ин тв – Вистина.мк

Дани Даниела и „Тик Так“ пејат за – “Две срца“ вљубени (ВИДЕО)

Антонио Димитриевски — Fri, 03 Mar 2023 13:30:27 +0000

Младата и атрактивна македонска фолкерка Дани Даниела 2023 година ја почна со настапи во Австралија, каде ги забавуваше нашинците во еклузивниот ресторан Sheldon. Но, Дани престојот во Австралија го искористи и за снимање на видеоспот на нејзината најнова песна насловена „Две срца“ која ја изведува со групата „Тик Так“. Освен сексапилната фолкерка во видеото се појавува и познат манекен од Австралија, а истото е снимано на неколку локации низ Мелбурн. Музиката, аранжманот, како и миксот и мастерингот на песната ги потпишува Љупчо Соколовски, додека текстот го напишал познатиот фолк автор и пејач Далибор Ѓошиќ Даки. Видеоспотот како и многу други досега го реализирала екипата од ИН ТВ продукција. Инаку, Дани Даниела има закажано голема австралиска туернеја во октомври оваа година заедно со Ташко Каранфиловски и побеничката на Македонското музичко талент шоу Анастасија Митровска. Како звучат и изгледаат нејзините “Две срца“ погледнете од видеоспотот во продолжение (КЛИКНИ ТУКА):

Јована Богдановска, девојката со ангелски глас со преубава изведба на – „Не плачи мајко, не жали“ (ВИДЕО)

Антонио Димитриевски — Mon, 28 Nov 2022 14:03:50 +0000

Јована Богдановска е позната по учеството на Македонското талент шоу „Нови и млади“, каде учествуваше во финалето и е една од најдобрите учесничи досега. Не помина долго време, а Златко Миладиновски и направи две преработки на стари македонски песни: „Дафина платно белеше“ и „Подигниси бре невесте дулачето“ со кои младата пејачка ја изненади публиката со прекрасната изведба. Во меѓувреме Јована снимаше и преработка на познатата „Не плачи мајко, не жали“, за која беше реализиран и високобуџетен видеоспот. Јована е добро познат на австралиската публика каде има свои фанови, на чие барањезаедно со други колеѓи на почетокот на 2023 ќе има турнеја во Австралија. Организатор на турнејата е Сателитката ИНТВ Австралија. Во меѓувреме, погледнете го видеото за прекрасната „Не плачи мајко не жали“ (КЛИКНИ ТУКА):

Започна со снимање новата сезона од македонското музичко талент шоу „Нови и млади“

Антонио Димитриевски — Wed, 19 Oct 2022 12:57:57 +0000

Деновиве во ИН продукција започна со снимање Македонското музичко талент шоу „Нови и млади“. Исто како минатата година и оваа се имаат пријавено голем број на кандидати и веќе се снимени првите 4 емисии. Новитет во ова Македонско талент шоу е тоа што водителка е познатата и докажана Анита Даева , а водителката на минатата сезона Јасна Стојаноска исто останува дел од оваа шоу само што оваа сезона поради оправдани причини ќе паузира, а од следната се приклучува и таа на тимот. Бендот овојпат е проширен исто под раководство на Митко Бежаноски, а новитет исто така е што во емисијата освен кандидатите свои точки имаат и познати пејачи каде промовираат нивни нови песни. За разлика од првата сезона правилата се сменати и има испаѓања уште во првиот круг, па продукцијата одлучи пријавувањете да трае додека трае и првиот круг. Емитувањете е на истите телевизии и исти термини како минатата сезона ИНТВ Сателитска, ТВ Сонце и сите регионални телевизии низ Македонија. Ова шоу е моментално најгледаното Македонско естрадно ТВ шоу.

Распеаниот македонски гастрбајтер Зоран Далчески ја промовираше „Ти си моја Марике“ (ВИДЕО)

Антонио Димитриевски — Tue, 17 Aug 2021 10:05:42 +0000

Фолк пејачот Зоран Далчески кој живее и работи во САД, деновиве престојува во родната Македонија каде снимаше нова песна и спот. Овојпат одлучи да соработува со авторот Борче Нечовски зад кого стојат многу хитови. Песната се вика „Ти си моја Марике” а за неа се снимаше видеоспотот кој го изработи проверената екипа на ИН Продукција на неколку локации во Охрид. Во спотот учествуваа и неколку манекенки од модното студио “Шанел” од Битола. Спотот премиерно беше емитуван на единствената Македонска музичка телевизија, сателитската ИНТВ . Песната „Ти си моја Марике” звучи певливо и се очекува да е една од најслушаните песни на фолкерот, а во продолжение погледнете го видеоспотот.

Божиќно шоу на фолк дивата Сузана Гавазова и нејзините гости

Антонио Димитриевски — Tue, 05 Jan 2021 12:54:40 +0000

За еден од најголемите христијански празници Божиќ, гледачите на сателитската ИН ТВ ќе имаат можност да уживаат во одлично музичко шоу на нашата фолк дива Сузана Гавазова. Како што вели таа во интервју за ИН ТВ, на репертоарот има добро одбрана македонска музика, отсвирена и отпеана во живо. Во текот на целото шоу Сузана и нејзините специјални гости, Влатко Миладиноски и Дамјан Стојаноски се придружувани од врвни македонски музичари предводени од маестро Златко Миладиноски. „Снимањето помина одлично, кога се работи со професионалци, тоа оди многу лесно и брзо се одвива. Чест ми е и задоволство што работам со едни од најдобрите музичари во Македонија. Замислата ми беше да биде со оркестар, имам и специјални гости, Влатко Миладиноски и Дамјан Стојаноски и за нив ќе кажам дека ми е чест што гостуваат во моето Божиќно шоу. Мислам дека гледачите ќе бидат задоволни и среќни што снимивме убави македонски песни, кавери и обработка на мои песни со нов аранжман на водечкиот инструмент хармоника на Златко Миладиноски. Песните се во живо, имаме и неколку заеднички изведби, преубави македонски песни, ќе слушнат нашите гледачи и навистина мислам дека направивме добар избор“ - истакна Гавазова за гледачите на ИН ТВ. Божиќното шоу на Сузана Гавазова и пријателите премиерно ќе се прикаже на австралиската ИН Телевизија, а дополнително ќе биде емитувано на уште 20 регионални телевизии низ Македонија.

Мирослав Мирчески ја визуелизираше со етно-спот песната од Пиринскиот дел на Македонија – „Сегде си одел синко” (ВИДЕО)

Антонио Димитриевски — Wed, 17 Jun 2020 12:12:56 +0000

Мирослав Мирчески го промовираше видео записот за песната „Сегде си одел синко” која што потекнува од Пиринскиот дел на Македонија. Видеото се снимаше во прекрасниот манастирски комплекс на Св. Недела во село Оровник, Охрид. Покрај Мирослав, во етно-видеоспот се појавуваат и неколку статисти кои одлично си ја одиграа нивната улога. „Искрено јас сум презадоволен од крајниот резултат, дури испадна и многу подобро од тоа што очекував. Целата замисла околу приказната беше моја, се помина во најдобар ред, екипата на ИН Продукција се погрижи да ми ги исполни моите желби и замисли за да испадне тој етно спот. Мислам дека песната ќе биде добро прифатена. Да бидеме реални ние многу се потрудивме да изгледа максимално професионално. Мислам дека песната ќе биде добро прифатена и дека гледачите ќе уживаат како во песната, така и во нејзиниот видео запис -истакна Мирчески во неодамнешното интервјуто за ИН ТВ. Во продолжение погледнете го видеото за „Сегде си одел синко”: https://www.youtube.com/watch?time_continue=47&v=DgvFYT_Twyc&feature=emb_logo Извор: Естрада+

Ѓоко Јовиќ помеѓу Василица и Водици се појави – „За Велигден“ (ВИДЕО)

Антонио Димитриевски — Tue, 22 Jan 2019 12:55:38 +0000

Македонскиот фолк пејач Ѓоко Јовиќ деновиве, поточно помеѓу Василица и Водици ја објави својата нова песна насловена „За Велигден“.

Иако во неа се споменува големиот христијански празник и несомноно дека истата токму тогаш ќе биде во фокусот и ја достигне кулминацијата на својата популарност, сепак македонскиот фолкер не ја правел наменски, зашто пред се' се работи за печалбарска песна која во себе ја крие патината на македонскиот печалбар и неговиот живот во туѓина.

Интересно е тоа што Ѓоко Јовиќ често настапува за нашите иселеници во дијаспората, особено во прекуокеанските земји како Австралија, САД и Канада, па веројатно од таму и инспирацијата за песната.

Втор куриозитет е тоа што видеото реализирано токму од македонско-австралиската ИН продукција, се појавуванеговото семејство, односнно неговата сопруга и трите дечиња, а главната ролја во спотот ја има нивната бабичка.

„Имав свои очекувања за песнава, но да бидам искрен, критиките и пофалбите бнив ги надминаа, како прегледите на Јутјуб каналот на Интернет. Коментарите кои како фидбек ги добивам се многу позитивни и многу ми значат, бидејќи се искрени и од топол народ, како од овде така и од дијаспората. Се надевам дека песната ќе продолжи и допрва че го наоѓа патот до публиката“ - ќе изјави неодамна Јовиќ за македонските портали.

Инаку, самиот тој ја компонирал музиката, додека автор на стиховите е Александар Стевановски, а аранжманот го потпишува Дамир Имери. Песната е снимена и миксана во студиото „Анастасија“ од страна на Љупчо Павловски, кој го правел и мастерингот на истата, а сите вокали ги пее самиот изведувач.

Како звучи и изгледа „За Велигден“ во јануари на Ѓоко Јовиќ, проследете во продолжение: https://www.youtube.com/watch?v=14muNQZlVNA

Мики Данилоски – „Мајка“ (ВИДЕО)

Антонио Димитриевски — Wed, 18 Apr 2018 08:39:30 +0000

Младиот македонски фолк пејач Мики Данилоски сними видеоспот за песната „Мајка”, на која самиот е автор на текстот и музиката. За аранжманот се погрижил Златко Миладиноски, додека а ИН ТВ го изработила видеото за неговата нова песна.

Видеото е снимано на повеќе живописни локации долж охридско – струшкото крајбрежје. Михајло не го крие задоволството од целокупниот работен ангажман во текот на снимањето, како и големата посветеност на музиката која допрва треба да даде големи резултати.

Засега Мики има само две свои авторски песни иако нецела година е на македонската музичка фолк сцена. Најдобро од се' е што во јавноста се појавува со свои авторски, а не туѓи, препани песни како што многумина од пејачите го прават тоа на почетокот на кариерата.

Проследете во продолжение како звучи и изгледа видеото и изведбата на неговата „Мајка“: https://www.youtube.com/watch?v=rqLuWR4Enyc Извор:Естрада+