Викторија Лоба ги објави највпечатливите моменти од свадбата – од промената на невестинскиот фустан, сечењето на тортата, до пеењето на руски… (фото)

Слободанка Илиева — Tue, 13 Sep 2022 07:22:42 +0000

Изминатиот викенд во еден познат скопски хотел се случи свадбата на пејачката Викторија Лоба и нејзиниот долгогодишен партнер, бизнисменот Ѓорѓи Калешов. Како што објавивме и претходно, на невестата и требаше време за да објави дел од највпечатливите моменти од забавата, па откако се наспаа од бурната вечер и ја имаа официјалната прва брачна ноќ, Лоба реши да објави се’ она што регистрирале мобилните телефони. Од своите лични фотографии објави само неколку каде позираат со сопругот од хотелската соба, а останатите и најголемиот број објави беа оние кои ги документираа гостите. Од приложеното може да се види дека деновиве, а и години подоцна ќе имаат за што да раскажуваат и да се сеќаваат... Невестата и овој пат носеше елегантина венчаница со потисот на дизајнерката Коцарева, а довербата за невестински фустан комплетно и ја препиша кога е изгледот во прашање со оглед на тоа што промени неколку модели на фустани. Лоба својот свадбен стајлинг го зачини и со кус бел фустан со волуменозни ракави кој го носеше до крајот на вечерта. Се’ беше во елегантен стил, па дури и бидермаерот и тортата на три спрата. Лоба очекувано се качи на бина и пееше, а неизбежно беше на гостите да им запее на руски. Пропратно следеше многу играње, фотографирање, прегратки и бакнежи за спомени кои ќе им траат... Од фотки со другарките, со мама и нејзиниот нов сопруг, роднините, пријателите... Инаку, црковната венчавка на Викторија Лоба и Ѓорѓи се случи на ден Голема Богородица во црквата Св.Јован Канео во Охрид. Редакцијата на Вистина им честита на младите! фото:Инстаграм принтскрин/Викторија Лоба

„Јас сум многу горда“: Први импресии на Тамара Тодевска по влез во финале на Евровизија (видео)

Христина Ѓоргиевска — Fri, 17 May 2019 06:41:39 +0000

Горди! Има на што да бидеме горди. На одлична песна, одличен изведувач, одлично претставување, одличен сценски настап и на влегување во финале на Евровизија. Сношти во Тел Авив се одржа втората полуфинална вечер на Избор за песна на „Евровизија“ на која настапуваа 18 држави. Тамара Тодевска настапуваше под реден број 17 со песната „Proud“ и не направи горди. Емотивно и моќно, Тамара владееше на евровизиската сцена, а на крајот од изведба и пушти солзи. https://www.youtube.com/watch?v=3A65lXLNZfk По шест години, Македонија конечно успеа да влеѕе во финале, а тоа покажа дека добрата песна и квалитетот секогаш го наоѓаат патот до успехот. Од сите страни пристигнуваат честитки и пофалби за нашата претставничка. По изведбата и по прогласувањето на државите кои ќе влезат во финале, Тамара имаше прес конференција и ги покажа своите први импресии.

„По шест години Македонија е во финалето. Ние сме многу горди, дечки. Јас сум многу горда, јас сум многу среќна. Сакам да се заблагодарам на мојот тим. Ве сакам. Направивте неверојатна работа. Јас сум горда на мојата држава, на моите луѓе“ истакна пејачката. Тамара во сабота ќе настапи oсма на евровизиската сцена, па и посакуваме среќа.

импресии – Вистина.мк

Викторија Лоба ги објави највпечатливите моменти од свадбата – од промената на невестинскиот фустан, сечењето на тортата, до пеењето на руски… (фото)

„Јас сум многу горда“: Први импресии на Тамара Тодевска по влез во финале на Евровизија (видео)