Избегнувајте ги овие 3 работи ако се забавувате со интровертна личност

Слободанка Илиева — Wed, 10 Mar 2021 13:40:31 +0000

Ако ви се допаѓа интровертна личност, првата препрека за ваше подобро запознавање е нејзината срамежливост. Од таа причина, треба да имате повеќе разбирање од обично во случај вашата симпатија да се срами прва да ви се јави, да ви испрати порака или да започне разговор. Ако сепак сте успеале да започнете врска со интровертна личност, потрудете се никогаш да не ги правите овие три работи кога сте заедно. Бидете трпеливи и не очекувајте веднаш да ви се „отвори“ На некои луѓе едноставно им е потребно повеќе време да се опуштат со својот партнер и да почнат да му веруваат. Интровертните се повнимателни од другите кога се работи за откривање на своите чувства. Знаеме дека е фрустрирачки кога не можете да откриете колку му се допаѓате на другиот, но ве советуваме да бидете трпеливи и не го осудувајте партнерот што не е како вас, особено ако ви е многу грижа за него. Не инсистирајте на ноќни излегувања и други собири со друштво Ако на вашиот партнер не му е пријатно во опкружување со многу луѓе и не сака секој викенд да го поминува со вашето друштво, не инсистирајте на тоа. Тоа не значи дека тој не ги сака вашите пријатели, туку дека седењето со било каква поголема група на луѓе понекогаш тешко му паѓа. На интровертните лица им треба повеќе време за себе од другите, поради што не е лоша идеја некогаш да излезете сами. Потрудете се љубовните состаноци да не ви се оддолжуваат Сите кои се во врска со интровертна личност знаат дека тие после неколку часа заедничко поминато време стануваат нервозни. Во случај да сте имале вакво искуство со партнерот, немојте веднаш да претпоставите дека сте му здодевни. Тој веројатно би се чувствувал исто и после неколку часа поминати на најинтересното место на светот. извор:точка.ком.мк

Четири совети за среќна врска со интровертна личност

Христина Ѓоргиевска — Tue, 29 Oct 2019 14:40:14 +0000

Ако вашиот партнер е интровертен имате проблем да ги прочитате неговите чувства. Разбирањето и комуникацијата се важни за среќната врска, а еве што советуваат психолозите доколку сте во врска со интроверт.

Постепено „се отвараат“

Интровертните луѓе потешко се отвараат пред другите луѓе затоа што сметаат дека околината не ги разбира или погрешно го толкува нивното однесување. Затоа им е тешко да зборуваат за она што лежи во нивната душа. Но, под нивната маска се кријат личности кои се вљубени и ранливи. Им треба време за да го отворат срцето пред партнерот.

Делата говорат повеќе од зборовите

Интровертите ќе ви изјавуваат љубов преку делата наместо со зборови. Нивните дела говорат повеќе од зборовите, а партнерите треба да ја препознаат нивната порака. Така се негуваат почитувањето и љубовта.

Помалку расправии

Тензиите, драмите и конфликтите не се добри за никого, па ниту за интровертите. На нив им е потребна топла и весела атмосфера за да го остварат личниот потенцијал.

Искреност