Intermezzo Music Rituals – Вистина.мк

По Миконос, Бодрум… „Headwaters“ овој петок на Intermezzo Music Rituals во Скопје

Антонио Димитриевски — Thu, 03 Sep 2020 13:41:08 +0000

Дуото Headwaters во петок во живо премиерно ќе се претстави пред скопската публика. Електричната гитара и клавијатурата на Headwaters носат сосема ново музичко патување, а со тоа и Intermezzo Music Rituals забавите во склоп на единствениот музички бар во земјава добиваат една сосема нова и поразлична димензија. По Тулум, Миконос и Бодрум конечно и во Скопје пристига најновиот и најтрендовскиот звук во електронската музика, кој Beatport го наслови како Organic House & Downtempo. Момците во рамките на најавениот двочасовен сет ветуваат одлична забава, за што впрочем нема ни сомнеж, се разбира, кога ќе се погледне нивното портфолио. Забавата стартува од 21 часот со локална поддршка на ConsatntinV и ќе трае до 1 по полноќ. Бројот на посетители е ограничен, а настанот ќе биде организиран според протоколите и препораките на Владата и МЗ. https://www.youtube.com/watch?v=DoXppUWOlQI&feature=youtu.be&fbclid=IwAR1JJlZZs5u_2TgZ_pjXRKiT1U_vCkQH8Yid-WxS0dIvKLAwLJW9qrunNsE

Овој петок: ДЈ Вук Смиљаниќ на Intermezzo Music Rituals

Антонио Димитриевски — Wed, 12 Aug 2020 12:43:18 +0000

Овој петок продолжуваат веќе традиционалните забави под мотото Intermezzo Music Rituals. Така, петокот (14 август) овој пат е резервиран за хаус звуците и гостувањето на одличниот Вук Смиљаниќ. Вук важи за еден од носителите на белградската музичка сцена. Тој е диџеј и продуцент и долгогодишен резидент во култните клубови: Младост, Гадост, Кучица и Ласта Градски Сплав. Смиљаниќ со себе ќе го донесе вајбот на белградската денс култура, па затоа дружбата со него е нешто што не смее да се пропушти. Се вели, не дозволувајте да ви раскажуваат и бидете дел од најдобрите Intermezzo Music Rituals забави кои продолжуваат да се етаблираат како симбол на нашиот град и ја претставуваат нашата земја како културно катче на мапата на европските случувања. Приказната не завршува тука, ново име не очекува и следниот петок за кога е закажано уште едно музичко патување и продолжение на летната сезона. „Сакаме да ги увериме нашите посетители дека сите забави се организираат според протоколот и одредбите кои се донесени од Владата и МЗ“ - велат од единствениот музички бар на нашите простори.

Intermezzo Music Rituals: Журка со иконата на грчката електронска сцена Никос Диамантопулос

Антонио Димитриевски — Tue, 10 Mar 2020 12:17:45 +0000

Петоците веќе стануваат заштитен знак и гаранција за малку поинаква забава во првиот музички бар во нашата земја. За овој петок Intermezzo Music Bar го најавува гостувањето на иконата на електронската музика од соседна Грција, артистот чии хитови сè уште се вртат на најпопуларните подиуми и радиостаници ширум светот - Никос Диамантопулос. Па така, во рамките на зимското издание на Intermezzo Music Rituals најжешкиот диџеј пулт во градот овој пат ќе биде обоен со звуците на хаус-музичкиот ветеран кој ѝ служи на музичката индустрија повеќе од 30 години. Никос во својата биографија има повеќе од 200 изданија, вклучувајќи четири албуми (LP) и соработува со најпознатите уметници, меѓу кои Little Louie Vega, Jask, Lustral, Hiroshi Watanabe, Roland Clark, Jamie Lewis... Неговата музика се појавува на врвните издавачки куќи како Armada Music, Defected, King Street, Purple Music, Vida Records. Музиката на Никос Диамантопулос е опишана како сон исполнет со емоции, микс на многу култури, вклучувајќи џез, соул, афро-бит, фанк и етно музика. И да, гостувањето во Скопје не му е прво, тој беше дел и од летното издание на овој фестивал, односно настапи во рамки на Белата ноќ. Intermеzzo Music Rituals не завршува тука, напротив гостувањето на Никос Диамантопулос е само почеток, нова пролет, нови страници... а на нив ќе се потпишат уште многу врвни диџеј имиња меѓу кои Христос Фуркис, Крис ИДХ, Валерон, Тебра... Колку за потсетување дел од зимското фестивалско издание веќе беа Ланнка и Space Motion, српскиот диџеј и продуцент кој е активен на музичката сцена во последниве 16 години и кој секојдневно ги поместува границите за музичарите кои доаѓаат од Балканоt.

Space Motion за старт на Intermezzo Music Rituals

Антонио Димитриевски — Thu, 09 Jan 2020 12:47:57 +0000

По успешното летно издание на Intermezzo Music Rituals, од овој петок следува нова тура на незаборавни забави и гостувања на врвни диџеј имиња во Intermezzo Music Bar. Стартот на зимското издание на Intermezzo Music Ritual ќе го означи Space Motion, српски диџеј и продуцент кој е активен на музичката сцена во последниве 16 години и кој секојдневно ги поместува границите за музичарите кои доаѓаат од Балканот. Неговата музика е мешавина од посебна и уникатна енергија која ја прикажува во жанрови како дип хаус, прогресив и тех. Space Motion настапува ширум Европа, Јужна Америка и Азија. Ибица, Киев, Будимпешта, Белград, Дубаи, Хургада, Лима ... клубови во Нанинг, Хонг Конг, Гуанжу, Шенжен... Листата на локации е импресивна, а истото важи и за фестивалите, па „Pepsi Sziget“, Air Nation и EXIT се само некои на кои има настапувано. Како што вели, повеќе од привилегија е да се даде личен печат на популарните композиции од 70-те и 80-те години од 20 век, филтрирани преку електронски звук што ја претставува неговата визија за иднината. Неговите теми се вртат на различни подиуми ширум светот, а листата на ѕвезди кои ја пуштаат неговата музика е предводена од Solomun, Tale of Us, Black Coffee, Adam Bayer, Magdalena, Fisher… Токму утревечер, во склоп на зимското издание на Intermezzo Music Rituals, и Скопје ќе има можност да биде дел од светската сцена и да ужива во неговата музика. Не пропуштајте ја можноста да бидете дел од Intermezzo Music Rituals.

Од Миконос на журка во Скопје: Chris IDH за старт на Intermezzo Music Rituals

Антонио Димитриевски — Thu, 05 Sep 2019 09:29:44 +0000

И официјално утревечер стартува Intermezzo Music Rituals и тоа со сетот на Chris IDH, едно од најголемите имиња од соседството кога е во прашање хаус сцената. Роден е во Атина во 1989 година, а интерес за музика покажал уште во детството. И не само тоа, туку и низ годините го надградувал и своето музичко образование – изучувал пијано, што му помогнало многу полесно да навлезе во светот на музичката продукција, а подоцна изучувал и музичка технологија и звук.

Како диџеј, неговите вештини му овозможиле да настапува со најголемите музички имиња на хаус сцената, а во изминатите 10 години издал многу траки за Suma records, Look At You Records, Quantize Recordings, King Street Sounds, Deeptone… Желбата за експериментирање во студио и правење траки кои се, пред сè, свежи го прави Chris IDH еден од најуспешните продуценти во Грција, но и на интернационалната музичка сцена.

Со настапот на Chris IDH стартува серијалот наречен Intermezzo Music Rituals, во чии рамки се закажани гостувањата на шест врвни диџеи кои се неизоставен дел од прочуените забави на еден од најубавите острови во соседството – Миконос. Тимот на Интермецо најавува незаборавни журки со шест врвни имиња - Chris IDH е првото што ви го откриваме!