инфекции – Вистина.мк

Кој тип на мед е најдобар за кашлица, a кој помага при инфекции?

Слаѓана Атанасова — Mon, 05 Feb 2024 13:33:55 +0000

Медот е еден од најценетите природни производи уште од древни времиња и се користи не само како природен производ и засладувач, туку и во традиционалната медицина како помош за лекување на различни состојби, од ублажување на кашлица и болки во грлото до заздравување на рани. Денес знаеме околу 300 различни видови мед. Медот се состои од повеќе од 80% јаглехидрати и нешто помалку од 20% вода. Студиите открија повеќе од 600 компоненти во медот кои имаат потенцијално корисен ефект врз здравјето на луѓето. Што се однесува до составот на јаглехидратите, доминира фруктозата, а потоа гликозата, малтозата и другите шеќери. Од витамините доминираат витамините Б и витаминот Ц, а од минералите калиум, калциум, магнезиум, фосфор, натриум и други. Покрај тоа, тој е богат со биоактивни компоненти како што се флавоноиди и полифеноли. Видови мед Мед од багрем Светла боја, многу сладок и пријатен вкус поради високата содржина на фруктоза и малата содржина на сахароза. Често се користи како додаток на чаеви. Се верува дека има антиинфламаторно дејство, има корисен ефект врз црниот дроб и дигестивниот систем. Мед од жалфија Светло жолта боја, пријатен вкус. Поволно делува на дигестивниот процес и на целиот дигестивен систем, има антиоксидантно дејство, поради што позитивно делува и на кардиоваскуларниот систем. Помага при заздравување на раните и борба против настинки, болки во грлото и кашлица. Работи така што го олеснува искашлувањето и го промовира исфрлањето на слузта од респираторните органи. Мед од костен Темна боја, речиси кафеава. Има посебна арома, малку горчлив вкус. Помага при настинка и кашлица, бронхитис, има антимикробно, антибактериско и антисептично дејство. Богат со витамини Б и витамин Ц. Ливадски мед Мед од разни ливадски цвеќиња. Помага во борбата против инфекции, богат со антиоксиданси, помага за зараснување на раните, благотворно делува на дигестивниот систем. Мед од лаванда Богат вкус, бојата може да варира од посветла до потемна, како и другите видови, помага во функционирањето на горниот респираторен тракт, благотворно делува при бронхитис и кашлица. Има смирувачки ефект, го помага варењето и ја намалува надуеноста. Неколку интересни факти за медот

Пчелите произведуваат мед повеќе од 150 милиони години

За половина килограм мед се потребни 556 пчели и два милиони цветови

Медот никогаш не се расипува

Поради високата содржина на фруктоза, медот е 25 проценти посладок од шеќерот

За да направат мед, пчелите собраниот нектар го складираат во саќе, а потоа го испаруваат со мафтање со крилјата.

Пред да се развијат биологијата и ботаниката, луѓето мислеле дека цветниот нектар се претвора во мед со посебна магија

Медот е основна храна на пчелите. Причината поради која пчелите се толку зафатени со собирање нектар од цвеќињата е да создадат доволно залихи храна за нивната колонија во текот на зимските месеци.

- Медот има сличен состав на антиоксиданси здрави за срцето како и спанаќот.

Фото: Free pik Извор: Попара

Децата на поранешната богаташка завршија во болница – Тори Спелинг денес живее во мизерија (фото)

Слаѓана Атанасова — Thu, 18 May 2023 06:48:22 +0000

Порано богатата Тори Спелинг, денес живее во многу лоши услови. Викторија Дејви Спелинг, попозната како Тори Спелинг, е американска актерка и авторка. Нејзиниот татко, познатиот телевизиски магнат и мултимилионер Арон Спелинг, чие богатство се проценува на 600 милиони долари, и оставил само 800.000 долари како наследство, кои актерката ги потрошила во еден погрешен потег. Остатокот го наследи мајката на Тори, Кенди, а голем дел отиде во хуманитарни цели. Тори нема добри односи со мајка си, и не и излегна во пресред при финансиските проблеми, туку создала фонд во износ од десет милиони долари, кој ќе го наследи најстарата ќерка на Тори. - Тори има манија на трошење, таа влегува во продавница и троши 60.000 долари во еден ден - изјавила Кенди Спелинг за Dailymail. Но, додека животот пишува романи, поранешната богаташка сега живее во многу лоши услови. Имено, Тори Спелинг неодамна заврши во Итната помош поради болеста на нејзините деца. Излегува дека тоа е проблем што многу луѓе го игнорираат, а всушност претставува голема опасност по здравјето ако се игнорира - мувла. Ѕвездата на поранешната хит тинејџерска серија „Беверли Хилс“ сподели со своите следбеници на социјалната мрежа Инстаграм дека нејзините деца се болни со месеци, со различни симптоми. Имено, секое дете имало некои свои проблеми кои никој не можел да ги реши. Се испоставило дека тоа е мувлата што ја откриле во куќата што ја изнајмуваат, но не го сфатиле доволно сериозно. - Ајде да зборуваме за мувла... Еве не повторно во итната медицинска помош. Сите ние се вртиме со месеци во оваа континуирана спирала на болести. Се разболува. Оздравува. Повторно му се слоши. Некое време се мислев... па, така се случува кога имаш мали деца на училиште, тие постојано носат болести дома.

View this post on Instagram

A post shared by Tori Spelling (@torispelling)

Инфекции поради мувла, дали некогаш сте ја доживеале? Продолжувате да се разболувате, една инфекција по друга. Инфекции на респираторниот систем. Екстремна алергија, како и осип на кожата на мојот кутар Фин. Додека седиме денес овде во Итна помош, од сите земаат брисеви, прво Фин со стрептокока и висока температура. Сега знаеме дека таа куќа не е соодветна за живеење, дека е опасна“, им се пожалила Тори на своите следбеници кои останале во шок. Тори Спелинг. која вчера го прослави својот 50-ти роденден, има пет деца со сопругот Дин Мекдермот. Фото: Принтскрин/Епа Имаџес/Инстаграм

Чешне лук за силен имунитет

Антонио Димитриевски — Sat, 23 Oct 2021 06:07:20 +0000

Здравствените придобивки од лукот се многубројни. За сите оние кои се жалат на висок крвен притисок, ова е најлесниот и најбезбедниот начин да го држите крвниот притисок под контрола. Најдобро од сe, го земате еднаш дневно и нема никакви несакани ефекти, како што е случајот со разни лекови. Воспаление од секаков вид може да се спречи и излечи со лук. Оние кои страдаат од артритис можат да имаат огромна корист од него. Лукот штити од габични инфекции, брадавици, бактерии и сите други бактериски инфекции. Слабиот имунолошки систем е вообичаена појава денес. Поради падот на имунолошкиот систем, често се појавуваат настинки, грип, алергии на носот и посериозни болести. Кога вашиот имунолошки систем е силен, тој е во состојба да ве заштити. Лукот ви дава сила. Едно чешне лук содржи 12 мг калиум, 5 мг калциум и 100 сулфурни соединенија.

Истражување: Луѓето кои одат побрзо имаат помал ризик од инфекција

Христина Ѓоргиевска — Thu, 16 Jul 2020 12:00:12 +0000

Луѓето кои одат побрзо имаат помал ризик од развој на потежок облик на ковид-19, според истражувањето на британскиот „Биобанк“, регистар што го следи здравјето на испитаниците. Научниците анализирале податоци од над 400.000 луѓе вклучени во истражувањето. Од сите испитаници, 973 од нив развиле тешка форма на ковид-19 откако биле заразени со коронавирусот, поради што морале да бидат хоспитализирани. Луѓето што се движеле бавно имале најголем ризик да добијат ковид-19, без оглед дали се слаби или имаат вишок килограми. Луѓето со нормална тежина кои оделе бавно – помалку од 4,8 километри на час, имале двојно поголема веројатност да развијат тежок облик на ковид-19 во споредба со лицата со нормална тежина кои оделе со брзина поголема од 6,4 километри на час. Личностите што одат бавно честопати имаа и други здравствени нарушувања. Брзината на движењето често се користи за да се тестира физичкиот капацитет кај возрасните луѓе и да се предвидат ризиците од заболување, инвалидитет и смрт. Исто така, споредено со луѓето со нормална физичка тежина, оние со вишок килограми имале 49% поголем ризик за развој на тежок облик на ковид-19. иѕвор: кафепауза