инстинкт – Вистина.мк

На кој начин можете да ги развиете вашите интуитивни вештини?

Слободанка Илиева — Wed, 25 May 2022 12:52:48 +0000

Понекогаш, не знаеме како да ја послушаме нашата интуиција и затоа од голема важност е да ги развиеме нашите интуитивни вештини. Во продолжение прочитајте како да ги разберете вашите желби, емоции и чувства со помош на интуицијата. 1. Анализирајте ги вашите ставови Позитивните ставови го помагаат личниот раст и развој, а негативните го попречуваат. Важно е да се ослободите од контрапродуктивните ставови што можеби и не сте ни свесни дека ги имате. 2. Послушајте ги знаците што ви ги испраќа вашето тело Вашето тело е сложен, чувствителен и интуитивен рецептор. Имајќи го тоа на ум, ќе ви биде полесно да се поврзете со вашата интуиција. Доволно е да не ги занемарувате раните предупредувачки знаци што ги испраќа вашето тело. 3. Почувствувајте ја суптилната енергија на вашето тело Нашето тело не е составено само од крв и месо туку и од посебна енергија која во кинеската медицина се нарекува „чи“. Секој дел од телото претставува посебно енергетско поле кое има значително влијание врз нашето здравје. Затоа, од големо значење е да ја препознаеме таа енергија и да научиме како да воспоставиме рамнотежа. Тоа ќе ни помогне и на патот кон нашето духовно исцелување. 4. Нека интуицијата ви биде водилка Секој од нас поседува интуитивен глас кој содржи одговори за нашето исцелување. Доволно е да му посветиме само неколку минути секој ден. Освен тоа, со помош на медитацијата, тивкото размислување, молитвата и поврзувањето со природата, можеме да добиеме одговори за нашето здравје. Откако прочитавте како да ја развиете вашата интуиција, можеби ќе сакате да прочитате и како да ги разликувате стравот и интуицијата. Извор: themindsjournal.com/кафепауза.мк

5 инстинкти што не треба да ги игнорирате во врската

Слободанка Илиева — Tue, 13 Aug 2019 12:45:06 +0000

Нашиот внатрешен инстинкт е нешто што го игнорираме многу почесто отколку што треба. Понекогаш токму тоа е причината што се наоѓаме во непријатни ситуации. Вашиот инстинкт работи и кога станува збор за романтичната врска. Па доколку почувствувате или помислите нешто од следниве работи, најдобро е да не ги игнорирате. 1. Имате чувство дека нешто е навистина погрешно Кога има нешто погрешно во врската, без разлика дали сте свесни за тоа или не, вашиот инстинкт ќе се обиде да ви каже. Доколку мислите дека светот ве одвлекува од оваа личност, не би требало да го игнорирате тоа. Потребно е да истражувате и да откриете што навистина се случува пред да донесете одлука. Можеби има нешто кај партнерот што сè уште не сте го забележале. 2. Чувствувате дека партнерот се оддалечува од вас Доколку почувствувате дека партнерот се оддалечува од вас, емоционално или физички, потребно е да разговарате за тоа. Доколку го игнорирате ова чувство, тоа може да се претвори во голем проблем. Можеби партнерот минува низ нешто и не знае како да ви каже, а потребна му е вашата поддршка. Доколку причината е нешто друго и оддалеченоста само се зголемува, можеби и не треба да бидете заедно. Секоја ситуација е различна, па најдобро е отворено да разговарате доколку сте загрижени. 3. Постојано размислувате каков би ви бил животот без оваа личност Се разбира, одвреме-навреме нормално е да помислите на ова, но доколку одеднаш не можете да се ослободите од помислата, можеби проблемот е поголем. Дали сметате дека може да ви биде подобро без него или неа? Дали сте станале понесреќни отколку што сте дозволувале? Можеби пак само ви е страв да бидете сами. Доколку партнерот е вашата карпа, но чувствувате дека станува нестабилен, нема да биде лесно, но важно е да разговарате и да продолжите да се движите напред. 4. Чувствувате дека не можете да бидете свои пред партнерот Никогаш не треба да се криете пред личноста за којашто се грижите најмногу. Вие и вашиот партнер треба да бидете целосно слободни еден пред друг. Доколку чувствувате како да сте затворени и без излез, можеби „бегството“ ви е најдобрата опција. 5. Инстинктот ви вели дека не можете да му верувате на партнерот Доколку постојано се сомневате во партнерот, важно е да откриете од каде потекнува тоа чувство. Иако понекогаш за ова е одговорна несигурноста, сепак е добро да го следите инстинктот и да откриете дали се случува нешто. Се разбира, никогаш немојте да ја мешате вашата лична несигурност со инстинктот. Секој си има добри и лоши периоди. Но кога знаците постојано се повторуваат, најдобро е да разговарате со партнерот. извор:кафепауза.мк

Овие инстинкти не треба да ги игнорирате во врската

Слободанка Илиева — Thu, 18 Apr 2019 13:15:00 +0000