инспирација – Вистина.мк

Зоран Рудан – Цеки инспириран од истоимениот бестселер на Зоран Спасов – Sоф напиша песна, а вештачката интелигенција искреира видео за – „Цешај сине“

Антонио Димитриевски — Wed, 20 Dec 2023 12:12:16 +0000

Кантаваторот Зоран Рудан – Цеки сигурно е човекот кој има напишано и посветено најмногу песни на Скопје и скопските приказни. Неговиот најнов хит „Цепај сине” е напаравен во модерен аранжман и отпеан на скопски сленг. Текстот е инспириран од истоимениот бестселер на Зоран Спасов – Sоф, книга што се наоѓа на врвот на најпродавани наслови за 2023 година. Вокалот, инструментите, музиката, текстот и аранжманот се на Цеки, придружните вокали ги пеат Јулијана Деспотоска и Калина Велковска, песната е снимена во студиио „Целофан“, додека зад изработката на спотот е потпишан Sоф. Ова е прв видеозапис во Македонија, а можеби и во светот, каде вештачката интелигенција има доминантна улога во неговото креирање. Како изгледа една ваква анимирана музичка приказна со artificial intelligence (AI) видео решение, проследете во спотот во продолжение.

За танцот на Гавазова нема копче за пауза: На сопругот секси маза, а на Инстаграм инспиративна до екстаза (видео)

Слободанка Илиева — Tue, 19 Sep 2023 07:54:20 +0000

За фолк пејачката Сузана Гавазова воопшто не е важно кое годишно време е за да се разголи, а кога температурите се повисоки, тогаш теренот за разголување е уште послободен и поширок за нејзините потреби за истакнување, покажување и докажување. Ова лето од куќата покрај езеро во Дојран, Гавазова направи тон видеа каде позира или танцува во секси облека или бикини.

View this post on Instagram

A post shared by Suzana Gavazova (@suzanagavazova)

Секогаш расположена и за да покаже нешто повеќе на социјалните мрежи, а и да им го направи меракот на следбениците и фановите. Иако редовно е во кујната каде од појадок, ручек и вечера постојано е до шпоретот и нешто готви, Сузе има време за се’, од дотерување, пеење, и разгалување за најдрагите, па и време за Инстаграм. Овој пат со снимка одраз во стаклото од прозорот на терасата, Гавазова прати жежок поздрав во бикини. https://youtube.com/shorts/Fe4nrELuw5c?si=7-J-SviUzuhaB7Dw Мешање со колкови, спуштање до долу, полека врткање со бујниот и напрачен задник, издигајќи го телото нагоре, и се тоа движејќи се по ритамот на музиката. На сопругот таа е домашна маза, а на Инстаграм Гавазова редовно е инспиративна до екстаза. Насладување со секси видео, а нешто подоцна и инспиративна за домаќинките да зготват месо во кремаст бел сос, а следното утро и палачинки за појадок. Инспирација на ниво, нема што! фото:Инстаграм принтскрин/Сузана Гавазова

10 летни комбинации од Инстаграм во кои ќе посакате да го поминете остатокот од летото

Слободанка Илиева — Wed, 30 Aug 2023 12:10:36 +0000

Верувале или не, се ближиме кон крајот на 8-от месец од годината. Кога станува збор за модата, пред нас има уште доволно топли денови за создавање на идеални летни комбинации. Ако сте во потрага по модна инспирација, Инстаграм е секогаш добар избор. Со оглед на тоа дека многу во текот на летниот период не сакаат премногу да комплицираат со сложување на модни комбинации, страницата „WhoWhatWear“ ги „прочешла“ профилите на модните инфлуенсерки на Инстаграм и издвои 10 едноставни модни комбинации во кои можете да го поминете остатокот од летото.

View this post on Instagram

A post shared by Anouk Yve (@anoukyve)

View this post on Instagram

A post shared by Katherine Ormerod (@katherine_ormerod)

View this post on Instagram

A post shared by Sasha Mei (@sasha.mei)

View this post on Instagram

A post shared by Francesca Saffari (@francescasaffari)

View this post on Instagram

A post shared by Marianne (@smythsisters)

View this post on Instagram

A post shared by Salomé Mory (@salome.mory)

View this post on Instagram

A post shared by Franny (@frannfyne)

View this post on Instagram

A post shared by Felicia Akerstrom (@fakerstrom)

View this post on Instagram

A post shared by Rachael Keegan (@bubblyaquarius)

View this post on Instagram

A post shared by Javi🧚🏽 (@javiera)

извор:Точка.ком.мк фото:Инстаграм

Цеки инспирацијата од книгата на Ѕоф ја преслика во песна со истиот наслов – „Џабе живиш у Скопје“ (ВИДЕО)

Антонио Димитриевски — Tue, 21 Mar 2023 07:17:15 +0000

Македонскиот кантавтор и пејач Зоран Рудан - Цеки, инспириран од урбаната книга на авторот Зоран Спасов - Ѕоф, која е вистински бестселер меѓу читателите во македонската метропола, направи песна со ист наслов - „Џабе живиш у Скопје“. Цеки изјави дека инспирацијата за стиховите ја добил од содржината на книгата ана Ѕоф, а стиховите на песната се ултраносталгични пишувани на максималноавтентичен или што би рекле „хардкор“ скопски сленг, кој за жал, по „поскопјанчувањето“ на престолнината со напливот од провинцијата, е сленг во изумирање. Така на шега, Ѕоф и Цеки велат дека се едни од последните Мохиканци кои се борат за зачувување на автентичноста на „јазикот на урбаните скопски предци и нивните потомци“... Останатите и онака, џабе живеат у Скопје. Инаку песната „Џабе живиш у Скопје“ содржи три строфи и заразен рефрен, во кои Цеки го пресликал можеби најдоброто од животот на повеќе генерации стари скопјани. Во неа ќе се најдат многумина родени помеѓу 50-ите и 80-ите години на минатиот век. Видеото со кое визуелизирана песната е своевиден кус документарец полн со носталгични кадри и емотивни фотографии за Скопје од едно време, со сите негови специфики и особености, култни места, препознатливи локации, навики, мода, начин на живот... Сето она што некогаш бше обележја на главниот град. Секој стих и кадрите од неколку секунди што го следат е своевидна приказна за себе за Скопје од 50-тите, 60-тите, 70-тите, 80-ите, 90-ите... и толку! Како сето тоа звучи и изгледа спакувано во едно 4-минутно „аудиовизуелно пакетче“ насловено „Џабе живиш у Скопје“, проследете од видеото во продолжение (КЛИКНИ ТУКА):

Пејачката Бојана Стаменов ослабе, но новиот изглед не и донесе многу среќа (фото)

Слаѓана Атанасова — Wed, 30 Nov 2022 11:39:01 +0000

Бојана Стаменов призна како се чувствува откако драстично го промени својот изглед. Имено, Бојана Стаменов ослабе неверојатни 80 килограми и стана инспирација за многу мажи и жени кои носат вишок килограми, а сега откри кој и бил инспирација. На прашањето зошто успеала да ги изгуби вишокот килограми и кој и бил инспирација за потфат во кој многумина не успеваат, Бојана открила дека нејзин модел е светската ѕвезда Бијонсе. - Бијонсе ми беше инспирација, кој друг би ми бил? Едната е Бијонсе, а другата Бијонсе - се пошегува Стаменова. На патека полна со подеми и падови, што секако е борбата со вишокот килограми, пејачката откри дали препорачува помош од професионалци. -Најважна е поддршката на семејството, секој сам си го избира отровот (се смее). Дали ќе биде психолог, животен тренер или нешто друго, е прашање на избор - тврди пејачката. Сепак, и покрај тоа што сега се чувствува одлично во своето тело, Стаменова тврди дека сега ја мачат некои други проблеми: -Кога видов дека ми оди добро, навистина се израдував, тоа беше голема мотивација за мене. Навистина сакам сите да бидеме здрави, бидејќи знаете што велат „во здраво тело, здрав дух“. Секако дека сега сум задоволна со својот изглед, но сепак сум тажна за некои други работи, така секогаш ти оди. Се разбира, понекогаш сум тажна, имам мои „мрачни моменти“, но таков е животот – објасни Бојана. Фото:Принтскрин/Ата Имаџес

По разделбата со неа се разболел: Тома Здравковиќ имал четири жени, но само на една и посветил песна

Слободанка Илиева — Tue, 13 Sep 2022 08:15:58 +0000

Тома Здравковиќ е еден од најголемите југословенски пејачи на народна музика, а луѓето уште повеќе се заинтересираа за неговиот живот по филмот кој беше снимен според неговиот лик и дело. Кога станува збор за биографијата на Тома, неисцрпна тема се жените за кои пишувал и кои покрај кафаната и песната биле суштината на неговиот живот. Тома беше во брак четири пати. Прво за убавата црнка Олгица, која ја запозна во хотелот „Војводина“ во Зрењан. Нивната ќерка Жаклин е родена на 22 ноември 1963 година, денот кога беше убиен претседателот Џон Кенеди, по чија сопруга и беше именувана. Сепак, неговиот прв брак не траеше долго бидејќи се разведоа по неколку месеци во Осиек. Во меѓувреме, кафеанската кариера на Здравковиќ продолжува со ангажман во хотелот „Парк“ во Ниш, од каде што се пресели во белградски Градски Подрум, каде што пееше секоја вечер три години. Непоправливо сентиментален, Тома инспирацијата за своите песни ја црпеше од лични искуства, а издавачката куќа Дискос во 1963 година му понуди да го сними својот прв албум, без никаква реклама. Таму ја запознал Милица Божиќ со која се оженил неколку месеци подоцна.

View this post on Instagram

A post shared by Tomislav Toma Zdravković (@tomislav_toma_zdravkovic)

Милица била во брак со Тома околу две години, а го напуштила поради неговиот начин на живот, бидејќи имал пороци како коцкање и алкохол. После тоа, Милица се премажила и добила две ќерки. Милица почина пред неколку години и не стигна да го гледа филмот „Тома“, филм за животот на Тома Здравковиќ, чија премиера беше на 15 септември. Тома, инаку, многу ја сакаше својата трета сопруга Нада, која ја запозна на одмор во 1972 година во Будва. Тие се венчаа веднаш, на островот на цвеќето, со песните на Уснија Реџепова и Анѓелка Говедаревиќ. Но, и овој брак беше краткотраен, а пропаѓањето на љубовната врска го втурна Здравковиќ во очај. Тој продолжил да се опива, иако здравјето му било сериозно нарушено.

View this post on Instagram

A post shared by Tomislav Toma Zdravković (@tomislav_toma_zdravkovic)

Инаку, Нада му е единствената сопруга за која ја напиша песната „Надо, Надо“. - Ништо не измисли, навистина му се случи се’ што пееше. Живот пишуваше песни, а Тома само ги запиша. Затоа и денес се големи хитови. Не постои човек кој во одреден момент од животот не се пронашол во песните на Тома. Беше исклучително емотивен и тешко ги поднесуваше љубовните раскинувања. Се сеќавам кога се разведе од третата сопруга Нада, десет дена беше вон себе. Многу солзи пролеаа додека не се создаде песната „Надо, Надо“. Таков ми беше Тома - изјави неговиот брат Новица Здравковиќ, кој исто така почина.

View this post on Instagram

A post shared by Tomislav Toma Zdravković (@tomislav_toma_zdravkovic)

- По разводот му се слоши. Кога раскинале, тој 10 дена не излегувал од дома и постојано пиел. Потоа замина во Германија и не се врати пет години. Нада беше исклучително убава и единствена сопруга на Тома на која и ја посвети песната - изјави еднаш Новица. По таа несреќна љубов, Тома заминал прво во Канада, а потоа во Америка, каде ја запознал својата четврта сопруга Гордана, со која останал до неговата смрт. Во една прилика и самиот Тома изјави дека секогаш бил мотивиран од љубовта, особено од несреќната љубов. Постојано бараше сроден дух кој ќе ги разбере неговите ситни чувства. Познатата песна „Данка, волим те“ овој непоправлив емотивец и најголем југословенски боем и ја посвети на поранешната водителка на ТВ дневниот весник Данка Нововиќ. Братот на Тома и раскажа како настанала песната „Данка“. Тома, полн со инспирација, едно утро ја разбудил и рекол: „А, каква песна напишав, се вика „Данка“. - Седна на клавирот и му отпеа на Новица навистина фантастична песна - рече Данка. - На почетокот бев претпазлив за тоа. Тома на Данка и испрати букет од сто каранфили кои таа бесно им ги подели на соседите. - Бев лута, не сакав да разговарам со него. Подоцна сфатила дека ретки се жените на кои им е испеана толку убава песна, со толку многу емоции - искрена била Нововиќ. - Веројатно Тома, не веројатно, но сигурно, ме сакаше. Можеби беше малку заљубен и тоа му беше инспирација. На една новогодишна ноќ, кога ја пееше таа песна, отидов кај него, го бакнав и го гушнав. Беше среќен како дете. За време на снимањето на серијата „Докторка на селу“ во 1982 година, за која Тома ја компонираше музиката, а во една од епизодите дури и глумеше музичар, легендарниот пејач повлече око на впечатливата актерка Љиљана Благојевиќ, па отворено објави дека ќе и посветилпесна и набрзо го исполнил ветувањето - настанал хитот „За Љиљана“. Но, долго време не се знаеше која е Љиљана се додека неговата ќерка, актерката Калина Ковачевиќ, во емисијата „ТВ лице - као сав нормално свет“ на Тања Петернек-Алексиќ не изјави дека „не слуша народни песни. , но дека дома има албум од Тома Здравковиќ, кој ја содржи песната „За Љиљана“, која е напишана за нејзината мајка“! А тоа го потврди и Љиљана Благојевиќ во едно интервју: - Така е, текстот на таа песна ми е посветен на мене. Веројатно му бев драга и фина, па го инспирирав да ја напише „За Љиљана“. Тома Здравковиќ знаел да пишува песни за „туѓа“ љубов. Сопругата на братот на Тома, Новица, Јелена Здравковиќ, доби траен „удар“ од својот девер. Песната „О, где си Јелена“ е напишана во кафана, а Тома ја напишал кога се опил со Новица. - Јас и Новица во тоа време само се забавувавме. Се скаравме таа вечер, бидејќи не сакав да одам некаде со него. Отиде во паб и многу се опијани со Тома - рекла Јелена. - Тома тогаш напиша песна, и како и сите големи работи што големите луѓе ги оставаат на салфетка - и мојата песна, случајно, е напишана на неа - објасни таа.

View this post on Instagram

A post shared by Tomislav Toma Zdravković (@tomislav_toma_zdravkovic)

Сепак, постои љубов која умре со Тома и на која и ги посвети сите песни, чие име никогаш не се открива. - Љубовта на неговиот живот, на која и ги посвети сите песни, е многу специфична личност. Нема да го откријам нејзиното име, за да не ја компромитирам. Целиот живот и го посветил на неа. Додека зборуваше за неа, често плачеше. Тој зборува, а солзите течат. И не можеше да не го сакаш во тој момент. Но таа забранета љубов го уништи - изјавил починатиот актер Миша Јанкетиќ. Тома Здравковиќ бил човек кој еден ден би бил исклучително богат, а следниот ден нема ни да има храна. Се верува дека кога умрел немал пари ни за погреб, бидејќи наводно сето тоа го потрошил на пороци. Починал во понеделник на 30 септември 1991 година во Белград, на 53-годишна возраст. фото:Инстаграм/tomislav_toma_zdravkovic

Александра Пријовиќ целосно го копирала спотот на Ноа Кирел !? (фото)

Слаѓана Атанасова — Mon, 01 Aug 2022 10:53:15 +0000

По којзнае кој пат се случува некој од изведувачите да ја копира работата и залагањето на големите музички ѕвезди, веројатно поради немање свои идеи и инспирација. Порано, пред социјалните мрежи, тоа беше потешко да се види, но во денешно време тоа воопшто не е проблем. Последна што „искористи“ туѓ труд беше Александра Пријовиќ. Таа или луѓето од нејзиниот тим дошле до идеја речиси целосно да направат плагијат на видеото на израелската ѕвезда Ноа Кирел, која го објави хит-синглот „Thought About That“ во јануари оваа година и моментално има речиси 35 милиони прегледи на „YouTube“. А публиката можеше да ја види истата снимка како во клипот на Кирел и кај Пријовиќ во спотот за песната „Јавно место“, кој беше поставен на „YouTube “пред три недели. Нејзините соработници воопшто не се труделе тоа да биде не толку очигледно и проѕирно, па видео клипот го копирале речиси целосно, всушност само мал дел од снимката не е иста. Фото:Принтскрин/Профимедиа/Дамир Дервишагиќ/Јутјуб

Стојанче Ангелов доби конкуренција… или идеја за сопствен бизнис по заминување од политиката? (ВИДЕО)

Антонио Димитриевски — Sat, 25 Dec 2021 09:46:40 +0000

Стојанче Ангелов, некогашен македонски бранител во конфликтот од 2001-ва, полициски генерал, денес политичар и актуелен Директорот на Центарот за управување со кризи и е оддамна познат на македонската јавност по многу нешта. Покрај војникувањето и политиката, екс генералот стана познат и по своите боречки вештини. Меѓу другото, сечење лубеница со катана (сабја) врз нечии стомак додека човекот лежи и особено по кршењето ќерамиди... Со рака, односно тупаница и секако, неговата потесна или што би рекле, суб-специјалност, кршење ќерамиди со глава! Понекогаш заради тренинг и челичење, понекогаш заради облог, но и заради чиста забава, како што тоа беше на манифестацијата за доделувањето на Твитер наградите. https://www.youtube.com/watch?v=XiKQ3cBf32A&feature=emb_logo Видео кое преку ноќ стана вирален хит на социјалните мрежи, па го прослави Стојанче меѓу народот повеќе и од военото јунаштво и од политиката, во која со последните изјави покажува „визионерски способности“... Небаре е Нострадамус или маалски гатач, па во една од последните свои изјави околу коронапандемијата, генералот „претскажува“: „Политиките на Владата, се по основ на алгоритмите на СЗО, што се покажаа како успешни. Исто така, сметам дека има учени луѓе во опозицијата, поконкретно во ВМРО - ДПМНЕ, кои и самите знаат дека доколку и тие би биле на власт, состојбата би била иста, ако ме прашувате мене, можеби и полоша“ – рече Ангелов на ТВ 21... И тоа без да погледне во стаклената кугла. И додека штипскиот „ќерамидокршач“ ја претскажува политичката иднина, веројатно морајќи свесно да замижи пред суровата реалност на сегашноста во која живееме, како што мижат и оние на кои лубеницата им лежи на стомакот додека неговата катана ја сече, генералот доби конкуренција! Имено, Стојанче веројатно бил инспирација за добар маркетинг, па по мотитивите од неговото „ќерамидокршачко дело“, еден македонски бренд за мебел решил да направи реклама. Со тоа што малку ги испревртеле улогите, а и дрвото не е „ќерпич“ па така лесно не се преполовува. Можеби затоа што главниот јунак не е „генералот“ или дрвото на „Монако“ е ептен јако? Како и да е, Стојанче и неговиот познат удар со глава, станаа инспирација за реклама! Но, генералот не е само туѓа инспирација, зашто не е единствениот во светот што ја користи својата глава за стекнување на не само умствена слава. По светот има голема конкуренција што за Стојанче Ангелов може да биде нов предизвик, па дури и инспирација. Конечно, видеото подолу можеби ќе му послужи како идеја за отворање сопствен бизнис. Се разбира кога мандатот на прв човек на ЦУК ќе му истече, партијата чиј коалиционен приврзок е ќе падне од власт и замине во опозиција, а Стојанче остане без својата функционерска позиција. Впрочем, секој умен политичар што знае да ја користи главата, знае дека бргу минува славата, па по паѓање од власта веќе не припаѓаш на истата каста... Затоа, не е лошо да се има „план Б“ за иднината, а иднината лежи во „преработка“ на органската храна, која е ем уносен бизнис, како за некого овде марихуаната, ем е здрава... Особено ако имаш цврста глава! Фото: Фејсбук принтскрин

Во теретана со Марјана: Инспирација за мотивација! (ФОТО+ВИДЕО)

Антонио Димитриевски — Sat, 04 Dec 2021 07:08:45 +0000

Марјана Станојковска, македонската лото девојка и ТВ водителка се' уште важи за една од најзгодните дами од јавниот живот. Дека умее со топчињата оддамна е познато, особено кога ги држи вашите в рака, а вие треперите како лист на ветер... Секако оние на кои се испишани лото бројките што „живот значат“. Но како тоа оваа убавица умее постојано да биде во совршена форма, да има фит изглед и топ тело, сега ќе ви покажеме. Или поточно, ќе ви открие самата. Веруваме дека ќе ви биде доволна инспирација за да ја поттикне и Вашата мотивација!

Тајната на Марјана не е нова ниту непозната и се вика теретана! Фитнес, боди билдинг, физичка рекреација... е тајната на нејзината долгогодишна доминација меѓу македонските убавици од ТВ екранот! А, се започнува отприлика вака...

Понеделник - ден за мотивација... малку лесни вежби за размрдување, раздвижено тело и мотивациско селфи!

Вторник - ден за цврсто газе... Горе - долу, горе-долу... Па подраширени нозе, лево - десно, лево- десно... Ем здраво, ем естетски убаво, ем практично... Вежба ептен корисна... За да ти се најде во секоја ситуација!

View this post on Instagram

A post shared by MARJANA STANOJKOVSKA (@marjanamay) on Feb 19, 2019 at 3:25am PST

Среда - среќен ден... А, денот не лош за вежбање раце и гарден кош! Притисни-пушти и така не знам колу пати, па зголеми тежина за да добиеш на цврстина! На мускулите на рацете, рамената, а и она што е во деколтето... До душа, надоградено со силикон!

View this post on Instagram

A post shared by MARJANA STANOJKOVSKA (@marjanamay) on Jan 30, 2019 at 10:06am PST

Четврток - ден за силни нозе. Малку туркаш, малку амортизираш. Напред-назад и така во круг, колку што е потребно за „пушка нога“ цврста и затегната, и кога цврсто стоиш на земја и кога си легната...

Петок - ден за... урда? Јок бурда! Добро, може и за тоа, ама пред тоа малку вежби на степер... Како репер, дали имаш доволно цврст чекор, и стегнати нозе за совршен визуелен декор!

И на крај - рекапитулација пред водителката да се покаже пред целата нација... Ама, пред да се појави на Лото, Марјана прави уште една проверка, дали е се потаман, на свое место и по нејзина мерка.

Па следува уште едно селфи за самодоверба и потсетување... Ако сакате да бидете згодни, стегнати и секси како Марјана, вежбајте во теретана.

Останатото е дело на мајката природа... И секако, по некој „уметнички зафат“ на некој естетски хирург!

Џакузито и е втор дом: Актерката Даница Максимовиќ се разголе на 68 години, па ги засени и многу помладите со своето одржано тело и раскошните облини! (ВИДЕО)

Антонио Димитриевски — Fri, 29 Oct 2021 10:34:43 +0000

Даница Максимовиќ (68) отсекогаш важела за една од најубавите актерки, која и сега, во седмата деценија од животот, изгледа многу помладо. Нејзиниот изглед секојдневно добива пофалби, а актерката сега го открива рецептот за „вечната младост“. „Таква е мојата природа, весел дух, борбен дух! Никогаш н се откажувам, па не е ни чудо што изгледам вака и на мои години. Вежбам, придавам значење на исхраната и здравиот живот, одам во природа, сакам да шетам и тоа е нешто што ме држи во кондицијата што ми треба“ - открива актерката, а како што вели, прави се' што е потребно за еден личноста да биде среќна и задоволна. Таа на својот Инстаграм профил секојдневно објавува фотографии на кои многу често позира во разголени изданија и признава дека не и е грижа за негативните коментари.

View this post on Instagram

A post shared by Danica Maksimović actress (@danymaksi)

„Кога сум во џакузи, навистина сум среќна и го споделувам тоа, но во џакузи не можам да влезам во скафандер, туку во бикини. А тоа што многумина ова ги иритира и го коментараат, не ми е гајле, зашто ова задоволство никој не може да ми го забрани. Јас сум хедонист и ќе го правам тоа се додека мислам дека е пристојно“ - искрена е Даница. Таа признава дека многу помлади колешки често ја прашуваат за совет. „Многу често ме прашуваат и јас им давам совет и им кажувам што е всушност вистинскиот живот. Ја најдов мојата формула и мојот рецепт и така се однесувам и цел живот го правам тоа што ми се допаѓа“ - вели Даница и додава дека е многу задоволна што е модел и инспирација за многу млади девојки.

View this post on Instagram

A post shared by Danica Maksimović actress (@danymaksi)

Фото: Инстаграм принтскрин/danymaksi