Ликовна изложба – “Криза” на Игор Станоески во КИЦ

Антонио Димитриевски — Mon, 19 Apr 2021 12:48:20 +0000

Предлог проектот се состои во изложување на 15 do 20 слики на платно кои би биле изложени, во рамките на предвидениот простор ЈУ Културно Информативен Центар – Скопје, врз основа на програмата за ликовна дејност од младиот ликовен уметник Игор Станоески. Станува збор за дел од новиот опус на сликарски дела (2020) кои во наредниот период ќе бидат изложувани во рамките на нашата земја и пошироко во моментот на завршувањето на кризата со вирусот Ковид - 19. Насловот би бил “Криза “ демонстрирајќи го новиот опус на творештво како причина и последица на новонастаната криза. Изминатиот период не воведе во релативно краток , но истовремено длабок циклус на интроспекција и анализа на сржта на нашето постоење и делување во светот како професионалци, обични луѓе и социјални суштества. Нашиот одговор колективно го гледам како филтрација на квантитетот со квалитет, темелно истражување и зголемување на обемот на продукцијата во рамките на професиите како насока на стратегијата за надминување на моменталната состојба. Ова se илустрациите na дел од новите сликарски дела од серијата 2020, кои треба да бидат врамени и изложени во ЈУ Културно Информтивен Центар -Скопје. Инаку, Игор Станоески завршил средно училиште за применета уметност „Лазар Личеноски“ – Скопје во 2004, дипломира на Факултетот за Ликовни уметности – Скопје , во класата на Жарко Башески во 2013 година. По дипломирањето работи паралелно на уметнички истражувања во насока на спојување на класичните медиуми во мултимедијална целина која опфаќа звук (музика) , форма (скулптура) , цртеж и боја. Првите интернационални референци ги добива во сферата на музиката и аудио-визуелните проекти , меѓутоа подоцна акцентот на неговото творештво се доближува кон традиционалните ликовни медиуми како сликарството и вајарството, низ повеќе самостојни и групни изложби во земјава и надвор. Во 2017 година го официјализира своето творештво отворајќи ја фирмата “ Креативна работилница ИГИМЕН “ со дејности, создавање и издавање на аудио записи и креирање на уметничко творештво. 2019 Solo Exibition "Analogy" @ TecklenborgMedia 2018 Solo Exhibition “ The German Experience” @ Kaffeekontor-Rheda-Wiedenbrück. 2017 Solo Exhibition “Portraits” @Public Room - Skopje 2017 Group Exhibition “ Young Artists and Their Guests” – Kavadarci 2016 Solo Exhibition “ Portraits “ @ New Orleans Club” Old Bazar- Skopje 2013 Group Exhibition “ Young Artists and Their Guests” – Kavadarci 2012 Group Exhibition “ Bosh Fest” - Gevgelija 2012 Grup Exhibition “Lazaropole Creative weekend “ Lazaropole

“Punish Him” – нова песна на македонскиот рок и блуз гитарист Игимен (ВИДЕО)

Антонио Димитриевски — Tue, 08 Sep 2020 08:37:51 +0000

Неодамна објавена е новата песна и видеоспотот на талентираниот и креативен млад автор и изведувач Игор Станоески – Игимен. “Punish Him” е насловот на темата за која музиката, текстот и аранжманот ги направил самиот Игор, која воедно е и водечка на истоимениот албум, на кој му претходеше дигиталното објавување на синглот “Ain’t Nobody Business”. Придружните вокали во оваа песна ги отпеала Рената Симоновска (Renne Simonne). Песната како и албумот се снимени во студиото “АлШар” во Скопје, под аудио-инжинерската палка на Ивица Јанкуловски. Видеото е снимено во истоименото студио од страна на Филип Филиповски како директор на фотографија и камера и Боро Арсовски – камера и техничка помош, додека за режијата која е во доменот на видео концепт како и монтажата и видео постпродукцијата се погрижил Оливер Станоевски. Гости - музичари на песната покрај стандардната ритам постава Пере Ангелов на бас гитара и Гоце Стевковски на тапани, се и Гордан Спасовски на пијано и Јордан Костов на хармоника. Песната претставува жанровски микс од блуз, рок и кантри музика, додека пак текстот е на англиски јазик и има сатиричен контекст. Во продолжение уживајте во најновото од Игимен: https://www.youtube.com/watch?v=_sHwBMwKkMo

игор станоески – Вистина.мк

Ликовна изложба – “Криза” на Игор Станоески во КИЦ

“Punish Him” – нова песна на македонскиот рок и блуз гитарист Игимен (ВИДЕО)