инструментал бенд – Вистина.мк

„Инструментал бенд“ со „Очи пуне суза“ ќе го освојува Балканот (ВИДЕО)

Христина Ѓоргиевска — Thu, 19 Jul 2018 09:04:31 +0000

Македонската музичка група „Инструментал Бенд“ ја пушти во етер својата најнова песна насловена како „Очи пунесуза“ заедно со видеозапис на популарниот Јутјуб канал ВејвМјузикТв. Зад песната „Очи пунесуза“ како автор на музиката, текстот и аранжманот се потпишува веќе докажаниот автор на бројни хитови – Драган Арсенијевиќ Наполеон. Зад техничките делови стојатБогдан Стојиљковиќ (Снимање, миксање и мастер) и Александар Сувајџиќ (едитирање). Пратечките вокали ги пеат Катарина Петриќ, Драган Арсенијевиќ Наполеони Жарко Стојкоски. Комплетниот аудио материјал е снимен во студиото „Музичко атеље креативен звук“.

Во спотот во главната улога се појавува учесникот на реалното шоу „Парови“ и гитарист во бендот, Никола Стојановски. Тој на себе има специјална боја за тело која доловува посебен ефект и целосно ја истакнува неговата фигура, а во круг околу него танцуваат згодни манекенки од Белград. Оригиналната приказна за видеото кое претставува и краток филм е на „NloFlow Videos“, а снимено е во врвното филмско студио на Ај-Ди-Џеј Видеос.

Како изгледа комплетно новиот производ на „Инструментал Бенд“, погледнете во продолжение. https://www.youtube.com/watch?v=vP53fTLdFFk

Музичкиот состав „Инструментал Бенд“ со бројни проекти во 2018-та

Слободанка Илиева — Sun, 28 Jan 2018 12:23:25 +0000

Музичката група „Инструментал Бенд“ после успешниот проект „Полско цвеќе“за 2018-та година најавува бројни музички проекти од кои првиот ќе биде комплетно завршен и презентиран кон средината на месец февруари. Имено, музичкиот состав „Инструментал Бенд“ од Битола имаше навистина успешна 2017-та година. Проектот „Полско цвеќе“ со кој се одбележи 10-годишнината од трагичната сообраќајна несреќа во која животот го изгуби нашата најголема музичка ѕвезда Тоше Проески, ги обиколи повеќето медиуми во регионот. Фантастичната музичка изведба и емотивниот видеозапис во кој уметникот Александар Поповски го црта портретот на Тоше Проески додека момците од музичкиот состав одат во посета на Спомен куќата во Крушево, предизвика реакција во јавноста. Првиот од новите проекти во 2018-та ќе биде презентиран кон средината на месец февруари, а ќе опфати македонски и балкански песни на кои „Инструментал Бенд“ ќе им даде нова свежина и атрактивност. Музичкиот состав „Инструментал Бенд“ постои од 2005-та година, а во него членуваат Жарко Стојкоски – вокал, Александар Котевски – клавијатура, Димитар Наумовски – тапани, Никола Стојановски – соло гитара и Михајло Манојловски – бас гитара.

„Полско цвеќе“ на Тоше Проески доби нова верзија од „Инструментал бенд“ (ВИДЕО)

Антонио Димитриевски — Wed, 18 Oct 2017 12:59:27 +0000

„Инструментал бенд“ со видеозапис и преработка на големиот хит „Полско цвеќе“ ја одбележува 10-годишнината од трагичната сообраќајна несреќа во која животот го изгуби нашата музичка легенда Тоше Проески, а целиот регион беше обвиен во црно.

Со проектот „Полско цвеќе“ сакаме да ја одбележиме 10-годишнината од немилион настан кој го обви целиот регион во црно, но и да ги потсетиме сите дека Тоше се уште живее во нашите срца. Изразуваме огромна почит и благодарност кон се што направи. Неговите дела ќе живеат вечно, велат од бендот.

Преработката на песната е во продукција на Михајло Манојловски, а видеозаписот е снимен во режија на Куба Видео на неколку локации во Крушево, на брегот на Преспанското езеро и во Националниот парк „Пелистер“. На видеозаписот се појавува уметникот Александар Поповски, сликајќи го портретот на Тоше, но и кавалџијата Алекс Петковски. Бендот изразува огромна благодарност до сите кои несебично се вклучија во овој проект и ја поддржаа неговата реализација. Меѓу нив се: Спомен куќата „Тодор Проески“ и директорката Елена Мирчевска, Културно-уметничкото друштво „Гоце Делчев“ – Битола и Александар Жежовски, Connect Beach – Сливница, Националниот парк „Пелистер“, Агим Џело (асистент на камера), Благоја Масак Кечулкоски и Тони Леко Карапанчевски. Музичкиот состав „Инструментал Бенд“ постои од 2005-та година, а во него членуваат Жарко Стојкоски – вокал, Александар Котевски – клавијатура, Димитар Наумовски – тапани, Никола Стојановски – соло гитара и Михајло Манојловски – бас гитара