Илија Ќосевски – Вистина.мк

Софија Ангелова – новото име на македонската естрада по многу што е – „Единствена“ (ВИДЕО)

Антонио Димитриевски — Wed, 03 Jan 2024 13:47:04 +0000

„Единствена“ е новата песна на младата и надежна поп пејачка Софија Ангелова. Таа е вистинско мало освежување на македонската музичка сцена, која со нејзината појава добива уште еден млад надежен лик. Песната ( музика и аранжман) е дело на Илија Ќосевски, а Виктор Апостоловски го напиша текстот. Освен Софија, во видеоспотот кој е во реализација на Digital ID, се појавува и манекенот Антонио Драгутиновски, а режијата ја потпишува Дарко Јовановски. За што поточно станува збор, кога велиме дека младата Софија е „Единствена“, погледнете од видеото во продолжение:

Наталија Данаилова посака да свети сино ова – „Небо диво“ (ВИДЕО)

Антонио Димитриевски — Tue, 07 Mar 2023 13:07:49 +0000

„Небо диво“ е најновата песна на пејачката од Богданци, Наталија Данаилова за која беше продуциран и видео запис чија реализација ја потпишуа Ѓорѓи Вацев. Музиката и текстот за песната се на Весна Малинова, аранжманот на Илија Ќосевски. ,,Сакавме на публиката да ѝ дадеме еден брз ритам, среќа и висока вибрација. Не се откажувам од баладите кои можеби се мое обележје, но сметам дека по годините кои ги поминавме во страв и затворени дома, си должиме да се радуваме на животот и да танцуваме“ – вели Наталија. Данаилова македонската публика ја познава од повеќето талент шоуа и од учевството на македонските фестивали како Макфест 2021 година со песната „Не крши ме“ и истата година на Охридски трубадури со синглот „Вреди ли“. „Сѐ за тебе“ е нејзиниот деби албум кој го издаде на музичкиот пазар, а во моментов се подготвува и вториот албум кој се очекува да биде готов до крајот на годината. Како звучи изгледа кога Наталија Данаилова пеејќи посакува ова „Небо диво“ да свети сино, проследете од видеото во продолжение (КЛИКНИ ТУКА):

Ивана Василева ја визуелизираше макфестовската – „Доволно е сѐ” (ВИДЕО)

Антонио Димитриевски — Mon, 15 Nov 2021 07:39:48 +0000

„Доволно е се’ “ е насловот на композицијата со која Ивана Василева се претстави на годинешниот Макфест 2021, песна која овие денови доби официјален видеозапис и премиерно беше прикажан на официјалниот YouTube канал на младата пејачка. Ивана се претстави на првата, дебитантска фестивалска вечер со оваа композиција, која е комплетно авторско дело (музика, текст, аранжман) на композиторот и продуцент Илија Ќосевски со кој ја оствари првата нејзина соработка. Зад видеозаписот повторно стои Столе Ангелов кој беше одговорен и за видеото на нејзината дуетска композиција со Јовче Пандев, одличното рок дело „Медот отровен”. Макфестовската „Доволно е с' ”е втор нејзин сингл за оваа година откако во јули ја промовираше “Already decided” и прв пат се потпиша како автор на текст на истата. Инаку, струмичанката Ивана Василева е главен вокал на кавер бендот DISMISSED кој оваа година прослави 10 години постоење и кој инаку е дел од секое издание на познатиот Strumica Open Festival промовирајќи квалитетна музика од повеќе жанрови. Ивана има завршено основно музичко училиште и свири клавир, а во моментов студира на медицинскиот факултет во Скопје. Продолжува да работи на нов материјал и се надева дека до крајот на оваа година ќе успее на публиката да и понуди да слушне уште една нејзина песна Во меѓувреме, уживајте во новата песна и видеото за неа.

Виктор Апостоловски ја овековечи во видео наградената макфестовка тема – „Срца камени“ (ВИДЕО)

Антонио Димитриевски — Tue, 29 Sep 2020 13:16:34 +0000

Битолчанецот Виктор Апосотоловски, на неодамна одражаниот фестивал на забавни песни „макфест 2020“ во Штип ја испеа темата „Срца камени“, за која доби и награда за најдобар сценски настап. Песната на Виктор, за која музиката и аранжманот се дело на Илија Ќосевски, а текстот на самиот пејач која ја потпишува и аудио продукцијата во неговото студио „VA Records“, е динамична, со брз, модерен ритам, а со самото тоа подобна за одлична кореографија. Токму кореографијата и му ја донесе макфестовската награда на Апостоловски, а истата доминира и во видеоспотот за песната, која официјално деновиве ја доживеа својата премиера во етерот. Видеото пак, (камера и едит) се дело на Сергеј Смилков, додека главната улога во спотот ја има Викторија Варадинова. Во коделот на кореографијата која го следи за цело време и водеозаписот учествуваат девојките од танц студиото - „Break The Floor“: Глорија Атанасова, Марија Цветанова, Леа Манева, Анастасија Стојкова, Јована Коцевска, Горица Николова и Ева Пејова. Како звучи и изгледа кога Виктор Апостоловски пее и танцува во неговата наградена фестивалска тема „Срца камени“ проследете во продолжение: https://www.youtube.com/watch?time_continue=39&v=Se7sl1uomgY&feature=emb_logo