Времето во Ковид е предизвик за сите луѓе, барем јас така мислам. Старата изрека вели: „Во мака се познаваат јунаците“. Фала му на Господ, јас и моето семејство сме добри. Работиме, па деновите во карантин ни поминуваат побрзо.

Мислам дека до крајот на годината некои работи ќе се вратат во нормала, и дека јас и мојата верна публика повторно ќе уживаме во музиката која е лек за се’.  

Само да се потсетиме дека со оваа работа, мислам на музиката се занимавам веќе 25 години, но по образование сум професор за предучилишно образование, па така и овде во Австралија продолжив со образованието во таа област. И еве сега работам како учиталка во градинка и ми е интересно да работам со деца. Секој ден со ново искуство и така заборавам на се’ што се случува во светот“.

„Кога започна короната, Новица преку социјалните мрежи дознава што се случува во светот, па како и секој човек имаше свој став за тоа. Но, еден ден кога се разбуди сфати дека нема ништо од тоа – да се занимава со тоа на Фејсбук, а и се измори од сите дезинформации и одлучи да се одмори и да се посвети на поубавите работи. Сега моментално подготвува место за бавча каде што ќе произведува органска храна за нас“.

Точно, се пресилив во Австралија пред 5 години, а главна причина беше: на децата да им даде можност за поразлична иднина. Нема да кажам поубава, ќе кажам поразлична. А искрена да бидам Новица и јас често зборувавме како сакаме да живееме надвор од границите на нашата држава, за да ја збогатиме нашата биографија.

„Вистинска причина за тоа беше што во Мелбурн имаме повеќе пријатели кои ни помогнаа околу адаптацијата, а климата овде е слична на нашата во Македонија. Поточно, на нас не ни е важно каде сме туку со кој сме.

Од самиот почеток децата добро ја прифатија оваа средина, а и на училиште беа добро прифатени. Сега кога ги прашувам дали би живееле ми велат да, но и овде им е убаво. Кога децата се среќни и ние сме уште повеќе среќни.

Точно, нема дрво без корен, па така и јас имам чувство кон својот корен, посебно бидејќи целата наша фамилија е во Македонија. За среќа, современата технологијата ја ублажува носталгијата, авионите летаат, па се постигнува кога се сака. Треба само да се има желба.

Мојата мајка е жена со големо срце и љубов за сите. Нејзините посети ни го разубавуваат секојдневниот живот. Најсреќни сме кога сме заедно.

Куќата е прекрасна, веднаш почувствуваме позитивна енергија кога ја баравме и затоа ја купивме. Секако дека чувството е прекрасно, живеењето во своја куќа уште повеќе го зголемува чувството на припадност на ова друштво.

Фактот дека сум дете од мешовит брак  за мене е убава работа. Мојата фамилија е голема од двете страни и сите се сакаме и се почитуваме. Јас луѓето ги делим на добри и лоши.

Точно, мојата музичка лична карта е песната „Аце, Аце“. Од кога сум во Австралија снимив неколку песни, но ниту една не го повтори успехот на оваа песна. Планирам да снимам уште песни, а дали некоја ќе стане хит оставам на публиката да пресуди.

Се смее....Не е баш дека сум МК барбика, но благодарам на комплиментот. А одговор на прашањето дали жените се најубави и најпосакувани во 40тите, мислам дека може да го дадат личностите од спротивниот пол....Јас преубаво се чувствувам во секој период од животот.

Пејачка чија работа и успех најмногу ги почитувам е секако најголемата балканска ѕвезда Лепа Брена. Таа е институција.

Времето во кое ја започнав и градев кариерата беше одлично за нас пејачите. Имавме одлични соработници  и медумска поддршка, а тоа е најважно за создавање на хит. Сега времињата се променија на полошо и многу ми е жал за младите луѓе кои сега почнуваат кариера, бидејќи времињата во Македонија и овде се многу тешки за музиката. Некако имам чувство дека одиме надолу.

Секако дека има, Македонија е извор на талентирани млади луѓе и тоа се докажа низ различни натпреварувања.

Јас и мојот сопруг имаме колигијален однос со сите музичари во Македонија и овде во Австралија. Соработуваме со сите, без исклучок.

Точно е дека ова е тешко време за естрадата, но и за публиката, но ќе бидеме стрпливи и ќе почекаме да дојдат подобри времиња. Јас како и многу пејачи ја одржувам кондицијата преку „Facebook live“, каде што пејам и ги исполнувам желбите на мојата публика.

Па како и повеќето луѓето ги почитувам правилата на рестрикција. Не се движиме меѓу луѓе. Излегуваме само кога треба да одиме во шопинг, а и да пофалим, секој ден пешачам по 5 километри дневно, поради рекреација и одржување на кондиција“.

„Коалицијата Лазаревска – Василевски одлично функционира веќе 17 години. Кога има разбирање, поддршка и љубов, тогаш тоа е осудено на љубов. извор: svet-australia.com