инфективна клиника – Вистина.мк

Ѓорѓе Балашевиќ итно пренесен на Инфективната клиника во Белград

Антонио Димитриевски — Wed, 17 Feb 2021 09:15:54 +0000

Пејачот и кантавтор Ѓорѓе Балашевиќ (66) бил итно примен на Инфективната клиника во Белград откако развил пневмонјиа. Тој десетина дена се лечел дома од воспаление на белите дробови, но сега состојбата му се влошила, пишува порталот Нова.рс.Сепак во објавата не е наведено дали пневмонијата на славниот „панонски морнар“ е резултат на зараза од Ковид-19 или се работи за сезонски грип или обична настинка?! Инаку, Балашевиќ пред две години преживеа инфаркт, по што му беа вградени неколку стента. И заради возраста и заради претходната здравствена состојба тој спаѓа во ризичната група на лица, кои ако се заразат со корона тешко ја надминуваат инфекцијата, пишува порталот.

Елена Петреска ја доби битката со коронавирусот: За празниците во агонија, 14 дена во болничка постела на Инфективна! (ФОТО)

Антонио Димитриевски — Tue, 12 Jan 2021 07:50:53 +0000

Во недостаток на можности за настапи, пејачката Елена Петреска во последниот период и се посветена на модата и убавината, на фотографирањето, фотосесиите и инфлуенсерството. Повеќе заради разбивање на монотонијата, отколку заради егизстенција од тоа, како што неодамна и самата напиша покрај неколку споделени фотографии од минатото, од своите живи настапи: „Ова бев... А сега... Тоа не сум јас, тоа е некој што ме глуми и ужива во досада“! Во меѓувреме, помеѓу две фотосесии за своја душа, или професионални на кои постојано изгледаше модерно, префинето, женствено, провокативно, секси… на пејачката и се случи нешто многу пострашно од здодевноста и монотонијата. И се случи она од што сите стравуваме, се плашиме, се надеваме дека нас ќе не избегне... Но, неа за жал ја стигна опакиот вирус, Елена заболе од Ковид 19. Иако додека не го прележа, не ја помина најстрашната и најкритична фаза на коронавирусот, очигледно не сакала јавно тоа да се знае, зашто здравјето конечно е дел од најдлабоката приватност, од личната интима не секој од нас. Но, по излегувањето од болница, каде пејачката според нејзините зборови минала 14 дена, Елена Петреска реши да се огласи, јавно да ја обзнани својата голгота при борбата со вирусот и да им се заблагодари на сите кои во најтешките мигови биле покрај неа. „Конечно дома по 14 дена на инфективна поради Ковид-19. Благодарам на Бога што се добро спомна! Благодарна сум што ги гушкам моите најмили! Се чувствувам како повторно да сум се родила! Најискрено од срце му се заблагодарувам на целиот медицински персонал од Клиниката за инфективни болести, тие се мои херои за кои имам многу да раскажам, бидејќи ако ништо друго, барем тоа им го должам, да знаат сите тоа значи нивната посветеност и пожртвуваност во овие тешки времиња! Сакам да ви кажам дека ја видов реалната слика за тоа што значи оваа пандемија, која во целост ќе ви ја пренесам деновиве преку видео, во кое ќе раскажам за ова мое искуство со надеж дека ќе допре онаму каде што е потребно“ - напиша Елена во пораката по враќањето дома на својот Фејсбук профил. Според кажаното, очигледно е дека пејачката новогодишните и божиќните празници ги поминала во болничка постела на Инфективната клиника во Скопје, во битка со коронавирусот, која за среќа успешно ја доби! Со надеж за брзо домашно закрепнување и добро здравје, но и желба никому да не му се повтори, иако тоа за жал се' уште е невозможно, не барем додека не стигне толку очекувана вакцина и кај нас, на Елена и поскауваме што побргу да биде одново онаа старата, своја, силна и посветена на семејството и музиката... Во меѓувреме, ја очекуваме нејзината најавена видеоприказна за агонијата низ која минала борејќи се во костец со Ковид 19, како поучно искуство за сите останати.

Антонио Милошоски со порака од Инфективна: „Јас сум добар, благодарност до мединицскиот персонал кој се грижи за мене“ (ФОТО)

Антонио Димитриевски — Wed, 01 Jul 2020 13:04:40 +0000

„Почитувани пријатели, денес (30 јуни 2020) околу 16 часот од домашна изолација бев примен на Инфективната клиника, заради повеќедневна покачена температура. Други симптоми немам, дишењето е добро, апетитот и расположението исто така. Вчерашниот тест покажа негативни резултати на Ковид19, но по препорака на специјалист од инфективна клиника, денес направивме уште еден тест, чии резултати се очекуваат во текот на утрешниот ден. Ве поздравувам сите, а на моето семејство и на медицинскиот персонал им благодарам за поддршката. Благодарност до сите вас за поздравите и добрите желби за брзо закрепнување. Се гледаме наскоро, се надевам во добро здравје и со добри вести. Ваш, Антонио Милошоски