„Intermezzo prive“ со богата музичка викенд програма

Антонио Димитриевски — Tue, 18 Dec 2018 13:21:40 +0000

Како што веќе најавивме, и овој викенд програмата во клубот „Intermezzo prive“ ќе биде исполнета со многу нова музика од различни жанрови. Од онаа на познатите домашни и странски ДЈ-и, па се до звуците на најголемите хитови на живиот настап на еден од најголемите домашни бендови. Најпрвин в четврток, 20 декември 2019, присутните ќе може да се забавуваат со различните ДJ сетови на популарниот DJ FICO.

Следниот ден, петок 21 декември, за почеток на викендот најпрвин ве очекува голема New Indigo „after work“ забава, додека вечерта е резервирана за клубскиот концерт на еден од најголемите македонски поп-рок бендови во моментов, групата „Нокаут“. Пере и неговата дружина ќе ве водат низ времето и нивниот безвременски репертоар од хитови: Еј-Би-Си, Фатална опсесија, Мене ми припаѓаш, Илјада причини за крај, Лебедеот бел, ТВ радио, Добро утро будење, Танго, Знаеш каде да ме најдеш...“! Музички „нокаут“ што сите со задоволство би сакале да го доживеат.

Саботната вечер на 22 декември, просторот на клубот „Intermezzo prive“ ќе го исполнат звуците на сетовите на еден од најпознатите грчки ДЈ-и, Dimitris Patsis, кој е познат и по настапите во мегапопуларниот Pearl Club во Калитеа. „Intermezzo prive“, е местото за ваша забава викендов. Ве очекуваме на незаборавна журка.

intermezzo prive – Вистина.мк

„Intermezzo prive“ со богата музичка викенд програма