игра – Вистина.мк

Еве како и за што вежба Лила среде бел ден на улица со жива блех музика.: „Нека гори Балкан…“ а Бога ми и Александар Палас (ВИДЕО)

Антонио Димитриевски — Fri, 05 Jan 2024 07:59:28 +0000

Најпознатата и најдолговечна македонска ТВ водителка, Лила Филиповска деновиве уловена во мошне необично и интересно издание. „Некому инспирација, некому иритација“ - како што самата знае да каже, среде бел ден во свечен провиден фустан на високи потпетици, наметната со бунда Лила танцува, игра, меша... И тоа чочек со жива блех музика. Околу неа ечат руби, саксофони, силно чука тапанот, а водителката се врти, се извива, ниша со колкови, меша со бокови, лула карлица... Небаре е некоја балканска турбо фолк убавица од Србија, од оние налик на Цеца, Теа, Прија... Дали водителката нешто слави или се враќа од некоја целовечерна забава, па до дома свирачите и прават утринско „афтер парти“ испраќајќи ја со музика, беше непознаница на која сите и се чудеа во првиот миг кога ја здогледаа. Зашто Лила досега невидена во вакво издание го привлече сето внимание на случајните минувачи, ако воопшто и ги имало во тие рани утрински часови, ама најмногу на оние кои вака расположена ја начекаа на социјалните мрежи. И додека сите се' уште беа во прашалници, водителката вака „опуштена“ меѓу Новогодишните и Божиќните празници веднаш поита да ја објасни ситуацијата и расположението, за јавноста случајно погрешно да не и го сфати и негативно искоментира поведението. Имено, Лила ниту нешто слави, ниту се враќа од ноќна забава или некаква прослава, туку водителката само вежба! И тоа чочек за дочек... Не на некој претстоен празник, туку ромски чочек за Ромски бал... И тоа светски! Најавен за 18 ти јануари во скопскиот хотел Александар Палас. А на него гости од целиот свет и специјални естрадни фолк мегаѕвезди од регионот. „Вежбаме за четириесет и четвртиот Светскиот Ромски Бал на 18 ти јануари во хотелот Александар Палас. Гости од целиот свет, забава и дружење. Многу музички гости и специјални гостинки Цеца и Теа Таировиќ. Како и секогаш се барa место повеќе , затоа резервирајте си на време“ - порача Лила во паузата меѓу два чочека појаснувајќи ги деталите, па потоа онака качена на сандалите иако е зима, додека е уште загреана, покажа што извежбала! Според најавеното, а и прикажаното од нејзина страна, несомнено бргу успеа да не убеди сите нас, дека на Светскиот ромски бал „ќе гори Балкан“... а Бога ми и Александар Палас!

View this post on Instagram

A post shared by Lila (@lilafilipovska)

Фото: Инстаграм/lilafilipovska

Мама Луна Ѓогани покажа што прави со ќерките кога тато Марко не е дома (фото)

Слободанка Илиева — Mon, 04 Dec 2023 10:46:07 +0000

Луна Ѓогани пред два месеци се породи по втор пат и на свет донесе уште едно девојче, на кое со нејзиниот сопруг Марко и го дадоа името Лана.

View this post on Instagram

A post shared by Luna Djo Miljković (@luna_djogani)

Марко и Луна на својот Инстаграм профил редовно објавуваат слики и видеа со наследничките, а Ѓогани сега покажа како се забавува со ќерките кога нејзиниот сопруг е отсутен од дома. Имено, Луна си поигра со Миа и Лана, а во еден момент се сликаше со наследничките со ефекти на лицето, што беше особено интересно за малите. Луна се пошегува и покажа што прави со ќерките кога Марко не е дома. -Кога маж ми ќе ме праша што правиме сами дома - напишала Луна. фото:Instagram printscreen/ luna_djogani

Видеото од сопругата на Дарко Лазиќ ги изненади сите: Каќа покажа што умее да прави (видео)

Слаѓана Атанасова — Tue, 07 Nov 2023 12:27:30 +0000

Дарко Лазиќ и неговата сопруга Катарина уживаат во бракот и се многу интересни за нивните следбеници на социјалните мрежи. А сега во јавноста се појави видео на кое може да се види како Каќа скока на сцената од еден маж на друг. Иако секогаш скромно, најновото видео од сопругата на Дарко каде игра на фолклорна музика, ја покажа вештината на скокање од еден човек на друг и ги изненади сите.

@balkanska_kafana_ #darkolazic #katarinalazic #folklore #folklor #srbija #fyp #viral #zatebe #tiktok #dence ♬ original sound - 👑Balkanska kafana👑

Имено, пејачот бил во публиката и цело време ја снимал Катарина, која, судејќи по видео снимката, редовно се занимава со фолклор. - Ала гара скока - рекол Дарко во позадина на видеото. Следбениците немаа можност да ја видат Катарина во ова издание, па веднаш почнаа да се појавуваат коментари како: „Браво“, „Од еден до друг“, „Умее малата “, и слично. Фото: Принтскрин/Тикток /е- сток

„Кој сака да игра со мене?“ – Иако победникот е однапред познат, Калиопи е подготвена на една партија (видео)

Слаѓана Атанасова — Thu, 17 Aug 2023 07:05:13 +0000

„Не сум губитник ти знај, не се предавам до крај...“ пее македонската под дива Калиопи Букле на која освен музиката која е нејзино главно занимање, таа наоѓа време кога може за да игра тенис. Нејзината страст кон спортот почна одамна, а тогаш таа изјави дека освен што пешачи по 10 километри дневно на 43 години почнала да тренира и тенис, зошто никогаш не е доцна за ништо во животот. Сега таа за прв пат, објави кратко бумеранг видео, облечена во спортска облека држејќи го тенискиот рекет подготвена да замавне. - Кој сака да игра со мене? - напиша таа под објавата која се појави на нејзиниот профил на социјалната мрежа Инстаграм.

View this post on Instagram

A post shared by Kaliopi (@kaliopi_official)

Познато е дека Калиопи е жесток навивач и верен фан на српскиот тенисер Новак , па во позитивните коментари се најде и еден шеговит во кој пишуваше кратко и јасно - „Ѓоковиќ“. Нејзината инспирација кон тенисот можеби била токму тој бидејќи Калиопи во едно интервју за српските медиуми јавно го замолила познатиот тенисер за еден индивидуален тренинг. Калиопи е вистинска музичка дива, на која ѝ се восхитува публиката од сите генерации, а сега таа докажа дека страста кон тенисот е нејзина голема рекреација. Фото: Принтскрин/Инстаграм/Калиопи Букле/ Новаќ Ѓоковиќ

Сара Мејс и Димитар славеа прв роденден на синчето, а вниманието го украдоа уникатните дедовци кои беа ѕвездите на вечерта (видео)

Слободанка Илиева — Tue, 01 Aug 2023 07:00:13 +0000

Второродената љубов на Сара Мејс и Димитар Атанасовски, бебенцето Кирил наполни една година. Како да беше вчера кога Сара од роденденска прослава директно замина на породување кога набрзо потоа се роди Кирил, а мама се уште беше дури со шминка. Сега бебето кое ги направи среќни и горди после дада Илина, е потпораснато, во фаза на проодување и со неколку запчиња кои го прават неодолив. За малиот шармер мама и тато приредија роденденска прослава во семејниот дом во Пинтија каде беа поканети сите што им се драги. Разбирливо, членовите на семејствата главни и прва рака за се’, па дури и во забавата каде беа главните ѕвезди на вечерта. Дедо Тони и дедо Љупчо ја донесоа атмосферата на ниво кога помнесени од радост се впуштија во танц и тоа заеднички. Овој момент не се пропшташе да се сними со видео кое Сара го објави по неколкуте серија фотографии на својот Инстаграм.

View this post on Instagram

A post shared by Sarah Mace (@sarahmace__)

-Ѕвездите на вечерта, а богами и во животов: дедовците !Не е Кирил весељак туку така, си влече не од една, а од двете страни, напиша Сара во описот, а со тоа даде до знаење дека и двајцата дедовци се навистина посебни, па и слични по енергијата што ја носат. Весели и позитивни имаат што да го научат внукот, за кој мама Сара вели дека е баш на нив бидејќи нели крвта не е вода. Среќен роденден и уште многу години вака разиграни дедовци! фото:Инстаграм принтскрин/Сара Мејс

Маја Маринковиќ во шоуто на „Ами Џи“ ги покажа набрекнатите брадавици: Задругарките играа игра – „Јога диета, па трудејќи се прва да дојде до наградата на старлетата и излезе градата (ВИДЕО)

Антонио Димитриевски — Thu, 30 Mar 2023 11:15:33 +0000

Ријалити старлеите од „Задруга“, Сања Грујиќ, Маја Маринковиќ, Жана Омниа, Алекс Николиќ и Милица Веселиновиќ беа гостинки во „Ами Џи шоу“ кај водителот Огњен Амиџиќ. Тој им ги презентираше правилата на играта наречена „Јога диета“ на бујните задругарки, во кои тие ја покажаа сета своја еластичност и флексибилност. Имено, тие мораа да ги подигнат нозете за да успеат да го дофатат и гризнат колачето кое висеше, без да ги користат рацете. Маја и Жана прво седнаа на столовите, и почнаа да се бркаат со чајното колаче. Маја Маринковиќ во еден момент имаше пех со широко ракопчаниот комбинезон, од кој за миг гигантските силиконски гради и испаднаа, па цицлестата старлета во шоуто на „Ами Џи“ ги покажа набрекнатите брадавици. Патем, Маја ги прекрши правилата на игра и го фати колачето со рака... Така, Жана беше таа што ја прогласија за победник во захтевната игра. Како изгледаше „чаталењето“ на старлетите и „екскурзијата“ на разголените гради надвор од нивното стандардно положение, проследете од видеото во продолжение (КЛИКНИ ТУКА): Фото: Јутјуб принтскрин/Ami G Show

Викторија Лоба направи игра со прашања и докажа дека фановите одлично ја познаваат: Бистра како вода! (ФОТО)

Слаѓана Атанасова — Fri, 20 Jan 2023 08:26:36 +0000

Убавата македонска пејачка со руско потекло постојано споделува некои новитети, што од своите настапи, што од соработките со одредени брендови како инфлуенсер. Викторија Лоба публиката се почесто може непосредно да ја гледа и да се забавува и се подобро да ја запознава. Таа е позната по нејзината природна убавина но, и со нејзиниот стил на облекување, а знае и секое парче облека добро да го носи. Но, овој пат таа на социјалната мрежа „Инстаграм“ креираше игра со шрашања „ Јас кога би била“ со која докажа и покажа дека нејзините фанови веќе доволно добро ја познаваат. Таа подоцна вети дека ќе направи и „reel“ од нивните одговори, кои беа беспрекорно точни. Играта беше сликовита со поставените прашања и дадените одговори, а Лоба напиша: „Ветив дека ќе направам reel од вашите одговори, а еве како одговоривте вие…“ - Јас, кога би била: Боја - бела: Цвеќе- Орхидеја: Пијалок - Џин Тоник Пинк: Град - Москва: Овошје - Јагода: Пејачката остана зачудена но и среќна дека нејзините одговори се поклопуваат со оние на верните следбеници. Сѐ баш се', освен едно. Пијалокот. Сите имале впечаток дека омилен пијалок и е џин - тоник но, одговорот е... само обична вода. „Неверојатно е дека моите одговори се поклопуваат со вашите во точност се освен пијалокот. Јас повеќе се асоцирам со вода. Очигледно е дека одлично ме познавате“ - напиша таа и од срце им се заблагодари, а вети дека штом им се допаѓа играта, ќе има и следна. Инаку, Лоба оваа зима го одбра Копаоник и уживаше заедно со сопругот. Таа испрати поздрав од ски - патеките ,но и покажа како уживаат во ресторан покрај каминот во магичнатa глетка низ прозорецот. Фото: Принтскрин/Инстаграм/ Викторија Лоба

Александра Младеновиќ го предизвика посилниот пол и ги исплаши додворувачите (видео)

Слободанка Илиева — Wed, 18 Jan 2023 10:23:27 +0000

Александра Младеновиќ е една од најзафатените пејачки на српската естрада во последно време, а нејзините настапи се закажани речиси секој ден. Пејачката кратката пауза меѓу концертите ја искористи за да им приреди необично изненадување на своите внуци Уна и Филип.

View this post on Instagram

A post shared by Aleksandra Mladenovic (@aleksandra_mladenovic_)

„Ѕвездата на Гранд“ отиде во игротека со најмалите за сите да се забавуваат, но малкумина очекуваа дека во играта ќе се вклучи и гордата тетка и тоа не било каква игра. Додека децата беа окупирани со видео игри и други и машини, Александра со сета сила удри во „крушката“. Бројчаникот достигна бројка на која би позавиделе и мажите, со оглед на тоа дека оваа направа е омилена за тестирање на силата на посилниот пол.

- И секако тетката полудува - напиша Александра со моќното видео кое го сподели на Инстаграм. Пејачката обично е приврзана за децата на својот брат и често поминува време со нив кога должноста и го дозволуваат тоа, а тие исто така со нетрпение очекуваат да поминат време со тетка им. Така ја бодреа од првите редови на концертот што го одржа пред неколку илјади луѓе во рамките на Жупската берба во Александровац. Најемотивниот момент на тој концерт беше кога на сцената се појави нејзината внука, што ја изненади и самата Александра. фото:Инстаграм принтскрин/Александра Младеновиќ

„Покрај живо месо не ми требаат помагала“: Милица Дабовиќ со затворени очи чепкаше вибратор, а од она што следеше водителот остана со подотворена уста (фото)

Слободанка Илиева — Fri, 09 Dec 2022 12:01:30 +0000

Иако сте навикнати на најдиректните и најостри прашања, а со тоа и на најинтригантните игри на изненадување во емисијата „Претрес“, овој пат очекувајте го неочекуваното. Како што вели и самата Милица Дабовиќ дека нема граници, таа играла и игра на погодување без граници. На масата пред неа имало предмети кои таа ги допирала. Меѓу другото, имало вибратор и предмет во облик на фалус. Милица го прифати предизвикот и со врзани очи, смеејќи се и на шега го удираше апсолутно секој предмет што ќе го допре. Водителот ја праша Милица: „Користиш ли нешто од овие работи? Милица Дабовиќ искрено низ смеа одговорила: „Не, како и да е, сакаш ли да ти кажам што ти кажав претходно“. Покрај живо месо, не ми требаат гаџети!“ Покрај оваа серија нагодувања, Милица зборуваше и за мајчинството, насилството кое го доживеала од партнерот, за тепањата на татко и кои ги доживеала таа и нејзината сестра, за заработката на страницата за возрасни каде што ги продава своите разголени фотографии, за зборовите на Марина Маљковиќ со која не комуницира како и за лошиот однос со сопствената сестра Јелица Дабовиќ. фото:Printskrin/Hype

Кога водителот ќе подетини: Димитар Атанасовски си играше „Tactical Shooting Predator“ по дома со синчето, само што малечкиот го користеше како… оружје! (ВИДЕО)

Антонио Димитриевски — Mon, 21 Nov 2022 08:20:59 +0000

Кон крајот на месец јули годинава (2022) пејечката и харфистка Сара Мејс и водителот и маркетинг директор Димитар Атанасовски станаа родители по вторпат. Нивното семејство стана побогато со доаѓањето на свет на бебето кое до доби името Кирил. Убавата вест ја сподели гордиот татко кој во прилог со првата фотографија од синот напиша: „Добредојде Кирил, јунак наш“. И како да беше пророк, зашто Кирил навистина се покажа како јунак. И тоа најмногу кога е во рацете на неговиот татко, а еве и зошто! Кога си татко на две дечиња домашните обврски вклучувајќи ги и оние родителските се мултиплицираат, па кога на тоа ќе се надодаде работата, за себе време речиси и да не останува. Некому тоа му е нормално и лесно го поднесува, ама оние што имаат пожив темперамент, младешки дух и скриено дете во себе, одвреме - навреме знаат да „одлепат“. Едноставно детето во нив почнува да се бунтува, барајќи да се изнаигра, па без оглед на возраста, желбата и страста ја надвадуваат паметта и ете ти „игри без граници“ во зрели години! Токму тоа му се случи на Димитар, па водителот не можејќи да најде време за себе, решил да спои „убаво и корисно“, арно ама на најнеобичен начин. Во сопствената игра или поточно симулација на некои „воени игри и вештини“ како „Пеинт бол“, „Кантер страјк“ или најточно кажано „Tactical Shooting Predator“ на пример, решил да го вклучи и синчето... Само што малиот Кирил во неговите раце го искористил како мошне необичен сојузник... Или попрецизно, како оружје! Симулирајќи движења и потези од некои од „воеите игри“ малечкиот го претворил во автоматска пушка, „пукајќи“ со него по станот... Потоа со право многумина се запрашаа: „Ова е Кирил или Калаш(ников)?“ Сето ова некој(а) го овековичил(а) на видео, а водителот кадрите од својата „воена вежба по дома“ ги споделил на Инстаграм со „оправдание“: „Кога не те пуштаат да идеш на тренинг со @tacticalshootingpredator , ќе вежбаш по дома“! Коментарите, особено оние од пријателите, меѓу кои повеќето познати личности, иако различни, сите насочени кон една цел - водителот. А тој мета на критики... Воглавно шеговити, ама сепак... заклучокот единствен: Друг пат подобро пуштете го „да се испука“ на друго место... Од сите „оружја“, по сите основи!

View this post on Instagram

A post shared by Dimitar Atanasovski (@dimitaratanasovski_)

Фото: Инстаграм принтскрин/dimitaratanasovski_