иминутет – Вистина.мк

Протеини, железо и дури 116 милиграми калциум по порција: Рецепт за супа за имунитет која ќе ја подготвувате цела зима

Христина Ѓоргиевска — Thu, 09 Dec 2021 14:00:50 +0000

Не може месец декември да помине без тенџере со богата супа која може да трае и неколку денови, а вистинска инјекција е со хранливи состојки.

Состојки:

- 2 лажици маслиново масло - 75 грама ситно исечкан лук - 3 тенко исечени стебла од целер - 2 исечени моркови - 3 шолји ситно исечкани печурки - 10 мелени чешниња лук - ½ пилешки бујон - 4 гранчиња тимијан - 2 ловорови листа - 400 грама леблебии - 1 килограм пилешки гради со коски - ½ лажичка сол - ½ лажичка мелена пиперка - 1 помала главица кељ - Магдонос по желба

Подготовка:

Загрејте го маслиновото масло, па додадете го ситно исечканиот лук, целер и морков и пржете околу 5 минути. Потоа додадете ги печурките и лукот и динстувајте околу 3 минути со константно мешање, па додадете го бујонот и тимијанот, ловоровиот лист и леблебиите. Додадете ги пилешките гради, сол, црвен пипер и покријте да се готви околу половина час. По желба додадете магдонос. Извадете го месото, отстранете ја кожата и коските и ситно исечкајте го. Вратете го месото, додадете кељ, покријте со капаче и гответе додека кељот не омекне (5 минутки).

Нутритивна вредност

Една порција од оваа супа содржи 253 калории, 6,5 грама масти, 1 грам заситени масти, 3 грама мононезаситени масти, 0,9 полинезаситени масти, 28 грама протеини, 22 грама јаглехидрати, 6 грама растителни влакна, 54 милиграми холестерол, 2 милиграми железо, 581 милиграми натриум, 116 милиграми калциум и 5 грама шеќер. извор: кармин.точка.мк

Чорба од четири состојки која го зајакнува имунитетот

Христина Ѓоргиевска — Mon, 10 May 2021 13:00:38 +0000

За подготовка на оваа чорба не ви е потребно никакво кулинарско познавање.

Состојки:

еден кромид, морков, тиквичка и компир

Подготовка:

Кромидот, морковот и тиквичката пропржете ги на масло. Потоа ставете ги во тенџере и прелијте со вода. Додадете го компирот, претходно исецкан на коцки, и варете додека состојките не омекнат.

Кога зеленчукот ќе биде сварен, изблендирајте се. Ќе добиете кремаста текстура која може да ја зачините по желба. извор: курир.мк

Домашен сируп од 8 состојки кој ги „брка“ болестите и го јакне имунитетот

Христина Ѓоргиевска — Tue, 09 Mar 2021 13:00:47 +0000

Домашниот сируп за подобрување на имунитетот се пие во разладен чај, за да се искористат сите благодети на медот кој е чувствителен на висока температура. Куркумата, ѓумбирот и медот спаѓаат во самиот врв на најмоќни природни лекови кои го зајакнуваат имунитетот и го намалуваат ризикот од разни болести, а освен лековитите својства, тие се привлечни и поради нивниот вкус. Свежата куркума не е достапна насекаде, но може да се набави во продавница за здрава храна. Се препорачува во комбинација со црн бибер кој го поттикнува нејзиното делување. За да го подготвите овој домашен „магичен напиток“ за здравје, ви се потребни и портокали и лимони, како и органски јаболков оцет. Сирупот консумирајте го со чаша вода или чај и чувајте го во фрижидер.

Потребни состојки:

- 2 помали шолји мед - 5 цм. корен од ѓумбир - 5 цм. корен од куркума - 1 лажичка куркума во прав - 1 органски лимон - 1 органски портокал - 1/3 шолја органски јаболков оцет - 1 прстофат црн бибер

Начин на припрема:

1. Добро измијте ги лимонот и портокалот, исцедете ги, а куркумата и ѓумбирот излупете ги и изрендајте ги. 2. Ставете го јаболковиот оцет во сад и помешајте го со сокот од лимон и портокал. 3. Изрендајте ја кората од овошјата, па додајте ја заедно со останатите состојки и добро измешајте. 4. Оставете да отстои преку ноќ во фрижидер, а следниот ден процедете низ цедалка. Сирупот може да се додава во чај или да се пие помешан со вода. Ако го додавате во шолја чај, внимавајте тој да не биде многу врел за да можете да ги искористите благодетите на медот. извор: точка.мк