хрисанта монева – Вистина.мк

Еротска долна облека, жартиери, секси гаќички, провидни градници… вака се подготвуваа(т) за „Денот на вљубените“ познатите македонски убавици (ФОТО+ВИДЕО)

Антонио Димитриевски — Sat, 17 Feb 2024 10:26:52 +0000

14-ти февруари или Св. Валентин, за оние што ќе го прескокнат Св. Трифун. Денот на вљубените, во кој љубовта се споделува повеќе од вообичаеното, се покажува со внимание, подароци, размена на чувства и нежности... Најчесто во пријатна ресторанска атмосфера, со добра закуска, чаша вино и влажни погледи на вљубените партенери. А потоа... второ полувреме. Она каде што волшебната игра на сетилата го започнува својот љубовен танц, па емоциите сами итаат во прегратка на страстите, чиј наплив предизвикува бура од слатки воздишки и кулминација од задоволства... Амор и Ерос кај и да е, наздравуваат со црвено вино, додека го прославуваат чинот, поскаувајќи тој што подолго да трае! Но за такавата претстава потребна е и посебна подготовка. Особено онаа која ја негува понежниот пол, кој е оној кој треба да се допадне, привлече, намами, предизвика, освои, „запали“... А дамите не само што не се имуни на ова, туку прават се да изгледат што попожелно и попривлечно, за Денот на вљубените особено. Па уште ако имаат добар повод и уште подобра причина за тоа... Изгледот од соништата, особено оние еротските, уште во старт ги бранува страстите. А долната облека е таа што ја поместува границата и замаглува реалноста, претворајќи ја стварноста во страсна еротска бајка. Три познати македонски дами покажаа како се подготвуваат кога го чекаат Денот (или можеби ноќта) на вљубените. Во долна облека од еротските соништа, со различен вкус, но со стил кој го потенцира сиот нивен сексапил.

View this post on Instagram

A post shared by Eleonora Kochovska (@__elle.m__)

Елеонора Нора некогаш Миљковиќ, сега г-ѓа Кочовска, најпознатата македонска ријалити учесничка, модел и ТВ РЕД водителка е секси зајачица, налик на оние од насловниците на најпознатиот светски машки магазин на сите времиња. Секси убавица која зрачи со еротски набој кој ја поместува тенката граница на она што ги дразни машките мисли и сетила… Елеонора слободно им допушта па дури и ги повикува да влезат во нејзините соништа, зашто таа ионака е веќе во нивните… Како и не би, кога штом ја видите таа е како „бисер во отворена школка“, провокативна, пожелна, привлечна, секси… до болка! На нејзините следбеници им остануваат само мечтите, а она реалното завршува како благослов во рацете на нејзиниот човек. Блазеси му на тој господин, со кој го споделува овој чин на размена на нежности и за Свети Валентин! Кристина Димитри(евска), екс - македонската мисица и модел, а се' повеќе естрадна уметница, чија убавина излезе на виделина дури откако излезе од брачните прегратки на многу попознатиот сопружник. Оттогаш кариерата во подем, на неколку полиња, а убавината, зачинета со сета еротика која телесниот ракош и ја дозволува, како и нексротливиот сексапил со кој Бог на надарил. За Денот на вљубените Кристина посебно подготвена, за што самата се отвори и откри дека одново има добра причина ... Во долна облека од нежно бела провидна тантела со еротски набој кој ги дразни сите сетила и поглед кој повикува, ставајќи го нејзиниот среќник пред свршен чин... Наместо да наздрави со Св.Трифун, „да му се фрли во жешки прегратки“ на Св. Валентин!

View this post on Instagram

A post shared by Nakit Bling Bling (@blingbling.mk)

Хрисанта Монева е најмалку позната девојка. Не е јавна личност иако може да се смета на некој начин за таква, секоја што ќе влезе во врска со „големиот брат“ од Куманово, ријалити ѕвездата, модел, инфлуенсер, трапер,спортски работник и општински советник, кумановецот Дарко - Спејко. Дека неговите прегратки и годат, а нему нејзиното извајано манекенско тело и сиот телесен раскош што го поседува, обајцата веќе во неколку наврати јавно покажаа . Но, Денот на вљубените е момнетот кога треба на љубовта и љубовните страсти човек целосно да им се препушти, па вакавата можност затоа не смее да се пропушти. Раскошната убавица очигледно тоа добро го знае, зашто проверениот рецепт и претходно веќе го применила... Па затоа сликовито доловила како овој пат се подготвила на својот пастув да му приреди ноќ за паметење, во која ќе му подари уште една тура незаборавни мигови. Фото: Инстаграм принтскрин/eros.underwear/_elle.m/kristina.dimitry/hrisantam

Дарко Спејко на „ол инклузив“ во Египет: Некогашниот ријалити победник денес општински советник ужива во сите летни задоволства во древната земја (ФОТО)

Антонио Димитриевски — Fri, 04 Aug 2023 07:50:29 +0000

Дарко Петковски попознат како Дарко-Спејко, некогаш ријалити победник во „Големиот брат“, моден блогер, модел, инфлуенсер, рапер, спортски директор и денес конечно општински советник ова лето ужива за сите пари. Впрочем во убавините и животните удобства Спејко отскогаш и знаел да ужива, но ова лето решил да биде на „ол инклузив“ одмор, а како егзотична дестинација го одбрал древниот Египет. Во земјата на фараоните, младиот тазе политичар никако не заминал сам. Впрочем откако е во врска со атрактивната Хрисанта Монева, од рускосата убавица никако не се одвојува. Особено не кога треба да се делат задоволствата кои ги пружаат ваквите егзотични патувања, на кои вљубената двојка ужива за сите пари во сите погодности. Прекрасниот ресорт со отворени базени и освежителни коктели преку ден... Вкусната егзотична храна и разните оријентални слатки задоволства се само дел од понудата за хранење на душата. Онаа другата, духовната храна доаѓа потоа... Средбата со вечните почивалишта на фараоните и посетата на пирамидите и сфингите во Гиза... А потоа и дел од богатото културно благо во музејот во Кајро. Возењето квад и прошетка со истиот низ песочната пустината само ја дополнува авантурата по пеколната жештина, која сепак на крај се сведува на чисто задоволство кое ретко, па дури можеби и само еднаш се пружа во животот. За разлика од оние, во кои секојдневно може да уживате ако крај себе ја имате онаа вистинската која знае и умее како со вас да ужива. Впрочем, досега споделените искуства на општинскиот советник и неговата сексапилна придружничка доволно говорат. Како и последната нејзина селфи фотографија во секси долна облека која наговестува дека топлата египетска ноќ била долга... и бурна! „Ол инклузив“! Фото: Инстаграм/spejko/hrisantam

Дарко – Спејко многу нешта смени, професиите, девојките, стилот… но не и навиките во автомобилот: На „драјв тач“ со својот совозач (ФОТО)

Антонио Димитриевски — Tue, 08 Nov 2022 09:12:31 +0000

Познатиот кумановец Дарко - Спејко кого реалното шоу „Големиот брат“ го лансираше во светот на популарните по сите хобија и професии однеодамна има нова. Од ријалити ѕвезда, модел, моден блогер, инфлуенсер, рапер, спортски директор на кошаркарски клуб, а по последните локални избори и политичар. Имено, Дарко Пековски попознат како Спејко сега е член на Советот на Општина Куманово. Нова улога, нова фнкција, нов имиџ... И во ликот и во аутфитот. Се ново, па дури и девојката, ако врската со атрактивната пробиштипјанка Хрисанта може така да се нарече, која баш и не функционира од вчера, ама не ни одат „сто години“! Спејко многу тоа промени на себе и надвор од себе: професиите, девојките, стилот... само едно - НЕ, навиките додека го вози автомобилот. Нееее, не е во прашање некакво непочитување на сообраќајните знаци, правила и прописи, иако... И дејствието што го прави кога до себе има атрактивен, секси совозач носи своевиден ризик и тоа по две безбедносни основи, особено ако со својот совозач си на „драјв тач“ (drive tuch) . Кога се вози сам , Спејко најчесто умее да запее... Репертоарот веројатно зависи од расположението, или она што го нуди радиостаницата на чија фреквенција се затекнало радиото во автомобилот. Арно ама, кога до себе има атрактивна убавица, следува „љубовна лудница“. Имено, уште од времето додека беше во „прочуената“ љубовна романса со сексапилната модна блогерка, струмичанката Љупка Митрова, Спејко обилно го користеше автомобилот за да и го „провери сексапилот“! И со оние кои подоцна дојдоа „во минување“ низ неговиот љубовен живот, Спејко остана верен на стилот, па и тие не останаа да не поминат „нечепнати“ во автомобилот. Дамите се менуваа, а неговата сегашна девојка Хрисанта Монева е онаа која во моментов е се' уште актуелна и официјална негова понежна половина. Со него е секаде и секогаш кога Спејко има време, па кога одат да се прошетаат или забавуваат од една до друга дестинација, таа најчесто го придружува на совозачкото седиште. Дали понесен од возбудата што покрај себе вози таква убавица или едноставно верен на старата невика, Спејко тешко додржува да не пружи рака и среде возење. Менувачот ставен во соодветната брзина, а раката на возачот на нејзините колена... Или нешто малку погоре, за да ја помилува разголената бутина, на како по правило, секогаш сексапилната совозачка. Не дека размената на допири и нежности не е дозволена, ама не е баш ни препорачлива кога се вози, особено со поголема брзина. Зашто некому може да му надвладее возбудата, па да се фати за „рачната“ и... Ете ти белја голема! Арно ама... Навика си е навика... Особено ако на неа си „навлечен“! Од оваа „автомобилскава“, Спејко очигледно тешко се откажува! Фото: Инстаграм принтскрин/spejko

Спејко и Хрисанта споделија љубов во природа: Реприза на минатото? (ФОТО)

Антонио Димитриевски — Tue, 05 Jul 2022 09:24:30 +0000

Две сродни души, еден во друг „зацопани до уши“… Барем така изгледаат Дарко-Спејко и неговата веќе и не толку нова девојка Хрисанта. Уште една најнова потврда дека кумановецот и пробиштипјанката се во серизона љубов, доказ се најновите фото-парчиња на двете вљубени гулапчиња. Повеќе од очигледно е дека русокосата убавица не се двои од своето „медиумски познато момче“ со кое очигледно ја „затераа врската“, а зошто и не би, ако „љубовта им цути“?! Вљубената двојка како доказ сподели нови фотографии, овој пат од уште едно ново заедничко патување, во познатиот туристички бисер - Блед во Словенија. Службено или приватно, или можеби Спејко и Хрисанта споиле „убаво и корисно“ - сеедно... Убавините на езерото и прекраснаото опкружување обајцата ги искористија за малку уживање и релаксација во природа. Впрочем љубовта таму и најдобро се споделува. И додека долгоногата убавици клекната на колена во леопардови бикини ги сончаше своите раскошни телесни облини во поза на менкенка, нејзиниот љубовник ужива до неа, ама во сенка. Имено, додека Хрисанта го лови секој сончев зрак на себе за со помош на планинското сонце да го затемни својот тен, Спејко на поинаков начин го искористи сончевиот ден. Убавицата во полн сјај, со фул шминка на себе и модерни очила за сонце заносно позира, “големиот брат“ ги сонча само ножните прсти додека ја фотографира! Целата оваа љубовна идила потсетува на едно друго не така одамнешно време, кога шармантниот кумановец беше во „голема љубов“ со неговата Инстаграм-колешка, инфлуенсерка и модна блогерка, струмичкиот модел Љупка Митрова која како и сегашната девојка, од Спејко беше неразделна. Сепак „љубовната идила“ колку и да изгледаше идеално, заврши неславно. Дали тоа значи дека она: „24/7 заедно“ ја убива љубовта или во прашање беа други работи, никој од нив потоа не проговори?! Ако е она првото, белким „големиот брат“ од Куманово ја научил лекцијата, па нема да ја повтори грешката, иако мора да признаете дека присуството на сексапилната пробиштипјанка во било чија близина е само по себе повеќе од возбуда, па Спејко меѓу останатото ризикува со „реприза на минатото“?! Можеби затоа Спејко тешко и одолева, особено ако е на ред практична примена на содржината од последната книга, која сексапилната Хрисанта неодамна самата обзнани дека ја (про)читала!? Фото: Инстаграм принтскрин/hrisantam/spejko

Што чита новата девојка на Дарко Спејко: Хрисанта дава или зема часови по, знаете веќе што…? (ФОТО)

Антонио Димитриевски — Thu, 12 May 2022 07:51:39 +0000

Летото наближува, време е да се размислува за годишни одмори, но и зачестени викенди зашто временските услови се се подобри, а деновите подолги и посончеви! А моментите за време на престојот во природа и особено на плажа, меѓу остананатото можат да се пополнат со читање книга. нешто што неретко го гледаме додека на пример се сончаме покрај морскиот или езерскиот песочен брег. Книгата велат е најдобриот нематеријален човеков пријател и не се далеку од вистината. Единствено останува дилемата кој колку и особено кој што чита? Какво четиво, која литература? Новата девојка на „Големиот брат“ од Куманово, Дарко Спејко не е исклучок од кажаното, зашто барем споделеното на нејзиниот Инстаграм, Хрисанта Монева меѓу другото е и голем љубител на книгата! Во се која можна пригода, особено во природа или на плажа долгоногата убавица се дружи со книгата... Така барем покажува! Атрактивната пробиштипјанка чекаше да дојде саемот на книгата за да го прошири својот избор на омилена литература, која ја релаксира и забавува, но која може и да едуцира и од неа многу нешта да се научат! Особено ако одбраната литература е со содржина која ги третира машко - женските односи... Како и да е, литературниот избор на русокосаа убавица овој пат ем поучен, ем практичен. До душа не е баш „Камасутра“ во прашање, ама не е ни „мало сутра“... Што можеш денес, не оставај за утре... Меѓудругото и кога е во прашање читањето, а и практикувањето на прочитаното. Единствена дилема што тоа ова лето ќе чита Хрисанта, самата ја расчисти, па на својот профил на социјалните мрежи го понуди одговорот: Хрисанта ја чита „Часови по секс“! Случаен или намерен избор, можеби предлог од некого? Ако не ја знаете содржината на книгата веднаш ќе се запрашате, има ли можност од истата нешто да се научи, па практично да се примени? И ако е така, кој кого ќе едуцира? Хрисанта е подготвена да дава или да зема часови по... знаете веќе што? Спејко до сега, барем на објавените фотографии покажа дека е прилично „едуциран“ по тоа прашање! Та не би бил тој што е, да нема свој стил во љубовно споделување на емоциите и особено страстите. Усталена практика која одамна ја практикува уште со бившите…! А и Хрисанта од досега споделеното, изгледа дека бргу се вклопила во усталеното! Така барем и самата покажа во неколку наврати … И на отворен и во затворен простор! Оттаму чуди и изборот на книжевното дело на русокосата убавица, кое ако не сте го прочитале, еве мал вовед за што се работи, што тоа пишува во неговата содржина: Како и да е, најважно е да се чита. Што и да прочиташ, побогат си за едно знење, за едно искуство, какво и да е... Впрочем, никогаш не се знае, кога ќе ти притреба!? Фото: Архива + Инстагрма принтскрин/hrisantam

Ги разгореа страстите: Спејко и Хрисанта со нова жешка поза од одмор „горат“ повеќе од жешките температури (фото)

Христина Ѓоргиевска — Thu, 05 Aug 2021 08:53:02 +0000

Откако му заврши љубовно-естрадната сага со модната блогерка и инфлуенсерка, струмичанката Љупка Митрова, кумановецот Дарко Спејко досега не обелодени дали има девојка и е во нова љубовна врска....се до неодамна. Имено, Спејко на своите профили на социјалните мрежи сподели летна фотографија како гушнат лежи покрај истата онаа дама со која неодамна споделуваше заеднички фотографии. овој пат обајцата очигледно на летен одмор или само викенд, сеедно, ама секако заедно, делуваат прилично интимно… На лежалки во костим и за капење, гушнати или поточно Спејко во нејзините прегратки. Отука започнаа и шпекулациите дека кумановецот е во љубовна врска поатрактивната пробиштипјанка, Хрисанта Монева. Тој не се огласи да потврди или демантира дека има нова девојка, но затоа тука се нивните заеднички фотографии од летниот одмор. После Љупка во љубов со Хрисанта: Дали е ова новата девојка на Дарко – Спејко? (ФОТО) – Вистина.мк (vistina.com.mk) Имено, тие прво споделија заедничко селфи, разголени, испружени на плажа, а веднаш во очи ќе ви падне и бујното деколте на Хрисанта. Потоа следеше и фотографијата на која тазе парот е во љубовен занес или жешки прегратки. Имено, Спејко на својот Инстаграм објави фотографија на која девојката му седи во скут, доближена до него и за малку нејзините усни да ги спушти во неговите усни и повторно во фокусот падна нејзините атрибути поточно нејзиниот задник фотографиран во крупен кадар. Нема сомнеж дека Спејко има добар вкус, а и дамите знаат што бираат, кога него го одбираат. фото: Инстаграм/дарко спејко

После Љупка е во љубов со Хрисанта: Дали е ова новата девојка на Дарко – Спејко? (ФОТО)

Антонио Димитриевски — Wed, 07 Jul 2021 08:54:36 +0000

Откако му заврши љубовно-естрадната сага со модната блогерка и инфлуенсерка, струмичанката Љупка Митрова, таа сосема исчезна и се повлече, бришејќи ја таа епизода од својот живот за јавноста, со тоа што ги „ресетираше“ своите профили на социјалните мреќи, додека Дарко - Спејко не го видовме одново во сериозна љубовна врска… „Чат - пат“ по некој излет, колку за еротска фотосесија со која знаеше да ја „заскокотка“ јавноста или за по некоја убаво помината вечер „за една, две, три... прилики“ и толку... Во меѓувреме Спејко смени професија, се стекна со академска диплома, стана спортски директор на КК Куманово, пропеа... Се' на се', кариерата на кумановецот во пораст, љубовта во стагнација... барем онаа вистинската. така барем мислеше јавноста, која очигледно била во заблуда, зашто Спејко веројатно поучен од претходното искуство со струмичката блогерка и модел, овој пат решил да се „пази оддалеку“... Додека се може, секако, а љубовта не стане доволно сериозна за да не порерасне и во „јавна тајна“. Токму до тука некаде по се ' изгледа стигна она што на емотивен план во моментов му се случува на некогашниот победник во „Големиот брат“?! Авантурите со „љубопитните прсти во неговите и туѓите гаќички за обострано задоволство“ очигледно се блиско минато, зашто однеодамна по се' изгледа Спејко е одново заљубен?! Колку и дали, допрва ќе видиме, но она што веќе во неколку наврати можеме да го видиме е дека покрај себе има нова убавица, а со истата се појавува на неколку последни фотографии, меѓукои и на последната. Имено, Спејко на своите профили на социјалните мрежи сподели летна фотографија како гушнат лежи покрај истата онаа дама со која неодамна споделуваше заеднички фотографии. овој пат обајцата очигледно на летен одмор или само викенд, сеедно, ама секако заедно, делуваат прилично интимно... На лежалки во костим и за капење, гушнати или поточно тСпејко во нејзините прегратки. Од она што може да се заклучи, во прашање е Македонка која студира на универзитет во Благоевград - Бугарија. Висока, згодна, атрактивна, сексапилна, вистинска убавица каква што на спејко и му доликува... Отука и прашањето кое ја дополнува дилемата: Дали Дарко - Спејко после сексапилната струмичанка Љупка Митрова е во нова врска, овој пат со уште поатрактивната пробиштипјанка, Хрисанта Монева? Сите индиции меѓу кои и онаа на размената на емотикони со срца на социјалните мрежи наведуваат дека популарниот кумановец сепак е во сериозна врска и има нова девојка... „за озбилно“! Впрочем, Спејко отсекогаш имал вкус да одбере, а и дамите знаат што бираат, кога него го одбираат. И без оглед кој кому каде „му брца“, кумановецот очигледно ги знае „сите трикови на ѓаволот“ на патот до женските срца, нешто што веќе оддамна го апсолвиравме. Останува само прашањето: Дали Хрисанта, конечно е вистинската варијанта? Фото: Фејсбук и Инстаграм принтскрин/spejko/Hrisanta Moneva