Премиера на „Господ постои, името и е Петрунија” во Делчево

Слободанка Илиева — Tue, 21 May 2019 12:15:27 +0000

Пред делчевчани синоќа премиерно беше прикажан филмот „Господ постои, името и е Петрунија”. За актерката Зорица Нушева, инаку родена делчевка, беше посебно чувство како актерка во филм кој имаше успешна приказна зад себе, да им се претстави на своите сограѓани. -Посебно е чувството што граѓаните на Делчево конечно ќе можат да го видат филмот. Исклучително сум благодарна за целата поддршка и целата љубов што ја добив од сите. Со прикажувањето на филмот во киносалите на некој начин продолжува да живее приказната која зборува за стереотипите на денешницата, филм кој ја носи пораката за еднаквоста и еднаквото право на сите, рече Нушева. Додаде дека по премиерата на Берлинале, филмот беше дистрибуиран во цел свет, учесник е на многу фестивали, а се очекуваат уште многу гостувања на фестивалите ширум светот. „Господ постои името и е Петрунија”, во Делчево ќе се прикажува и денес и утре 22 мај со почеток во 20 часот. Прикажувањето на филмот се реализира како дел од свечената едно неделна програма во рамки на одбележувањето на 24 Мај – Ден на сесловенските просветители Св.Кирил и Методиј кој е патрон на градот Делчево. (МИА)

Филмот ,,Господ постои, името и е Петрунија‘‘ на Берлинскиот филмски фестивал

Слободанка Илиева — Fri, 11 Jan 2019 12:54:53 +0000

За прв пат во историјата, македонски филм ќе учествува во главната програма на Берлинскиот филмски фестивал. Големиот успех на македонската кинематографија е овозможен со филмот “Господ постои, името и е Петрунија” на Теона Стругар Митевска, кој ќе конкурира за награда на еден од трите најголеми филмски фестивали во светот – популарното Берлинале. Според продуцентите, учеството на филмови од нашиот регион во главната конкуренција на еден од трите најпрестижни фестивали е навистина ретко, а Македонија на вакох успех во филмската уметност чекаше повеќе од 20 години. Филмот е снимен целосно во Штип, а е во копродукција на пет земји со вкупен буџет од милион и 400 илјади евра, од кои 485 илјади се од Македонската агенција за филм. Својата светска премиера ќе ја има на фестивалот во Берлин на 10-ти февруари, по што ќе следува негово прикажување и во Македонија. извор:сител

името и е Петрунија – Вистина.мк

Премиера на „Господ постои, името и е Петрунија” во Делчево

Филмот ,,Господ постои, името и е Петрунија‘‘ на Берлинскиот филмски фестивал