интелигентни луѓе – Вистина.мк

Зошто интелегентните луѓе почесто имаат љубовни проблеми?

Христина Ѓоргиевска — Tue, 02 Nov 2021 13:15:45 +0000

Интелигенцијата е одлична особина. Но, колку што е благослов, толку може да биде и проклетство. Колку и да интелигентните луѓе имале одлична меморија, размислувале зрело и биле многу способни во бизнисот, толку многу можат да страдаат во емотивниот живот.

Така велат експертите за врски.

– Нивното оценување на разумот и логиката доведува до пречки кога станува збор за спонтано однесување и чувства. Се разбира, овие факти не важат за сите интелигентни луѓе, но многумина, кои ги имаат овие карактеристики, имаат поголема веројатност да имаат конфликти во односите и им е потешко да го направат првиот чекор, особено кога станува збор за мажите, вели психологот Медлин. Мејсон и наведува дека интелигентните луѓе обично прават грешки.

1. Сè испитуваат

Нивниот мозок е многу активен, па премногу го набљудуваат и анализираат однесувањето на партнерот. Преиспитувајќи ги ситуациите и настаните, тие ја спречуваат појавата на сопствените стравови, но често тоа е причина за расправија со партнерот. Затоа е важно интелигентните луѓе да научат да се потпираат на своите чувства без никакво преиспитување.

2. Тие знаат сè подобро

Многу паметните луѓе ретко ги менуваат своите ставови и цврсто стојат зад своите одлуки. Тие со задоволство споделуваат знаење – често дури и кога никој ништо не ги прашува. Овој начин на размислување, сепак, им штети на врските, бидејќи емотивните односи тешко можат да се разјаснат со логични факти. Тие се објективни и често повеќе се грижат за тоа отколку за она што е субјективно – како чувствата, па често излегува дека тие го ставаат незнаењето на носот на партнерот.

3. Врската ја гледаат како наука

Во науката има точни податоци и процедури, но не и во љубовта. Сепак, ова не важи за интелигентните. Најтешко им е кога ќе наидат на непредвидливи ситуации.

4. Се сеќаваат на се

Речиси совршената меморија има своја црна страна. Исклучително интелигентните луѓе лесно ги вадат од ракави спомените и даваат докази во конфликтни ситуации, а префрлањето на партнер поради стари грешки доведува до катастрофална криза во врската. извор: курир.мк

Надпросечно интелигентните луѓе ги имаат овие 5 карактеристики

Валентина Стојановска — Wed, 25 Aug 2021 06:29:53 +0000

Може да забележите натпросечна интелигенција според одредени знаци или карактеристики на луѓето. Ако откриете дека ги имате овие пет карактеристики, можете да се рангирате меѓу надпросечните интелигентни луѓе. Вие сте емпатични Сочувствувате со другите и лесно можете да им влезете во главата и да знаете што мислат. Покрај тоа, генерално имате многу фини и „чувствителни“ антени. Кога ќе влезете во просторија каде што некој се расправаше, го чувствувате тоа. Во тој случај, вие сте исклучително емпатична личност, и тоа е знак на висок коефициент на интелигенција. Љубопитни сте Дали сакате да знаете сè, дали сте заинтересирани за животот на луѓето околу вас и не можете да откриете доволно работи за културата и историјата? Тоа е исклучиво во природата на интелигентните луѓе. Вие сте внимателни Не е важно што се случува околу вас: следите сè и разберете во сè. Една од причините за тоа е веќе споменатата емпатија, но и фактот дека едноставно сте претпазливи и дека низ животот поминувате со отворени очи. Вие се контролирате себе си Кога сте лошо расположени, не доаѓа предвид да го пренесете вашето расположение на другите. Ги одржувате вашите емоционални испади под контрола и чувствувате дека другите никогаш не треба да страдаат поради вашето лошо расположение. Имате многу добра меморија Вашите пријатели постојано прашуваат: „Како можеше да се сетиш на сето тоа?“ Сосема едноставно: тоа е знак на натпросечна интелигенција.

Зошто интелигентните луѓе имаат повеќе проблеми во љубовната врска?

Христина Ѓоргиевска — Tue, 29 Dec 2020 13:15:54 +0000

Интелигентните луѓе размислуваат поинаку, но имаат и поинаква смисла за хумор за разлика од другите луѓе. Освен тоа, имаат различни интереси, размислуваат зрело и имаат добра меморија. Ова е проклетство и благослов во исто време, особено кога станува збор за љубовна врска. Овие нивни квалитети ги спречуваат да се препуштат и да се вљубат бидејќи премногу размислуваат. Преиспитуваат сè Ова не е изненадување – интелигентните луѓе постојано размислуваат за работите што им се случуваат. Нивниот мозок е активен, а тоа значи дека го набљудуваат и анализираат однесувањето на другите луѓе. Затоа треба да научат да го слушаат срцето и да ги следат нивните чувства, а помалку да го преиспитуваат партнерот. Имаат одговор за сè Паметните луѓе имаат одговор за сè – го споделуваат нивното мислење кога никој не ги прашува. Ваквиот начин на размислување не може да им користи во врската бидејќи тие сакаат партнер кој ќе биде ист како нив. Врската ја гледаат како наука. Ги анализираат постапките на партнерот, а многу често се обидуваат да ги предвидат нeговите чекори и да разберат што планира нивниот партнер наместо да уживаат во сегашниот миг. Се сеќаваат на секој детаљ Не се обидувајте да ги излажете бидејќи имаат слоновска меморија. Ќе го запомнат секој детаљ и ќе го искористат против вас кога ќе се расправате. Треба да внимаваат бидејќи повторувањето на старите грешки може да доведе до криза во врската. извор: кајгана

Зошто интелигентните луѓе често се осамени и несреќни?

Моника Манасиевска — Wed, 05 Sep 2018 14:44:05 +0000

Коефициентoт на интелигенција на Алберт Ајнштајн бил 170, на Стивен Хокинг - 160, на Ештон Качер е 150, а на Натали Портман - 140. Се чини дека паметните луѓе се навистина среќни. Но, реалноста вели дека среќата меѓу натпросечно интелигентните луѓе, е поретка отколку што се смета.

„Брајт сајд“ објави анализа зошто овие луѓе се така осамени, несреќни и изгубени. Следуваат шесте најчести причини за тоа. 1. Премногу анализираат Луѓето со висок коефициент на интелигенција се склони кон тоа постојано да ги анализираат случувањата во животот. Со тек на времето, тоа ги исцрпува, зашто сето тоа е исполнето со страв и разочарувања. Писателот Роберт Табиби вели дека треба да сфатиме - да се згреши е човечки, и дека не постојат совршени луѓе. 2. Интелигентните јасно знаат што сакаат Тие често го идеализираат светот и тешко се откажуваат од превисоките очекувања. А, реалноста околу нив просто секогаш носи разочарувања. Тоа им пречи да бидат задоволни од својот живот и да се чувствуваат среќни. Во книгата „Вистинска среќа", Мартин Селигман, психолог од Универзитетот на Пенсилванија, советува да не ги заборавате оние нешта коишто ве тераат да се чувствувате благодарни. Секој сака да има блиска врска со некого, но за интелигентните луѓе е многу тешко да разговараат отворено со кого било, зашто честопати се несфатени. Кое е решението? Помагајте им на другите, дури и на непознати. Оние кои ги поддржуваат другите, чувствуваат поголема внатрешна хармонија, од оние кои одлучиле да ги игнорираат туѓите проблеми. 3. Не секогаш се успешни Испитувањата покажуваат дека 85 отсто од финансиската благосостојба зависи од индивидуалноста, комуникативноста и способноста за преговори. А интелигентните луѓе доста често се повлечени или повторно несфатени. Психологот и добитник на Нобелова награда, Даниел Канеман смета дека луѓето претпочитаат да соработуваат со некој што им се допаѓа и на кого му веруваат, дури и ако тој предлага поскап производ. Според научниците, емоционалниот, моралниот и физичкиот интелект играат многу поголема улога во постигнувањето финансиски успех. 4. Имаат повеќе стрес од останатите Канадско истражување доведе до заклучок дека луѓето со повисок коефициент на интелигенција ги восприемаат едноставните секојдневни проблеми многу поразлично од другите. Тие имаат навика да размислуваат повеќеслојно за тоа што се случува, па и за негативните нешта, што пак, води до хроничен стрес. Според психолозите, треба да научиме како навреме да ги стивнеме негативните чувства, кога ќе се соочиме со повеќе проблеми одеднаш. Тоа ќе ни помогне поспокојно да ги анализираме еден по еден. 5. Повеќе се склони кон здравствени проблеми Колку луѓето се поинтелигентни, толку подоцна и си легнуваат - посочуваат научниците. Тоа, пак, води до срцеви заболувања. Освен тоа, се покажа дека високоинтелигентните се склони и кон алкохолизам и пушење, а тоа е поради зголемениот стрес. Мотивациониот говорник и писател Адам Џексон советува да вежбате техники на опуштање. Тоа вклучува редовен одмор од сите дневни активности, полн ноќен сон, како и неколкучасовно „неправење ништо“, но и почести физички вежби и разни активности кои ве исполнуваат. Лачењето на „хормонот на среќа" е извонредно значаен за психофизичката состојба. 6. На интелигентните им е поудобно кога се сами Интелигентните луѓе лошо ги доживуваат честите контакти со пријатели. Тоа е така најчесто поради големите амбиции кои ги имаат, па „немаат време за ништо друго“. Ако се чувствуваме добро кога сме сами, донекаде е и добро, но не треба да се изолираме од нашите блиски. Психологијата докажува дека луѓето кои самите создаваат време за своите блиски, се чувствуваат многу поисполнети во својата старост. Да споделите радости, како и се друго што вклучува комуникацијата е од исклучителна важност. Секогаш настојувајте да го постигнете тоа.