инвестиција – Вистина.мк

Прија за спот платила 40.000 евра но, рекорд држи оваа пејачка, а ја чинеше цело богатство (фото)

Слаѓана Атанасова — Thu, 27 Oct 2022 07:49:46 +0000

Естрадните ѕвезди имаат навика да се фалат со баснословни пари што ги вложиле во снимање спотови, а тоа на нормалните луѓе им создава вртоглавица. Пејачите се обидуваат да обезбедат најголеми можни буџети за нивните музички спотови. Александра Пријовиќ во последните години сака да вложи многу пари за спотови, а за песните од последниот албум платила огромна сума, па само за спотот за песната „Звук Тишине“ таа платила неверојатни 40.000 евра. Денес се снимаат многу повеќе музички спотови отколку пред неколку децении. Меѓутоа, порано музичките спотови ги чинеа пејачите многу повеќе отколку денес. Фолк ѕвездата Драгана Мирковиќ и денес го држи рекордот по вложувања во нејзините спотови. Драгана денес е една од најуспешните пејачки во регионот, а најскап спот во нејзината кариера е оној за песната „За мене си ти“ од 1994 година, и тој спот е најскапиот спот снимен од музичка ѕвезда на овие простори. . Таа направи нешто што тогаш не беше чуено, а таквото снимање чинеше дури 90.000 германски марки. Некои пејачи со години инвестираат во скапи спотови. Но, големите инвестиции не гарантираат успех кај публиката. Вики Миљковиќ имаше голема среќа што првиот спот во кариерата и донесе вртоглав успех. Интересно е што оваа пејачка на почетокот на кариерата платила околу 1.000 германски марки за спотот за песната „Никој не е поубав од нас“. Фото: Принтскрин/Ненад Костиќ/Јутјуб

„Глобалниот деловен гигант – групацијата ТРАФИГУРА, мега инвеститор и во Македонија???“

Дејан Донев — Thu, 13 Jan 2022 09:40:16 +0000

Групацијата Трафигура е една од водечките светски, независни трговски, логистички и производни компании во секторот на „commodities“ или природни суровини и производи. Како мултинационален конгломерат, групацијата има развиена мрежа од свои компании во 48 земји на сите континенти од Земјината топка. Трафигура е и клучен инвеститор во проектната компанија Еуромакс Ресоурцес (регистрирана во Канада и јавно листирана на Берзата во Торонто „TSX") која повеќе години го развива Проектот за современ рударски комплекс на бакар „Иловица-Штука" во југоисточниот регион на нашата држава. Неодамна, Групацијата Трафигура го објави годишниот извештај за финансиската година 2021, кој покажува рекордно високи резултати и одлична подготвеност за уште позасилен иден развој. Вкупниот промет, тргуваниот волумен, приходите и чистиот профит во 2021, се највисоки во нивната историја со што се демонстрира структурна и квалитативна конзистентност на деловните и финансиските показатели. Вкупните приходи се зголемени за 57 проценти во однос на 2020, и изнесуваат 231,3 милијарди долари (што е за цели 16 пати поголем износ од нашиот БДП!), а нето профитот е скоро дуплиран од минатогодишниот, со 3,1 милијарди долари. Како резултат на ваквата впечатлива профитабилност, нивната капитална вредност порасна за 36 проценти или на 10,6 милијарди долари, што ја потврдува стабилноста и снагата на нивниот деловен и финансиски модел подржан со транспарентна финансиска комуникација и извонредно активна програма за заштита на екологијата , социјалните аспекти и успешното управување. Г-дин Џереми Веир, извршен претседател и главен извршен директор на Трафигура, забележува: „Нашите резултати во 2021 повторно поставија нови рекордни нивоа во смисла на трговскиот волумен како и во севкупната профитабилност. Горд сум дека постигнавме и одличен напредок во понатамошното диверзифицирање на нашиот бизнис со што добивме уште поважна улога во глобално подржаниот процес на транзиција кон чиста или ‘зелена’ енергија... Ова беше уште една година на сериозни мерки за закрепнување на глобалната економија од последиците на пандемијата со КОВИД19, каде се соочивме со сета фрагилност на глобалните синџири за снабдување во услови кога побарувачката нагло порасна додека логистиката и снабдувањето мака мачеа да обезбедат барем минимум од потребниот сервис за светската економија . Во вакви комплицирани услови на глобално ниво, Трафигура успеа да задржи континуиран квалитет и сигурност во функционирањето и набавувањето на неопходните суровини, производи и специјализираните услуги за постојано растечкиот број на наши деловни партнери , на сите континенти...“ Групацијата имаше впечатливо успешен старт на новиот сектор за „Обновлива Енергија" со нови инвестиции во обновливи извори и минерални суровини кои ќе бидат апсолутно неопходни во процесот на транзиција кон чиста енергија и продолжува со засилени инвестиции во пристапот кон управувањето со екологијата и социјалните аспекти диверзифицирано во сите нивни дејности. За таа цел воспоставија специјално посветен „ESG Commitee“ (Enviromental, Social, Governance) во рамките на нивниот Одбор на Директори , со кој лично претседава извршниот претседател и главен извршен директор , г-дин Џереми Веир. Овие години, секторот за чиста и обновлива енергија , конечно призна дека револуционерната транзиција мора да се ослони на современото и одржливо рударство , односно обезбедување на доволни количини минерали и метали за да се изградат и функционираат соларните панели, турбините на ветер и моќните батерии за електричните возила и „складирање" на енергијата . Справувањето со овој предизвик, ќе биде клучен елемент за да се избегне еколошката катастрофа за човештвото доколку и понатаму главно се ослонуваме на енергијата од фосилните извори. Напредниот свет сẻ појасно го согледува круцијалното значење на развојот на современото, одржливо рударство со научно-технолошко минимизирање на можните негативни влијанија врз животната средина и еко системот на планетата. Драги пријатели, во изминативе денови сите си испочеститавме Нова Година, Божиќни празници, домашни слави и имендени, со безбројни повторувања на истите фрази, зборови и пораки си посакавме добро здравје, среќа и успеси во животот. Од друга страна пак, бруталната реалност на животот безпоштедно нẻ бомбардира со десператни информации, анализи и статистики за здравствените проблеми со долготрајната пандемија, за економската и енергетска криза, ладните радијатори, загадениот воздух, води и почва, за секојдневното покачување на цените на сẻ и сешто, евидентната сиромаштија, за незапирливото иселување од земјава кон економски развиениот свет... Се научивме ли да живееме така? Се помиривме ли со тоа? Нели ви врие во желудникот безизлезноста. По природа сум непомирлив и верувам дека во секој од нас демне желбата, како предатор да нападне и загрми – за подобро, СЕГА и ВЕДНАШ. Сите сме свесни за потребата од неодложни промени, но тие одат бавно и кога се големи чинат многу. Се повторуваме дека за тоа неопходни се итни инвестиции во нашата држава. Но и со ова сознание дозволуваме инвеститорите, оние големи конгломерати кои се веќе присутни и имаат изработено проекти за да инвестираат кај нас, некој неодговорно се обидува да ги избрка. Во нашиот случај се неколкумина локални "политичари-активисти" што упорно шират омраза, го сатанизираат во јавност инвеститорот и го третираат како опасна "терористичка" организација. Со безкрајните игри и одолговлекувања , неразумно ги тераме да дигнат раце од инвестицијата во овој мега Проект како и од другите потенцијални стратешки проекти во нашата држава кои сосема извесно, за многу краток период би можеле да направат вистински позитивен економски и социјален прогрес! Кој ќе ја понесе одговорноста доколку „успееме" да ја присилиме Групацијата Трафигура да покрене легитимна постапка за заштита на своите права како странски инвеститор , односно да ја активира веќе одамна подготвената меѓународна арбитражна процедура пред „Интернационалниот Центар за Заштита на Инвестициони Спорови " (ICSID) или „ad hoc“ Судот воспоставен во согласност со арбитражните правила на - Комисијата за Меѓународно Трговско Право на Обединетите Нации (UNCITRAL)? Најеминентни меѓународни правни експерти за вакви арбитражни спорови, апсолутно се сигурни дека во овој случај постапката финално ќе резултира позитивно за инвеститорот . Со оглед на планираната долгорочна функционалност на овој Проект, искуствено би се очекувало огромно отштетно финансиско побарување кон нашата држава (веројатно над една милијарда долари!), кое ќе треба сите ние но и нашите поколенија да го отплаќаме. Треба да бидеме рационално свесни дека и самиот чин на евентуално покренување на ваков високо профилен арбитражен спор, гласно ќе одекне во деловните и финансиски кругови во светот и дефинитивно ќе ја „патосира“ репутацијата на нашата земја и ќе ја маркира на светската мапа како непосакувана и тотално несигурна дестинација за големите странски инвестиции! Искрено се надевам дека никогаш нема да дојде до остварување на ова црно сценарио. Сите ние, граѓаните на Македонија, имаме насушна потреба и од позитивни и оптимистички вести за реално посветла и прогресивна иднина... сẻ уште се надеваме конечно да видиме и чуеме за РЕШЕНИЈА, за акција и дела кои сега и веднаш ќе нẻ извлечат од досегашната депресивна фаза на живуркање и преживување. Д-р Живко Груевски

Меѓународната технолошка компанија Softelligence ќе инвестира милион евра во Македонија

Дејан Донев — Thu, 11 Nov 2021 10:47:17 +0000

Softelligence, технолошка компанија специјализирана за дизајнирање и испорака на комплексни решенија и интегрирани платформи водени од податоци и вештачка интелигенција, денес го најавува отворањето на својата канцеларија во Северна Македонија. Идната генерација пионери на технологијата со глобално седиште во Обединетото Кралство и 2 центри за испорака во Романија, одлучи да инвестира милион евра во Северна Македонија во следните две години преку изградба на Центар за испорака во Скопје. „Фокусот на нашето присуство во Северна Македонија ќе биде да изградиме тим од професионалци кои дизајнираат и имплементираат комплексни софтверски решенија за големи глобални клиенти. Планираме да прераснеме во Хаб за Одличност во Источна Европа за консултантски услуги и дигитална трансформација, конкретно опслужувајќи големи меѓународни компании за финансиски услуги – банки, заемодавачи, лизинг, осигурителни компании и брокери“, вели основачот и извршен директор на Softelligence, Адријан Блидарус. Во неговата срж, Softelligence има цел да го револуционизира начинот на кој компаниите комуницираат со нивните клиенти и да ја подобри нивната оперативна ефикасност. „Создаваме култура водена од податоци преку имплементирање на модерни решенија за архитектура на податоци надополнети со вештачка интелигенција, да им помогне на клиентите да донесат подобри одлуки, да добијат подобро ниво на деловна контрола и успешно да планираат да бидат пред нивната конкуренција“, вели Блидарус. Со инвестицијата ќе се отвора вкупно 100 работни места за ИТ професионалци во наредните две години: развој на софтвер и инженери, аналитичари на податоци, водачи на тимови, архитекти за решение, научници за податоци и други позиции. Компанијата ветува конкурентни плати и одлични услови за работа, но и можност за професионален развој, учење од меѓународни експерти, обука и развој на нивните кариери и проширување на нивните хоризонти. Локалниот тим во Северна Македонија ќе има поддршка од 250 интернационални ИТ експерти и ќе биде вклучен во постоечки и нови глобални проекти, помагање на клиентите да распоредат најсовремени решенија како што се интегрирани платформи, напредна и предвидлива анализа на податоци и вештачка интелигенција. Softelligence има седиште во Лондон, Обединетото Кралство и има два центри за испорака во Букурешт и Крајова, Романија. Компанијата е основана во 2006 и е рангирана меѓу првите 150 најбрзо растечки технолошки компании во Европа од страна на Financial Times. Softelligence има долготрајни партнерства со Microsoft, Instanda, FintechOS, Databricks и други воспоставени провајдери на технологија и платформи. Сегашни клиенти вклучуваат компании-членки на Erste Group, Vienna Insurance Group, TBI Bank, како осигурителните гиганти Beazley и Howden Group.

Брена и Бобо полни како брод: „Имаме инвестиција од 50 милион евра“

Христина Ѓоргиевска — Fri, 25 Jun 2021 09:23:46 +0000

Поранешниот тенисер и сорпуг на Лепа Брена, Боба Живојиновиќ во емисијата „Шта сам теби и ко сам себи“ проговори за бизнис планови. Тој зборуваше за тенисот, за своите бизниси, за бракот со Лепа Брена. „Мислам дека се остварив како тенисер, сопруг, како родител и тоа ми потполно доволно. Она кога се шегуваме „сопругот на Лепа Брена“, кој стој зад тоа, стои човек со име, презиме, финасии, образование, работа...И ние сме семејство. Моите пријатели знаат за што зборувам. Се што работев, работев по интуиција и со сопствени пари. Јас го формирав „Гранд“ за две недели“, изјави Боба. Тој додаде дека работи и на инвестција од 50 милиони евра. „Имаме неколку сериозни проекти. Имаме инвестиција на Златибор, инвестиција речиси од 50 милиони евра. Сега започнувам со инвестиција и во Мајами“, изјави Живојиновиќ. Инаку, Боба не сака да се експонира премногу јавно, но тој стои зад секој организиран концерт на Лепа Брена.

Му пропадна инвестиција од милион евра: Горан Бреговиќ среде криза „крена раце“ од недвижнини

Слободанка Илиева — Thu, 11 Feb 2021 09:42:24 +0000

Горан Бреговиќ инвестираше еден милион евра во изградба на луксузна вила во Сењак пред неколку години, но сè уште не е завршена. Имено, музичарот започна да гради недвижен имот во елитниот дел на Белград во 2009 година, но иако беше вложено цело богатство, имотот започна да се распаѓа. - Горан купи стара трошна куќа за чија реконструкција побара дозвола, но бидејќи ја сруши до темел и започна да гради комплетно нова зграда, тој имаше проблеми со градежната инспекција и му беше забрането да гради - извор изјави за „Ало!“ близок до познат музичар.

View this post on Instagram

A post shared by Goran Bregović (@goran_bregovic_official)

- На истата улица на Сењак, пред оваа, тој изгради уште една катна зграда, која исто така ја изгради без дозвола. Подоцна тој ги продаде тие станови по прекрасни цени - изјави извор за „Ало.рс“ Куќата во која Горан Бреговиќ вложи милион евра, има неколку илјади квадратни метри, градина и двор, а ако тие беа изградени од кинески ѕид висок 2 метри, како соседите не можеа да видат што се случува зад sидовите.

View this post on Instagram

A post shared by Goran Bregović (@goran_bregovic_official)

Сепак, таа ограда целосно се сруши дури и пред да завршат градежните работи. - Бреговиќ не живее во земјава, туку во странство. Затоа, иако тој беше инвеститор во неговата изградба, подизведувачите очигледно ја извршуваа работата затоа што немаше кој да ги надгледува. И денес, 11 години подоцна, оградата не беше завршена, нејзината фасада не беше завршена, а и претходната не успеа - рече изворот. Одредени делови од самата куќа исто така се распаѓаат, па се поставува прашањето дали Брега се откажала од инвестирање поради финансиската криза или ќе ја продаде. Во 2010 година, општинската инспекција на Савски Венац поднесе кривична пријава против Горан Бреговиќ за дивоградба и повреда на забраната за работа на тогашното запечатено градилиште. Во тоа време, како инвеститор, тој поднесе барање за адаптација на старата куќа на улицата во Сењак. Во дворот, тие потоа ископаа темелна јама длабока околу еден метар за да се подготват за изградба на нов објект. Градежните инспектори на општина Савски Венац наредија дека е против адаптацијата, бидејќи тоа ќе ја смени структурата на објектот и ќе ги запре работите. Потоа, беше донесена одлука Бреговиќ да добие одобрение за градење, кое подоцна го доби.

Парите од продажбата на „Гранд“ ги вложува во недвижнини: Брена гради коплекс од 2 милиони евра

Слободанка Илиева — Mon, 02 Mar 2020 12:16:45 +0000

Лепа Брена купила 80 хектари земја на влезот во Нови Сад, каде планира наскоро да започне со изградба на луксузен станбен комплекс. Вредноста на таа инвестиција ќе биде повеќе од два милиони евра, дознава српски Курир. По продажбата на 25 проценти од акциите во Гранд Продукција, од кои се генерирани 7.650.000 евра. Најголемата ѕвезда на Балканот реши да продолжи да инвестира во бизнисот. Таа е позната како личност која, покрај тоа што пее, отсекогаш работела и други работи од кои заработила многу пари, како што е увоз на енергетски пијалоци, добро позната марка за автомобили, од кои била агент за Србија и многу повеќе. Секако, таа имаше значителен прилив на пари, но повеќето од „Гранд“, чиј сопственик, заедно со Саша Поповиќ, беа повеќе од 20 години. Сега, според извор близок на Брена, таа решила да ги инвестира парите на работни места што не се блиски за шоу-бизнисот затоа што добро работела во тоа. Пазарот на недвижности со години беше атрактивен за инвеститорите, па пејачката ја виде својата шанса. Брена ќе гради згради и станбени комплекси преку посредници и изведувачи, а прва од ваков вид ќе биде во Нови Сад. Таа веќе купила 80 хектари земја, каде ќе се градат неколку помали згради со станови за продажба. Со оглед дека локацијата е многу привлечна, се наоѓа на влезот во градот, цената на квадратот ќе биде доста висока, околу две илјади евра, па нема сомнеж дека нејзината инвестиција ќе се исплати. Доколку се оди според планираното, изградбата на првиот комплекс Брена ќе зго апочне во текот на летото, а потребната документација се очекува до тогаш. Се разбира, Брена нема да биде директно вклучена во надзорот и контролата на работите, но наместо тоа, таа ги ангажираше луѓето на кои им верува. Таа инвестираше многу пари во новиот бизнис, повеќе од два милиони евра.

Нова винарска визба во неготинско Дисан

Дејан Донев — Thu, 16 May 2019 11:07:15 +0000

Словенечката винарија Пуклавец отвора „бутик“ винарска визба во Неготино. Со оваа вредна инвестиција Пуклавец го проширува својот асортиман со производството на црвени вина од македонско грозје. Вината што ќе се произведуваат во неготинската винарија, новиот бренд на Пуклавец, ќе бидат класифицирани во три квалитативни сегменти и на пазарот ќе се пласираат под името Инстинкт. Достапни за продажба ќе бидат до крајот на годината.

„Со инвестицијата во винарската визба во Неготино, само ја прошируваме целта и визијата што ја имаме воопшто во Пуклавец, а тоа е производство на вина кои можат да се натпреваруваат со најдобрите светски вина на меѓународните пазари. Македонското виногорје е познато по црвените раси, а македонските црвени вина се познати по богатството на вкусот, зрели и комплексни ароми. Овој вид вино е високо ценет на меѓународните пазари и токму тоа ќе го понудиме. Нашата првична амбиција, да бидеме меѓу најдобрите производители на вино во светот, расте и се засилува токму со винаријата во Северна Македонија, што ќе ни овозможи дополнително растење, развивање и збогатување на портфолиото на Пуклавец“, изјави Владимир Пуклавец, сопственик на семејната винарија.

Семејната винарија Пуклавец веќе присутна на меѓународните вински пазари, имаше потреба од развој на производство на црвено вино, бидејќи во Словенија климатската состојба не е толку податлива за производство на црвени вина. Одлуката да се инвестира во производство на црвени вина во Македонија, стана активна во 2011 година. На локалните лозја Пуклавец има засадено Мерло, Каберне Совињон и локалното Вранец.

„Винаријата Пуклавец има долга традиција и знаење за производство на квалитетни вина. Успехот го постигна применувајќи специфичен пристап во работата со поддржување на природниот начин на производство на вино, со минимални интервенции врз грозјето и многу внимание во развојот и созревањето на виното. Македонското виногорје совршено се вклопува во ваквиот начин на производство. Тиквешкиот регион, каде што се наоѓа винаријата, со сувите, топли и долги лета, релативно студените зими, ридскиот пејзаж, лоциран помеѓу 250 и 400 метри надморска височина и уникатниот тероар богат со минерали нуди совршени услови. Сето тоа создава уникатни услови за производство на премиум црвени вина“, вели Дане Јованов, менаџер на винаријата во Неготино.

Министерот за земјоделство, шумарство и водостопанство, Љупчо Николовски, го поздрави успешно завршениот циклус на инвестиции и отворањето на винаријата:

„Особено ми е драго што со Владата на Република Словенија имаме навистина одлична институционална соработка, којашто покажа и потврди во периодот дека имаме сериозна поддршка во нашите мерки, планови и политики што ги креираме. Минатата година бевме и земја партнер на еден од најзначајните саеми во Република Словенија, бевме и во Ормож и ја посетивме токму и оваа винарија, а денеска сме тука во Дисан, во Неготино, каде што отвораме една нова приказна.”

Вредноста на инвестиција во визбата во Неготино се проценува на 1,6 милиони евра, а почетниот капацитет е 300.000 литри вино годишно. Семејната винарија Пуклавец е познат и почитуван вински бренд од Словенија, каде што досега се произведуваа најмногу бели и пенливи вина. Семејството Пуклавец се врати во винската приказна, започната од Мартин Пуклавец во 1934 година, пред точно десет години и континуирано расте и се проширува. Со спојувањето на винарските визби Ормож и Љутомер, семејните вина Пуклавец почнаа да пишуваат ново поглавје фокусирано на производство на високо квалитетни вина. Брендовите на Пуклавец се присутни на бројни светски пазари, вклучувајќи Велика Британија, Бразил, Полска, Холандија, Хрватска, три пат по ред се наградени како Винарија на годината во Словенија, а поседуваат и други многубројни реномирани вински признанија, како што се Decanter Platinum за најдобро словенечко бело вино.