ин продукција – Вистина.мк

Татјана Лазаревска е – „Жена хероина“ (ВИДЕО)

Антонио Димитриевски — Mon, 11 Sep 2023 12:58:52 +0000

Татјана Лазаревска и Новица Вассилевски како во добрите стари времиња во четвртокот вечерта ( 7-ми септември 2023) ги собраа колегите, пријателите, најблиските и новинарите на дружба во познатата „Камин Кама„ меана на нивниот колега Трајче „Мајка“ Толевски, на задничка дружба, која беа промовирани две нови песни. Како што ветија така и направија, Тања и Новица ја исполнија мисијата во престојот во татковината, и на публиката им подарија две нови нумери, кои и тоа како ќе допрат до публиката. Песната „Љубов ни е име“ сите имаа можност да ја слушнат на последното издание на „Охрид фест“, каде ја добија новинарската награда, а ја отпејаа во дует, кој претставува нивен втор заеднички проект. Втората песна е насловена „Жена хероина“, поп фолк балада, која ја изведува Тања, песна во која нема жена која нема да се пронајде. „Кога ја добив песната на прва се воодушевив, се расплакав. Песната е моќна балада, со многу силна порака и сигурна сум дека во неа нема жена која нема да се пронајде“, рече Тања. „Ние си заминуваме следната недела и се надеваме дека наскоро повторно ќе се видиме заедно во нашата мила татковина Македонија и ќе се дружиме сите заедно и ќе ја промовираме нашата фолк музика секаде каде ќе одиме: Америка, Канада Австралија и ќе бидеме добри амбасадори на нашата музика и земја“ порача Тања. Спотот за песната го изработи Ване Петковски, а истиот е снимен на неколку атрактивни локации во нашот македонски езерски бисер Охрид, во продукција на „ИН ТВ“. Инаку Автори на „Жена хероина“ се Борче Димитров, кој ја направи музиката, додека стиховите ги напиша Орце Зафировски, а истата снимена е во студиото на Горан Милошевски, кој го направил аранжманот. Се работи за една исклучително емотивна фолк балада, во која веројатно ќе се пронајде секоја жена... Опишувајќи ги чувствата, мислите и внатрешната борба и кога е најубаво и кога не и оди, кога тагата надолу ја влече, а секоја солза како жар ја пече, таа одново наоѓа сила како Феникс да се крене на нога... како вистинска хероина која отсекогаш тоа и била. Мелодија ко0а длабоко допира во душата и стихови со кои многу припаднички на понежниот пол ќе се соживеат и ќе речат како да се автобиографски... Како да се токму за нив напишани! Затоа внимателно преслушајте ја оваа фолк балада на Татјана Лазаревска и проследете го видеото... Можеби токму некоја од вас ќе ја препознае во себе нејзината „Жена хероина“.

Ирена Петрова – Лола дава се’ од себе, за да биде – „Недостижна за тебе“ (ВИДЕО)

Антонио Димитриевски — Fri, 11 Nov 2022 07:16:06 +0000

Атрактивната македонска фолк пејачка Ирена Петрова Лола недамна снимаше видеозапис за нејзината авторска песна „Недостижна за тебе“. Песната за прв пат русокосата ја отпеја на фестивалот „Тумба фест“ во Куманово, фестивал на новосоздадена македонска шегобијна песна, традиционална меѓународна манифестација, која на широко е прифатена од голем број на автори и изведувачи на народна музика. Фестивал на кој се пее на Кумановскиот дијалект, но и на други дијалекти. Текстот на песната на Лола го напишал Орце Зафировски, додека музика и аражманот ги потпишува Цане Петров. Спотот е снимен на неколку локации во Охрид, но дел од видеото е снимено и во Австралија. Него го изработи ИН продукција ,а својата премиера истиот ја имаше на сателитската ИНТВ. Како тоа звучи и изгледа кога Ирена Петрова - Лола дава се' од себе, за да биде - „Недостижна за тебе“, проследете од видеото во продолжение (КЛИКНИ ТУКА):

Ѓоко Јовиќ и Теодора – таткото и ќерката со заедничко авторство во песната – „Пламен на љубовта” (ВИДЕО)

Антонио Димитриевски — Mon, 25 Jul 2022 05:40:10 +0000

Миленикот на сите генерации, фолк пејачот Ѓоко Јовиќ остана доследен на своето, па така и овој пат во етер пушти ново парче музика со што донесе свежина и кај публиката во ова жешко лето. Она што е посебно за почит и што разбуди емоции кај многумина е тоа што текстот за „Пламен на љубовта” го напишала токму ќеркичката на Ѓоко, Теодора Јовиќ, на чиј текст музиката ја компонирал самиот Ѓоко, додека аранжманот, миксот и мастерингот го потпишува Иван Јованов, попознат како Iwayo. Спотот со кој е визуелизирана песната е изработен од „M16 - Sydney“ и “IN- Production“ сниман во Австралија, а кадри од Ѓоко се снимени во Македонија и со тоа е направен функционален видео спој на илјадници километри далечина, видео кое содржински ја следи приказната од стиховите во целост. Дека Теодора Јовиќ е талентирана и цврсто чекори по стапките на нејзиниот татко Ѓоко говори токму оваа песна. На Вас останува да ја слушнете, погледнете видеото и да уживате во нивната... „Пламен на љубовта“.

Дани Даниела и „Тик Ток“ имаат музички мелем за вашата – „Душа боемска“ (ВИДЕО)

Антонио Димитриевски — Mon, 18 Jul 2022 11:22:09 +0000

Младата битолска фолк пејачка Дани Даниела заедно со својата придружна група „Тик - Так“ деновиве промовираа нова песна и видеоспот. Песната е насловена „Душа боемска“, а за првпат Даниела се јавува и како текстописец на оваа песна, додека музиката и аражманот е на познатиот и докажан автор Славко Ристески. Спотот се снимаше во Прилеп, во него учествуваа околу триесетина статисти, а го изработе ИН Продукција. Премиерата на спотот беше на сателитската ИНТВ. Како звучи и изгледа музичкиот мелем на Дани Даниела и „Тик -Ток“ за вашата „Душа боемса“ проследете во продолжение:

Орде Неделковски стави круна на својата работа со еден од годинешните потенцијални фолк хитови, песната – „Помогни ми“ (ВИДЕО)

Антонио Димитриевски — Tue, 21 Dec 2021 13:16:45 +0000

Младиот фолк пејач Орде Неделковски, која важи за еден од најнадежните машки вокали на македонската фолк сцена, неодамна промовираше нова песна и видеоспот за неа. Орде Неделковски освен што има сопствена соло кариера, тој е член на фолк групата „Круна“ која постои една година, а веќе е една од најбараните групи во Македонија. Новата песна на младиот фолкер е насловена „Помогни ми”, а за неа музиката и текст ги напишал Драган Ристовски, аражманот го изработил Горан Мирковски, додека миксот и мастерингот се направени во „The Studio“. Во музичката еализација на песната учествувала вистинака мала „ол стар“ музичка екипа: Ратко Даутовски на перкусии, Војче Петрушев - хармоника, Илија Филиповски на виолина, Горан Мирковски -бас и Дејвид Демир на гитара, додека придружните вокали ги испеала Сара Пројковска. Песната која веќе го привлече вниманието на јавноста и наиде на многу позитивни коментари е визуелизирана и со видеоспот изработен во црно-бела техника, кој го потпишува веќе проверената „ИН продукција“. Во време кога естрадната сцена заради коронапандемијата едвај опстојува, композицијата на Неделковски е огромно освежување, певлива и лесно влегува во уво, па се очекува да стане хит кој со задоволство ќе се бара и ќе се пее на многу свадби и веселби, разни прослави, свечености... Како сето тоа звучи и изгледа, проследете од видеото во продолжение:

“Ах мори Магде” е најновата песна на нашиот учесник во „Ѕвездите на Гранд“, младиот Александар Tемелков (ВИДЕО)

Антонио Димитриевски — Wed, 20 Oct 2021 13:19:35 +0000

Младиот македонски фолк пејач Александар Темелков, кого пошироката публика го запозна и по учеството во неколку регионални музички натпревари меѓу кои и „ѕвездите на Гранд“, полека но сигурно ја гради своја кариера. Тој веќе има неколку авторски песни позади себе и е блиску до реализација на својот прв албум. „Ах, мори Магде“ е неговата најнова песна за која стиховите ги напишала младата Ангела Стрезовска, а музиката и аражманот се на Славко Ристески. Песната е снимена во студиото „просаун продакшн“ во прилеп, а ртрубата во песната ја свири познатиот Филип Нуне. Александар под покровителство на „Ин продукција“ сними и видеозапис за оваа песна, која деновве го промовираше во етерпот и на Јутјуб каналот. Како звучи и изгледа „Ах мори Магде“ проследете во продолжение:

Дани Даниела и „Тик Так“ во фолк баладата – „Си дозволив“ (ВИДЕО)

Антонио Димитриевски — Fri, 21 May 2021 12:45:17 +0000

Младата и актрактивна фолкерка, битолчанката Дани Даниела која настапува заедно со групата „Тик Так“, во едно поинакво издание. Овој пат шармантната фолкерка изненади со фолк балада за која стиховите ги напишала самата, додека музиката на Игор Перканоски од групата „Тик Так“, а за аранжманот се погрижил Славко Ристески. Во песната кларинет свири Кире Иваноски, а придружните вокали ги пее Викторија Стојческа. Баладата насловена „Си дозволив“ е визуелизирана и со видеоспот кој го изработила екипата на ИН продукција. Како сето тоа звулчи и изгледа проследете во продолжение: https://www.youtube.com/watch?v=Sa81MDsSne0

“Имат- Немат„ ново музичко шоу на ТВ Алфа

Антонио Димитриевски — Mon, 01 Mar 2021 13:21:55 +0000

Македонска музика, хумор, забава се нешта кои недостасуваат на Македонските ТВ канали. “Ин продукција” го реализира новото телевизиско шоу кое наскоро ќе започне со емитување на тв Алфа. Станува збор за музичко шоу во кое учество ќе земат најголемите македонски ѕвезди, Елена Велевска, Сузана Гавазова, Анета Мицевска, Стојне Николова… Телевизиска меана во која домаќин е Жанко – З’ш, кој воедно е задолжен и за хуморот во емисијата. Веќе се снимени четири епизоди, по протокол за состојбата во која моментално се наоѓаме. Емисијата освен на “Алфа” ќе се емитува и на сателитската “Ин Тв” и “Фолк клуб”. https://www.youtube.com/watch?v=RYrxuZxoriE&feature=emb_logo

Сузана Гавазова новата година ја започна со „Прстен несуден“ (ВИДЕО)

Антонио Димитриевски — Tue, 12 Jan 2021 12:04:17 +0000

Сузана Гавазова секако важи за една од најпопуларните и најбарани фолк пејачки во Македонија. Атрактивната струмичанка на 1-ви јануари 2021 година ја објави својата нова песна заедно со видеоспот, насловена “Прстен несуден”. Гавазова овој проект го најави уште кон крајот на минатата година, кога и го снимаше видеото изработено од Ин продукција во македонскиот туристички бисер Охрид, под режисерската палка на Даниел Јовески. https://arhiva.vistina.com.mk/radio-mileva/suzana-gavazova-bez-da-se-razvede-dobi-ushte-eden-svrshenichki-prsten-nesuden-foto/ Љубовта и овој пат како вечна тема, а приказната во видеото ја поведе фолкерката на патување низ времето, за низ песна да ја раскаже приказната за големата љубов за двајца млади. Текстот го напишал Орце Зафировски, а аранжманот го направил Минтас Мемедов. https://www.youtube.com/watch?v=rOLZn7gDc84

Ѓоко Јовиќ и ја посвети на Македонија новата песна – „Прелетај соколе“ (ВИДЕО)

Антонио Димитриевски — Thu, 17 Dec 2020 09:07:10 +0000

Еден од најпознатите македонски фолк пејачи, Ѓоко Јовиќ, деновиве медиумски го промовираше спотот за најновата песна која носи наслов “Прелетај соколе”. Музиката ја компонирал самиот Ѓоко Јовиќ, а аранжманот го направил Дамир Имери, додека стиховите ги напишал младиот, но веќе докажан текстописец Александар Стевановски. Песната е снимана и миксана од Љупчо Павловски кој го ирзботил и мастерингот и сето тоа во тонското студио „Анастасија“. Видеото за оваа песна се снимаше на повеќе локации во Скопје и околината, а спотот и овојпат го изработија неговите долгогодишни соработници од ИН Продукција, а во него покрај пејачот како актер се појавува и г-ѓата Митра Дениќ. Според авторот и пејач, песната е посветена на нашата татковина Македонија, како што самиот Јовиќ истакна во неодамнешното интервју за ИН ТВ потенцирајќи дека истата е работена со многу труд и љубов, но сепак крајниот збор ќе остави да го каже публиката. Во продолжение погледнете го видеото и уживајте во “Прелетај соколе”: https://www.youtube.com/watch?v=r9IEenTEE_M&feature=emb_logo