хуманитарен концерт – Вистина.мк

На ФМУ: Хуманитарен концерт за настраданите од земјотресите во Турција и Сирија

Антонио Димитриевски — Mon, 20 Feb 2023 10:04:04 +0000

Денеска со почеток во 19 часот на Факултетот за музичка уметност, студентите и професорите ќе одржат хуманитарен концерт за настраданите од земјотресите во Турција и Сирија.

Кога човештвото се соочува со вакви трагедии и искушенија секој започнувајќи од себе треба да даде нешто свое за нов почеток. Болката за изгубен живот е огромна и отвора рани, но солидарноста е таа која ќе започне една нова етапа.

Ние како музичари, студенти и професори на Факултетот за музичка уметност ве повикуваме преку музика да дадеме нешто свое, за нас малку, за нив цело богатство. Ве покануваме да бидете дел од еден поразличен концерт на кој заеднички ќе укажеме почит и солидарност кон настраданите од земјотресите во Турција и Сирија. Концертот ќе се одржи на 20.2.2023 год.(понеделник) почнувајќи од 19 часот во големата сала на Факултетот за музичка уметност-Скопје. Влезот ќе биде слободен. Дополнително ќе бидат поставени кутии од Црвен крст и секој кој сака ќе може да донира според своите можности.

Програмата ќе биде исполнета од различни инструменти и изведувачи. Како специјални гости ќе настапат и Женскиот младински хор при МКЦ, велат организаторите.

Александар Митевски и Дац со хуманитарен настап за опожарениот дом на семејството Трајковски од општина Бутел

Антонио Димитриевски — Fri, 15 Jul 2022 11:33:01 +0000

Ве покануваме на хуманитарен настан кој ќе се одржи на 15.07.2022 (петок) година со почеток од 21 часот на игралиштето на ФК Локомотива - до А1 арената „Борис Трајковски“, на кој ќе настапат Александар Митевски и Дац.

Цена на хуманитарната влезница е 300 денари, а истата може да се набави на самиот влез или онлајн, на „Купи карти за се“. Собраните средства од хуманитарниот настан ќе се уплатат за изградба на семејната куќа на семејството Трајковски од Општина Бутел, која го изгуби својот дом во пожар.

Да бидеме хумани. Да се дружиме и да помогнеме за семејството Трајковски да добие нов дом.

Жељко Самарџиќ и Јоце Панов со хуманитарен концерт во Прилеп за малиот Дејан

Антонио Димитриевски — Wed, 02 Mar 2022 13:07:36 +0000

Балканската музичка ѕвезда Жељко Самарџиќ ќе одржи хуманитарен концерт во Прилеп за помош на мaлиот прилепчанец Дејан Најдоски. Имено, малиот Дејан има аутизам, досега успешно помина повеќе третмани со матични клетки во болница во Турција. Сега за подобрување на неговото здравје и понатаму сме му потребни ние и нашата хуманост. Концертот е закажан за 19-ти март со почеток во 20 часот во Универзалната сала во Прилеп (сала на Тутунски комбинат), каде Самарџиќ ќе настапи заедно со македонските изведувачи Јоце Панов и и прилепчанец Филип Николоски. Билетите се веќе во продажба по цена од 300 денари.

Саша Ковачевиќ на хуманитарен концерт во Прилеп, Кристина Димитриевска на „хуманитарна“ средба со него (ФОТО)

Антонио Димитриевски — Mon, 02 Dec 2019 08:54:51 +0000

Бившата на Даниел Кајмакоски е дефинитивно решена да стане ѕвезда, по секоја цена. Пејачка, манекенка, модел, мисица... па каде ќе запали, ќе запали! До душа, по разделбата со пејачот, таа навистина од петни жили се труди и вредно работи на себе и својот изглед. И тука нема што да и се забележи. Прво стана русокоса, па сега и синоока, а фигурата ја довела во состојба на предсовршенство... Телесните атрибути и однапред и одзади не и недостасуваат, па откако го пушти сексапилот на најако, атрактивната Кристина Димитриевска тргна да создава сопствена популарност. И за да избега од префиксот: „бившата на Даниел“, единственото нешто што и преостанува во билдањето на медиумски рејтинг и градење сопствен идентитет е некој „да ја поттурне“... на патот кон славата. А кој подобро би можел, ако не некој кој е и самиот во друштво на оние од врвот, како пејачот Саша Ковачевиќ на пример. Викендов регионалната ѕвезда беше во Прилеп, за да одржи хуманитарен концерт од кој сите собрани средства вклучувајќи го и неговиот хонорар беа наменети за подобрување на здравјето на две дечиња од Македонија. Истиов викенд, во 9-тата епизода на шоуто „Твоето лице звучи познато“ во Белград победи Даниел Кајмакоски, а наградата од 1.000 евра оди висто така во хуманитарни цели и тој ќе ја додели на една девојка која боледува од церебрална парализа и епилепсија. Она што ги поврзува двајцата естрадни хуманитарци - Кајмакоски и Ковачевиќ, покрај професијата, естрадата и нивниот чин на хумана добрина е токму Кристина Димитриевски. Бившата сопруга на првиот, верна пријателка на вториот.

View this post on Instagram

A post shared by Kristina? (@kristina.dimitry) on Nov 29, 2019 at 3:55am PST

Имено, русокосата убавица веројатно (не)случајно се најде токму во Прилеп, па својата дружба со српската ѕвезда ја овековечи на социјалните мрежи со фотографија. Пред бензинската пумпа под хотелот во која беше сместен Саша Ковачевиќ со неговата екипа во Прилеп! За карактерот на средбата не може да се зборува, освен ако не судите според насмевките од „уши до уши“ кај обајцата! А и ова не е прва средба на мисицата со пејачот, зашто му доаѓа некако, како реприза на скопската, кога неодамна пејачот настапуваше во еден локал во близината на македонската престолнина. И тогаш Кристина и тој се најдоа на исто место... во слична поза! Со блажена насмевка „од катник до катник“! https://arhiva.vistina.com.mk/radio-mileva/nasmeana-od-uvo-do-uvo-eks-soprugata-na-daniel-kajmakoski-vo-pregratka-na-sasha-kovachevikj-foto/

Саша Ковачевиќ прави голем хуманитарен концерт во Прилеп за Дејан Најдоски и Мартин Стојаноски

Антонио Димитриевски — Fri, 29 Nov 2019 09:11:07 +0000

Популарната балканска музичка ѕвезда Саша Ковачевиќ, на 30 ноември ќе одржи хуманитарен концерт во Прилеп. Големиот хуманитарен концерт е закажан во спортската сала „Maкедонија“,а собраните средства се за помош на Дејан Најдоски и Мартин Стојаноски. Ова е најверојатно прв случај кога музичар од регионот прави хуманитарен концерт за деца од Македонија. Концертот започнува во 21 часот, а влезниците се по цена од 200 денари. 22-ве годишниот Мартин е од струшкото село Дрслајца. Тој во тешка сообраќајна нecреќа се здоби со тешки телесни повpеди, поради кои сега се наоѓа во инвaлидcка количка. Станува збор за момче кое е фудбалски голман и одличен свирач на хармоника. Средствата се потребни за лeкување во Москва, Русија. Дејан Најдоски боледува од аутизам. За подобрување на неговата состојба беше потребно да замине на лекување и третман со матични клетки во болница во Турција. Сумата која беше потребна беа 54.000 евра, а досега Дејан успешно помина два третмани со матични клетки. За подобрување на неговата состојба потребни се нови два зафати со матични клетки. Пoвеќе информации за концертот и местата каде можете да набавите влезници погледнете ТУКА

Саша Ковачевиќ ќе одржи голем хуманитарен концерт во Прилеп за две дечиња

Антонио Димитриевски — Fri, 08 Nov 2019 10:42:51 +0000

Популарниот српски пејач и регионална поп ѕвезда Саша Ковачевиќ ќе одржи хуманитарен концерт во Прилеп, за помош на две деца на кои им е потребно скапо лекување.

Ова е веројатно првпат некој музичар од регионот да организира хуманитарен концерт во Македонија. Средствата кои ќе се соберат од концертот ќе бидат наменети за две деца – Мартин Стојаноски и Дејан Најдоски. Мартин е по потекло од струшкото село Дрслајца. Тој во тешка сообраќајна несреќа се здобил со тешки телесни повреди поради кои сега се наоѓа во инвалидска количка. Средствата ќе бидат наменети за негово лекување во Москва, Русија. Дејан е мало момче од Прилеп со аутизам, а за подобрување на неговата состојба треба да замине на лекување со матични клетки на клиника во Турција. Хуманитарниот концерт на Ковачевиќ ќе се одржи на 30-ти ноември во спортската сала „Сонце – ГА” во Прилеп, со почеток од 21 часот, а влезниците ќе се продаваат по цена од 200 денари. Музичарот го најави настанот и на својата официјална страница на Фејсбук.

Хуманитарен концерт – класична музика

Антонио Димитриевски — Mon, 18 Mar 2019 13:40:25 +0000

На 25 март – понеделник во Македонски народен театар ќе се одржи хуманитарен концерт – класична музика. На концертот ќе настапат Слободанка Ничевска – виолина, во пијано придружба на Магдица Манасиева. Специјален гостин на концертот ќе биде познатитот и еминентен виолинист, професор Михаило Куфојанакис . Да бидеме хумани, да им помогнеме на оние на кои најмногу им е потребно. Да се собереме сите на 25 март – понеделник во мала сцена во МНТ. Влезот е бесплатен, а билетите може да се подигнат од благајната на МНТ на 25.03. од 19-20 часот. Концертот почнува во 20:00часот. Концертот ќе има и хуманитарен карактер, ќе има кутија за донации. Собраните средства ќе бидат за Тоше Илиевски кој боледува од рак на линфни јазли. Влезот е слободен, гратис картите можат да се подигнат на денот на одржување на концертот, во период од 19-20h од билетарата на МНТ.

Концерт во чест на прерано загинатата Тамара Тодороска

Антонио Димитриевски — Mon, 13 Nov 2017 08:04:59 +0000

На денот кога Тамара Тодороска требаше да наполни 20 години, 23 декември, во МКЦ (хол на кино „Фросина“) ќе се одржи хуманитарен комцерт со симболична цена од 100 денари. Сите средства ќе бидат донирани во организацијата која што се грижи за дечиња со посебни потреби „Blue Firefly”. На концертот ќе настапа: Fiction, Man in a Suit, Nova Generacija, M. Dancev & Band, Desease, Morfej и TV Rage. Тамара почина во сообраќајна несреќа на 4 јуни годинава откако мотор со огромна брзина удри во неа во близина на пазарчето во Драчево. Во соопштението од МВР беше истакнато дека возачот бил под дејство на алкохол. Драчевчани по немилиот настан покренаа петиција за поставување сообраќајна сигнализација заради зголемување на безбедноста на жителите, чии животи се секојдневно изложени на ризик поради небезбедните улици и брзото возење. „Се надеваме дека со овој настан, со концертот на денот на твојот 20-ти роденден, ќе опфатиме дел од твоите идеали и ќе го продолжиме твоето дело да помогнеме некому. Поради професијата што одлучи да биде нејзина животна определба (дефектологија), да помага на децата со посебни потреби, средствата од овој концерт ќе бидат наменети во тие цели“ се вели во поканата за музичкиот настан кој е во организација на нејзиното семејство.