ги совладуваме основите на кроење, шиење и моделирање - рече Вила.

View this post on Instagram

A post shared by @vilapajkic

- Секако, поради пандемијата, многу работи се случуваат на интернет, но има работи што не можат да се направат од дома. Имаме дванаесетмина на час, затоа се организираме во помали групи и така присуствуваме на часовите - вели Вила и додава: - Јас сум уметнички тип, како дете најмногу ме интересираше да цртам. Моите родители забележаа рано, тие беа свесни дека нема да се најдам во повеќето училишни предмети. Чекаа време да студирам и конечно да започнам да правам работи што ми овозможуваат да се изразам онака како што сакам. Мајка ми го пронајде и факултетот каде што студирам. - Таа секогаш ме поддржуваше. Таа ме советуваше да бидам своја и слободна. Таа сакаше да го работам она што ме прави среќна, а фактот што одбрав да се занимавам со дизајн и беше особено пријатен. Беше среќна што ми ја пренесе љубовта кон уметноста и модата - рече таа. Оваа млада дизајнерка додаде дека планира да го развие својот бренд.

View this post on Instagram

A post shared by @vilapajkic

- Планирам независно шоу што ќе биде големо изненадување. Се надевам дека дотогаш ќе ја убедам Лава да се појави на пистата, но не во костум и вратоврска. Мама знаеше дека планирам шоу, многу ми помогна. Би била многу горда - заклучи Вила за „Хелоу“.

Ќе и ја исполни последнате желба: Пријателката организира забава за починатата Исидора Бјелица

Христина Ѓоргиевска — Tue, 22 Sep 2020 09:29:29 +0000

Зорана Павиќ со тешко срце се прости од нејзината пријателка Исидора Бјелица која почина од карцином, а по поминувањето на 40 дена од нејзината смрт, нејзината пријателка Зорана одлучи да и ја исполни последната желба и да направи забава. Самата Бјелица пред смртта побарала од Зорана да организира забава, а сега Павиќ ќе и ја исполни последната желба, па така организира прослава за блиските пријатели и соработници која ќе одржи викендов на еден имот надвор од Белград. „Бела бајка за Исидора“ ќе биде последниот поздрав за авторката, а по желба на Бјелица гостите ќе бидат облечени во бело. Потсетуваме, само еден ден по нејзината смрт, Павиќ ја објави пораката која и испратила Исидора, а во која вели дека кога ќе замине да и организираат забава со добра музика и бел дрес код. Инаку, сопругот на Исодора, Небојша Пајкиќ неодамна истакна дека нема да се противи на таа забава, но дека нема да учествува. „Нас не не интеренсира таа забава, на Зорана и објаснив дека нема ништо да забраниме, но не ни е во интерес да ја правиме“ изјави Пајкиќ.

„Чекавме да заспие, па одевме во ресторан да плачеме“: Се огласи пријателка на Исидора Бјелица и откри како изгледале нејзините последни денови

Христина Ѓоргиевска — Thu, 13 Aug 2020 09:03:57 +0000

Исидора Бјелица по долго и тешко боледување почина на 5 август од опасната болест. „Знаевме дека тип на канцер е опасен и дека не се добри прогнозите. Чудо е што воопшто успеа да издржи осум години. Многу сме и благодарни што се бореше да биде подолго време со нас“, изјави синот на авторката, Лав Пајкиќ. „Се подготвувавме за ваков момент, но никој не е подготвен за вакво нешто. Зборувавме за овој момент, но ние кои и бевме најблиски не можевме да прифатиме едно вакво сценарио. Го отфрлувавме и мислевме дека е нереално“, вели Лав. Од друга страна, долгогодишната пријателка на Исидора, Јована Хисмајер се потсети на последната средба со писателката. „Исидора последен пат ја видов повеќе од еден месец. Дури ни тогаш, кога беше во толку лоша состојба не сакав да верувам дека последен пат сме една покрај друга. Се сеќавам на нејзините раце, секогаш ме фасцинираа нејзините нежни раце кои напишаа толку многу книги. Тогаш се уште беа нежни, како на некое девојче“, раскажува соработничката на Исидора. „Беше физички слаба, но нејзиниот дух и бистар ум воопшто не се променија. Тие неколку дена, во попладневните часови, господинот Пајиќ и јас бевме покрај неа додека не заспие, а потоа излегувавме во ресторан и плачевме како да нема гости и луѓе околу нас“, вели Јована. Потсетуваме, на Исидора во 2012 и беше дијагностициран рак, а по долго и тешко боледување, познатата актерка за жал ја изгуби битката на 52 години.

Емотивна исповед на синот на Исидора Бјелица: „Ништо повеќе нема да биде исто“

Христина Ѓоргиевска — Fri, 07 Aug 2020 10:44:31 +0000

Писателката Исидора Бјелица по долго и тешко боледување почина на 52 години од опасната болест. Веста смртта на авторката ја изненади јавноста во регионот. Нејзиниот син, Лав Пајкиќ во исповед за ало.рс вели дека иако знаеле колку се развила болеста кај Исидора не биле подготвени за вакво нешто. „Не знам што да ви кажам...во шок сум. Веста ме затече пополно неподготвен, иако човек колку и да има години никогаш не е подготвен да ги изгуби родителите. Како ќе го издржиме ова“, вели Лав на почетокот на разговорот. Како што вели дека иако бил свесен за болеста на неговата мајка, тој бил сигурен дека ќе ја победи. „Имаше најтежок на канцер и прогнозите никогаш не беа добри. И покрај тоа, успеа да живее 8 години со таа болест“ вели Лав. Како што вели мајка му ќе ја памети како најдрагоцена личност во животот која прерано ја изгубил. „Им благодарам на сите луѓе кои беа покрај неа, без неа ништо нема да биде исто, ние нема да сме исти. Не знам како ќе продолжам“, вели синот на авторката. „На Вила и е најтешко. Таа е најмлада и беше многу поврзана со мама“, вели Лав низ солзи. Тој се заблгодарил на повикот и ја спуштил слушалката.

Еве која е Вила Пајкиќ, ќерката на Исидора Бјелица!

Христина Ѓоргиевска — Fri, 07 Aug 2020 08:21:09 +0000

Авторката Исидора Бјелица почина на 52 години откако во 2012 година и беше дијагностициран рак. Таа зад себе го остави сопругот Небојша Пајкиќ, синот Лав и ќерката Вила Пајкиќ. И додека Лав многумина го познаваат како водител на емисијата „Контравизија“ на Пинк, ќерката на Исидора е мистерија за јавноста. Вила во јануари оваа година го прослави својот 18ти роденден, а неколку месеци пред тоа се запишала на факултет како бруцош.

View this post on Instagram

A post shared by @vilapajkic on May 7, 2020 at 7:25am PDT

Иако нема официјални податоци за нејзините студии, се претпоставува дека ги следела своите тинејџерски соништа и се запилаша нешто што има врска со дизајн и фотографија. Освен тоа, ќерката на Исидора и Небојша е сосема обична тинејџерка. Многумина тврдат дека нејзиниот стил потсетува на Били Ајлиш.

View this post on Instagram

A post shared by @vilapajkic on Mar 29, 2020 at 1:59pm PDT

Вила досега беше фотографирана од страна на професионални фотографии за насловните страници на кои се најде нејзината мајка, но и нејзиниот брат Лав. На почетокот на оваа година кога го прослави полнолетството, Исидора и упати емотивна порака преку социјлните мрежи.

View this post on Instagram

Srecan rodjendan mama volim te???

A post shared by @ vilapajkic on Dec 10, 2019 at 5:53am PST

„Мила моја туфинице, среќен ти роденден со желба Божјиот благослов секогаш да те следи. Знаеш колку ме боли што последните четири години ги помина по болници во страв и грижа. Додека другите девојки мирно спијаа, ти со ноќи ја чуваше својата мајка. Додека другите девојки одеа на спорт, ти со часови седеше на хемотерапија, но мила моја низ сите тие маки научивме многу повеќе за љубовта“ напиша Исидора. Вила не е толку активна на социјалните мрежи, а ја следат неколку илјади луѓе.

Oва е последната објава на Исидора Бјелица

Христина Ѓоргиевска — Thu, 06 Aug 2020 10:36:47 +0000

Исидора Бјелица по тешка и долга борба со ракот почина на 52 години. Последната објава е од 9 јуни, а станува збор за молитва. „Господине Исусе Христе, помилувај ги грешните“, пишува во објавата, а фановите и тогаш ја прашаа што се случува. Како што пишуваа некои српски медиуми, Исидора пред да почине била во Македонија, но бидејќи и се влошила здравствената состојба се вратила во Белград.

Пред да почине била во Македонија: Исидора Бјелица вака ги поминувала последните денови

Христина Ѓоргиевска — Thu, 06 Aug 2020 08:59:59 +0000

Писателката Исидора Бјелица почина на 52 години. Последните два месеци, Исидора ги поминала во станот на нејзините родители. Во тој стан се доселиле по војната во Сараево. „Секој ден седеше на клупата пред зградата, соседите ја поздравуваа, но не ја прашуваа за нејзината здравствена состојба“, вели пријател на семејството.

View this post on Instagram

A post shared by Isidora Bjelica (@isidorabjelicapajkic) on Feb 9, 2020 at 7:44am PST

Пред неколку дена замина во Македонија на клиниката каде се лекуваше последните години. „Вчера се врати во Македонија и беше сместена во болницата „Свети Сава“ каде што и почина“, вели соговорникот за ало.рс Мајката на Исидора Бјелица која важи за многу драга личност е професорка во пензија. Бјелица ќе остане запаметена по следните книги: „Сама“, „Спас“, „Мирисот на небето“, „Помагајте пријателки“.

Вака Исидора Бјелица зборуваше за Македонија и Македонците (видео)

Христина Ѓоргиевска — Thu, 06 Aug 2020 08:15:26 +0000

Познатата писателка Исидора Бјелица по долго и тешко лекување почина на 52 години. Веста за нејзината смрт ја изненади регионалната јавност, а познатите преку социјалните мрежи се простуваат од авторката. Исидора често доаѓаше во Македонија, а тука се лекуваше и во една приватна клиника. Писателката беше добра пријателка со водителката на „Живот со стил“, Елена Стефановска и неколку пати гостуваше во нејзината емисија. Во едно нејзино гостување, таа откри што мисли за Македонија и Македонците. „Ги обожавам Македонците. Две години се лекувам во Македонија и тоа е мојот втор дом. Вие сте попријатни. Мислам дека таму нема толку љубомора како тука. Пријателите од Македонија ми велат дека ми се причинува, но не ми се причинува“ изјави Исидора. Инаку, како што пренесуваат српските медиуми, Бјелица пред да почине била во Охирд, но бидејќи и се влошила здравствената состојба еден ден пред да почине таа се вратила во Србија. Целото интервју погледнете во видеото подолу.

Елена Стефановска беше пријателка на Исидора Бјелица: Македонската водителка со емотивна порака се прости од писателката

Христина Ѓоргиевска — Thu, 06 Aug 2020 07:09:07 +0000

Веста за смртта на Исидора Бјелица ја изненади како регионалната така и домашната јавноста. Како што пренесуваат српските медиуми, Исидора последните денови ги поминувала во Македонија. Имено, наводно таа била во Охрид на викенд, но бидејќи и се влошила здравствената состојба таа се вратила во Србија и била пренесена во болница каде и починала, пишуваат курир.рс Во 2012 година на писателката и беше дијагностициран рак, а по долго и тешко лекување, писателката ја изгуби борбата со болеста. Нејзините пријатели, колеги, соработници од регионот со емотивни пораки преку социјалните мрежи се простуваат од Бјелица. Добро познато е дека македонската водителка на „Живот со стил“, Елена Стефановска неколку пати ја угости Исидора во својата емисија. Освен тоа тие беа и добри пријателки. Веста за смртта на Бјелица ја погоди и изненади Стефановска која преку „Фејсбук“ се прости од својата драга пријателка. „Тажно, многу тажно моја пријателке Многу ме изненади веста. 52 години а не напушти толку бргу.. Почивај во небесниот рај ❤ Те сакам засекогаш!, напиша Стефановска во опсиот на заедничката фотографија. Освен Елена Стефановска, преку кусите приказни на „Инстаграм“, од Бјелица се простија и Елена Велевска, Миа Костова, Марјана Стојановска. Инаку, Исидора ќе остане позната по своите бестселери, а меѓу нејзини најпознати книги се „Спас“, „Сама“, „Помагајте пријателки“, „Мирисот на небото“ и други. Во продолжение погледнете го последното гостување на Исидора во „Живот со стил“.