идеален број – Вистина.мк

Кој е идеалниот број на сексуални партнери кај поединецот?

Христина Ѓоргиевска — Wed, 13 Oct 2021 13:00:53 +0000

Новата анкета го открила идеалниот број на сексуални партнери кои што една личност треба да ги има, барем според мислењето на испитаниците - 1.000 жени и мажи. Истражувањето кое што го спровело британскиот сајт за запознавање „IllicitEncounters.com“ вклучувало 1.000 мажи и жени, а се докажало дека 52 отсто од испитаниците смета дека идеалниот број на сексуални партнери е 13. Според податоците, некои го одбиваат фактот што другата половина од испитаниците имала над 18 сексуални партнери. Очигледно, некои тоа го сметаат како знак дека еден човек може да биде неверен. Податоците исто така покажале дека 67 отсто од жените лажат за бројот на своите сексуални партнери, во однос на мажите чиј процент е 13. Тоа би можело да биде така поради тоа што жените се повнимателни во споделувањето на своите интимни подвизи за да изгледаат поконзервативни кон спротивниот пол, пренесува „Daily Star“. Дури 77 отсто од мажите изјавиле дека би имале сексуален однос со некој кој што на прв поглед ги привлекува, во споредба со жените - 39 отсто. Поголемиот дел од испитаниците не сакаат да ја знаат сексуалната историја на својот партнер Интересно е што повеќе мажи (59 отсто), отколку жени (46 отсто), сметаат дека големиот број на сексуалните партнери го прави некој помалку посакуван што сугерира дека секогаш постои социјална стигма во поглед на перцепцијата на промискуитетот меѓу половите. Според истражувањето само 31 отсто од мажите и жените сакаат да ја знаат сексуалната историја на својот партнер. Експертката за секс Џесика Леони вели дека голем број од луѓето ги одбиваат новите сексуални партнери затоа што не сакаат „тие да бидат само уште едни во низата“. „13 партнери е идеален број“ извор: точка.мк

Ова е идеалниот број на односи кој треба да го имате за долг живот

Слободанка Илиева — Fri, 26 Feb 2021 13:20:03 +0000

Сексот не е тука само заради репродукција, зближување со партнерот или за многумина, поради забава - во него лежи и многу повеќе од тоа. Со сексот можете да ја подобрите и здравствената состојба бидејќи е одличен начин за елиминирање на стресот, подобрување на сонот, намалување на крвниот притисок и зајакнување на имунитетот. И тоа не е сè - истражувањата покажуваат дека сексот може да го продолжи животот. Сепак, се поставува прашањето - колку често треба да се практикува? Научниците од универзитетот во Калифорнија го истражувале сексуалниот живот на 129 мајки кои биле во врска. Тие секој ден поднесувале извештаи, говорејќи колку биле задоволни од својата врска и колку често се интимни со своите партнери. Истражувачите, освен тоа, од нив зеле и примероци крв за да ги анализираат индикаторите на стареење. Кога ги споредиле нивните извештаи со крвните наоди, дошле до интересен образец. Имено, студијата покажала дека жените кои со своите партнери во текот на тие недели биле интимни барем еднаш неделно, имале многу подолги теломери од оние кои воопшто немале секс. Како што заклучиле истражувачите, сексот еднаш неделно е идеален број за забавување на стареењето и помош во одржување на своето здравје, но и љубовната врски. Со тоа, сексот еднаш неделно го продолжува животот! извор:точка.ком.мк

Кој е идеален број на сексуални партнери? Децата никогаш нема да ги надминат своите родители

Христина Ѓоргиевска — Mon, 08 Jun 2020 13:30:54 +0000

Научниците спровеле истражување и во својата студија дошле до совршен број партнери. Во истражувањето кој е идеалниот број сексуални партнери биле опфатени 1.000 лица кои учествуваа во онлајн анкетата на страницата за запознавање партнер „ “IllicitEncouters“. Прашањето било: колку партнери би сакале да имаат вашите партнери пред вас? Најголем број одговори биле помеѓу 8 и 12 сексуални партнери – тој одговор го избрале 38 проценти од жените и 37 проценти од мажите. Така, испитаниците од двата пола рекле дека бројот десет е всушност златна средина! Сè што е над бројот 20 е оценето како непривлечно – така велат три проценти од жените и четири проценти од мажите. Интересно е и истражувањето дека младите денес имаат помалку секс отколку нивните родители. Студијата, спроведена врз 33.000 испитаници, објавена во Архивата на сексуално однесување, користејќи сложени статистички анализи пресметала колку сексуални партнери ќе имаат младите луѓе пред да достигнат средна возраст. Студијата покажа дека денешната младина ќе има околу осум партнери во просек, додека нивните родители ќе имаат меѓу десет и 11 партнери до крајот на животот, па дури и еден од трите 20-годишници никогаш немал сексуален однос. – Вие мислите дека тие размислуваат само за секс, но тие се повеќе насочени кон деловниот успех. На 20 годишна возраст тие работат напорно и многу сериозно ги сфаќаат односите и посветеноста кон партнерот – тврди Хелен Фишер, антрополог од универзитетот Ратгерс. Оваа сериозност се сваќа и во нивното разбирање на ризичното однесување. – Тоа е генерација која порасна знаејќи за ХИВ и СИДА. Кога нивните родители беа на нивна возраст, тие болести не постоеја, а безгрижната љубов беше добра идеја – тврди професорот Кларк Џефри Арнет и додава дека младите луѓе користат кондоми во онаа мерка што нивните родители никогаш не го правеле. – Не само што имаат помалку сексуални партнери од нивните родители, туку и пијат помалку, пушат помалку, стапката на криминал е половина од пред 20 години и бројот на тинејџерски бремености се намали. Сето тоа е дел од трендот на помалку ризично однесување – посочува Арнет извор: ММС.МК

Кој е идеалниот број на сексуални партнери кај мажите и жените кој тие можат да го толерираат?

Христина Ѓоргиевска — Mon, 01 Jul 2019 12:35:43 +0000

Едно истражување утврдило дека мажите и жените имаат слични стандарди во врска со влегувањето во љубовни односи. Додека сите се внимателни со влегувањето во врска со личност која е невина, исто така ниту мажите ниту жените не сакаат врска со промискуентна личност која била со многу партнери. Луѓето кои имале многу партнери се сметаат за поголем потенцијал за пренесување на полови болести, но исто така за таа личност се смета дека има лоша навика за изневерување и менување партнери.

Во истражувањето биле вклучени 188 испитаници од кои 104 биле жени. Мажите се помалку строги кога станува збор за бројот на партнерите кои ги имала жената, особено кога бараат површна романса. Од друга страна пак, на жените им се одбивни мажите кои имале повеќе од шест партнерки, а мажите ги одбиваат жените кои имале повеќе од 11 партнери. Идеалниот број на партнери е 3. Реалноста е нешто поразлична па затоа често не се поклопува со желбите и претензиите на мажите и жените. Извор: точка.мк