имунитет – Вистина.мк

Луна исплашена за своето здравје: Ѓогани јавно побара помош (фото)

Слаѓана Атанасова — Mon, 29 Jan 2024 07:49:29 +0000

Инфлуенсерката и победничка на реалното шоу „Задруга 2“, Луна Ѓогани мака мачи со здравјето, а сега јавно побара помош од своите следбеници. Луна решила преку социјалните мрежи да побара помош од своите фанови во вид на препораки за лекови кои би ѝ го зајакнале имунитетот, бидејќи често е настината. - Дали имате препорака за некој додаток за имунитет? - Мојот имунитет е многу слаб – призна Луна, со емотикон со очи полни солзи. Да потсетиме, Луна неодамна откри дека нејзиниот сопруг Марко бил во несвест неколку часа и дека го нашла како лежи на подот. Фото: printskrin/instgaram/luna_djogani

Докажано е: Туширањето со ладна вода има бројни придобивки

Слободанка Илиева — Thu, 11 Jan 2024 13:18:23 +0000

Туширањето со ладна вода веднаш штом се разбудите може да биде прилично непријатно, но има голем број придобивки, и ментални и физички. Голема студија од Холандија покажа дека луѓето што се тушираат со ладна вода се помалку отсутни од работа поради болест во споредба со луѓето кои се тушираат со топла вода. Студијата опфати повеќе од 3.000 луѓе, а причината зошто ладната вода го намалува ризикот од заболување сѐ уште не е целосно позната. Некои истражувачи сугерираат дека студената вода може да го зајакне нашиот имунолошки систем. Една студија од Чешка покажа дека младите мажи кои спортуваат и се потопуваат во ладна вода три пати неделно во период од шест недели, го зајакнале нивниот имунолошки систем. Но, потребни се поголеми студии за да се потврдат овие тврдења. Студената вода исто така го активира симпатичкиот нервен систем, дел од нервниот систем кој го контролира и влијае на нашиот одговор „борба или бегство“. Тоа е автоматска физиолошка реакција на настан што се перцепира како опасен, стресен или застрашувачки. Кога симпатичкиот дел од нервниот систем се активира со ладна вода, го зголемува нивото на хормонот норепинефрин. Овој хормон предизвикува зголемување на отчукувањата на срцето и крвниот притисок кај луѓето кои се нурнуваат во ладна вода и е поврзан со подобрување на здравјето. Студената вода, исто така, ја подобрува циркулацијата, а некои студии сугерираат дека ладната вода, исто така, може да помогне при слабеење. Понатаму, ладната вода може да има и голем број психолошки придобивки. На пример, кога студената вода доаѓа во контакт со лицето или вратот, тоа може да ја подобри функцијата на мозокот. Иако сѐ уште не е целосно јасно зошто – ладната вода има голем број позитивни ефекти врз телото и здравјето. Но, пред да одите на ладен туш, треба да знаете дека тоа исто така може негативно да влијае на некои луѓе. На пример, ладен туш може да биде опасен за луѓето кои имаат срцеви заболувања. извор:попара.мк фото:Freepik

Чорба што го штити имунитетот! Рецепт за сите времиња (видео)

Слаѓана Атанасова — Wed, 27 Dec 2023 12:22:42 +0000

Пристигнаа постудени денови, а за да го зајакнеме имунитетот треба да се храниме поздраво, па да направиме една бела чорба. СОСТОЈКИ:

1 поголем кромид, околу 300 гр
1 свежа пиперка
моркови околу 300 гр
пилешко месо околу 300 гр
1 мал корен од целер
1 голем компир
масло, сол, зачин мл. бибер, магдонос
неколку цветови од карфиол

Прелив:

1 жолчка од јајце
180 гр кисела павлака

Подготовка:

Витамини и минереали за повеќе насмевки и забава во зима

Дејан Донев — Tue, 19 Dec 2023 12:02:42 +0000

Здравата исхрана и редовната физичка активност треба да бидат дел од сечие секојдневие, тие помагаат да се одржи способноста на телото да одговори на секоја закана соодветно. Но дали е тоа доволно? Недостатокот на витамини и минерали може да доведе до намалување на перформансите на одбранбениот систем, а како да бидеме сигурни дека телото ги добива сите потребни хранливи состојки за оптимална функција на имунитетот? Не постои универзално решение кое ќе даде резултат кај секој. Некому му се потребни комплексни комбинации од витамини и минерали, а некому му е доволно во дневната рутина да додаде комплекс од витамини B. Во која група спаѓате вие?

Детето пребира храна, преземете контрола

Секој понекогаш пребира некоја храна, но кај децата и тинејџерите тоа е ритуал кој може да зависи од вкусот на јадењето или едноставно од бојата на состојките во чинијата. Многу од нив имаат листа на намирници за кои не сакаат да направат компромис и воопшто не ги внесуваат во исхраната. Повеќето витамински производи имаат примамлив вкус и мирис, па генерално сите ги прифаќаат. Витаминските сирупи им помагаат на родителите да имаат подобра контрола врз нутритивната вредност на храната која децата ја јадат. Здрави деца значи и насмеано семејство. Oligovit витаминскиот сируп за деца на Галеника е комбинација од повеќе витамини и тоа: витамин А, витамин D3, витамин Е, витамин B1, витамин B2, витамин B6, витамин C, ниацин и пантоненска киселина. Генерално, комбинацијата на витамини и на минерали, кога е наменета за возрасни можат да го спасат денот и да не ве напушти чувството на благосостојба. Микронутриентите во витамините и минералите се одговорни за реакцијата на нашиот имунолошки одговор. Односно, ги спречуваат патогените да се размножуваат. Всушност можат да влијаат на намалување и олеснување на симптомите преку поддршката која ја дава на имунолошкиот систем. Ако ви е потребен добар мултивитамин, Олиговит е достапен и за возрасни, а во портфолиото на овој бренд има голем избор на комбинации од витамини и минерали наменети за жени, трудници, мажи и лица кои интензивно вежбаат. За возрасни Олиговит е комбинација од 10 витамини А, D3, Е, B1, B2, B6, B12, C, ниацин, пантоненска киселина и 10 најпотребни минерали – калциум, железо, јод, цинк, флуорид, молибден, бакар, манган, магнезиум и хром. Галеника е еден од најголемите фармацевтски производители во регионот кој со децении се вложува за подигање на нивото на грижата за здравјето, како и на превентивата. Компанијата ја согледува важноста од подигање на свесноста кај луѓето за влијанието на здравата исхрана и редовното движење врз здравјето, но ја препознава и потребата од висококвалитетни производи со микронутриенти кои може да помогнат во зголемување на севкупното ниво на енергија на поединецот.

Не можете без кафе, а сепак ви недостига енергија

Комбинацијата на витамини B може значајно да влијае на енергетската состојба на секој човек, особено ако има навики кои ја намалуваат можноста телото да ги апсорбира витамините B. Не мора да станува збор за лоши навики, едноставно и утринското кафе или чаша алкохол може да влијае на нивото на витамин B или на витамин C во телото. Овие витамини се растворливи во вода, а кафето е диуретик кој го забрзува исфрлањето на течности од организмот а со тоа и на витамините кои се неопходни за метаболички процеси во телото. Една од комбинациите на витамини B, која е препознатлива на пазарот затоа што се произведува од 1955 година, е производот на Галеника кој во македонските аптеки може да се набави без рецепт. Спојот на повеќе витамини B, кои се неопходни за телото и може да се внесат и во форма на таблетки, обезбедува поддршка на нервниот систем, но и на имунитетот, како и на општата енергетска состојба на поединецот. Недостаток на B комплекс може да доведе и до анемија, мускулна слабост, интестинални проблеми, оштетување на нервите, нарушување на видот и други состојби. Секој од витамините B има различна улога во телото. B1 или тиамин му помага на телото да создаде енергија, а влијае и врз работата на нервниот систем, срцето и другите мускули. B3 или ниацин е добар за нервниот систем, циркулацијата на крвта и го намалува нивото на лош холестерол. B5 или пантотенска киселина е значаен за одржување на здрава кожа. B6 или пиридоксин помага при разградувањето на протеините и го одржува здравјето на нервниот систем. B12 или кобаламин влијае на апетитот и помага во превенцијата од анемија.

Не кратете на сонот, ниту на прошетките

Имунитетот е мошне комплексна појава за која секојдневно се дознаваат нови работи. Но, она што е добро познато и докажано е дека за јак имунитет потребни се сон и физичка активност. Не мора да одите во фитнес центри или да трчате. Секојдневната прошетка или рекреативно искачување ќе донесат подеднакво бенефити за телото како и здравата исхрана. За крај, може да се каже дека добриот избор на суплемент со правилна и здрава исхрана заедно ќе работат да се зајакне имунитетот и подобри нивото на енергија и благосостојба на поединецот. Физичката активност, пак, има бенефити, но е и нераскинливо поврзана со потребата од минерали и витамини да обезбедат енергија за телото. Затоа погрижете се да обезбедите минерали и витамини со кои ќе го затворите кругот и украсите со насмевки од целото семејство.

Зајакнете го вашиот имунитет: Природни лекови против настинка

Слаѓана Атанасова — Tue, 12 Dec 2023 13:35:00 +0000

Не трчајте на лекар штом почнете да кивате, или ве заболи грлото. Попаметно е да останете дома, да се затоплите и да подготвите некои природни проверени рецепти во борба против настинката. Лимонот и витаминот Ц се задолжителни Кивањето и малаксаноста се знаци дека се подготвува настинка. Зголемете го внесот на витамин Ц на еден грам три пати на ден. Парете се над топла вода во која сте ставиле лимонов сок. Вирусните настинки ја мразат влагата, а сокот од лимон делува како природен антибиотик. Зачини и купки Ако не ја спречите настинката, во почетната фаза обидете се со потење. Отровите излегуваат со потта, а покачената телесна температура ги убива микробите. Лековитите тревки кои што греат и смеса од јаки зачини ќе ви ја подобрат циркулацијата. Помешајте во еднакви количини ѓумбир, пиперка и каранфилче во прав со лажиче мед. Или, земете едно лажиче од таа смеса во чаша топла вода со мед пред спиење. Пробајте и да ги потопите стапалата во купка од сенф. Во леген со топла вода ставете малку сенф во прав, додајте сода бикарбона и потопете ги нозете. Против кашлица – прополис Најдобро средство против кашлица е прополисот. Содржи богата мешавина од витамин Б и минерали. Дури и лажиче мед пред спиење е доволно за да се смири кашлањето. Во медот можете да ставите и издробен лук. Доколку осетите дека кашлицата е упорна, пијте повеќе чај од липа. За црвено грло – лимон и мед Жежок лимон и мед се испробан рецепт со кој се смирува болното и црвено грло. Правете гаргара со потопла течност, бидејќи така ги убивате бактериите. Сварете вода и сол и што почесто во текот на денот правете гаргара со тој раствор. Болката и воспалувањето би требало бргу да поминат. За затнат нос добра е акупунктурата Инхалирајте есенцијални масла од еукалиптус, мајчина душица, бор, лимон и лаванда. Ставете по една капка од секое масло во чинија со топла вода. Маслата делуваат асептично и прочистуваат. За посилно затнување на носот пробајте со акупунктура, ставете ги палците и показалците на две точки на лицето, под јагодиците, точно под зениците, а делот кој е оддалечен еден прст широчина од врвот на носот измасирајте го со благи движења. Одбирајте ја храната Избегнувајте млечни производи, јајца, шеќер и сок од портокал, бидејќи поттикнуваат создавање на слуз. Јадете лук и кромид за да го подобрите имуниот систем. Извор: Попара.мк

Пет знаци дека имунитетот ви е ослабен: Од замор до рани кои споро зараснуваат

Слаѓана Атанасова — Mon, 20 Nov 2023 13:45:28 +0000

Имунолошкиот систем е составен дел од човечкото тело и работи на ограничување и спречување на инфекции и одбрана на телото од бактерии, вируси и токсини – но овие витални одбранбени средства треба да се одржуваат. Некогаш може да се „измачува“ да настапи според потребниот стандард, што може да биде штетно за вас. 1. Зголемен стрес Според истражувањата, постојаниот стрес во секојдневниот живот може да предизвика вашиот имунолошки систем да страда. Извештајот на „Американската психолошка асоцијација“ вели дека нашите тела се добро опремени да се справуваат со стресот во мали дози. Сепак, долгорочниот или хроничен стрес може да има сериозни последици врз нашето тело и да го попречи имунолошкиот систем. Надја Хасан, лекар во Delancea Internal Medicine, објасни дека „стресот ги намалува лимфоцитите во телото, кои се бели крвни зрнца кои помагаат во борбата против инфекциите“, а тоа може да значи дека сте повеќе изложени на ризик да заболите од вируси како настинката. 2. Постојан студ Просечно возрасно лице настинува помеѓу два и четири пати годишно, според списанието „Johns Hopkins Medicine“. Меѓутоа, ако се чувствувате поболно од вообичаено, тоа може да биде показател дека вашиот имунолошки систем е ослабен, вели д-р Питер Абел, виш предавач по биомедицински науки на Универзитетот во Централен Ланкашир. Ова може да биде затоа што телото не произведува доволно лимфоцити, кои произведуваат антитела кои се борат против вирусните инфекции. Една од причините за ова е што вашата исхрана можеби нема да ви ги обезбеди витамините што ви се потребни за создавање на овие клетки, како што се Б12, фолна киселина или цинк. 3. Проблеми со стомакот Според истражувањето спроведено во 2012 година, 70 отсто од имунолошкиот систем се наоѓа во гастроинтестиналниот тракт во цревната слузница. Микроорганизмите пронајдени таму ги штитат вашите црева од инфекции и го поддржуваат имунолошкиот систем. Но, мали количини може да ве изложат на хронично воспаление, автоимуни нарушувања и вируси. Ослабениот имунолошки систем доведува до дијареа. 4. Постојан замор Постојаното чувство на замор и покрај тоа што имате добар сон може да биде уште едно „црвено знаме“ дека вашиот имунолошки систем е намален. Според д-р Хасан, нивото на енергија паѓа кога имунолошкиот систем се бори бидејќи „вашето тело се обидува да заштеди енергија за да го поттикне вашиот имунолошки систем да се бори против бактериите“. 5. Бавно зараснување на раните Кога ќе добиете изгореница, исеченица или гребаница, вашето тело работи на заштита на раната со испраќање крв богата со хранливи материи за да помогне во регенерацијата на нова кожа. Овој процес зависи од здравите имунолошки клетки, па доколку ви недостигаат поради слаб имунитет, на вашите рани ќе им треба подолго време да зараснат, пренесува „Мирор“. Извор: Попара

Ова се најздравите зимски намирници за подигнување на имунитетот

Слободанка Илиева — Mon, 13 Nov 2023 12:30:16 +0000

За да го зголемите нивото на енергија и да го зајакнете имунолошкиот систем, важно е вашата исхрана да биде разновидна и сезонска. Во зимскиот период исхраната се разликува од онаа во пролетниот или летниот период, бидејќи имаме поголема желба за храна која ќе нè стопли и засити. Зошто е тоа така? Имено, поради студот и промената на времето, нашето тело доживува различни физиолошки промени во перцепцијата на околината и задоволувањето на физиолошките потреби. Доаѓа до промени во количината на енергија, брзината на метаболизмот и желбата за пообилна храна. Затоа, бирајте сезонски намирници богати со витамин Ц и витамин А (како што се тиква, морков, кисела зелка...). Внимавајте на доволниот внес на витамин Д, кој често му недостига на нашиот организам поради зимскиот период. Се препорачува на менито да има супи или чорби, бидејќи освен што ќе ве згреат, тие ќе ви обезбедат бројни хранливи материи, хидратација и ќе ви ја дадат потребната енергија. Исто така, погрижете се да внесувате доволно протеини и растителни влакна, како што се семки од тиква, брокула, јачмен, риба и слично. Еве кои намирници се препорачуваат во текот на зимата: Тиква Тиквата е нискокалорична храна која привлекува со својата неодолива боја и вкус и изобилува со диетални влакна, витамини и минерали како витамин А, Ц, Е, витамини од групата Б, витамин К како и калиум, калциум, железо и фосфор. Брокула Брокулата припаѓа на семејството зелки кои благотворно делуваат на нашето здравје. Една од супстанците кои се наоѓаат во брокулата и која благотворно делува на здравјето е сулфорафан - растителна супстанца која настанува од глукорафанин со помош на ензимот мирозиназа. Покрај сулфорафан, брокулата е богата и со диетални влакна, витамин Ц, витамин К, калциум, калиум и железо. Пченка Пченката спаѓа во категоријата на најпопуларни житарки во светот и може да се консумира како зеленчук, житарица или брашно. Со сигурност можеме да кажеме дека пченката е хранлива намирница бидејќи содржи витамин Ц, витамин А, тиамин, фолна киселина, магнезиум, железо и фосфор. Кисела зелка Киселата зелка се добива со процес на млечно-киселинска ферментација. Со оваа ферментација се добива млечна киселина, која ја штити зелката од расипување, но ѝ дава карактеристичен вкус и мирис. Киселата зелка го олеснува варењето, а богата е со пробиотици, витамин Ц и железо. Мандарина Првата асоцијација на есента и зимата е консумацијата на агруми, особено мандарини. Освен што се вкусни, тие се наш сојузник во борбата против настинката и грипот – богати се со витамин Ц и биофлавоноиди. Освен витамин Ц, содржат и бета-криптоксантин, кој во нашето тело се претвора во витамин А. Јачмен Јачменот е богат извор на влакна - бета глукан, молибден, селен и манган, но и лигнани кои се поврзани со помал ризик од развој на рак и срцеви заболувања. За да се зголеми сварливоста на јачменот, важно е да се потопи во вода бидејќи на овој начин се зголемува искористеноста на протеините, витамините и минералите. Мешунки Гравот спаѓа во групата мешунки, а освен што содржи протеини, е богат извор на диетални влакна, витамин К и железо. Лук Лукот е многу популарна намирница која се користи насекаде низ светот поради неговиот специфичен вкус и мирис. Се користи уште од античко време поради неговите лековити својства како алицин, аминокиселини, ензими и минерали. Репка Репката припаѓа на семејството зелки и е одличен извор на витамин Ц и глукозинолати. Можеме да ја користиме сирова, закиселена, варена или печена. извор:точка.ком.мк

Есенска чорба готова за 30 минути: Го зајакнува имунитетот за зимата, го чисти телото и има божествен вкус

Слаѓана Атанасова — Fri, 10 Nov 2023 13:00:11 +0000

Нездравата исхрана го уништува нашиот дигестивен тракт, а стресот, загадувањето, лековите, разните адитиви и секако неквалитетната храна оставаат последици врз црниот дроб. За да може вашето тело да биде подготвено да ги пречека зимските вируси и да го зајакне црниот дроб, органите за варење и, воопшто, целото тело, потребно е што почесто да му го обезбедувате највисокиот квалитет што го дава природата – зеленчукот. Оваа крем супа без месо може да се јаде со секој оброк, дури и наутро, но обично е популарна за ручек, а добрата вест е што можете да ја замрзнете и одмрзнете кога сакате да му дадете на телото витаминска бомба. Состојки: 3 чаши вода 1 главица кромид 2 чешниња лук 1 лажица маслиново масло 1 стебленце целер 1 лажичка рендан корен од ѓумбир 3 чаши ситно сечкана брокула половина ситно сечкан целер 1 лажичка сол прстофат мелен бибер Подготовка: Истурете го маслото во тенџере и загрејте го на средна топлина. Потоа додадете ситно сечкан црн кромид и изрендан ѓумбир, па динстајте додека кромидот да стане стаклен. Потоа додадете ситно сечкан лук, ситно исечкано стебленце целер, сечкана брокула, анасон и само малку сол. Оставете да се крчка уште 2-3 минути, а потоа додадете вода и сол и бибер. Откако ќе зоврие, ставете го капакот, намалете на тивок оган и оставете да се вари уште 20 минути. После тоа, изладете и истурете во блендер, па добро сомелете додека не стане кремаста супа. Извор: Попара.мк

Овие есенски намирници се одлични за вашето здравје: Ќе слабеете, а ќе го зајакнете имунитетот

Слаѓана Атанасова — Tue, 24 Oct 2023 13:15:34 +0000

Есента е вистинско време да го зајакнете имунитетот, но и да ги намалите килограмите. Ви претставуваме листа од есенски намирници што се одлични за вашето здравје, а притоа ќе ви помогнат и да се ослободите од вишокот килограми: Јаболко: Се вели дека едно јаболко на ден ги задржува мастите далеку од вашето тело. Јаболкото е совршена ужинка во секое време од денот. Тоа содржи пектин, растителен желатин кој е полн со влакна. Киви: Кивито има само 46 калории, но содржи одлична комбинација на растителни влакна и вода која ќе ви обезбеди чувство на ситост. Ова овошје е важен извор на калиум кој го регулира крвниот притисок, и е богато со фолна киселина и синтеза на протеини, како и антиоксиданси. Шипки: Исто како и брусницата, калинките и малините, и шипките имаат малку калории и се полни со витамин Ц. Кулинарските експерти препорачуваат да ги јадете шипките во комбинација со сезонска салата. Мандарини: Мандарините се одлични разложувачи на масти, а имаат многу малку калории. Тие се здрава ужинка, а може да ги јадете во комбинација на бадеми, мед и урми. Лесно се лупат, а содржат огромно количество на витамин Ц. Урми: Урмите се здрава и нискокалорична храна и идеална замена за слатки. Тие содржат малку масти и протеини и големо количество на железо и диетални влакна кои се добар извор на антиоксиданси. Дуњи: Дуњите содржат витамин Ц, диетални влакна, како и пектин и се одличен извор на антиоксиданси. Јадете испечени или свежи дуњи во комбинација со мед и ореви. Тиква: Тиквата содржи голема количина на влакна, калиум и витамин А. Јадете печена тиква или пак направете супа, пита или пире од ова вкусно есенско овошје. Семките од тиква се одлична ужинка, бидејќи содржат малку масти. Карфиол: Карфиол може да го конзумирате во големи количини, бидејќи содржи само 40 калории. Карфиолот е џранлив и содржи големи количини на влакна и е добар извор на калиум. Брокулата: Брокулата е идеална храна бидејќи не содржи масти, а содржи многу калциум и витамини А и Ц. Предноста на овој зеленчук е фактот дека може да го комбинирате во секаков вид на храна и да го јадете свеж или обарен. Цимет: Иако цимет можеме да јадеме преку цела година, но некако одговара на овој период од годината. Циметот е полн со магнезиум, но и со влакна калциум и железо. Го потиснува гладот, го намалува шеќерот во крвта и го контролира нивото на инсулин во метаболизмот. Ванила: Ванилата е одлична замена за шеќер. Овој зачин е нискокалоричен засладувач и може да го искомбинирате со секаков вид на овошје и слатки. Корен од ѓумбир: Ѓумбирот содржи калиум, бакар, магнезиум и манган, но и витамин Ц и Б6, како и помали количини на пантотенска киселина и ниацин. Исто така една од состојките во ѓумбирот е жолтиот пигмент curcumin кој останува во дигестивниот тракт и штити од полипи и рак на дебелото црево. Костен: Костени содржат многу влакна и малку масти во споредба со другите јаткасти плодови. Тие имаат високо ниво на скроб и помагаат во намалување на холестеролот, се бори против ракот и помагаат во контрола на крвниот притисок. Извор: Курир

Чорба што го штити имунитетот! Рецепт за сите времиња (видео)

Слаѓана Атанасова — Thu, 19 Oct 2023 12:11:32 +0000

Пристигнаа постудени денови, а за да го зајакнеме имунитетот треба да се храниме поздраво, па да направиме една бела чорба. СОСТОЈКИ

1 поголем кромид, околу 300 гр
1 свежа пиперка
моркови околу 300 гр
пилешко месо околу 300 гр
1 мал корен од целер
1 голем компир
масло, сол, зачин мл. бибер, магдонос
неколку цветови од карфиол

Прелив

1 жолчка од јајце
180 гр кисела павлака Извор: Попара