„Еден сон, една порака, една ѕвезда… милион насмевки’ – „Бекстејџ“ и домашната естрада во хуманитарна мисија!

Антонио Димитриевски — Tue, 22 Dec 2020 10:00:08 +0000

Естрадниот магазин „Бекстејџ“ организира хуманитарна акција во која ја вклучи и домашната естрада, а истата го носи името „Еден сон, една порака, една ѕвезда... милион насмевки“. Имено, во овој период од годината актуелни се новогодишните честитки, а екипата на „Бекстејџ“ во соработка со познатите личности реши на уникатен начин да ги изненади своите гледачи и фановите за прв пат ќе имаат можност да добијат специјална честитка од својот идол. На пример, доколку ваши идоли се двоецот „2Бона“ , сега имате посебна можност да добиете новогодишна честитка со желби од нив, а се што треба да направите е да донирате за некое болно дете преку телефонските броеви за донации кои што веќе се вртат на крол во рамки на емисиите на „Бекстејџ“, а истите можете да ги најдете и на официјалните страници на Инстаграм и Фејсбук на „Бекстејџ“ - @backstage_macedonia. Вашата донација фотографирајте ја преку опцијата screenshot која што ја имате на вашите мобилни телефони и пратете ни ја во ДМ, односно инбокс на нашите профили на социјалните мрежи. Честитката ќе пристигне во Вашиот дом за кратко, секако, виртуелно. Да бидеме хумани, среќни и насмеани!

Хуманите „ДНК“ во нова, возможна мисија: Кога детската насмевка ќе ја осветли темнината (ФОТО)

Антонио Димитриевски — Tue, 17 Dec 2019 11:11:35 +0000

Скопското ар ен би дуо „ДНК“ и годинава освен естрадно-музичките квалити ја покажа и својата хумана или подобро речено човечка страна! На Андреј и Панчо не им е ниту прв пат, ниту прв град, прво семејство, прва Нова Година да одвојат веме, дел од своите заработувачки, потегнат иницијатива и ги поттикнат нивните пријатели од познатите фирми да донираат одредени производи кои им се потребни и неопходни на луѓето од маргините, на социјалата од ранливите категории која едвај врзува крај со крај во животот. Овој пат тие го посетија социјално загрозеното шестчленото семејство Симоновски од скопско Ѓорче Петров и наместо Дедо Мраз ги израдуваа најмалите со пригодни новогодишни подароци, а на храбриот татко му донесоа дел од неопходните потребштини, за колку-толку барем малку попристоен живот! Покажаа дека ѕвездите најсилно блескаат не само на сцената, туку и во темнината во која за жал, се' уште живеат луѓето од маргините. Еве ја нивната приказна за почит и пофалба: „Денеска предновогодишно одвоивме време и бевме да го посетиме социјално загрозеното шестчленото семејство Симоновски од скопско Ѓорче Петров, каде бевме сведоци на уште една НЕПРАВДА, на уште една СУРОВА реалност со која што судбината решила да си поигра на не толку убав начин. Иако живеат во СУБСТАНДАРДНИ УСЛОВИ, таткото Ајнунр не дочекаа како вистински домаќини, а малите Алмир ( 11год ), Љубица ( 10год ), Јасмина ( 7год ), Леонида ( 4год ) и Анџело со само една и пол годинка, не ја тргнаа прекрасната насмевка од нивните невини детски лица додека разговаравме. Најмногу се изрдуваа на пакетчињата, а кулминацијата се случи кога ги отваравме играчките ( голема благодарност до Tea Colours за донацијата ) Дониравме храна и печка на дрва бидејќи немаат струја и како што може да забележите од сликите седат на свеќа во соба од 5 квадратни метри, а исто така во 21век/2020 година своите физиолошки и хигиенски потреби ги изврушуваат во полско веце и чешма надвор од “куќата” на неподносливи минусни температури. Ве замолуваме од СРЦЕ и апелираме до сите добри и хумани луѓе да помогнат во границата на своите можности, а исто така апелирам до сите јавни и надлежни институции ПРИОРИТЕТНО да ги решаваат ваквите проблем. Ниту еден човек, посебно не ДЕТЕ заслужува да има ваков живот и вакво детство!!! Сите оние кој сакаат и можат да помогнат на некаков начин, слободно да се обратат на таткото Ајнур на следниов број 077 82 43 28“.

хумана мисија – Вистина.мк

„Еден сон, една порака, една ѕвезда… милион насмевки’ – „Бекстејџ“ и домашната естрада во хуманитарна мисија!

Хуманите „ДНК“ во нова, возможна мисија: Кога детската насмевка ќе ја осветли темнината (ФОТО)