инфузија – Вистина.мк

Станија заврши на инфузија: Здравјето на старлетата влошено, никој не знае што и е, а и таа самата ништо не кажува (ФОТО)

Антонио Димитриевски — Wed, 24 Jan 2024 12:34:11 +0000

Станија Добројевиќ ги откажа сите гостувања, бидејќи нејзината здравствена состојба е влошена. Таа објави само една фотографија, на која може да се види дека има канила во раката, односно дека старлетата завршила на инфузија. Но, детали за нејзината состојба - нема, ниту пак некој знае што и е, зашто и самата таа ништо не кажува. Во кусото соопштение таа само порачала: „Би сакал да ја информирам целата јавност, како и сите медиуми, дека ги откажувам сите договорени гостувања, како и закажаните интервјуа во наредниот период. Во моментов моето здравје е загрозено, а тоа ми е најважно“ – напишала во објавата Станија. „Ќе се извлечам од оваа приказна и ќе ве замолам сите да имате почит и да ме оставите на мира. Ви благодарам за разбирањето“ - порачала старлетата без да соопшти било какви датали за болеста и нејзината момнтална здравствена состојба. Фото: Инстаграм/stanijadobrojevic

Бизарен тренд или влошено здравје: Северина и Љупка Митрова завршија на инфузија од болест или аздис? (фото)

Слободанка Илиева — Fri, 12 Jan 2024 09:46:02 +0000

Непишано првило е дека голем дел од трендовите доаѓаат од Америка и светски познатите личности. Брзо се шират, а виновници за истото во најголема мера се социјалните мрежи и нивното влијание. Ако некогаш бизарно и чудно беше кога Ким Кардашијан за разубавување си ставаше маска на лицето од сопствената крв, така сега наместо орална витаминозна суплементација, тренд станува тоа да биде интравенозно. Па така, голем дел од познатите како: Бред Пит, Том Круз, Џон Леџенд, Криси Тејган, Адел, Ријана, Кендал Џенер, се одлучуваат витаминска терапија да примаат преку инфузија. Ако некои во краен случај прифааќаат да бидат избоцкани во вена поради здравје, во случајот иако целта е иста, начинот и не мора да биде преку игла. Но, за познатите ова сега е во тренд, па доколку ги видите на социјалните мрежи со инфузија во рака, не помислувајте веднаш дека се работи за болест и влошено здравје, туку само витаминско освежување директно во вена. Ова го знае и го проба на себе и балканската музичка ѕвезда Северина. Таа напиша дека годината ја почнува со витамински третман под лекарски надзор и дека е запозната за тоа дека славните ја применуваат, а таа оди по светски терк. Дали се работи за влошено здравје или слепо следење на ваквиот бизарен тренд, не е сигурно, но и атрактивната струмичанка, модната блогерка Љупка Митрова заврши на игла. Тоа дека прима витамини појасни во опистот од објавата, но дали поради тренд или влошено здравје во сезона на настински и вируси, не дополни, па остави знак прашалник кај своите следбеници. Вака или така освежувањето во вена е директо и ефектно- но во секој случај подобро поради тренд отколку недај Боже поради болест. фото:Instagram printscreen/ severina/ ljupka_mitrova/ chrissyteigen

Водителката се огласи од болница: Марија Килибарда завршила на инфузија (фото)

Слободанка Илиева — Fri, 22 Dec 2023 12:19:58 +0000

Последната објава на водителката Марија Килибарда загрижи голем број следбеници, бидејќи таа се огласи од болница. Имено, Марија откри дека е на инфузија, а она што многумина ги изненади е фактот што таа се смешка и лежерно ги пробува колачите кои и ги сервираше болничкиот персонал. -Имам одлични лекари и клиника во која се чувствува добро дури и кога е полускршена и со болки - напиша Марија под објавата. Да потсетиме, Марија веќе три години е во хармонична врска со Банет Вучелиќ, синот на актерката Љиљана Драгутиновиќ и повеќе не го крие од јавноста, па на интернет објавува заеднички фотографии.

View this post on Instagram

A post shared by marija kilibarda (@kilimara)

- Ги надминав психичките проблеми. Ми требаа три години да се распаднам на најситни парчиња. Сè ме болеше, бидејќи не бев она што другите го очекуваа од мене - домаќинка и мајка. Без него немаше толку лесно да го поминам тешкиот период зад нас. За една година поминав повеќе време со него и доживеав повеќе размени отколку со кој било поранешен партнер во долги врски. Со тоа сè побрзо излезе на површина, и убаво и грдо. И знаев дека ако ги пребродиме првите неколку месеци од карантинот, тоа ќе биде убава стабилна врска – изјави претходно Марија, пишува Блиц. фото:instagram printscreen/ kilimara

Ана Радуловиќ заврши на инфузија: Водителката на „Елита“ ги загрижи своите фанови, еве што се случило (фото)

Слаѓана Атанасова — Thu, 23 Nov 2023 07:50:41 +0000

Ана Радуловиќ на својот Инстаграм профил објави слика од инфузијата, која предизвика вистинска врева кај фановите. Атрактивната водителка на „Елита“, со денешната објава на Инстаграм ги загрижи своите фанови. Со оглед на тоа што вообичаено е редовна на социјалните мрежи, каде со следбениците споделува настани од нејзиниот живот, денес откри дека треба да се „врати во живот“, па заврши на инфузија. – И уште малку враќање во живот – напиша водителката со оваа фотографија. Да потсетиме, атрактивната бринета неодамна купи скап автомобил Мерцедес, како што тогаш изјави, без ничија помош, а после тоа се шпекулира дека планира да пазари и недвижен имот на Златибор. Фото: Принтскрин/Instagram/ana.radulovic

Српската пејачка ја ограбија, па Каја Остојиќ од стрес заврши на инфузија (ФОТО)

Антонио Димитриевски — Fri, 09 Jun 2023 11:15:54 +0000

Пејачката Каја Остојиќ преку личниот Инстаграм профил на своите следбеници им откри дека ја ограбиле, а потоа поради комбинацијата на претрпен стрес и силното темпо на работа, како и бурниот начин на живот, завршила на инфузија. Каја работи напорно, настапува и тренира, па нема сомнеж дека овој начин на живот и е многу исцрпувачки, а кога на тоа се накалемил и стресот поради грабежот во нејзиниот дом, јасно е која е прилината за нејзината последна објава на социјалните мрежи. Остојиќ на својот профил сподели видео на кое се гледа како прима инфузија, а објавата ги загрижи нејзините бројни обожаватели и предизвика шпекулации во јавноста. „Животот е убав, а најдоброто допрва доаѓа“ - напиша пејачката во објавата, а потоа ги шокираше корисниците на социјалните мрежи признавајќи дека еден од соседите ја ограбил. До душа, сите кога крадат ги интересира каде се крие златото, кешот, паричниците, а овој на Каја и ги „дрпнал“ звучниците!? „Бидејќи има луѓе што крадат звучници од туѓи станови, сега ќе купам уште подобри и поубави“ - напишала пејачката во пораката за инает на нејзините комшии - арамии.

Рада Манојловиќ заврши на инфузија – пејачката се огласи од клиника: „Ми ставаат катран!“ (фото)

Слаѓана Атанасова — Tue, 21 Mar 2023 10:11:06 +0000

Пејачката Рада Манојловиќ работи многу, поради што и треба одмор, но понекогаш и витамини кои ги добива преку инфузија. Таа сега проговори од болница и се пошегува со своите придружници дека наместо додатоци во исхраната добива урина. Следбениците на Рада веднаш почнаа да ја провоцираат и да пишуваат дека не знае што прима, со оглед на тоа дека течноста овој пат имала жолта боја: - Драги мои, да ви се јавам повторно, пак се боцкам во вена. Ми пишуваат: „Што знаеш за таа жолта ќеса за која си врзана“. За вакво паметно прашање единствениот паметен одговор е - урина. Што друго би било? - рече Рада Манојловиќ, а потоа преврте со очите, додека таа често е мета на многу луѓе поради теориите на заговор што ги изнесува во јавноста, како онаа за вакцините против корона вирусот. - Следното што ќе ми стават е катран. Таму, гледате дека сѐ знам - иронично додаде Рада и повторно ги преврте очите, предизвикувајќи голем број коментари на ТикТок и Твитер. Рада, инаку, пред неколку дена сподели фотографија од клиниката на која се гледа дека е бледа, измачена и дека е приклучена на инфузија. Таа потврди дека и се слошило пред настапот: – Пред настапот во Калгенфурт не можев да зборувам од болки – напиша таа на Инстаграм.

Тежок ден за Индира Арадиновиќ: Пејачката се огласи од болничкиот кревет бледа и исцрпена (фото)

Слаѓана Атанасова — Tue, 10 Jan 2023 10:18:58 +0000

Пејачката Индира Арадиновиќ попозната како Инди ги вознемири фановите и јавноста со нова објава на нејзината социјална мрежа Инстаграм. Имено, таа закачи слика на која се гледа како медицинска сестра и дава инфузија, а подолу напиша: Еден многу тежок ден е зад мене... Се оди добро со вистинските луѓе и пријатели – напишала пејачката. Да потсетиме, Инди неодамна имаше тешка борба за живот, кога беше оперирана на желудникот, а што точно се случило сега и за што всушност се работи, јавноста се уште не е запознаена. - Поминав низ тежок период, две операции во рок од две недели, останав без слезина, панкреасот беше закачен. Живеам уште малку со некои последици, но благодарен сум на Бога што сум меѓу вас живите - изјави претходно Инди. Фото:Принтскрин/Инстаграм/Индира Арадиновиќ

Се огласи Аца Лукас по веста за сериозниот здравстен проблем: Пејачот откри како се чувствува сега (фото)

Слаѓана Атанасова — Mon, 26 Dec 2022 07:30:34 +0000

Аца Лукас претходните неколку дена имаше висока температура, поради што мораше да откаже три концерти. Пејачот примал терапија и бил на инфузија, но неговата состојба не се променила, па бил принуден на овој потег. - Драги мои, бидејќи ми се слоши и имам висока температура, ќе бидам принуден да ги откажам настапите во Чазин, Градишка и Добој за прв пат во последните две години. Се надевам дека многу брзо ќе оздравам за да продолжиме да се дружиме. Сите оние кои купиле билети за споменатите претстави ќе бидат известени за новите термини. Ви благодариме на разбирањето – напиша тогаш популарниот пејач на својот Инстаграм профил. Сега тој повторно проговори и откри дека се чувствува многу подобро. - Драги мои, еве ме пак, здрав како дрен... Фала богу, оздравев. Се е под контрола – низ насмевка изјавил во кратко видео најавувајќи дека од утре се враќа на својата редовна програма. Фото:Принтскрин/Инстаграм/Курир.Тв

Од кафеана во болница: Пејачот Ѓани се препил па испил коктел со витамини (фото)

Слаѓана Атанасова — Thu, 27 Oct 2022 12:26:17 +0000

Популарниот фолк пејач Радиша Трајковиќ Ѓани загрижи многумина кога на социјалните мрежи сподели слика од клиника каде се гледа како е приклучен на инфузија. Имено, пејачот ги загрижи сите со објава на својот „Инстаграм“ профил каде објави дека е приклучен на инфузија на клиника. Познато е дека пејачот редовно настапува, а тоа може да влијае на неговото здравје. Пејачот очигледно имал бурна ноќ, па решил да го зајакне имунитетот и целосно да си ја врати силата со витамини. Да потсетиме, фолк пејачот Радиша Трајковиќ Ѓани ја шокираше јавноста кога на приватна забава се напи од машки чевел, со што покаж дека е шоумен. Фото: Принтскрин/Инстаграм

Антониа Гиговска заврши на инфузија (фото)

Слободанка Илиева — Tue, 13 Sep 2022 06:47:27 +0000

Преодната сезона најчесто знае да донесе доста настинки и вируси, а периодот на адаптација на температуните разлики знаат да си го направат своето врз здравјето и имунитетот. Пејачката Антониа Гиговска се соочи со овој проблем, а дополнотелно за нејзината состојба веројатно допринесе и набиената агенда со настапи. Мнгоу често се случува естрадата да се пожали на здравјето поради префорсираност, а на Антониа веројатно и се случи тоа, па заврши на инфузија. Олеснителна околност и беше тоа што не мораше да оди во болница бидејќи како што опиша во објавата, лекарот и е сосед. Па така, пејачката во домашни услови си доби освежување за потоа да успее да им се врати на договорените настапи. Имено, истиот ден таа пееше на отворено, односно на третата вечер од традиционалниот „Тиквешки Гроздобер“ во Кавадарци. Веројатно поучена од постарите, Гиговска кусите фустанчиња ги замени со долги панталони и сако, за штетата по здравјето да не биде поголема.

View this post on Instagram

A post shared by ANTONIA GIGOVSKA (@antoniagigovskaa)

Инаку, ова беше вторпат како Антониа Гиговска настапува на оваа манифестација, нејзиното деби пред кавадаречката публика од големата сцена на плоштадот се случи предд неколку години.